ਬਿਓਰੋ। ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਅਤੇ ਸਾਬਕਾ ਸੀਐੱਮ ਕੈਪਟਨ ਅਮਰਿੰਦਰ ਸਿੰਘ ਇੱਕ ਵਾਰ ਫਿਰ ਆਹਮੋ-ਸਾਹਮਣੇ ਹਨ। ਟਵਿਟਰ ‘ਤੇ ਦੋਵਾਂ ਵਿਚਾਲੇ ਜ਼ਬਰਦਸਤ ਜੁਬਾਨੀ ਜੰਗ ਚੱਲ ਰਹੀ ਹੈ। ਦਰਅਸਲ, ਕੈਪਟਨ ਨੇ ਬੁੱਧਵਾਰ ਨੂੰ ਪ੍ਰੈੱਸ ਕਾਨਫ਼ਰੰਸ ਕਰਕੇ ਕਾਂਗਰਸ ‘ਤੇ ਹਮਲੇ ਬੋਲੇ, ਤਾਂ ਸਿੱਧੂ ਨੇ ਟਵਿਟਰ ਜ਼ਰੀਏ ਤਾਬੜਤੋੜ ਪਲਟਵਾਰ ਕੀਤੇ।
ਹਾਲੇ ਕੈਪਟਨ ਦੀ ਪ੍ਰੈੱਸ ਕਾਨਫ਼ਰੰਸ ਚੱਲ ਹੀ ਰਹੀ ਸੀ, ਕਿ ਸਿੱਧੂ ਨੇ ਟਵੀਟ ਕਰਕੇ ਹਮਲੇ ਸ਼ੁਰੂ ਕਰਨੇ ਸ਼ੁਰੂ ਕਰ ਦਿੱਤੇ। ਸਿੱਧੂ ਨੇ ਕਿਹਾ, “ਪੰਜਾਬ ਦੇ 78 ਕਾਂਗਰਸੀ ਵਿਧਾਇਕ ਕਦੇ ਸੋਚ ਵੀ ਨਹੀਂ ਸਕਦੇ ਕਿ ਉਹਨਾਂ ਨੂੰ ਕੀ ਮਿਲਿਆ। ਕੈਪਟਨ ਇਨਫੋਰਸਮੈਂਟ ਡਾਇਰੈਕਟੋਰੇਟ (ED) ਵੱਲੋਂ ਕੰਟਰੋਲ BJP ਦੇ ਵਫਾਦਾਰ ਮੁੱਖ ਮੰਤਰੀ ਹਨ, ਜਿਹਨਾਂ ਨੇ ਆਪਣੀ ਖਾਲ ਬਚਾਉਣ ਲਈ ਪੰਜਾਬ ਦੇ ਹਿੱਤਾਂ ਨੂੰ ਵੇਚ ਦਿੱਤਾ। ਸਿੱਧੂ ਨੇ ਅਮਰਿੰਦਰ ਸਿੰਘ ਨੂੰ ਨਕਾਰਾਤਮਕ ਤਾਕਤ ਕਰਾਰ ਦਿੰਦੇ ਹੋਏ ਕਿਹਾ ਕਿ ਉਹਨਾਂ ਨੇ ਪੰਜਾਬ ਦਾ ਵਿਕਾਸ ਅਤੇ ਇਨਸਾਫ਼ ਰੋਕ ਦਿੱਤਾ।”
We the 78 MLAs of Congress, could never imagine, what we received an arm-twisted, ED controlled BJP loyal Chief Minister of Punjab @capt_amarinder … who sold the interests of Punjab to save his skin ! You were the negative force stalling Justice & development of Punjab
— Navjot Singh Sidhu (@sherryontopp) October 27, 2021
ਕੈਪਟਨ ਨੇ ਆਪਣੀ ਪ੍ਰੈੱਸ ਕਾਨਫ਼ਰੰਸ ਦੇ ਦੌਰਾਨ ਹੀ ਇਸਦਾ ਜਵਾਬ ਵੀ ਦੇ ਦਿੱਤਾ। ਉਹਨਾਂ ਕਿਹਾ, “ਸਿੱਧੂ ਨੂੰ ਕੁਝ ਵੀ ਨਹੀਂ ਪਤਾ। ਉਹ ਆਪਣੇ ਮੂੰਹੋਂ ਸਿਰਫ਼ ਬਕਵਾਸ ਕਰਦੇ ਰਹਿੰਦੇ ਹਨ। ਮੈਂ ਸੂਬੇ ਦੇ ਮੁੱਦਿਆਂ ਨੂੰ ਲੈ ਕੇ ਸਾਰੇ ਕੇਂਦਰੀ ਮੰਤਰੀਆਂ ਨਾਲ ਮਿਲਦਾ ਰਿਹਾ ਹਾਂ। ਸੂਬੇ, ਕੇਂਦਰ ਸਰਕਾਰ ਨਾਲ ਕੰਮ ਕੀਤੇ ਬਿਨ੍ਹਾਂ ਨਹੀਂ ਚੱਲ ਸਕਦੇ।” ਉਹਨਾਂ ਕਿਹਾ ਕਿ ਮੈਂ ਨਵਜੋਤ ਸਿੱਧੂ ਵਰਗੇ ਸ਼ਖਸ ਤੋਂ ਉਮੀਦ ਵੀ ਨਹੀਂ ਕਰਦਾ ਕਿ ਉਹਨਾਂ ਨੂੰ ਗੁੱਡ ਗਵਰਨੈਂਸ ਯਾਨੀ ਸੁਸ਼ਾਸਨ ਬਾਰੇ ਕੁਝ ਪਤਾ ਹੋਵੇਗਾ।
'This man knows nothing. He just keeps shooting nonsense from his mouth. I'd been meeting all central ministers to discuss state issues. States can't function unless they work with Centre. But I don't expect @sherryontopp to know anything about good governance': @capt_amarinder https://t.co/qgzRoK2XFz
— Raveen Thukral (@RT_Media_Capt) October 27, 2021
ਸਿੱਧੂ ਨੇ ਫੇਰ ਅਟੈਕ ਕੀਤਾ ਅਤੇ ਕਿਹਾ, “ਕੈਪਟਨ ਮੇਰੇ ਲਈ ਦਰਵਾਜੇ ਬੰਦ ਕਰਨਾ ਚਾਹੁੰਦੇ ਸਨ, ਕਿਉਂਕਿ ਮੈਂ ਪੰਜਾਬ ਦੇ ਲੋਕਾਂ ਦੀ ਅਵਾਜ਼ ਚੁੱਕੀ। ਸੱਤਾ ਦੇ ਅੱਗੇ ਸੱਚ ਕਿਹਾ।” ਸਿੱਧੂ ਨੇ ਕਿਹਾ ਕਿ ਪਿਛਲੀ ਵਾਰ ਕੈਪਟਨ ਨੇ ਆਪਣੀ ਪਾਰਟੀ ਬਣਾਈ ਸੀ, ਉਦੋਂ ਉਹ ਜ਼ਮਾਨਤ ਤੱਕ ਜ਼ਬਤ ਕਰਵਾ ਬੈਠੇ ਸਨ। ਉਹਨਾਂ ਨੂੰ ਸਿਰਫ਼ 856 ਵੋਟਾਂ ਹਾਸਲ ਹੋਈਆਂ ਸਨ। ਪੰਜਾਬ ਦੇ ਲੋਕ ਉਹਨਾਂ ਦੇ ਹਿੱਤਾਂ ਨਾਲ ਸਮਝੌਤਾ ਕਰਨ ਲਈ ਕੈਪਟਨ ਨੂੰ ਮੁੜ ਸਜਾ ਦੇਣ ਲਈ ਤਿਆਰ ਬੈਠੇ ਹਨ।
You wanted to close doors on me, as i was raising voice of the People, speaking truth to power !
Last time you formed your own party, you lost your ballot, garnering only 856 votes … People of Punjab are again waiting to punish you for compromising on the interests of Punjab !!— Navjot Singh Sidhu (@sherryontopp) October 27, 2021
ਇਸ ਤੋਂ ਬਾਅਦ ਸਿੱਧੂ ਨੇ ਕੈਪਟਨ ਤੋਂ ਪੁੱਛਿਆ, “ਕੀ ਉਹਨਾਂ ਨੂੰ ਗੁੱਡ ਗਵਰਨੈਂਸ ਕਾਰਨ ਹਟਾਇਆ ਗਿਆ? ਪੰਜਾਬ ਦੇ ਸਭ ਤੋਂ ਨਿਕੰਮੇ ਸੀਐੱਮ ਨੂੰ 18 ਨੁਕਾਤੀ ਏਜੰਡੇ ‘ਤੇ ਕੰਮ ਨਾ ਕਰਨ ਦੇ ਚਲਦੇ ਹਟਾਇਆ ਗਿਆ ਹੈ। ਪੰਜਾਬ ਦੇ ਸਿਆਸੀ ਇਤਿਹਾਸ ਵਿੱਚ ਉਹਨਾਂ ਨੂੰ ਚੱਲੇ ਹੋਏ ਕਾਰਤੂਸ ਦੇ ਤੌਰ ‘ਤੇ ਯਾਦ ਕੀਤਾ ਜਾਵੇਗਾ। ਕੈਪਟਨ ਇੱਕ ਚੱਲੇ ਹੋਏ ਕਾਰਤੂਸ ਤੋਂ ਵੱਧ ਕੁਝ ਵੀ ਨਹੀਂ।”
There is no suffering that pity will not insult ! Were you unceremoniously dumped for good governance ? & 18 Point Agenda shoved down the throat of poorest performing CM of Punjab … You will be remembered as Jaichand of Punjab’s Political history, you are truly a spent cartridge
— Navjot Singh Sidhu (@sherryontopp) October 27, 2021
ਸਿੱਧੂ ਨੇ ਸਵਾਲ ਪੁੱਛੇ, “ਕੀ ਕੈਪਟਨ ਨੂੰ ਜਿੰਮੇਵਾਰ ਬਣਾਉਣ ਲਈ 3 ਮੈਂਬਰੀ (ਖੜਗੇ) ਕਮੇਟੀ ਨਹੀਂ ਬਣੀ ਸੀ? ਕਾਂਗਰਸੀ ਵਿਧਾਇਕ ਉਹਨਾਂ ਦੇ ਖਿਲਾਫ਼ ਕਿਉਂ ਸਨ? ਇਸਦਾ ਕਾਰਨ ਇਹ ਹੈ ਕਿ ਸਭ ਜਾਣਦੇ ਸਨ ਕਿ ਕੈਪਟਨ ਬਾਦਲਾਂ ਦੇ ਨਾਲ ਮਿਲੇ ਹੋਏ ਹਨ। ਕੈਪਟਨ ਸਿਰਫ਼ ਮੈਨੂੰ ਹਰਾਉਣਾ ਚਾਹੁੰਦੇ ਸਨ। ਕੀ ਕੈਪਟਨ ਕਦੇ ਚਾਹੁੰਦੇ ਸਨ ਕਿ ਪੰਜਾਬ ਜਿੱਤੇ? ਕੈਪਟਨ ਦੀ ਬਾਦਲਾਂ ਅਤੇ ਬੀਜੇਪੀ ਦੇ ਨਾਲ 75-25 ਦੀ ਡੀਲ ਸਾਰਿਆਂ ਨੂੰ ਸਪੱਸ਼ਟ ਤੌਰ ‘ਤੇ ਪਤਾ ਹੈ।”
Was it Pity, that a 3 Member Committee was formed to make you accountable? Why were MLAs against you? Because everyone knew you have collided with Badals ! All you want is to defeat me, have you ever wanted Punjab to win? Your 75/25 dealings with Badals and BJP are crystal clear
— Navjot Singh Sidhu (@sherryontopp) October 27, 2021
ਕੈਪਟਨ ਨੇ ਸਿੱਧੂ ਨੂੰ ਜੋਰਦਾਰ ਜਵਾਬ ਦਿੱਤਾ। ਉਹਨਾਂ ਕਿਹਾ, “ਸਿੱਧੂ ਨੂੰ ਮੂੰਹ ਵਿੱਚ ਪੈਰ ਪਾਉਣ ਦੀ ਆਦਤ ਹੈ। ਜਿਹਨਾਂ 856 ਵੋਟਾਂ ਨੂੰ ਲੈ ਕੇ ਉਹ ਮੇਰਾ ਮਜਾਕ ਉਡਾ ਰਹੇ ਹਨ, ਉਹ ਉਦੋਂ ਮਿਲੇ ਸਨ, ਜਦੋਂ ਮੈਂ ਆਪਣੀ ਨਾਮਜ਼ਦਗੀ ਤੱਕ ਵਾਪਸ ਲੈ ਲਈ ਸੀ। ਉਹ ਚੋਣ ਖਰੜ ਤੋਂ ਸੀ, ਜਦਕਿ ਮੈਂ ਸਮਾਣਾ ਤੋਂ ਬਿਨ੍ਹਾਂ ਵਿਰੋਧ ਜੇਤੂ ਰਿਹਾ ਸੀ।” ਕੈਪਟਨ ਨੇ ਪੁੱਛਿਆ, “ਇਹ ਕੀ ਵਿਖਾਉਂਦਾ ਹੈ ਕਿਜਾਂ ਫਿਰ ਸਿੱਧੂ ਇੰਨੇ ਬੇਵਕੂਫ ਹਨ ਕਿ ਇਸ ਨੂੰ ਕਦੇ ਸਮਝ ਨਹੀਂ ਸਕਦੇ।”
‘You do have the knack of putting your foot in your mouth @sherryontopp! The 856 votes you are mocking came even after I withdrew my nomination from Kharar since I’d won unopposed from Samana. So what does that show? Or are you too dumb to understand’: @capt_amarinder 1/3 https://t.co/WXwARektgC
— Raveen Thukral (@RT_Media_Capt) October 27, 2021
ਕੈਪਟਨ ਨੇ ਕਿਹਾ, “ਸਿਰਫ਼ ਬੈਲੇਟ ਪੇਪਰ ਵਿੱਚ ਮੇਰਾ ਨਾਂਅ ਹੋਣ ਦੇ ਚਲਦੇ ਮੈਨੂੰ ਇੰਨੀਆਂ ਵੋਟਾਂ ਮਿਲੀਆਂ, ਜਦਕਿ ਮੈਂ ਚੋਣਾਂ ਤੋਂ ਨਾਂਅ ਵਾਪਸ ਲੈ ਚੁੱਕਿਆ ਸੀ।” ਉਹਨਾਂ ਸਵਾਲ ਕੀਤਾ, “ਕੀ ਮੈਨੂੰ ਦੱਸਣ ਦੀ ਲੋੜ ਹੈ ਕਿ ਜਦੋਂ ਮੈਂ ਅਸਲ ਵਿੱਚ ਚੋਣ ਲੜਾਂਗਾ ਤਾਂ ਕੀ ਹੋਵੇਗਾ? ਪੂਰਾ ਪੰਜਾਬ ਜਾਣਦਾ ਹੈ ਕਿ ਮੈਂ 2 ਵਾਰ ਲੋਕ ਸਭਾ ਅਤੇ 5 ਵਾਰ ਵਿਧਾਨ ਸਭਾ ਚੋਣ ਜਿੱਤ ਚੁੱਕਿਆ ਹਾਂ।”
‘If I could get those 856 votes just because my name was on the ballot paper after I withdrew from contest, do I even need to spell out what happens when I actually fight? In fact, all Punjab knows I’ve won LS polls twice & Assembly 6 times @sherryontopp’: @capt_amarinder 2/3
— Raveen Thukral (@RT_Media_Capt) October 27, 2021
ਕੈਪਟਨ ਨੇ ਕਿਹਾ, “ਸਿੱਧੂ ਆਪਣੇ ਕੰਮ ‘ਤੇ ਫੋਕਸ ਕਿਉਂ ਨਹੀਂ ਕਰਦੇ। ਸਾਰਾ ਦਿਨ ਮੇਰੇ ‘ਤੇ ਅਟੈਕ ਕਰਨ ਵਿੱਚ ਸਮਾਂ ਬਰਬਾਦ ਕਿਉਂ ਕਰ ਰਹੇ ਹਨ।” ਉਹਨਾਂ ਤੰਜ ਕਸਦਿਆਂ ਕਿਹਾ ਕਿ ਜੇਕਰ ਸਿੱਧੂ ਨੇ ਪੰਜਾਬ ਕਾਂਗਰਸ ਨੂੰ ਬਰਬਾਦ ਕਰਨ ਦਾ ਮਨ ਬਣਾ ਹੀ ਲਿਆ ਹੈ, ਤਾਂ ਉਹ ਮੇਰਾ ਹੀ ਕੰਮ ਅਸਾਨ ਕਰ ਰਹੇ ਹਨ।
‘So why don’t you focus on your work instead of wasting your time attacking me all day long @sherryontopp? Unless you’ve made up your mind to not rest till you’ve destroyed @INCPunjab. And if that’s the case then you’re only making my task easier!’ @capt_amarinder 3/3
— Raveen Thukral (@RT_Media_Capt) October 27, 2021
ਵੈਸੇ ਸਿਰਫ਼ ਸਿੱਧੂ ਹੀ ਨਹੀਂ, ਬਲਕਿ ਚੰਨੀ ਕੈਬਨਿਟ ਦੇ ਕਈ ਮੰਤਰੀ ਵੀ ਕੈਪਟਨ ‘ਤੇ ਹਮਲਾਵਰ ਹਨ। ਇਹ ਮੰਤਰੀ ਕੈਪਟਨ ਦੇ ਨਵੀਂ ਸਿਆਸੀ ਪਾਰਟੀ ਬਣਾਉਣ ਦੇ ਫੈਸਲੇ ਨੂੰ ਉਹਨਾਂ ਦੀ ਸਭ ਤੋਂ ਵੱਡੀ ਸਿਆਸੀ ਭੁੱਲ ਦੱਸ ਰਹੇ ਹਨ।
