September 18, 2022
(Bureau Report)
ਮੋਹਾਲੀ ਦੀ ਚੰਡੀਗੜ੍ਹ ਯੂਨੀਵਰਸਿਟੀ ਵਿੱਚ ਕੁੜੀਆੰ ਦੇ ਵੀਡੀਓ ਲੀਕ ਮਾਮਲੇ ਵਿੱਚ ਇੱਕ ਨਵੀੰ ਕਹਾਣੀ ਸਾਹਮਣੇ ਆ ਗਈ ਹੈ। ਇਸ ਮਾਮਲੇ ਵਿੱਚ ਮੋਹਾਲੀ ਪੁਲਿਸ ਵੱਲੋੰ ਦਰਜ FIR ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਜਦੋੰ ਹੋਸਟਲ ਦੀਆੰ ਕੁੜੀਆੰ ਨੇ ਮੁਲਜ਼ਮ ਕੁੜੀ ‘ਤੇ ਸ਼ੱਕ ਜਤਾਉੰਦੇ ਹੋਏ ਹੋਸਟਲ ਪ੍ਰਬੰਧਨ ‘ਤੇ ਸ਼ੱਕ ਜਤਾਇਆ, ਤਾੰ ਉਸਨੇ ਅਸ਼ਲੀਲ ਫੋਟੋ ਅਤੇ ਵੀਡੀਓ ਆਪਣੇ ਫੋਨ ‘ਚੋੰ ਡਿਲੀਟ ਕਰ ਦਿੱਤੇ।
ਹੋਸਟਲ ਪ੍ਰਬੰਧਨ ਨੇ ਕੁੜੀ ਨੂੰ ਕਹਿ ਕੇ ਸ਼ਿਮਲਾ ‘ਚ ਉਸਦੇ ਼ਦੋਸਤ ਤੋੰ ਫੋਟੋ-ਵੀਡੀਓ ਮੰਗਵਾਏ, ਤਾੰ ਉਸਨੇ ਅਸ਼ਲੀਲ ਵੀਡੀਓ ਦਾ ਸਕ੍ਰੀਨਸ਼ਾਟ ਭੇਜ ਦਿੱਤਾ, ਜਿਸ ਤੋੰ ਬਾਅਦ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਗਈ। ਪੁਲਿਸ ਨੇ ਇਸ ਮਾਮਲੇ ‘ਚ ਮੁਲਜ਼ਮ ਵਿਦਿਆਰਥਣ ਅਤੇ ਉਸਦੇ ਸਾਥੀ ਸੰਨੀ ‘ਤੇ IPC ਦੀ ਧਾਰਾ 354-C ਅਤੇ IT ਐਕਟ ਦੇ ਤਹਿਤ ਕੇਸ ਦਰਜ ਕੀਤਾ ਹੈ।
FIR ਵਿੱਚ ਕੀ ਹੈ..?
ਇਸ ਕੇਸ ਵਿੱਚ ਦਰਜ FIR ਦੇ ਮੁਤਾਬਕ, ਸ਼ਨੀਵਾਰ ਸ਼ਾਮ 3 ਵਜੇ ਦੇ ਕਰੀਬ ਕੁਝ ਕੁੜੀਆੰ ਹੋਸਟਲ ਵਾਰਡਨ ਰਾਜਵਿੰਦਰ ਕੌਰ ਦੇ ਕੋਲ ਪਹੁੰਚੀਆੰ। ਕੁੜੀਆੰ ਨੇ ਖਦਸ਼ਾ ਜ਼ਾਹਿਰ ਕੀਤਾ ਕਿ ਮੁਲਜ਼ਮ ਵਿਦਿਆਰਥਣ ਬਾਥਰੂਮ ਵਿੱਚ 6 ਕੁੜੀਆੰ ਦਾ ਵੀਡੀਓ ਬਣਾ ਰਹੀ ਸੀ। ਵਾਰਡਨ ਰਾਜਵਿੰਦਰ ਕੌਰ ਨੇ ਕੁੜੀ ਤੋੰ ਪੁੱਛਗਿੱਛ ਕੀਤੀ, ਜਿਸ ਤੋੰ ਬਾਅਦ ਪੂਰਾ ਮਾਮਲਾ ਗਰਲਸ ਹੋਸਟਲ ਦੀ ਮੈਨੇਜਰ ਰੀਤੂ ਦੇ ਧਿਆਨ ਵਿੱਚ ਲਿਆੰਦਾ ਗਿਆ।
ਮਾਮਲੇ ਦੀ ਸੰਵੇਦਨਸ਼ੀਲਤਾ ਨੂੰ ਵੇਖਦੇ ਹੋਏ ਗਰਲਸ ਹੋਸਟਲ ਦੀ ਮੈਨੇਜਰ ਨੇ ਮੁਲਜ਼ਮ ਕੁੜੀ ਸਮੇਤ ਸ਼ੱਕ ਜਤਾਉਣ ਵਾਲੀਆੰ ਕੁੜੀਆੰ ਨੂੰ ਆਪਣੇ ਕੋਲ ਸੱਦਿਆ। ਵਾਰਡਨ ਸਾਰਿਆੰ ਨੂੰ ਲੈ ਕੇ ਮੈਨੇਜਰ ਦੇ ਕੋਲ ਪਹੁੰਚੀ। ਇਸ ਦੌਰਾਨ ਮੁਲਜ਼ਮ ਵਿਦਿਆਰਥਣ ਦਾ ਮੋਬਾਈਲ ਚੈੱਕ ਕੀਤਾ ਗਿਆ, ਤਾੰ ਉਸ ਵਿੱਚੋੰ ਫੋਟੋ ਅਤੇ ਵੀਡੀਓ ਡਿਲੀਟ ਕੀਤੇ ਹੋਏ ਮਿਲੇ।
ਇਸ ਦੌਰਾਨ ਮੁਲਜ਼ਮ ਵਿਦਿਆਰਥਣ ਦੇ ਫੋਨ ‘ਤੇ ਲਗਾਤਾਰ ਕਾਲ ਤੇ ਮੈਸੇਜ ਆ ਰਹੇ ਸਨ, ਜਿਸ ਤੋੰ ਬਾਅਦ ਮੈਨੇਜਰ ਨੂੰ ਉਸ ‘ਤੇ ਸ਼ੱਕ ਹੋ ਗਿਆ। ਮੈਨੇਜਰ ਨੇ ਮੁਲਜ਼ਮ ਵਿਦਿਆਰਥਣ ਨੂੰ ਫੋਨ ਕਾਲ ਚੁੱਕਣ ਲਈ ਕਿਹਾ ਅਤੇ ਸਪੀਕਰ ਆਨ ਕਰਵਾ ਲਿਆ। ਮੈਨੇਜਰ ਨੂੰ ਵਿਦਿਆਰਥਣ ਨੂੰ ਕਿਹਾ ਕਿ ਉਹ ਕਾਲ ਕਰਨ ਵਾਲੇ ਮੁੰਡੇ ਨੂੰ ਕਹੇ ਕਿ ਉਸਦੇ ਕੋਲ ਜੋ ਫੋਟੋ ਅਤੇ ਵੀਡੀਓ ਹਨ, ਉਹ ਉਸ ਨੂੰ ਭੇਜੇ। ਇਹ ਸੁਣ ਕੇ ਮੁੰਡੇ ਨੂੰ ਉਸ ਨੂੰ ਅਸ਼ਲੀਲ ਵੀਡੀਓ ਦਾ ਸਕ੍ਰੀਨਸ਼ਾਟ ਭੇਜ ਦਿੱਤਾ। ਮੈਨੇਜਰ ਨੇ ਸਖਤੀ ਕੀਤੀ, ਤਾੰ ਮੁਲਜ਼ਮ ਵਿਦਿਆਰਥਣ ਨੇ ਸਭ ਕਬੂਲ ਕਰ ਲਿਆ।
ਮੁਲਜ਼ਮ ਵਿਦਿਆਰਥਣ ਨੇ ਕਿਹਾ ਕਿ ਇਹ ਵੀਡੀਓ ਉਸਨੇ ਹੀ ਬਣਾਇਆ ਸੀ। ਉਸਨੇ ਕਿਹਾ ਕਿ ਮੇਰਾ ਦੋਸਤ ਸੰਨੀ ਸ਼ਿਮਲਾ ਵਿੱਚ ਰਹਿੰਦਾ ਹੈ। ਉਸ ਨੂੰ ਹੀ ਇਹ ਵੀਡੀਓ ਭੇਜਿਆ ਸੀ। ਇਹ ਵੀਡੀਓ ਅਤੇ ਫੋਟੋ ਦੂਜੇ ਮੋਬਾਈਲ ‘ਤੇ ਕਿਵੇੰ ਪਹੁੰਚੇ, ਇਸ ਬਾਰੇ ਉਸ ਨੂੰ ਪਤਾ ਨਹੀੰ ਹੈ। ਪੁਸ਼ਟੀ ਹੋਣ ਤੋੰ ਬਾਅਦ ਮੈਨੇਜਰ ਨੇ ਪੁਲਿਸ ਨੂੰ ਇਸ ਬਾਰੇ ਸ਼ਿਕਾਇਤ ਦਰਜ ਕਰਵਾ ਦਿੱਤੀ।
FIR ਨੇ SSP ਦੇ ਦਾਅਵੇ ‘ਤੇ ਚੁੱਕੇ ਸਵਾਲ
FIR ਵਿੱਚ ਇਸ ਪੂਰੇ ਘਟਨਾਕ੍ਰਮ ਦਾ ਜੋ ਜ਼ਿਕਰ ਹੈ, ਉਸ ਤੋੰ ਬਾਅਦ SSP ਦੇ ਦਾਅਵੇ ‘ਤੇ ਸਵਾਲ ਖੜ੍ਹੇ ਹੋ ਰਹੇ ਹਨ। FIR ਵਿੱਚ ਸਾਫ ਤੌਰ ‘ਤੇ ਹੋਸਟਲ ਮੈਨੇਜਰ ਰੀਤੂ ਕਹਿ ਰਹੇ ਹਨ ਕਿ ਕੁੜੀ ਨੇ ਇਲਜ਼ਾਮ ਕਬੂਲ ਕਰ ਲਿਆ ਸੀ। ਮੁਲਜ਼ਮ ਮੁੰਡੇ ਨੇ ਅਸ਼ਲੀਲ ਵੀਡੀਓ ਦਾ ਸਕ੍ਰੀਨਸ਼ਾਟ ਵੀ ਭੇਜਿਆ ਸੀ। ਇਸਦੇ ਬਾਵਜੂਦ SSP ਵਿਵੇਕਸ਼ੀਲ ਸੋਨੀ ਦਾ ਕਹਿਣਾ ਹੈ ਕਿ ਕੁੜੀ ਨੇ ਸਿਰਫ਼ ਇੱਕ ਹੀ ਵੀਡੀਓ ਬਣਾਈ ਸੀ, ਜੋ ਉਸਦੀ ਆਪਣੀ ਵੀਡੀਓ ਹੈ ਅਤੇ ਉਸਨੇ ਆਪਣੇ ਬੁਆਏਫਰੈੰਡ ਨੂੰ ਭੇਜੀ ਸੀ। ਹਾਲਾੰਕਿ ਪੁਲਿਸ ਅਜੇ ਵੀ ਹਰ ਪਹਿਲੂ ਤੋੰ ਮਾਮਲੇ ਦੀ ਜਾੰਚ ਕਰ ਰਹੀ ਹੈ।
