ਬਿਓਰੋ। ਪੰਜਾਬ ਦੀਆਂ ਵਿਧਾਨ ਸਭਾ ਚੋਣਾਂ ‘ਚ ਇਸ ਵਾਰ ਆਮ ਆਦਮੀ ਪਾਰਟੀ ਕੋਈ ਸਿਆਸੀ ਭੁੱਲ ਕਰਨ ਦੇ ਮੂਡ ‘ਚ ਨਹੀਂ। ਪਿਛਲੀਆਂ ਚੋਣਾਂ ਦੇ ਨਤੀਜਿਆਂ ਤੋਂ ਸਬਕ ਲੈਂਦੇ ਹੋਏ ਪਾਰਟੀ ਇਸ ਵਾਰ CM ਚਿਹਰੇ ਦੇ ਨਾਲ ਮੈਦਾਨ ‘ਚ ਉਤਰਨ ਦੀ ਤਿਆਰੀ ‘ਚ ਹੈ। ਹਾਲਾਂਕਿ ਪਾਰਟੀ ਦਾ CM ਉਮੀਦਵਾਰ ਕੌਣ ਹੋਵੇਗਾ, ਇਹ ਫਿਲਹਾਲ ਤੈਅ ਨਹੀਂ ਹੈ। ਪਰ ਪਾਰਟੀ ਦੇ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਆਪਣਾ ਏਜੰਡਾ ਪੰਜਾਬ ਦੇ ਸਾਹਮਣੇ ਰੱਖ ਦਿੱਤਾ ਹੈ।
ਗੁਰੂ ਨਗਰੀ ਅੰਮ੍ਰਿਤਸਰ ਪਹੁੰਚੇ ‘ਆਪ’ ਦੇ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਐਲਾਨ ਕੀਤਾ ਕਿ ਪੰਜਾਬ ‘ਚ ਮੁੱਖ ਮੰਤਰੀ ਦਾ ਚਿਹਰਾ ਸਿੱਖ ਸਮਾਜ ਤੋਂ ਹੋਵੇਗਾ। ਉਹਨਾਂ ਕਿਹਾ, “ਪੰਜਾਬ ‘ਚ ਮੁੱਖ ਮੰਤਰੀ ਦੇ ਅਹੁਦੇ ‘ਤੇ ਸਿੱਖ ਸਮਾਜ ਦਾ ਹੀ ਹੱਕ ਹੈ ਅਤੇ ਇਹ ਹੱਕ ਅਸੀਂ ਉਹਨਾਂ ਤੋਂ ਨਹੀਂ ਖੋਹ ਸਕਦੇ।” ਉਹਨਾਂ ਕਿਹਾ ਕਿ ਪਾਰਟੀ ਇਸ ‘ਤੇ ਮੰਥਨ ਕਰ ਰਹੀ ਹੈ ਕਿ CM ਚਿਹਰਾ ਕੌਣ ਹੋਵੇਗਾ, ਪਰ ਜੋ ਵੀ ਹੋਵੇਗਾ, ਉਸ ‘ਤੇ ਹਰ ਕੋਈ ਮਾਣ ਮਹਿਸੂਸ ਕਰੇਗਾ।
Punjab में आम आदमी पार्टी का CM Face सिख समाज से होगा!
-CM @ArvindKejriwal #PunjabDiUmeedAAP
— AAP (@AamAadmiParty) June 21, 2021
ਅਸੀਂ ਸਿੱਧੂ ਦਾ ਸਨਮਾਨ ਕਰਦੇ ਹਾਂ- ਕੇਜਰੀਵਾਲ
ਸਾਬਕਾ ਕੈਬਨਿਟ ਮੰਤਰੀ ਨਵਜੋਤ ਸਿੱਧੂ ਦੇ ‘ਆਪ’ ‘ਚ ਸ਼ਾਮਲ ਹੋਣ ਦੀਆਂ ਅਟਕਲਾਂ ‘ਤੇ ਕੇਜਰੀਵਾਲ ਨੇ ਕਿਹਾ, “ਉਹ ਇੱਕ ਸੀਨੀਅਰ ਕਾਂਗਰਸੀ ਆਗੂ ਹਨ, ਉਹਨਾਂ ਦੇ ਬਾਰੇ ਅਜਿਹੀਆਂ ਗੱਲਾਂ ਨਹੀਂ ਹੋਣੀਆਂ ਚਾਹੀਦੀਆਂ। ਅਸੀਂ ਉਹਨਾਂ ਦਾ ਸਨਮਾਨ ਕਰਦੇ ਹਾਂ।”
ਸਾਨੂੰ ਇੱਕ ਮੌਕਾ ਦਿਓ- ਕੇਜਰੀਵਾਲ
ਇਸ ਦੌਰਾਨ ਅਰਵਿੰਦ ਕੇਜਰੀਵਾਲ ਨੇ ਪੰਜਾਬ ਦੇ ਲੋਕਾਂ ਨੂੰ ਕਿਹਾ, “ਹੁਣ ਤੱਕ ਤੁਸੀਂ ਤਿੰਨ ਪਾਰਟੀਆਂ ਨੂੰ ਅਣਗਿਣਤ ਮੌਕੇ ਦਿੱਤੇ ਹਨ, ਜਿਹਨਾਂ ਨੇ ਕੁਝ ਵੀ ਨਹੀਂ ਬਦਲਿਆ। ਹੁਣ ਇੱਕ ਮੌਕਾ ਸਾਨੂੰ ਦੇ ਕੇ ਵੇਖੋ, ਅਸੀਂ ਪੰਜਾਬ ਦੀ ਦਸ਼ਾ ਤੇ ਦਿਸ਼ਾ ਦੋਵੇਂ ਬਦਲ ਦਵਾਂਗੇ।”
एक मौका AAP को देकर देखो, हम पंजाब की दशा और दिशा बदल देंगे – CM @ArvindKejriwal #PunjabDiUmeedAAP
— AAP (@AamAadmiParty) June 21, 2021
ਕਾਂਗਰਸ ਦੇ ਕਲੇਸ਼ ਦੇ ਬਹਾਨੇ ਵੀ ਘੇਰਿਆ
ਇਸਦੇ ਨਾਲ ਹੀ ਅਰਵਿੰਦ ਕੇਜਰੀਵਾਲ ਨੇ ਪੰਜਾਬ ਕਾਂਗਰਸ ‘ਚ ਚੱਲ ਰਹੇ ਕਲੇਸ਼ ਨੂੰ ਲੈ ਕੇ ਵੀ ਕੈਪਟਨ ਸਰਕਾਰ ਨੂੰ ਘੇਰਿਆ। ਕੇਜਰੀਵਾਲ ਨੇ ਕਿਹਾ, “ਜਨਤਾ ਕੋਰੋਨਾ ਨਾਲ ਬੇਹਾਲ ਹੈ, ਸੋਚ ਰਹੀ ਹੈ ਕਿ ਸਰਕਾਰ ਸਾਡੀ ਮਦਦ ਕਰੇਗੀ। ਪਰ ਕਾਂਗਰਸ ਦੇ ਆਗੂ ਆਪਸ ‘ਚ ਕੁਰਸੀ ਲਈ ਕੁੱਤੇ-ਬਿੱਲੀਆਂ ਵਾਂਗ ਲੜ ਰਹੇ ਹਨ।”
आज Punjab बहुत बुरे दौर से गुजर रहा है!
जनता कोरोना से त्रस्त है, सोच रही है कि सरकार हमारी मदद करेगी
लेकिन Congress के नेता आपस मे कुर्सी के लिए कुत्ते-बिल्लियों की तरह लड़ रहे है
70 साल में कई बार Congress, अकाली, BJP को मौका दे चुके
-CM @ArvindKejriwal #PunjabDiUmeedAAP pic.twitter.com/A0RyVt0dLk
— AAP (@AamAadmiParty) June 21, 2021
ਹਰਿਮੰਦਿਰ ਸਾਹਿਬ ਵੀ ਹੋਏ ਨਤਮਸਤਕ
ਇਸ ਤੋਂ ਪਹਿਲਾਂ ਅੰਮ੍ਰਿਤਸਰ ਪਹੁੰਚਣ ‘ਤੇ ਅਰਵਿੰਦ ਕੇਜਰੀਵਾਲ ਨੇ ਸੱਚਖੰਡ ਸ੍ਰੀ ਹਰਿਮੰਦਿਰ ਸਾਹਿਬ ਵਿਖੇ ਵੀ ਮੱਥਾ ਟੇਕਿਆ। ਇਸ ਦੌਰਾਨ ‘ਆਪ’ ‘ਚ ਸ਼ਾਮਲ ਹੋਏ ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਸਣੇ ਪੰਜਾਬ ਇਕਾਈ ਦੀ ਤਮਾਮ ਲੀਡਰਸ਼ਿਪ ਉਹਨਾਂ ਦੇ ਨਾਲ ਮੌਜੂਦ ਰਹੀ।
ਆਮ ਆਦਮੀ ਪਾਰਟੀ ਦੇ ਕੌਮੀ @ArvindKejriwal ਸ਼੍ਰੀ ਹਰਿਮੰਦਰ ਸਾਹਿਬ ਅੰਮ੍ਰਿਤਸਰ ਵਿਖੇ ਮੱਥਾ ਟੇਕਣ ਪਹੁੰਚੇ।#PunjabDiUmeedAAP pic.twitter.com/UotwdC0w8k
— AAP Punjab (@AAPPunjab) June 21, 2021
ਦੁਰਗਿਆਣਾ ਮੰਦਰ ਵੀ ਟੇਕਿਆ ਮੱਥਾ
ਇਸ ਤੋਂ ਬਾਅਦ ਅਰਵਿੰਦ ਕੇਜਰੀਵਾਲ ਦੁਰਗਿਆਣਾ ਮੰਦਰ ਵੀ ਗਏ ਅਤੇ ਮਾਤਾ ਰਾਣੀ ਦੇ ਚਰਨਾਂ ‘ਚ ਨਤਮਸਤਕ ਹੋਏ।
ਆਮ ਆਦਮੀ ਪਾਰਟੀ ਦੇ ਕੌਮੀ ਕਨਵੀਨਰ @ArvindKejriwal ਨੇ ਸ਼੍ਰੀ ਦੁਰਗਿਆਣਾ ਮੰਦਿਰ ਅੰਮ੍ਰਿਤਸਰ ਵਿਖੇ ਮੱਥਾ ਟੇਕਿਆ।#PunjabDiUmeedAAP pic.twitter.com/9SGiNwgjbJ
— AAP Punjab (@AAPPunjab) June 21, 2021
