October 27, 2022
(Ferozpur)
ਪੰਜਾਬ ਨੂੰ ਦਹਿਲਾਉਣ ਦੀ ਨਾਪਾਕ ਸਾਜ਼ਿਸ਼ ਇਕ ਵਾਰ ਮੁੜ ਨਾਕਾਮ ਹੋਈ ਹੈ। ਫਿਰੋਜ਼ਪੁਰ ਵਿੱਚ ਭਾਰਤੀ ਸਰਹੱਦ ‘ਤੇ BSF ਜਵਾਨਾਂ ਨੇ ਹਥਿਆਰਾਂ ਦਾ ਵੱਡਾ ਜ਼ਖੀਰਾ ਬਰਾਮਦ ਕੀਤਾ ਹੈ, ਜੋ ਜ਼ਾਹਿਰ ਤੌਰ ‘ਤੇ ਭਾਰਤ ਖਾਸਕਰ ਪੰਜਾਬ ਨੂੰ ਤਬਾਹ ਕਰਨ ਲਈ ਵਰਤਿਆ ਜਾਣਾ ਸੀ। ਇਹਨਾਂ ਵਿੱਚ AK-47 ਰਾਈਫਲਾਂ ਵੀ ਸ਼ਾਮਲ ਹਨ। ਵੀਰਵਾਰ ਦੀ ਸ਼ਾਮ ਕਰੀਬ 7 ਵਜੇ BOP ਜਗਦੀਸ਼, ex-136 Bn, ਸੈਕਟਰ- ਫਿਰੋਜ਼ਪੁਰ ਦੇ ਜਵਾਨਾਂ ਨੇ ਜ਼ੀਰੋ ਲਾਈਨ ‘ਤੇ ਤਲਾਸ਼ੀ ਦੌਰਾਨ ਇਹ ਜ਼ਖੀਰਾ ਬਰਾਮਦ ਕੀਤਾ ਹੈ।
ਬਰਾਮਦ ਕੀਤੇ ਹਥਿਆਰਾਂ ਦੇ ਜ਼ਖੀਰੇ ਦਾ ਵੇਰਵਾ ਇਸ ਪ੍ਰਕਾਰ ਹੈ:-
3 AK-47 ਰਾਈਫਲਾਂ ਅਤੇ 6 ਮੈਗਜ਼ੀਨ
3 ਮਿਨੀ AK-47 ਰਾਈਫਲਾਂ(ਬ੍ਰਾਂਡ ਦਾ ਪਤਾ ਲਗਾਇਆ ਜਾ ਰਿਹਾ ਹੈ) ਅਤੇ 5 ਮੈਗਜ਼ੀਨ
3 ਪਿਸਟਲ(ਬਰੇਟਾ ਟਾਈਪ) ਅਤੇ 6 ਮੈਗਜ਼ੀਨ
200 ਗੋਲਾ-ਬਾਰੂਦ (100 ਰਾਊਂਡ ਰਾਈਫਲ ਤੇ 100 ਰਾਊਂਡ ਪਿਸਟਲ ਦੇ)
ਬਹਿਰਹਾਲ, ਪੂਰੇ ਮਾਮਲੇ ਦੀ ਅਗਲੀ ਕਾਰਵਾਈ ਨੂੰ ਪੰਜਾਬ ਪੁਲਿਸ ਨੂੰ ਇਸ ਬਾਬਤ ਸੂਚਿਤ ਕਰ ਦਿੱਤਾ ਗਿਆ ਹੈ ਅਤੇ ਪੁਲਿਸ ਜਾਂਚ ਵਿੱਚ ਜੁਟ ਗਈ ਹੈ।
