ਬਿਓਰੋ। ਰਾਜ ਸਭਾ ‘ਚ ਵਿਰੋਧੀ ਧਿਰ ਦੇ ਲੀਡਰ ਅਤੇ ਕਾੰਗਰਸ ਦੇ ਸੀਨੀਅਰ ਆਗੂ ਰਹੇ ਗੁਲਾਮ ਨਬੀ ਆਜ਼ਾਦ ਦੇ ਅਸਤੀਫ਼ੇ ਤੋੰ ਬਾਅਦ ਕਾੰਗਰਸ ਵਿੱਚ ਇੱਕ ਵਾਰ ਫਿਰ ਘਮਸਾਣ ਤੇਜ਼ ਹੁੰਦਾ ਨਜ਼ਰ ਆ ਰਿਹਾ ਹੈ। ਪੰਜਾਬ ਤੋੰ ਕਾੰਗਰਸ ਸਾੰਸਦ ਮਨੀਸ਼ ਤਿਵਾੜੀ ਨੇ ਹੁਣ ਫੇਰ ਤੇਵਰ ਵਿਖਾਉਣੇ ਸ਼ੁਰੂ ਕਰ ਦਿੱਤੇ ਹਨ।
ਮਨੀਸ਼ ਤਿਵਾੜੀ ਨੇ ਕਿਹਾ ਕਿ 2 ਸਾਲ ਪਹਿਲਾੰ ਅਸੀੰ 23 ਆਗੂਆੰ ਨੇ ਕਾੰਗਰਸ ਪ੍ਰਧਾਨ ਸੋਨੀਆ ਗਾੰਧੀ ਨੂੰ ਪੱਤਰ ਲਿਖ ਕੇ ਦੱਸਿਆ ਸੀ ਕਿ ਕਾੰਗਰਸ ਦੇ ਹਾਲਾਤ ਚਿੰਤਾਜਨਕ ਹਨ, ਜਿਸ ‘ਤੇ ਵਿਚਾਰ ਕਰਨ ਦੀ ਲੋੜ ਹੈ। ਜੇਕਰ ਪਾਰਟੀ ਲੀਡਰਸ਼ਿਪ ਨੇ ਸਹੀ ਮਾਇਨਿਆੰ ‘ਚ ਉਸ ਨੂੰ ਲਿਆ ਹੁੰਦਾ, ਤਾੰ ਇਹ ਹਾਲਾਤ ਨਹੀੰ ਹੁੰਦੇ।
ਮੈੰ ਕਿਰਾਏਦਾਰ ਨਹੀੰ, ਹਿੱਸੇਦਾਰ ਹਾੰ- ਤਿਵਾੜੀ
ਮਨੀਸ਼ ਨੇ ਅੱਗੇ ਕਿਹਾ, “ਸਾਨੂੰ ਕਿਸੇ ਤੋੰ ਸਰਟੀਫਿਕੇਟ ਲੈਣ ਦੀ ਲੋੜ ਨਹੀੰ ਹੈ। ਮੈੰ ਇਸ ਪਾਰਟੀ ਨੂੰ 42 ਸਾਲ ਦਿੱਤੇ ਹਨ। ਮੈੰ ਇਹ ਪਹਿਲਾੰ ਵੀ ਕਹਿ ਚੁੱਕਿਆ ਹਾੰ, ਅਸੀੰ ਕਾੰਗਰਸ ਦੇ ਕਿਰਾਏਦਾਰ ਨਹੀੰ ਹਾੰ, ਅਸੀੰ ਮੈੰਬਰ ਹਾੰ। ਹੁਣ ਜੇਕਰ ਤੁਸੀੰ ਧੱਕੇ ਮਾਰ ਕੇ ਕੱਢਣ ਦੀ ਕੋਸ਼ਿਸ਼ ਕਰੋਗੇ, ਤਾੰ ਵੇਖਿਆ ਜਾਵੇਗਾ।”
ਆਜ਼ਾਦ ਦੀ ਚਿੱਠੀ ‘ਤੇ ਕਮੈੰਟ ਨਹੀੰ
ਮਨੀਸ਼ ਤਿਵਾੜੀ ਨੇ ਕਿਹਾ, “ਮੈੰ ਗੁਲਾਮ ਨਬੀ ਆਜ਼ਾਦ ‘ਤੇ ਕਮੈੰਟ ਨਹੀੰ ਕਰਨਾ ਚਾਹੁੰਦਾ। ਉਹਨਾੰ ਦੀ ਚਿੱਠੀ ਦੇ ਗੁਣ-ਦੋਸ਼ ‘ਚ ਨਹੀੰ ਜਾਣਾ ਚਾਹੁੰਦਾ। ਉਹ ਸਮਝਾਉਣ ਦੀ ਸਭ ਤੋੰ ਚੰਗੀ ਸਥਿਤੀ ‘ਚ ਹੋਣਗੇ।” ਤਿਵਾੜੀ ਨੇ ਕਿਹਾ ਕਿ ਕਾੰਗਰਸ ਦੇ ਬਗੀਚੇ ਨੂੰ ਬਹੁਤ ਸਾਰੇ ਲੋਕਾੰ ਨੇ ਪਰਿਵਾਰਾੰ ਨੇ ਆਪਣੇ ਖੂਨ ਨਾਲ ਸੰਜੋਇਆ ਹੈ। ਜੇਕਰ ਕਿਸੇ ਨੂੰ ਕੁਝ ਮਿਲਿਆ, ਤਾੰ ਉਹ ਖੈਰਾਤ ‘ਚ ਨਹੀੰ ਮਿਲਿਆ ਹੈ।
ਆਜ਼ਾਦ ਨੇ ਰਾਹੁਲ ਗਾੰਧੀ ‘ਤੇ ਚੁੱਕੇ ਸਵਾਲ
ਸੋਨੀਆ ਗਾੰਧੀ ਨੂੰ ਭੇਜੇ 5 ਪੰਨਿਆੰ ਦੇ ਅਸਤੀਫ਼ੇ ਵਿੱਚ ਗੁਲਾਮ ਨਬੀ ਅਜ਼ਾਦ ਨੇ ਰਾਹੁਲ ਗਾੰਧੀ ‘ਤੇ ਸਿੱਧਾ ਹਮਲਾ ਬੋਲਿਆ। ਆਜ਼ਾਦ ਨੇ ਕਿਹਾ ਕਿ ਰਾਹੁਲ ਨੇ ਹੀ ਪਾਰਟੀ ਨੂੰ ਬਰਬਾਦ ਕੀਤਾ ਹੈ ਅਤੇ ਇਹ ਬਰਬਾਦੀ ਉਦੋੰ ਸ਼ੁਰੂ ਹੋ ਗਈ, ਜਦੋੰ 2013 ਵਿੱਚ ਰਾਹੁਲ ਗਾੰਧੀ ਨੇ UPA ਸਰਕਾਰ ਦਾ ਆਰਡੀਨੈੰਸ ਮੀਡੀਆ ਦੇ ਸਾਹਮਣੇ ਫਾੜ ਕੇ ਸੁੱਟ ਦਿੱਤਾ ਸੀ। ਆਜ਼ਾਦ ਨੇ ਰਾਹੁਲ ਦੀ ਸਮਰੱਥਾ ‘ਤੇ ਸਿੱਧੇ ਸਵਾਲ ਚੁੱਕੇ ਅਤੇ ਕਿਹਾ ਕਿ ਉਹ ਚਾਪਲੂਸਾੰ ਨਾਲ ਘਿਰੇ ਹਨ।
