ਬਿਓਰੋ। ਪੰਜਾਬ ਦੇ CM ਅਹੁਦੇ ਤੋਂ ਅਸਤੀਫੇ ਦੇਣ ਦੇ ਡੇਢ ਮਹੀਨਿਆਂ ਬਾਅਦ ਕੈਪਟਨ ਅਮਰਿੰਦਰ ਸਿੰਘ ਹੁਣ ਆਪਣੀ ਨਵੀਂ ਸਿਆਸੀ ਇਨਿੰਗ ਖੇਡਣ ਦੀ ਤਿਆਰੀ ਵਿੱਚ ਹਨ। ਬੁੱਧਵਾਰ ਨੂੰ ਕੈਪਟਨ ਨੇ ਇੱਕ ਵਾਰ ਫਿਰ ਸਾਫ ਕੀਤਾ ਕਿ ਉਹ ਆਪਣੀ ਨਵੀਂ ਪਾਰਟੀ ਬਣਾਉਣਗੇ। ਹਾਲਾਂਕਿ ਅਜੇ ਪਾਰਟੀ ਦਾ ਨਾਂਅ ਤੈਅ ਨਹੀਂ ਹੈ। ਕੈਪਟਨ ਮੁਤਾਬਕ, ਪਾਰਟੀ ਦੇ ਨਾਂਅ ਅਤੇ ਚੋਣ ਨਿਸ਼ਾਨ ‘ਤੇ ਫਿਲਹਾਲ ਕੰਮ ਚੱਲ ਰਿਹਾ ਹੈ। ਇਸ ਲਈ ਉਹ ਨਾਂਅ ਨਹੀਂ ਦੱਸ ਸਕਦੇ। ਇਸ ਬਾਰੇ ਚੋਣ ਕਮਿਸ਼ਨ ਤੋਂ ਮਨਜੂਰੀ ਮਿਲਣ ਤੋਂ ਬਾਅਦ ਹੀ ਉਹ ਐਲਾਨ ਕਰਨਗੇ।
'Yes, I will be forming a new party. The name will be announced once @ECISVEEP clears it, along with the symbol. My lawyers are working on it': @capt_amarinder at his first pc after quitting as Chief Minister of Punjab. pic.twitter.com/Xf7GLGu5zl
— Raveen Thukral (@RT_Media_Capt) October 27, 2021
ਕੈਪਟਨ ਨੇ ਕਿਹਾ ਕਿ ਉਹ ਸਾਰੀਆਂ 117 ਸੀਟਾਂ ‘ਤੇ ਚੋਣ ਲੜਨਗੇ। ਕੈਪਟਨ ਮੁਤਾਬਕ, ਕਾਂਗਰਸ ਦੇ ਕਈ ਆਗੂ ਉਹਨਾਂ ਦੇ ਸੰਪਰਕ ਵਿੱਚ ਹਨ। ਹਾਲਾਂਕਿ ਖੁਦ ਕੈਪਟਨ ਨੇ ਹਾਲੇ ਤੱਕ ਕਾਂਗਰਸ ਪਾਰਟੀ ਤੋਂ ਅਸਤੀਫਾ ਨਹੀਂ ਦਿੱਤਾ ਹੈ। ਪ੍ਰੈੱਸ ਕਾਨਫ਼ਰੰਸ ਦੌਰਾਨ ਕੈਪਟਨ ਤੋਂ ਜਦੋਂ ਉਹਨਾਂ ਦੇ ਅਸਤੀਫੇ ਬਾਰੇ ਸਵਾਲ ਕੀਤਾ ਗਿਆ, ਤਾਂ ਉਹਨਾਂ ਕਿਹਾ ਕਿ ਉਹ 52 ਸਾਲਾਂ ਤੱਕ ਕਾਂਗਰਸ ਵਿੱਚ ਰਹੇ ਹਨ। 10-15 ਦਿਨ ਹੋਰ ਰਹਿ ਲੈਣਗੇ, ਤਾਂ ਕੋਈ ਫ਼ਰਕ ਨਹੀਂ ਪਏਗਾ।
.@capt_amarinder says many @INCPunjab leaders are in touch with him and they will come out in the open when the time comes. “If @RahulGandhi needs to have back-to back meetings with Punjab Congress MLAs, what does it mean?”,he asks. pic.twitter.com/q6dDDL1x9p
— Raveen Thukral (@RT_Media_Capt) October 27, 2021
ਨਵੀਂ ਇਨਿੰਗ ਤੋਂ ਪਹਿਲਾਂ ਕਿਸਾਨੀ ਮਸਲਾ ਹੱਲ ਕਰਨ ਦੀ ਕੋਸ਼ਿਸ਼
ਕੈਪਟਨ ਅਮਰਿੰਦਰ ਸਿੰਘ ਬੀਜੇਪੀ ਨਾਲ ਮਿਲ ਕੇ ਚੋਣ ਦੰਗਲ ਵਿੱਚ ਉਤਰਣ ਦੀ ਤਿਆਰੀ ਕਰ ਰਹੇ ਹਨ, ਪਰ ਕਿਸੇ ਵੀ ਤਰ੍ਹਾਂ ਦੇ ਸਮਝੌਤੇ ਤੋਂ ਪਹਿਲਾਂ ਕੈਪਟਨ ਕਿਸਾਨਾਂ ਦਾ ਮਸਲਾ ਹੱਲ ਕਰਵਾਉਣਾ ਚਾਹੁੰਦੇ ਹਨ। ਕੈਪਟਨ ਮੁਤਾਬਕ, ਕਿਸਾਨਾਂ ਦੇ ਮਸਲੇ ‘ਤੇ ਉਹ ਵੀਰਵਾਰ ਨੂੰ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਮੁਲਾਕਾਤ ਕਰਨਗੇ। ਉਹਨਾਂ ਦੇ ਨਾਲ ਖੇਤੀਬਾੜੀ ਅਤੇ ਇਸਦੀ ਟ੍ਰੇਡਿੰਗ ਨਾਲ ਜੁੜੇ ਕੁਝ ਲੋਕ ਵੀ ਜਾਣਗੇ। ਕੈਪਟਨ ਨੇ ਕਿਹਾ, “ਮੇਰੇ ਕੋਲ ਖੇਤੀ ਕਾਨੂੰਨਾਂ ਦਾ ਫਾਰਮੂਲਾ ਨਹੀਂ ਹੈ। ਅਸੀਂ ਚਰਚਾ ਕਰਾਂਗੇ, ਜਿਸ ਨਾਲ ਕੁਝ ਹੱਲ ਨਿਕਲ ਸਕਦਾ ਹੈ। ਕਿਸਾਨ ਅਤੇ ਸਰਕਾਰ, ਦੋਵੇਂ ਚਾਹੁੰਦੇ ਹਨ ਕਿ ਇਸਦਾ ਕੋਈ ਹੱਲ ਨਿਕਲੇ।
.@capt_amarinder will lead a non-political delegation of agricultural experts to meet the Union Home Minister @AmitShah to discuss possible solutions to the ongoing #FarmersProtest pic.twitter.com/P0WNXSB0mh
— Raveen Thukral (@RT_Media_Capt) October 27, 2021
ਕੈਪਟਨ ਨੇ ਕਿਹਾ ਕਿ ਸੰਯੁਕਤ ਕਿਸਾਨ ਮੋਰਚੇ ਨੇ ਕਿਸੇ ਵੀ ਸਿਆਸਤਦਾਨ ਨੂੰ ਅੰਦੋਲਨ ਵਿੱਚ ਸ਼ਾਮਲ ਨਾ ਕਰਨ ਦੀ ਗੱਲ ਕਹੀ ਹੈ। ਅਜਿਹੇ ਵਿੱਚ ਉਹ ਉਥੇ ਕਿਵੇਂ ਜਾ ਸਕਦੇ ਹਨ। ਉਹਨਾਂ ਕਿਹਾ ਕਿ ਮੈਂ ਇਸ ਬਾਰੇ ਕਿਸੇ ਵੀ ਕਿਸਾਨ ਆਗੂ ਨਾਲ ਕੋਈ ਗੱਲ ਨਹੀਂ ਕੀਤੀ ਹੈ।
BSF ਦਾ ਅਧਿਕਾਰ ਖੇਤਰ ਵਧਾਉਣ ਦਾ ਸਮਰਥਨ
ਕੈਪਟਨ ਨੇ ਪੰਜਾਬ ਵਿੱਚ BSF ਦਾ ਅਧਿਕਾਰ ਖੇਤਰ ਵਧਾਉਣ ਦਾ ਸਮਰਥਨ ਕੀਤਾ। ਉਹਨਾਂ ਕਿਹਾ ਕਿ ਇਸ ਫੈਸਲੇ ਨਾਲ ਕੋਈ ਸੂਬੇ ‘ਤੇ ਕਬਜਾ ਨਹੀਂ ਕਰ ਰਿਹਾ। ਇਸ ਨਾਲ ਸੰਘੀ ਢਾਂਚੇ ਨੂੰ ਕੋਈ ਸੱਟ ਨਹੀਂ ਵੱਜੀ ਹੈ। ਇਹ ਫੈਸਲਾ ਪੰਜਾਬ ਦੇ ਅੰਦਰ ਡਰੋਨ ਜ਼ਰੀਏ ਹਥਿਆਰ ਅਤੇ ਡਰੱਗਜ਼ ਦੀ ਸਪਲਾਈ ਨੂੰ ਰੋਕਣ ਲਈ ਹੈ। ਉਹਨਾਂ ਕਿਹਾ ਕਿ ਪੰਜਾਬ ਪੁਲਿਸ ਨੂੰ BSF ਦੀ ਮਦਦ ਦੀ ਲੋੜ ਹੈ। ਕੈਪਟਨ ਨੇ ਇਸਦਾ ਵਿਰੋਧ ਕਰਨ ਨੂੰ ਗੈਰ-ਜਿੰਮੇਵਾਰਾਨਾ ਰਵੱਈਆ ਕਰਾਰ ਦਿੱਤਾ।
.@capt_amarinder trashes allegations of @BSF_India taking over state’s administration or being deployed in Golden Temple etc, Says such misconceptions being spread to score brownie points ahead of assembly elections. @BSF_India here only for helping maintain national security. pic.twitter.com/XLHsFlvy2F
— Raveen Thukral (@RT_Media_Capt) October 27, 2021
ਅਰੂਸਾ ਮਾਮਲੇ ‘ਤੇ ਵੀ ਖੁੱਲ੍ਹ ਕੇ ਬੋਲੇ ਕੈਪਟਨ
ਆਪਣੀ ਪ੍ਰੈੱਸ ਕਾਨਫ਼ਰੰਸ ਦੌਰਾਨ ਅਰੂਸਾ ਆਲਮ ਨੂੰ ਲੈ ਕੇ ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ ਕਿ ਉਹ ਸਹੀ ਤਰੇ ਨਾਲ ਵੀਜਾ ਲੈ ਕੇ 16 ਸਾਲਾਂ ਤੋਂ ਭਾਰਤ ਆ ਰਹੇ ਹਨ। ਇੰਨੇ ਸਾਲਾਂ ਵਿੱਚ ਕਿਸੇ ਨੇ ਨਹੀਂ ਪੁੱਛਿਆ। ਹੁਣ ਚੋਣਾਂ ਨੇੜੇ ਹਨ, ਤਾਂ ਇਹ ਸਵਾਲ ਪੁੱਛਿਆ ਜਾ ਰਿਹਾ ਹੈ। ਚੋਣਾਂ ਦੇ ਕਾਰਨ ਹੀ ਇਸ ਨੂੰ ਮੁੱਦਾ ਬਣਾਇਆ ਜਾ ਰਿਹਾ ਹੈ।
ਕੈਪਟਨ ਨੇ ਕਿਹਾ, “ਮੌਜੂਦਾ ਡਿਪਟੀ ਸੀਐੱਮ ਸੁਖਜਿੰਦਰ ਸਿੰਘ ਰੰਧਾਵਾ ਮੇਰੀ ਸਰਕਾਰ ਵਿੱਚ ਮੰਤਰੀ ਸਨ ਅਤੇ ਅਰੂਸਾ ਉਦੋਂ ਵੀ ਆਏ ਸਨ। ਉਸ ਵੇਲੇ ਉਹਨਾਂ ਨੂੰ ਇਹ ਗੱਲ ਕਿਉਂ ਕਿਉਂ ਯਾਦ ਨਹੀਂ ਆਈ।” ਅਰੂਸਾ ਆਲਮ ਦੇ ਪੰਜਾਬ ਦਾ ਪੈਸਾ ਲੈ ਕੇ ਜਾਣ ਦੇ ਸਵਾਲ ‘ਤੇ ਅਮਰਿੰਦਰ ਨੇ ਕਿਹਾ ਕਿ ਵਿਰੋਧੀ ਦੱਸਣ ਕਿ ਉਹ ਪੈਸੇ ਕਿਥੇ ਟਰਾਂਸਫਰ ਹੋਇਆ।
2 ਮਹੀਨਿਆਂ ‘ਚ ਕੀ ਕਰ ਲੈਣਗੇ ਚੰਨੀ- ਕੈਪਟਨ
ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ ਕਿ ਚੰਨੀ ਸਰਕਾਰ 2 ਮਹੀਨਿਆਂ ਵਿੱਚ ਕੁਝ ਨਹੀਂ ਕਰ ਸਕਦੀ। ਇੱਕ ਬਿਲਡਿੰਗ ਬਣਾਉਣ ਵਿੱਚ ਵੀ 4 ਸਾਲ ਲੱਗ ਜਾਂਦੇ ਹਨ। ਜਿਹੜੇ ਕੰਮ ਅਸੀਂ ਪਾਸ ਕੀਤੇ, ਓਹੀ ਕੰਮ ਮੌਜੂਦਾ ਸਰਕਾਰ ਕਰ ਰਹੀ ਹੈ। ਲਾਲ ਲਕੀਰ ਵਿੱਚ ਆਉਣ ਵਾਲੇ ਲੋਕਾਂ ਨੂੰ ਮਾਲਕਾਨਾ ਹੱਕ ਦੇਣ ਦਾ ਫੈਸਲਾ ਅਸੀਂ ਕੀਤਾ ਸੀ। ਸਲੱਮ ਏਰੀਆ ਵਿੱਚ ਰਹਿਣ ਵਾਲਿਆਂ ਨੂੰ ਵੀ ਮਾਲਕਾਨਾ ਹੱਕ ਦੇਣ ਦਾ ਫੈਸਲਾ ਮੇਰੀ ਸਰਕਾਰ ਦਾ ਹੀ ਸੀ। ਅਸੀਂ ਇਸ ਨੂੰ ਪਹਿਲਾਂ ਹੀ 5 ਜਿਲ੍ਹਿਆਂ ਵਿੱਚ ਲਾਗੂ ਕਰ ਚੁੱਕੇ ਹਨ।
.@capt_amarinder trashes allegations of not delivering during the 4.5 years of his rule. Says @CHARANJITCHANNI government was merely implementing what his cabinet had decided to do. “All the work we started is simply being carried forward by Channi”. pic.twitter.com/3jTMFlNarF
— Raveen Thukral (@RT_Media_Capt) October 27, 2021
ਸਾਢੇ 4 ਸਾਲਾਂ ‘ਚ 92% ਵਾਅਦੇ ਪੂਰੇ ਕੀਤੇ- ਕੈਪਟਨ
ਇਸ ਦੌਰਾਨ ਕੈਪਟਨ ਅਮਰਿੰਦਰ ਸਿੰਘ ਨੇ ਸਾਢੇ 4 ਸਾਲਾਂ ਦਾ ਰਿਪੋਰਟ ਕਾਰਡ ਵੀ ਦਿੱਤਾ। ਉਹਨਾਂ ਕਿਹਾ ਕਿ ਅਸੀਂ ਲਗਭਗ ਸਾਰੇ ਵਾਅਦੇ ਪੂਰੇ ਕੀਤੇ ਹਨ। ਜੋ ਰਹਿ ਗਏ, ਉਹ ਮਾਰਚ ਤੱਕ ਪੂਰੇ ਕਰ ਲੈਣੇ ਸਨ। ਉਹਨਾਂ ਕਿਹਾ ਕਿ ਹਾਈਕਮਾਂਡ ਦਾ 18 ਪੁਆਇੰਟ ਦਾ ਏਜੰਡਾ ਕੋਈ ਮੁੱਦਾ ਨਹੀਂ ਹੈ।
