ਬਿਓਰੋ। ਅਕਾਲੀ ਦਲ ਦੇ ਤੇਜ਼ ਤਰਾਰ ਆਗੂ ਬਿਕਰਮ ਮਜੀਠੀਆ ਆਪਣੇ ਕੱਟੜ ਵਿਰੋਧੀ ਨਵਜੋਤ ਸਿੰਘ ਸਿੱਧੂ ਦੇ ਖਿਲਾਫ਼ ਚੋਣ ਮੈਦਾਨ ਵਿੱਚ ਉਤਰ ਗਏ ਹਨ। ਸ਼ੁੱਕਰਵਾਰ ਨੂੰ ਉਹਨਾਂ ਨੇ ਅੰਮ੍ਰਿਤਸਰ ਈਸਟ ਸੀਟ ਤੋਂ ਆਪਣਾ ਨਾਮਜ਼ਦਗੀ ਪੱਤਰ ਦਾਖਲ ਕੀਤਾ। ਅੰਮ੍ਰਿਤਸਰ ਈਸਟ ਦੇ ਨਾਲ ਹੀ ਮਜੀਠੀਆ ਨੇ ਮਜੀਠਾ ਹਲਕੇ ਤੋਂ ਵੀ ਆਪਣਾ ਪਰਚਾ ਭਰਿਆ। ਮਜੀਠੀਆ 2007 ਤੋਂ ਲਗਾਤਾਰ ਮਜੀਠਾ ਹਲਕੇ ਤੋਂ ਜਿੱਤ ਕੇ ਵਿਧਾਨ ਸਭਾ ਪਹੁੰਚ ਰਹੇ ਹਨ, ਪਰ ਆਪਣੇ ਸਿਆਸੀ ਕਰੀਅਰ ਵਿੱਚ ਮਜੀਠੀਆ ਪਹਿਲੀ ਵਾਰ ਮਜੀਠਾ ਹਲਕੇ ਦੇ ਬਾਹਰ ਚੋਣ ਲੜ ਰਹੇ ਹਨ।
'Raaj nahi Seva' is our only aim. Filed the nomination from Majitha as well as Amritsar East constituency. The warmth & enthusiasm of the people, Akali-BSP workers, especially the youth, clearly indicates that Punjabis have immense faith in the Akali-BSP alliance. pic.twitter.com/Jj1ouZ9qfl
— Bikram Singh Majithia (@bsmajithia) January 28, 2022
ਅੰਮ੍ਰਿਤਸਰ ਈਸਟ ਤੋਂ ਪਰਚਾ ਭਰਦੇ ਹੀ ਮਜੀਠੀਆ ਸਿੱਧੂ ਤੇ ਜੰਮ ਕੇ ਵਰ੍ਹੇ। ਮਜੀਠੀਆ ਨੇ ਕਿਹਾ ਕਿ ਅੰਮ੍ਰਿਤਸਰ ਦੇ ਲੋਕ ਚਾਹੁੰਦੇ ਹਨ ਕਿ ਇਸ ਵਾਰ ਸਿੱਧੂ ਨੂੰ ਹਰਾਇਆ ਜਾਵੇ। ਬਦਲਾਖੋਰੀ ਦੀ ਨੀਤੀ ਦੇ ਕਾਰਨ ਈਸਟ ਹਲਕੇ ਦਾ ਵਿਕਾਸ ਨਹੀਂ ਹੋਇਆ। ਅੱਜ ਵੀ ਈਸਟ ਹਲਕੇ ਵਿੱਚ ਪਾਣੀ, ਸੜਕ ਅਤੇ ਸੀਵਰੇਜ ਵੱਡੀ ਸਮੱਸਿਆਵਾਂ ਹਨ। ਲੋਕਾਂ ਨੇ ਮਜੀਠਾ ਦਾ ਵਿਕਾਸ ਵੇਖਿਆ ਹੈ ਅਤੇ ਵੋਟਰ ਹੀ ਉਹਨਾਂ ਨੂੰ ਜਿਤਾਉਣਗੇ।
ਭੈਣ ਦੇ ਬਹਾਨੇ ਵੀ ਸਿੱਧੂ ਤੇ ਹਮਲਾ
ਨਵਜੋਤ ਸਿੱਧੂ ਤੇ ਉਹਨਾਂ ਦੀ ਭੈਣ ਵੱਲੋਂ ਲਗਾਏ ਗਏ ਇਲਜ਼ਾਮਾਂ ਨੂੰ ਲੈ ਕੇ ਵੀ ਮਜੀਠੀਆ ਨੇ ਹਮਲਾ ਬੋਲਿਆ। ਮਜੀਠੀਆ ਨੇ ਕਿਹਾ ਕਿ ਰੱਬ ਅਜਿਹਾ ਪਿਤਾ ਤੇ ਭਰਾ ਕਿਸੇ ਨੂੰ ਨੇ ਦੇਵੇ।
ਕਾਬਿਲੇਗੌਰ ਹੈ ਕਿ ਅਕਾਲੀ ਦਲ ਬੀਜੇਪੀ ਗਠਜੋੜ ਵਿੱਚ 2007 ਤੋਂ ਪਹਿਲਾਂ ਇਹ ਸੀਟ ਅਕਾਲੀ ਦਲ ਦੇ ਕੋਲ ਹੀ ਸੀ, ਪਰ ਨਵਜੋਤ ਸਿੰਘ ਸਿੱਧੂ ਲਈ ਇਸ ਸੀਟ ਨੂੰ ਬੀਜੇਪੀ ਦੇ ਹਵਾਲੇ ਕਰ ਦਿੱਤਾ। ਬਹਿਰਹਾਲ, ਹੁਣ ਹਾਲਾਤ ਬਦਲ ਚੁੱਕੇ ਹਨ, ਹੁਣ ਮਜੀਠੀਆ ਅਤੇ ਸਿੱਧੂ ਇਸ ਸੀਟ ਤੇ ਆਹਮੋ ਸਾਹਮਣੇ ਹਨ। ਪਿਛਲੀ ਵਾਰ ਸਿੱਧੂ ਨੇ ਇਸ ਸੀਟ ਤੇ 40 ਹਜ਼ਾਰ ਤੋਂ ਵੱਧ ਵੋਟਾਂ ਦੇ ਫਰਕ ਨਾਲ ਜਿੱਤ ਹਾਸਲ ਕੀਤੀ ਸੀ, ਪਰ ਇਸ ਵਾਰ ਸਿੱਧੂ ਲਈ ਵੀ ਰਾਹ ਆਸਾਨ ਨਹੀਂ ਹੈ।
