ਬਿਓਰੋ। ਅਗਲੇ ਮਹੀਨੇ ਸ਼ੁਰੂ ਹੋਣ ਵਾਲੇ ਟੋਕਿਓ ਓਲੰਪਿਕਸ ਲਈ ਪੰਜਾਬ ਦੇ ਇੱਕ ਹੋਰ ਖਿਡਾਰੀ ਨੇ ਕੁਆਲੀਫਾਈ ਕਰ ਲਿਆ ਹੈ। ਮੋਗਾ ਦੇ ਰਹਿਣ ਵਾਲੇ ਸ਼ੌਟਪੁਟ ਖਿਡਾਰੀ ਤੇਜਿੰਦਰਪਾਲ ਸਿੰਘ ਤੂਰ ਨੇ ਨਵਾਂ ਕੌਮੀ ਰਿਕਾਰਡ ਬਣਾ ਕੇ ਟੋਕਿਓ ਓਲੰਪਿਕ ਦੀ ਟਿਕਟ ਕਟਾਈ ਹੈ। 26 ਸਾਲਾ ਤੂਰ ਨੇ ਇੰਡੀਅਨ ਗ੍ਰਾਂ ਪ੍ਰਿਕਸ ‘ਚ 21.49 ਮੀਟਰ ਦੀ ਦੂਰੀ ਤੈਅ ਕਰਦੇ ਹੋਏ ਇਹ ਉਪਲਬਧੀ ਹਾਸਲ ਕੀਤੀ।
ਆਪਣਾ ਰਿਕਾਰਡ ਤੋੜਿਆ, ਬਣੇ ਏਸ਼ੀਆਈ ਚੈਂਪੀਅਨ
ਤੇਜਿੰਦਰਪਾਲ ਤੂਰ ਨੇ ਓਲੰਪਿਕ ਲਈ ਤੈਅ ਮਾਰਕ(21.10 ਮੀਟਰ) ਤੋਂ ਵੀ ਕਾਫੀ ਬਿਹਤਰ ਪ੍ਰਦਰਸ਼ਨ ਕੀਤਾ। ਉਹਨਾਂ ਨੇ 2019 ‘ਚ ਬਣਾਇਆ ਆਪਣਾ ਹੀ ਰਿਕਾਰਡ(20.92 ਮੀਟਰ) ਤੋੜ ਦਿੱਤਾ। ਇਸਦੇ ਨਾਲ ਹੀ ਉਹਨਾਂ ਨੇ 2009 ‘ਚ ਸਾਊਦੀ ਅਰਬ ਦੇ ਸੁਲਤਾਨ ਅਬਦੁਲਮਜੀਦ ਅਲ-ਹੇਬਸ਼ੀ ਵੱਲੋਂ ਬਣਾਏ ਗਏ 21.13 ਮੀਟਰ ਦੇ ਏਸ਼ੀਆਈ ਰਿਕਾਰਡ ਨੂੰ ਵੀ ਤੋੜ ਦਿੱਤਾ।
Update: @Tajinder_Singh3 who had qualified for #Tokyo2020 in men’s shot put, has also created a Asian record with his throw of 21.49m at the Indian Grand Prix 4. The previous record was 21.13m set in 2009.#Cheer4India pic.twitter.com/Zi8kUljs3q
— SAIMedia (@Media_SAI) June 21, 2021
ਮੁੱਖ ਮੰਤਰੀ ਨੇ ਦਿੱਤੀਆਂ ਸ਼ੁਭਕਾਮਨਾਵਾਂ
ਤੂਰ ਦੀ ਇਸ ਉਪਲਬਧੀ ‘ਤੇ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਟਵੀਟ ਕਰਕੇ ਉਹਨਾਂ ਨੂੰ ਵਧਾਈ ਦਿੱਤੀ। ਨਾਲ ਹੀ ਟੋਕਿਓ ਓਲੰਪਿਕਸ ਲਈ ਸ਼ੁਭਕਾਮਨਾਵਾਂ ਵੀ ਦਿੱਤੀਆਂ।
Congratulations to Asian Gold Medalist Tajinder Pal Singh Toor who has qualified for Tokyo Olympics in shot put event. He achieved it with 21.49 meters throw which is an Asian record and a new National record. Our best wishes are with you. pic.twitter.com/rXZ3nOiYkr
— Capt.Amarinder Singh (@capt_amarinder) June 22, 2021
ਸੁਖਬੀਰ ਬਾਦਲ ਨੇ ਵੀ ਦਿੱਤੀ ਵਧਾਈ
ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਨੇ ਵੀ ਤੇਜਿੰਦਰਪਾਲ ਸਿੰਘ ਤੂਰ ਨੂੰ ਆਪਣਾ ਹੀ ਰਿਕਾਰਡ ਤੋੜਨ ‘ਤੇ ਵਧਾਈ ਦਿੱਤੀ ਹੈ। ਨਾਲ ਹੀ ਟੋਕਿਓ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ।
Hearty congratulations to Tajinderpal Singh Toor, of Moga's Khosa Pando village, on breaking his own record of 20.92m with a Shot Put throw of 21.49m, that qualifies him for the #TokyoOlympics. My best wishes to him for the big games! pic.twitter.com/fkiDCeKax8
— Sukhbir Singh Badal (@officeofssbadal) June 22, 2021
ਕ੍ਰਿਕਟਰ ਤੋਂ ਸ਼ੌਟਪੁਟਰ ਬਣਿਆ ਤੂਰ
ਮੋਗਾ ਦੇ ਖੋਸਾ ਪਾਂਡੋ ਪਿੰਡ ‘ਚ ਜਨਮੇ ਤੇਜਿੰਦਰਪਾਲ ਸਿੰਘ ਤੂਰ ਇੱਕ ਕਿਸਾਨ ਪਰਿਵਾਰ ਨਾਲ ਤਾਲੁੱਕ ਰਖਦੇ ਹਨ। ਆਪਣੇ ਪਿਤਾ ਦੇ ਕਹਿਣ ‘ਤੇ ਕ੍ਰਿਕਟਰ ਤੋਂ ਸ਼ੌਟਪੁਟਰ ਬਣੇ ਤੂਰ 2018 ‘ਚ ਹੋਏ ਜਕਾਰਤਾ ਏਸ਼ੀਅਨ ਗੇਮਸ ‘ਚ ਗੋਲਡ ਮੈਡਲ ਆਪਣੇ ਨਾੰਅ ਕਰ ਚੁੱਕੇ ਹਨ। ਇਸ ਤੋਂ ਇਲਾਵਾ 2017 ‘ਚ ਭੁਵਨੇਸ਼ਵਰ ‘ਚ ਹੋਈ ਏਸ਼ੀਅਨ ਚੈਂਪੀਅਨਸ਼ਿਪ ‘ਚ ਸਿਲਵਰ ਅਤੇ 2019 ‘ਚ ਦੋਹਾ ‘ਚ ਹੋਈ ਏਸ਼ੀਅਨ ਚੈਂਪੀਅਨਸ਼ਿਪ ‘ਚ ਗੋਲਡ ਮੈਡਲ ਹਾਸਲ ਕਰ ਚੁੱਕਿਆ ਹੈ।
