ਬਿਓਰੋ। ਬੇਅਦਬੀ ਕੇਸ ਵਿੱਚ ਦੋਸ਼ੀਆਂ ਖਿਲਾਫ਼ ਕਾਰਵਾਈ ਨਾ ਕਰਨ ਅਤੇ ਗੁਟਕਾ ਸਾਹਿਬ ਦੀ ਝੂਠੀ ਸਹੁੰ ਖਾਣ ਸਮੇਤ ਕਈ ਤਰ੍ਹਾਂ ਦੇ ਇਲਜਾਮਾਂ ਹੇਠ ਕੁਰਸੀ ਤੋਂ ਹਟਾਏ ਗਏ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਲਗਭਗ ਹਰ ਮੰਚ ਤੋਂ ਕਹਿੰਦੇ ਰਹੇ ਹਨ ਕਿ ਉਹਨਾਂ ਨੇ ਆਪਣੇ ਕਾਰਜਕਾਲ ਦੌਰਾਨ ਕੋਈ ਵੀ ਅਜਿਹਾ ਕੰਮ ਨਹੀਂ ਕੀਤਾ, ਜਿਸ ਨੂੰ ਉਹ ਆਪਣੀ ਗਲਤੀ ਮੰਨਦੇ ਹੋਣ ਜਾਂ ਜਿਸ ਲਈ ਉਹਨਾਂ ਨੂੰ ਸ਼ਰਮਿੰਦਾ ਹੋਣਾ ਪਵੇ। ਪਰ ਹੁਣ ਕੈਪਟਨ ਅਮਰਿੰਦਰ ਸਿੰਘ ਨੇ ਖੁਦ ਮੰਨਿਆ ਹੈ ਕਿ ਉਹਨਾਂ ਨੇ ਆਪਣੇ ਕਾਰਜਕਾਲ ਦੌਰਾਨ ਇੱਕ ਬਹੁਤ ਵੱਡੀ ਗਲਤੀ ਕੀਤੀ ਹੈ। ਬੇਸ਼ੱਕ ਇਹ ਬਿਆਨ ਸਿਆਸਤ ਤੋਂ ਪ੍ਰੇਰਿਤ ਹੈ, ਪਰ ਜੇਕਰ ਇਸ ਬਿਆਨ ‘ਚ ਥੋੜ੍ਹੀ ਜਿਹੀ ਵੀ ਸੱਚਾਈ ਹੈ, ਤਾਂ ਇਹ ਚਿੰਤਾ ਦਾ ਵਿਸ਼ਾ ਹੈ।
ਦਰਅਸਲ, ਇੱਕ ਮੀਡੀਆ ਇੰਟਰਵਿਊ ਵਿੱਚ ਸੀਐੱਮ ਚੰਨੀ ‘ਤੇ ਲੱਗੇ ਗੈਰ-ਕਾਨੂੰਨੀ ਮਾਈਨਿੰਗ ਦੇ ਇਲਜਾਮਾਂ ‘ਤੇ ਬੋਲਦਿਆਂ ਕੈਪਟਨ ਨੇ ਕਿਹਾ ਕਿ ਉਹਨਾਂ ਨੂੰ ਆਪਣੇ ਕਾਰਜਕਾਲ ਦੌਰਾਨ ਵੀ ਚੰਨੀ ਸਮੇਤ ਕਈ ਹੋਰਨਾਂ ਲੀਡਰਾਂ ਦੇ ਮਾਈਨਿੰਗ ਵਿੱਚ ਸ਼ਾਮਲ ਹੋਣ ਦੀ ਖ਼ਬਰ ਲੱਗੀ ਸੀ, ਪਰ ਉਹਨਾਂ ਨੇ ਮਹਿਜ਼ ਇਸ ਲਈ ਕਾਰਵਾਈ ਨਹੀਂ ਕੀਤੀ, ਕਿਉਂਕਿ ਉਹ ਕਾਂਗਰਸ ਪ੍ਰਤੀ ਵਫਾਦਾਰ ਸਨ।
‘.@CHARANJITCHANNI is lying. As CM, I got inputs that he & many other @INCPunjab leaders from top to bottom were involved in mining mafia. I told Sonia Gandhi but I didn't take action out of loyalty to @INCIndia – the only mistake I made in my entire tenure.': @capt_amarinder pic.twitter.com/RggYpv2zuv
— Raveen Thukral (@RT_Media_Capt) January 22, 2022
ਕੈਪਟਨ ਨੇ ਕਿਹਾ, “ਚਰਨਜੀਤ ਚੰਨੀ ਝੂਠ ਬੋਲ ਰਹੇ ਹਨ। ਬਤੌਰ ਸੀਐੱਮ, ਮੈਨੂੰ ਇਨਪੁੱਟ ਮਿਲੇ ਸਨ ਕਿ ਚੰਨੀ ਸਮੇਤ ਉੱਪਰ ਤੋਂ ਲੈ ਕੇ ਥੱਲੇ ਤੱਕ ਕਈ ਕਾਂਗਰਸੀ ਆਗੂ ਮਾਈਨਿੰਗ ਮਾਫੀਆ ਵਿੱਚ ਸ਼ਾਮਲ ਹਨ। ਮੈਂ ਸੋਨੀਆ ਗਾਂਧੀ ਨੂੰ ਕਿਹਾ ਸੀ ਕਿ ਮੈਂ ਕਾਂਗਰਸ ਪ੍ਰਤੀ ਵਫਾਦਾਰੀ ਦੇ ਨਾਤੇ ਕੋਈ ਐਕਸ਼ਨ ਨਹੀਂ ਲਿਆ। ਇਹ ਇਕਲੌਤੀ ਗਲਤੀ ਸੀ, ਜੋ ਮੈਂ ਆਪਣੇ ਪੂਰੇ ਕਾਰਜਕਾਲ ਦੌਰਾਨ ਕੀਤੀ।“
#MeToo ਕੇਸ ‘ਚ ਸਾਥ ਦੇਣ ‘ਤੇ ਵੀ ਜਤਾਇਆ ਅਫਸੋਸ
ਇਸ ਤੋਂ ਪਹਿਲਾਂ ਕੈਪਟਨ ਅਮਰਿੰਦਰ ਸਿੰਘ ਚੰਨੀ ਨਾਲ ਜੁੜੇ #MeToo ਕੇਸ ਵਿੱਚ ਵੀ ਉਹਨਾਂ ਦਾ ਸਾਥ ਦੇਣ ‘ਤੇ ਅਫਸੋਸ ਜਤਾ ਚੁੱਕੇ ਹਨ। ਕੈਪਟਨ ਵੱਲੋਂ ਬੀਤੇ ਦਿਨ ਬਿਆਨ ਦਿੱਤਾ ਗਿਆ ਸੀ, “ਚਰਨਜੀਤ ਚੰਨੀ ਮੇਰੇ ਪੈਰਾਂ ‘ਤੇ ਡਿੱਗ ਪਏ ਸਨ ਅਤੇ ਜਿੰਦਗੀ ਭਰ ਲਈ ਮੇਰੇ ਪ੍ਰਤੀ ਵਫਾਦਾਰੀ ਦੀ ਸਹੁੰ ਖਾਧੀ ਸੀ। ਪਰ ਹੁਣ ਉਹ ਰੰਗ ਬਦਲ ਰਹੇ ਹਨ ਅਤੇ ਕਹਿ ਰਹੇ ਹਨ ਕਿ 2 ਸਾਲਾਂ ਤੋਂ ਮੇਰੇ ਤੋਂ ਪਿੱਛਾ ਛੁਡਾਉਣਾ ਚਾਹੁੰਦੇ ਸਨ।”
'My only role in @CHARANJITCHANNI's #MeToo case was to ask him to apologise to the lady officer. I told him if she doesn't accept your apology I'll take action. But she accepted it & the matter ended there.': @capt_amarinder @plcpunjab pic.twitter.com/esS9EbikMX
— Raveen Thukral (@RT_Media_Capt) January 22, 2022
ਹਾਲਾਂਕਿ ਜਦੋਂ ਵਿਰੋਧੀਆਂ ਨੇ ਇਸ ਟਵੀਟ ‘ਤੇ ਕੈਪਟਨ ਨੂੰ ਘੇਰਨਾ ਸ਼ੁਰੂ ਕੀਤਾ, ਤਾਂ ਉਹਨਾਂ ਨੇ ਸਫਾਈ ਵੀ ਪੇਸ਼ ਕਰ ਦਿੱਤੀ। ਕੈਪਟਨ ਨੇ ਕਿਹਾ, “ਚਰਨਜੀਤ ਚੰਨੀ ਨਾਲ ਜੁੜੇ #MeToo ਕੇਸ ਵਿੱਚ ਮੇਰੀ ਭੂਮਿਕਾ ਸਿਰਫ਼ ਇੰਨੀ ਸੀ ਕਿ ਮੈਂ ਉਹਨਾਂ ਨੂੰ ਮਹਿਲਾ ਅਫ਼ਸਰ ਤੋਂ ਮੁਆਫੀ ਮੰਗਣ ਲਈ ਕਿਹਾ। ਮੈਂ ਉਹਨਾਂ ਨੂੰ ਕਹਿ ਦਿੱਤਾ ਸੀ ਕਿ ਜੇਕਰ ਉਹ ਤੁਹਾਡੀ ਮੁਆਫੀ ਸਵੀਕਾਰ ਨਹੀਂ ਕਰਦੇ, ਤਾਂ ਮੈਂ ਐਕਸ਼ਨ ਲਵਾਂਗਾ। ਪਰ ਮਹਿਲਾ ਅਫ਼ਸਰ ਨੇ ਮੁਆਫੀ ਸਵੀਕਾਰ ਕਰ ਲਈ ਅਤੇ ਮਾਮਲਾ ਉਥੇ ਹੀ ਖਤਮ ਹੋ ਗਿਆ।“
