ਦਿੱਲੀ। ਪੰਜਾਬ ਦੀ ਸਿਆਸਤ ਵਿੱਚ ਇੱਕ ਹੋਰ ਨਵਾਂ ਗਠਜੋੜ ਤਿਆਰ ਹੋ ਗਿਆ ਹੈ। ਕੈਪਟਨ ਅਮਰਿੰਦਰ ਸਿੰਘ ਅਤੇ ਬੀਜੇਪੀ ਦੇ ਨਾਲ ਅਕਾਲੀ ਆਗੂ ਸੁਖਦੇਵ ਸਿੰਘ ਢੀਂਡਸਾ ਨੇ ਹੱਥ ਮਿਲਾ ਲਏ ਹਨ। ਸੋਮਵਾਰ ਨੂੰ ਅਮਿਤ ਸ਼ਾਹ ਅਤੇ ਜੇਪੀ ਨੱਢਾ ਨਾਲ ਹੋਈ ਮੁਲਾਕਾਤ ਤੋਂ ਬਾਅਦ ਤਿੰਨੇ ਪਾਰਟੀਆਂ ਨੇ ਗਠਜੋੜ ਦਾ ਰਸਮੀ ਐਲਾਨ ਕਰ ਦਿੱਤਾ।
ਇਸ ਤਰ੍ਹਾਂ ਹੋਵੇਗੀ ਸੀਟਾਂ ਦੀ ਵੰਡ
ਕੈਪਟਨ, ਬੀਜੇਪੀ ਅਤੇ ਅਕਾਲੀ ਦਲ (ਸੰਯੁਕਤ) ਨੇ ਸੀਟਾਂ ਦੀ ਵੰਡ ਲਈ 6 ਮੈਂਬਰੀ ਕਮੇਟੀ ਦਾ ਗਠਨ ਕੀਤਾ ਹੈ। ਇਸ ਕਮੇਟੀ ਵਿਚ ਸਾਰੀਆਂ ਪਾਰਟੀਆਂ ਦੇ 2-2 ਆਗੂ ਹੋਣਗੇ। ਇਹ ਕਮੇਟੀ ਹੀ ਤੈਅ ਕਰੇਗੀ ਕਿ ਕਿਸ ਸੀਟ ਤੋਂ ਕਿਸ ਪਾਰਟੀ ਦਾ ਉਮੀਦਵਾਰ ਮੈਦਾਨ ਵਿੱਚ ਹੋਵੇਗਾ। ਇਸਦੇ ਨਾਲ ਹੀ ਤਿੰਨੇ ਪਾਰਟੀਆਂ ਵੱਲੋਂ ਸਾਂਝਾ ਮੈਨੀਫੈਸਟੋ ਵੀ ਜਾਰੀ ਕੀਤਾ ਜਾਵੇਗਾ।
Met with Union HM @AmitShah, @BJP4India President @JPNadda, Punjab Incharge @gssjodhpur & Shiromani Akali Dal (Sanyukt) President Sukhdev Dhindsa to discuss details of the alliance for the upcoming assembly elections. Look forward to working together to give Punjab a stable govt. pic.twitter.com/Wfvod6CTDo
— Capt.Amarinder Singh (@capt_amarinder) December 27, 2021
ਇਸ ਫਾਰਮੂਲੇ ‘ਤੇ ਲੜੀ ਜਾਵੇਗੀ ਚੋਣ
ਸੂਤਰਾਂ ਮੁਤਾਬਕ, ਪੰਜਾਬ ਵਿੱਚ ਬੀਜੇਪੀ ਸ਼ਹਿਰਾਂ ‘ਚ ਕਿਸਮਤ ਅਜ਼ਮਾਏਗੀ। ਪੰਜਾਬ ਦੀਆਂ ਕੁੱਲ 117 ਸੀਟਾਂ ਵਿੱਚੋਂ 40 ਸ਼ਹਿਰੀ ਸੀਟਾਂ ਹਨ, ਜਿਨ੍ਹਾਂ ਵਿੱਚ ਬੀਜੇਪੀ ਆਪਣਾ ਉਮੀਦਵਾਰ ਖੜ੍ਹਾ ਕਰ ਸਕਦੀ ਹੈ। ਇਸ ਤੋਂ ਇਲਾਵਾ 51 ਸੈਮੀ ਅਰਬਨ ਸੀਟਾਂ ਵਿੱਚ ਵੀ ਸ਼ਹਿਰੀ ਵੋਟ ਜਿਆਦਾ ਹੈ, ਉਥੇ ਬੀਜੇਪੀ ਦਾ ਕੈਂਡੀਡੇਟ ਹੋਵੇਗਾ। ਪੇਂਡੂ ਇਲਾਕਿਆਂ ਵਿੱਚ ਕੈਪਟਨ ਅਮਰਿੰਦਰ ਸਿੰਘ ਦੀ ਪਾਰਟੀ ਪੰਜਾਬ ਲੋਕ ਕਾਂਗਰਸ ਅਤੇ ਸੁਖਦੇਵ ਢੀਂਡਸਾ ਦੀ ਸ਼੍ਰੋਮਣੀ ਅਕਾਲੀ ਦਲ (ਸੰਯੁਕਤ) ਦੇ ਉਮੀਦਵਾਰ ਉਤਾਰੇ ਜਾਣਗੇ।
ਕਿਸਾਨਾਂ ਦੀ ਐਂਟਰੀ ਨਾਲ ਦਿਲਚਸਪ ਹੋਈ ਲੜਾਈ
ਪੰਜਾਬ ਵਿੱਚ ਕਿਸਾਨ ਜਥੇਬੰਦੀਆਂ ਵੀ ਸਿਆਸੀ ਮੈਦਾਨ ‘ਚ ਉਤਰ ਚੁੱਕੀਆਂ ਹਨ। 22 ਕਿਸਾਨ ਜਥੇਬੰਦੀਆਂ ਨੇ ਸੰਯੁਕਤ ਸਮਾਜ ਮੋਰਚੇ ਦੇ ਨਾਂਅ ਹੇਠ ਆਪਣੀ ਪਾਰਟੀ ਬਣਾ ਲਈ ਹੈ। ਕਿਸਾਨ ਜਥੇਬੰਦੀਆਂ ਫਿਲਹਾਲ ਆਪਣੇ ਦਮ ‘ਤੇ 117 ਸੀਟਾਂ ‘ਤੇ ਚੋਣ ਲੜਨ ਦੀ ਗੱਲ ਕਰ ਰਹੀਆਂ ਹਨ, ਪਰ ਚਰਚਾ ਹੈ ਕਿ ਕਿਸਾਨ ਆਗੂਆਂ ਦੀ ਆਮ ਆਦਮੀ ਪਾਰਟੀ ਦੇ ਨਾਲ ਗੱਲਬਾਤ ਚੱਲ ਰਹੀ ਹੈ ਅਤੇ ਦੋਹਾਂ ਵਿਚਾਲੇ ਗਠਜੋੜ ਹੋ ਸਕਦਾ ਹੈ। ਸਿਆਸਤ ਵਿੱਚ ਕਿਸਾਨਾਂ ਦੀ ਐਂਟਰੀ ਨਾਲ ਬੀਜੇਪੀ-ਕੈਪਟਨ-ਢੀਂਡਸਾ ਦੇ ਗਠਜੋੜ ਦੀ ਰਾਹ ਵੀ ਅਸਾਨ ਨਹੀਂ ਹੋਵੇਗੀ।
