September 13, 2022
(Chandigarh)
ਪੰਜਾਬ ‘ਚ ਆਮ ਆਦਮੀ ਪਾਰਟੀ ਵੱਲੋੰ ਬੀਜੇਪੀ ‘ਤੇ ਲਾਏ ‘ਆਪਰੇਸ਼ਨ Lotus’ ਦੇ ਇਲਜ਼ਾਮਾੰ ‘ਤੇ ਸੂਬੇ ਵਿੱਚ ਸਿਆਸੀ ਪਾਰਾ ਚੜ੍ਹ ਗਿਆ ਹੈ। ਇਲਜ਼ਾਮਾੰ ਤੋੰ ਭੜਕੇ ਬੀਜੇਪੀ ਆਗੂਆੰ ਨੇ ਉਲਟਾ ‘ਆਪ’ ‘ਤੇ ਹੀ ਇਲਜ਼ਾਮ ਲਾਇਆ ਕਿ ਆਪਣੇ ਘਪਲਿਆੰ ਅਤੇ ਨਾਕਾਮੀ ਤੋੰ ਧਿਆਨ ਭਟਕਾਉਣ ਲਈ ਬੇਤੁਕੀ ਬਿਆਨਬਾਜ਼ੀ ਕੀਤੀ ਜਾ ਰਹੀ ਹੈ। ਬੀਜੇਪੀ ਆਗੂਆੰ ਨੇ ਪਾਰਟੀ ‘ਤੇ ਲਗਾਏ ਜਾ ਰਹੇ ਇਲਜ਼ਾਮਾੰ ਨੂੰ ਸਿਰੇ ਤੋੰ ਖਾਰਜ ਕੀਤਾ।
ਸ਼ਰਾਬ ਘੁਟਾਲੇ ਤੋੰ ਧਿਆਨ ਭਟਕਾਉਣ ਦੀ ਕੋਸ਼ਿਸ਼- ਸਿਰਸਾ
ਬੀਜੇਪੀ ਆਗੂ ਮਨਜਿੰਦਰ ਿਸੰਘ ਸਿਰਸਾ ਨੇ ਕਿਹਾ, “ਜਦੋੰ ਵੀ ਆਮ ਆਦਮੀ ਪਾਰਟੀ ਵੱਲੋੰ ਕੀਤੇ ਜਾੰਦੇ ਕਰੱਪਸ਼ਨ ਦੇ ਖੁਲਾਸੇ ਹੁੰਦੇ ਹਨ, ਤਾੰ ‘ਆਪ’ ਉਸ ਤੋੰ ਧਿਆਨ ਭਟਕਾਉਣ ਲਈ ‘ਆਪਰੇਸ਼ਨ ਲੋਟਸ’ ਦਾ ਬਹਾਨਾ ਕਰਨ ਲੱਗਦੀ ਹੈ॥ 25-25 ਕਰੋੜ ਦੀ ਨੌਟੰਕੀ ਕੀਤੀ ਜਾੰਦੀ ਹੈ, ਪਰ ਵਿਧਾਇਕਾੰ ਦੇ ਨਾੰਅ ਨਹੀੰ ਦੱਸੇ ਜਾੰਦੇ।” ਸਿਰਸਾ ਨੇ ਕਿਹਾ ਕਿ ਪਹਿਲਾੰ ਦਿੱਲੀ ‘ਚ ਇਹ ਡਰਾਮਾ ਕੀਤਾ ਗਿਈਆ, ਤੇ ਹੁਣ ਜਦੋੰ 23 ਹਜ਼ਾਰ ਕਰੋੜ ਦਾ ਸ਼ਰਾਬ ਘੁਟਾਲਾ ਪੰਜਾਬ ‘ਚ ਸਾਹਮਣੇ ਆਇਆ, ਤਾੰ ਇਥੇ ਵੀ ਓਹੀ ਨੌਟੰਕੀ ਸ਼ੁਰੂ ਕਰ ਦਿੱਤੀ।
ਸਿਰਸਾ ਨੇ ਸਰਕਾਰ ਨੂੰ ਦੋ-ਟੁੱਕ ਕਿਹਾ, “ਪੰਜਾਬ ‘ਚ ਸਰਕਾਰ ਤੁਹਾਡੀ ਹੈ, ਪੁਲਿਸ ਤੁਹਾਡੇ ਕੋਲ ਹੈ, ਤੁਸੀੰ ਦੋਸ਼ੀਆੰ ਨੂੰ ਗ੍ਰਿਫ਼ਤਾਰ ਕਿਉੰ ਨਹੀੰ ਕਰਦੇ। ਜੇਕਰ ਤੁਹਾਨੂੰ ਪਤਾ ਹੈ ਕਿ 1375 ਕਰੋੜ ਰੁਪਏ ਰੱਖੇ ਹਨ, ਤਾੰ ਇਹ ਵੀ ਪਤਾ ਹੋਵੇਗਾ ਕਿ ਕਿਥੇ ਰੱਖੇ ਹਨ, ਤੁਸੀੰ ਪੁਲਿਸ ਲਿਜਾ ਕੇ ਚੁੱਕ ਕੇ ਲੈ ਆਓ।”
ਆਪਣੇ ਬੋਝ ਨਾਲ ਹੀ ਡਿੱਗੇਗੀ ‘ਆਪ’ ਦੀ ਸਰਕਾਰ- ਸੁਭਾਸ਼ ਸ਼ਰਮਾ
ਬੀਜੇਪੀ ਆਗੂ ਸੁਭਾਸ਼ ਸ਼ਰਮਾ ਨੇ ਕਿਹਾ, “ਆਮ ਆਦਮੀ ਪਾਰਟੀ ਵਿੱਚ ਫੁੱਟ ਪਈ ਹੋਈ ਹੈ। ਕੇਜਰੀਵਾਲ ਅਤੇ ਭਗਵੰਤ ਮਾਨ ਦੀ ਪਹਿਲਾੰ ਤੋੰ ਚੱਲ ਰਹੀ ਲੜਾਈ ਹੁਣ ਜਨਤੱਕ ਹੋ ਗਈ ਹੈ, ਇਹੀ ਕਾਰਨ ਹੈ ਕਿ ਜਦੋੰ ਭਗਵੰਤ ਮਾਨ ਵਿਦੇਸ਼ ਦੌਰੇ ‘ਤੇ ਹਨ, ਤਾੰ ਉਹਨਾੰ ਦੇ ਮੰਤਰੀ ਅਜਿਹੀ ਪ੍ਰੈੱਸ ਕਾਨਫ਼ਰੰਸ ਕਰ ਰਹੇ ਹਨ।” ਉਹਨਾੰ ਕਿਹਾ, “ਕੇਜਰੀਵਾਲ ਪੰਜਾਬ ‘ਚ ਦਖਲਅੰਦਾਜ਼ੀ ਬੰਦ ਕਰਨ। ਰਾਘਵ ਚੱਢਾ ‘ਤੇ ਨੱਥ ਪਾਉਣ, ਤਾੰ ਹੀ ‘ਆਪ’ ਫੁੱਟ ਦੇ ਰਾਹ ‘ਤੇ ਜਾਣ ਤੋੰ ਬੱਚ ਸਕੇਗੀ।” ਉਹਨਾੰ ਜ਼ੋਰ ਦੇ ਕੇ ਕਿਹਾ ਕਿ ‘ਆਪ’ ਦੀ ਸਰਕਾਰ ਜਦੋੰ ਵੀ ਡਿੱਗੇਗੀ, ਆਪਣੇ ਬੋਝ ਕਾਰਨ ਹੀ ਡਿੱਗੇਗੀ, ਬੀਜੇਪੀ ਦਾ ਇਸ ਵਿੱਚ ਕੋਈ ਰੋਲ ਨਹੀੰ ਹੋਵੇਗਾ।
ਅਸੀੰ 90 ਵਿਧਾਇਕ ਖਰੀਦ ਸਕਦੇ ਹਾੰ?- ਜਿਆਣੀ
ਸਾਬਕਾ ਮੰਤਰੀ ਸੁਰਜੀਤ ਕੁਮਾਰ ਜਿਆਣੀ ਨੇ ਵੀ ਬੀਜੇਪੀ ਦੇ ਇਲਜ਼ਾਮਾੰ ‘ਤੇ ਪਲਟਵਾਰ ਕੀਤਾ। ਜਿਆਣੀ ਨੇ ਕਿਹਾ, “ਆਪ ਕੋਲ 92 ਵਿਧਾਇਕ ਹਨ ਤੇ ਸਾਡੇ ਕੋਲ ਮਹਿਜ਼ 2 ਵਿਧਾਇਕ ਹਨ। ਕੀ ਅਸੀੰ ਇਹਨਾੰ ਦੇ 90 ਵਿਧਾਇਕ ਖਰੀਦ ਸਕਦੇ ਹਾੰ?” ਉਹਨਾੰ ਕਿਹਾ ਕਿ ਮਹਿਜ਼ ਅਸਲ ਮੁੱਦਿਆੰ ਤੋੰ ਧਿਆਨ ਭਟਕਾਉਣ ਲਈ ਇਹ ਇਲਜ਼ਾਮ ਲਗਾਏ ਜਾ ਰਹੇ ਹਨ, ਕਿਉੰਕਿ ਵਾਅਦੇ ਪੂਰੇ ਨਾ ਕਰਨ ਦੇ ਚਲਦੇ ਇਹ ਆਪਣੇ ਹਲਕਿਆੰ ‘ਚ ਲੋਕਾੰ ‘ਚ ਵਿਚਰ ਨਹੀੰ ਪਾ ਰਹੇ।
ਅਨਿਲ ਸਰੀਨ ਦਾ ਹਰਪਾਲ ਚੀਮਾ ਨੂੰ ਸਿੱਧਾ ਚੈਲੇੰਜ
ਬੀਜੇਪੀ ਆਗੂ ਅਨਿਲ ਸਰੀਨ ਨੇ ਬੀਜੇਪੀ ‘ਤੇ ਤਿੱਖਾ ਪਲਟਵਾਰ ਕੀਤਾ ਅਤੇ ਸਿੱਧੇ-ਸਿੱਧੇ ਹਰਪਾਲ ਚੀਮਾ ਨੂੰ ਚੈਲੇੰਜ ਕੀਤਾ। ਉਹਨਾੰ ਕਿਹਾ, “ਜੇਕਰ ਦਮ ਹੈ ਤਾੰ ਉਹਨਾੰ ਨਾਵਾੰ ਨੂੰ ਜਨਤੱਕ ਕੀਤਾ ਜਾਵੇ, ਜਿਹਨਾੰ ਨੂੰ ਖਰੀਦਣ ਦੀ ਕੋਸ਼ਿਸ਼ ਹੋਈ। ਜਿਹਨਾੰ ਨੰਬਰਾੰ ਤੋੰ ਫੋਨ ਆਏ, ਉਹ ਨੰਬਰ ਜਨਤੱਕ ਕੀਤੇ ਜਾਣ।” ਉਹਨਾੰ ਕਿਹਾ ਕਿ ‘ਆਪ’ ਨੇ ਸਿਆਸਤ ਨੂੰ ਮਜ਼ਾਕ ਹੀ ਸਮਝ ਰੱਖਿਆ ਹੈ। ਹਰ ਚੌਥੇ ਦਿਨ ਇਹ ਕਹਿਣ ਲੱਗ ਜਾੰਦੇ ਹਨ ਕਿ ਸਾਨੂੰ ਖਰੀਦਣ ਦੀ ਕੋਸ਼ਿਸ਼ ਹੋਈ। ਉਹਨਾੰ ਪੁੱਛਿਆ, “ਤੁਸੀੰ ਭੇਡ-ਬਕਰੀਆੰ ਹੋ, ਜਿਹੜਾ ਤੁਹਾਨੂੰ ਖਰੀਦਿਆ ਜਾਵੇਗਾ।”
ਤੁਹਾਨੂੰ ਕੋਈ 25 ਰੁਪਏ ਵੀ ਨਾ ਦੇਵੇ- ਵੇਰਕਾ
ਕਾੰਗਰਸ ਤੋੰ ਬੀਜੇਪੀ ਵਿੱਚ ਗਏ ਆਗੂ ਰਾਜ ਕੁਮਾਰ ਵੇਰਕਾ ਨੇ ਵੀ ਇਹਨਾੰ ਸਾਰੇ ਇਲਜ਼ਾਮਾੰ ਨੂੰ ਕੇਜਰੀਵਾਲ ਦੀ ਡਰਾਮੇਬਾਜ਼ੀ ਕਰਾਰ ਦਿੱਤਾ। ਉਹਨਾੰ ਕਿਹਾ, “ਤੁਸੀੰ 25 ਕਰੋੜ ਰੁਪਏ ਦੀ ਗੱਲ ਕਰ ਰਹੇ ਹੋ, ਤੁਹਾਨੂੰ ਤਾੰ ਕੋਈ 25 ਰੁਪਏ ਨਾ ਦੇਵੇ।” ਵੇਰਕਾ ਨੇ ਕਿਹਾ ਕਿ ‘ਆਪ’ ਦੇ ਵਿਧਾਇਕ ਖੁਦ ਦੁਖੀ ਹੋ ਕੇ ਭੱਜਣਾ ਚਾਹੁੰਦੇ ਹਨ। ਤੁਹਾਡੇ ਝੂਠ ਅਤੇ ਝੂਠੇ ਵਾਅਦਿਆੰ ਤੋੰ ਤੰਗ ਆ ਕੇ ਦੂਜੀਆੰ ਪਾਰਟੀਆੰ ‘ਚ ਜਾਣਾ ਚਾਹੁੰਦੇ ਹਨ। ਬੀਜੇਪੀ ਨੂੰ ਵੀ ਇਹ ਵਿਧਾਇਕ ਸੰਪਰਕ ਕਰ ਰਹੇ ਹਨ।
‘ਆਪ’ ਨੇ ਲਗਾਏ ਸਨ ਸਰਕਾਰ ਗਿਰਾਉਣ ਦੀ ਕੋਸ਼ਿਸ਼ ਦੇ ਇਲਜ਼ਾਮ
ਕਾਬਿਲੇਗੌਰ ਹੈ ਕਿ ਆਮ ਆਦਮੀ ਪਾਰਟੀ ਨੇ ਬੀਜੇਪੀ ‘ਤੇ ਇਲਜ਼ਾਮ ਲਗਾਏ ਹਨ ਕਿ ਬੀਜੇਪੀ ਪੰਜਾਬ ਵਿੱਚ ਉਹਨਾੰ ਦੇ ਵਿਧਾਇਕਾੰ ਨੂੰ ਖਰੀਦਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਅਤੇ ਆਪਰੇਸ਼ਨ ਲੋਟਸ ਚਲਾ ਰਹੀ ਹੈ। ਖਜ਼ਾਨਾ ਮੰਤਰੀ ਹਰਪਾਲ ਚੀਮਾ ਨੇ ਦਾਅਵਾ ਕੀਤਾ ਕਿ ਉਹਨਾੰ ਦੇ ਵਿਧਾਇਕਾੰ ਨੂੰ ਫੋਨ ਕਰਕੇ 25-25 ਕਰੋੜ ਰੁਪਏ ਤੱਕ ਆਫਰ ਕੀਤੇ ਜਾ ਰਹੇ ਹਨ।(ਇਥੇ ਪੜ੍ਹੋ ਪੂਰੀ ਖ਼ਬਰ)
