ਬਿਓਰੋ। ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਦੇ ਰਣਨੀਤਕ ਸਲਾਹਕਾਰ ਅਤੇ ਸੂਬੇ ਦੇ ਸਾਬਕਾ DGP ਮੁਹੰਮਦ ਮੁਸਤਫਾ ਦਾ ਵਿਵਾਦਤ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵੀਡੀਓ ਵਿੱਚ ਮੁਸਤਫਾ ਕਹਿ ਰਹੇ ਹਨ ਕਿ ਜੇਕਰ ਹਿੰਦੂਆਂ ਨੂੰ ਉਹਨਾਂ ਦੇ ਜਲਸੇ ਦੇ ਬਰਾਬਰ ਇਜਾਜ਼ਤ ਦਿੱਤੀ ਗਈ, ਤਾਂ ਅਜਿਹੇ ਹਾਲਾਤ ਪੈਦਾ ਕਰਨਗੇ ਕਿ ਸੰਭਾਲਣਾ ਮੁਸ਼ਕਿਲ ਹੋ ਜਾਵੇਗਾ। ਮੁਸਤਫਾ ਪੰਜਾਬ ਸਰਕਾਰ ਵਿੱਚ ਮੰਤਰੀ ਅਤੇ ਮਲੇਰਕੋਟਲਾ ਤੋਂ ਕਾਂਗਰਸੀ ਉਮੀਦਵਾਰ ਰਜੀਆ ਸੁਲਤਾਨਾ ਦੇ ਪਤੀ ਹਨ।
ਵੀਡੀਓ ਵਿੱਚ ਸਾਬਕਾ DGP ਮੁਹੰਮਦ ਮੁਸਤਫਾ ਕਹਿੰਦੇ ਨਜ਼ਰ ਆ ਰਹੇ ਹਨ, “ਮੈਂ ਅੱਲ੍ਹਾ ਦੀ ਕਸਮ ਖਾ ਕੇ ਕਹਿੰਦਾ ਹਾਂ ਕਿ ਇਹਨਾਂ ਦਾ ਕੋਈ ਜਲਸਾ ਨਹੀਂ ਹੋਣ ਦਵਾਂਗਾ। ਮੈਂ ਕੌਮੀ ਫੌਜੀ ਹਾਂ। ਮੈਂ RSS ਦਾ ਏਜੰਟ ਨਹੀਂ ਹਾਂ, ਜੋ ਡਰ ਕੇ ਘਰ ਵਿੱਚ ਵੜ ਜਾਵਾਂਗਾ। ਜੇਕਰ ਦੁਬਾਰਾ ਇਨ੍ਹਾਂ ਨੇ ਅਜਿਹੀ ਹਰਕਤ ਕੀਤੀ ਤਾਂ ਖ਼ੁਦਾ ਦੀ ਕਸਮ ਘਰ ਵਿੱਚ ਵੜ ਕੇ ਮਾਰਾਂਗਾ। ਅੱਜ ਮੈਂ ਸਿਰਫ਼ ਵਾਰਨਿੰਗ ਦੇ ਰਿਹਾ ਹਾਂ। ਮੈਂ ਵੋਟਾਂ ਲਈ ਨਹੀਂ ਲੜ ਰਿਹਾ। ਮੈਂ ਕੌਮ ਲਈ ਲੜ ਰਿਹਾ ਹਾਂ। ਪੁਲਿਸ ਅਤੇ ਪ੍ਰਸ਼ਾਸਨ ਨੂੰ ਦੱਸਣਾ ਚਾਹੁੰਦਾ ਹਾਂ ਕਿ ਜੇਕਰ ਦੁਬਾਰਾ ਅਜਿਹੀ ਹਰਕਤ ਕੀਤੀ, ਮੇਰੇ ਜਲਸੇ ਦੇ ਬਰਾਬਰ ਹਿੰਦੁਆਂ ਨੂੰ ਇਜਾਜ਼ਤ ਦਿੱਤੀ, ਤਾਂ ਅਜਿਹੇ ਹਾਲਾਤ ਪੈਦਾ ਕਰਾਂਗਾ ਕਿ ਸੰਭਾਲਣੇ ਮੁਸ਼ਕਿਲ ਹੋ ਜਾਣਗੇ।”
BJP ਨੇ ਕਾਂਗਰਸ ‘ਤੇ ਬੋਲਿਆ ਹਮਲਾ
ਇਸ ਵਿਵਾਦਤ ਵੀਡੀਓ ਨੂੰ ਲੈ ਕੇ ਬੀਜੇਪੀ ਨੇ ਸਿੱਧੇ ਰਾਹੁਲ ਗਾਂਧੀ ‘ਤੇ ਹਮਲਾ ਬੋਲਿਆ ਹੈ। ਬੀਜੇਪੀ ਆਗੂ ਸੰਬਿਤ ਪਾਤਰਾ ਨੇ ਟਵੀਟ ਕਰਕੇ ਕਿਹਾ, “ਰਾਹੁਲ ਗਾਂਧੀ ਅਤੇ ਕਾਂਗਰਸ ਪਾਰਟੀ ਦੱਸਣ ਕਿ ਮੁਹੰਮਦ ਮੁਸਤਫਾ ਨੂੰ ਮੋਹਰਾ ਬਣਾ ਕੇ ਪੰਜਾਬ ਵਿੱਚ ਉਹ ਕਿਹੜੇ ਹਾਲਾਤ ਪੈਦਾ ਕਰਨਾ ਚਾਹੁੰਦੇ ਹਨ? ਕੀ ਪੰਜਾਬ ਨੂੰ ਕਸ਼ਮੀਰ ਬਣਾਉਣਾ ਚਾਹੁੰਦੇ ਹਨ? ਕੀ ਪੰਜਾਬ ਵਿੱਚ ਸਿਰਫ਼ ਇੱਕ ਵਿਸ਼ੇਸ਼ ਕੌਮ ਲਈ ਜਲਸੇ ਦਾ ਅਧਿਕਾਰ ਹੈ?”
राहुल गांधी और कांग्रेस पार्टी बताएं की मोहम्मद मुस्तफा को मोहरा बनाकर पंजाब में वो कौन से हालात पैदा करना चाहते हैं?
क्या पंजाब को कश्मीर बनाना चाहते हैं?
क्या पंजाब में फिर से 80 के दशक जैसा हालात पैदा करने चाहते हैं?
क्या पंजाब में सिर्फ एक विशेष कौम के लिए जलसे का अधिकार है? https://t.co/TP7BaxYRF8— Sambit Patra (@sambitswaraj) January 22, 2022
ਬੀਜੇਪੀ ਦੇ ਕੌਮੀ ਬੁਲਾਰੇ ਸ਼ਾਜੀਆ ਇਲਮੀ ਨੇ ਵੀਡੀਓ ਟਵੀਟ ਕਰਦੇ ਹੋਏ ਕਿਹਾ, “ਇਹ ਹੇਟ ਸਪੀਚ ਹੈ, ਜੋ ਮੁਸਤਫਾ ਨੇ ਮਲੇਰਕੋਟਲਾ ਦੇ ਮੁਸਲਿਮ ਬਹੁਤਾਤ ਵਾਲੇ ਇਲਾਕੇ ਵਿੱਚ ਦਿੱਤੀ ਹੈ। ਮੁਸਤਫਾ ਦੰਗੇ ਭੜਕਾ ਕੇ ਭਾਈਚਾਰਕ ਸਾਂਝ ਵਿਗਾੜਨ ਦੀ ਕੋਸ਼ਿਸ਼ ਕਰ ਰਹੇ ਹਨ।” ਉਹਨਾਂ ਨੇ ਚੋਣ ਕਮਿਸ਼ਨ ਤੋਂ ਮੰਗ ਕੀਤੀ ਕਿ ਇਸਦਾ ਨੋਟਿਸ ਲਵੇ ਅਤੇ ਰਜੀਆ ਸੁਲਤਾਨਾ ਨੂੰ ਮਲੇਰਕੋਟਲਾ ਵਿੱਚ ਚੋਣ ਲੜਨ ਤੋਂ ਰੋਕਿਆ ਜਾਵੇ।
“अल्लाह की क़सम ,मैं क़ौमी सिपाही हूँ, मैं जिला प्रशासन को बताना चाहता हूँ, की मेरे जल्से के बराबर हिन्दुओं क़ो जगह दी तों अच्छा नहीं होगा” मलेरकोटला में @sherryontopp के PS अपनी पत्नी के लिए प्रचार करते हुए. #कांग्रेसीसेक्युलरिज़म @ANI @BJP4India @gssjodhpur @RahulGandhi pic.twitter.com/FmEXgyHRMX
— Shazia Ilmi (@shaziailmi) January 21, 2022
ਹਿੰਦੂਆਂ ਨਹੀਂ, ਹਿੰਦੂਵਾਦੀ ਤਾਕਤਾਂ ਦੀ ਗੱਲ ਕੀਤੀ- ਮੁਸਤਫਾ
ਓਧਰ ਮੁਹੰਮਦ ਮੁਸਤਫਾ ਆਪਣੀ ਸਫਾਈ ਵਿੱਚ ਕਹਿ ਰਹੇ ਹਨ ਕਿ ਉਹਨਾਂ ਨੇ ਹਿੰਦੂਆਂ ਨਹੀਂ, ਹਿੰਦੂਵਾਦੀ ਤਾਕਤਾਂ ਦੀ ਗੱਲ ਕੀਤੀ ਸੀ। ਉਹਨਾਂ ਕਿਹਾ, “ਮੈਂ ਕਿਸੇ ਦੇ ਘਰ ਚਾਹ ਪੀਣ ਗਿਆ, ਤਾਂ ਉਥੇ ਝਾੜੂ ਵਾਲਿਆਂ ਦੇ ਇੱਕ ਗਰੁੱਪ ਨੇ ਮੇਰੇ ‘ਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ। 50 ਗਜ ਦੀ ਦੂਰੀ ‘ਤੇ ਕਾਂਗਰਸ ਦੇ ਮੁੰਡਿਆਂ ਨੇ ਮਿਊਜਿਕ ਚਲਾਇਆ ਹੋਇਆ ਸੀ। ਉਥੇ ਜਾ ਕੇ ਮੈਂ ਇਹ ਗੱਲ ਕਹੀ ਕਿ ਜੇਕਰ ਉਹਨਾਂ ਨੇ ਦੋਬਾਰਾ ਅਜਿਹਾ ਕੀਤਾ, ਤਾਂ ਸਬਕ ਸਿਖਾਵਾਂਗਾ।”
ਮੁਸਤਫਾ ਨੇ ਕਿਹਾ, “ਮੇਰੇ ਨਾਲ ਸਾਰੇ ਧਰਮ ਦੇ ਲੋਕ ਹਨ। ਉਹਨਾਂ ਵਿੱਚ ਚੰਗੇ ਹਿੰਦੂ ਵੀ ਹਨ। ਜੋ ਹਿੰਦੂਵਾਦੀ ਤਾਕਤਾਂ ਦੇਸ਼ ਦਾ ਅਮਨ ਖਰਾਬ ਕਰਨਾ ਚਾਹੁੰਦੀਆਂ ਹਨ, ਮੈਂ ਉਹਨਾਂ ਤੋਂ ਵੋਟ ਮੰਗਣ ਨਹੀਂ ਜਾਵਾਂਗਾ।” ਮੁਸਤਫਾ ਨੇ ਕਿਹਾ ਕਿ ਉਹਨਾਂ ਨੇ ਦੇਸ਼ ਲਈ ਗੋਲੀਆਂ ਖਾਧੀਆਂ ਹਨ। ਦੇਸ਼ ਦੀ ਗੱਲ ਆਈ, ਤਾਂ ਪਾਕਿਸਤਾਨ ਨਾਲ ਲੜਾਈ ਲੜੀ। ਇਸ ਲਈ ਉਹ ਦੇਸ਼ ਨੂੰ ਤੋੜਨ ਵਾਲੀਆਂ ਤਾਕਤਾਂ ਕੋਲ ਵੋਟ ਮੰਗਣ ਨਹੀਂ ਜਾਣਗੇ।
ਸਿੱਧੂ ਨੇ ਕੀਤਾ ਬਿਆਨ ਤੋਂ ਕਿਨਾਰਾ
ਓਧਰ ਮੁਸਤਫਾ ਦੇ ਵਿਵਾਦਤ ਬਿਆਨ ਦੇ ਬਾਰੇ ਜਦੋਂ ਨਵਜੋਤ ਸਿੰਘ ਸਿੱਧੂ ਤੋਂ ਪੁੱਛਿਆ ਗਿਆ, ਤਾਂ ਉਹ ਇਸ ਤੋਂ ਕਿਨਾਰਾ ਕਰਦੇ ਨਜ਼ਰ ਆਏ। ਸਿੱਧੂ ਨੇ ਕਿਹਾ ਕਿ ਪੰਜਾਬ ਵਿੱਚ ਸਾਰੇ ਲੋਕ ਗੁਰੂਆਂ ਦੀ ਸਿੱਖਿਆ ‘ਤੇ ਜੀਉਂਦੇ ਹਨ ਅਤੇ ਸਾਰਿਆਂ ਦੀ ਇੱਕ ਹੀ ਜਾਤ ਹੈ। ਸਿੱਧੂ ਨੇ ਕਿਹਾ ਕਿ ਕਾਂਗਰਸ ਗਾਂਧੀ ਦੀ ਵਿਚਾਰਧਾਰਾ ‘ਤੇ ਜੀਉਂਦੀ ਹੈ।
