September 20, 2022
(New Delhi)
ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਜਰਮਨੀ ਵਿੱਚ ਕਥਿਤ ਤੌਰ ‘ਤੇ ਹੋਏ ਫਲਾਈਟ ਵਿਵਾਦ ਨੂੰ ਲੈ ਕੇ ਸਵਾਲਾਂ ਦੇ ਘੇਰੇ ਵਿੱਚ ਹਨ। ਵਿਰੋਧੀ ਲਗਾਤਾਰ ਇਸ ਮਾਮਲੇ ‘ਤੇ ਸਰਕਾਰ ਅਤੇ ਆਮ ਆਦਮੀ ਪਾਰਟੀ ਨੂੰ ਘੇਰ ਰਹੇ ਹਨ ਅਤੇ ਹੁਣ ਕੇੰਦਰ ਸਰਕਾਰ ਨੇ ਵੱਡਾ ਫ਼ੈਸਲਾ ਲੈੰਦੇ ਹੋਏ ਮਾਮਲੇ ਦੀ ਜਾੰਚ ਕਰਨ ਦੀ ਗੱਲ ਕਹੀ ਹੈ।
ਕੇੰਦਰੀ ਹਵਾਬਾਜ਼ੀ ਮੰਤਰੀ ਜੋਤੀਰਾਦਿੱਤਿਆ ਸਿੰਧੀਆ ਨੇ ਕਿਹਾ ਕਿ ਉਹਨਾੰ ਦਾ ਮੰਤਰਾਲਾ ਇਸ ਮਾਮਲੇ ਦੀ ਜਾੰਚ ਕਰੇਗਾ। ਉਹਨਾੰ ਕਿਹਾ, “ਇਹ ਪੂਰਾ ਵਿਵਾਦ ਕੌਮਾੰਤਰੀ ਧਰਤੀ ‘ਤੇ ਹੋਇਆ। ਸਾਨੂੰ ਇਹ ਸੁਨਿਸ਼ਚਿਤ ਕਰਨਾ ਹੋਵੇਗਾ ਕਿ ਅਸੀੰ ਤੱਥਾੰ ਨੂੰ ਚੈੱਕ ਕਰੀਏ। ਲੁਫਥਾੰਸਾ ਤੋੰ ਡਾਟਾ ਇਕੱਠਾ ਕਰ ਰਹੇ ਹਾੰ। ਮੈਨੂੰ ਭੇਜੀ ਗਈ ਮੰਗ ਦੇ ਅਧਾਰ ‘ਤੇ ਮੈੰ ਜ਼ਰੂਰ ਇਸ ਮਾਮਲੇ ਨੂੰ ਵੇਖਾੰਗਾ।”
ਪ੍ਰਤਾਪ ਬਾਜਵਾ ਨੇ ਕੀਤੀ ਸੀ ਮੰਗ
ਦੱਸ ਦਈਏ ਕਿ ਪੰਜਾਬ ਵਿਧਾਨ ਸਭਾ ਵਿੱਚ ਵਿਰੋਧੀ ਧਿਰ ਦੇ ਆਗੂ ਪ੍ਰਤਾਪ ਸਿੰਘ ਬਾਜਵਾ ਨੇ ਕੇੰਦਰੀ ਹਵਾਬਾਜ਼ੀ ਮੰਤਰੀ ਜੋਤੀਰਾਦਿੱਤਿਆ ਸਿੰਧੀਆ ਨੂੰ ਇਸ ਸਬੰਧੀ ਪੱਤਰ ਲਿਖਿਆ ਸੀ। ਪੱਤਰ ਵਿੱਚ ਬਾਜਵਾ ਨੇ ਕਿਹਾ ਸੀ ਕਿ ਜੇਕਰ ਸੋਸ਼ਲ ਮੀਡੀਆ ‘ਤੇ ਚੱਲ ਰਹੀਆੰ ਖ਼ਬਰਾੰ ਸਹੀ ਹਨ, ਤਾੰ ਉਸ ਦਫ਼ਤਰ ‘ਤੇ ਵੀ ਭੱਦਾ ਕਲੰਕ ਹੈ, ਜਿਸ ਨੂੰ ਭਗਵੰਤ ਮਾਨ ਸੰਭਾਲ ਰਹੇ ਹਨ। ਇਸ ਲਈ ਲੁਫਥਾੰਸਾ ਏਅਰਲਾਈਨਸ ਤੋੰ ਖ਼ਬਰ ਦੀ ਵੈਰੀਫਿਕੇਸ਼ਨ ਲਈ ਜਾੰਚ ਬਿਠਾਈ ਜਾਵੇ, ਕਿਉੰਕਿ ਇਸ ਵਿੱਚ ਇਕੱਲਾ ਇੱਕ ਸ਼ਖਸ ਨਹੀੰ, ਬਲਕਿ ਉਹ ਦਫ਼ਤਰ ਵੀ ਸ਼ਾਮਲ ਹੈ ਜਿਸ ਨੂੰ ਉਹ ਸੰਭਾਲ ਰਿਹਾ ਹਾ।
ਦੱਸ ਦਈਏ ਕਿ 2 ਦਿਨ ਪਹਿਲਾਂ ਇੱਕ ਵੈੱਬਸਾਈਟ ਦੀ ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਸੀ ਕਿ ਭਗਵੰਤ ਮਾਨ ਨੂੰ ਫਰੈਂਕਫਰਟ ਤੋਂ ਦਿੱਲੀ ਆਉਣ ਵਾਲੀ ਲੁਫਥਾਂਸਾ ਏਅਰਲਾਈਨਸ ਦੀ ਫਲਾਈਟ ਤੋਂ ਉਤਾਰ ਦਿੱਤਾ ਗਿਆ ਸੀ, ਕਿਉਂਕਿ ਉਹਨਾਂ ਨੇ ਇੰਨੀ ਸ਼ਰਾਬ ਪੀਤੀ ਹੋਈ ਸੀ ਕਿ ਆਪਣੈ ਪੈਰਾਂ ‘ਤੇ ਖੜ੍ਹੇ ਵੀ ਨਹੀਂ ਹੋ ਪਾ ਰਹੇ ਸਨ।(ਪੂਰੀ ਖ਼ਬਰ ਇੱਥੇ ਪੜ੍ਹੋ)
