ਬਿਓਰੋ। 2022 ਦੀਆਂ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਪੰਜਾਬ ਦੀ ਸਿਆਸਤ ‘ਚ ਇੱਕ ਅਜਿਹੇ ਸ਼ਖਸ ਦੀ ਐਂਟਰੀ ਹੋ ਚੁੱਕੀ ਹੈ, ਜੋ ਇੱਕ ਅਫ਼ਸਰ ਰਹਿੰਦਿਆਂ ਲਗਾਤਾਰ ਸਿਆਸਤ ਦਾ ਸ਼ਿਕਾਰ ਹੁੰਦਾ ਰਿਹਾ। ਇਥੋਂ ਤੱਕ ਕਿ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਨੇ ਵੀ ਉਹਨਾਂ ਦੀ ਜਾਂਚ ‘ਤੇ ਸਵਾਲ ਚੁੱਕਦੇ ਹੋਏ ਸਿਆਸੀ ਪੱਖਪਾਤ ਦੇ ਇਲਜ਼ਾਮ ਲਾਏ ਸਨ। ਗੱਲ ਕਰ ਰਹੇ ਹਾਂ ਸਾਬਕਾ IPS ਅਫ਼ਸਰ ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਦੀ, ਜਿਹਨਾਂ ਨੇ ਹੁਣ ‘ਆਪ’ ਦਾ ‘ਝਾੜੂ’ ਫੜ ਲਿਆ ਹੈ।
ਅੰਮ੍ਰਿਤਸਰ ਪਹੁੰਚੇ ਪਾਰਟੀ ਦੇ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਉਹਨਾਂ ਨੂੰ ਪਾਰਟੀ ‘ਚ ਸ਼ਾਮਲ ਕਰਵਾਇਆ। ਕੇਜਰੀਵਾਲ ਨੇ ਕਿਹਾ, “ਕੁੰਵਰ ਨੂੰ ਪੰਜਾਬ ਦਾ ਬੱਚਾ-ਬੱਚਾ ਜਾਣਦਾ ਹੈ, ਵਿਰੋਧੀ ਵੀ ਇਹਨਾਂ ਦੀ ਇਮਾਨਦਾਰੀ ਦੀ ਸਹੁੰ ਖਾਂਦੇ ਹਨ। ਲਿਹਾਜ਼ਾ ਇਹ ਬੇਹੱਦ ਖੁਸ਼ੀ ਦੀ ਗੱਲ ਹੈ ਕਿ ਉਹ ਹੁਣ ‘ਆਪ’ ‘ਚ ਸ਼ਾਮਲ ਹੋ ਗਏ ਹਨ।”
ਆਪਣੀ ਇਮਾਨਦਾਰ ਛਵੀ ਲਈ ਮਸ਼ਹੂਰ ਪੰਜਾਬ ਪੁਲਸ ਦੇ ਸਾਬਕਾ ਅਫ਼ਸਰ ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਜੀ ਦਾ ਆਮ ਆਦਮੀ ਪਾਰਟੀ 'ਚ ਮੈਂ ਸਵਾਗਤ ਕਰਦਾ ਹਾਂ। ਪੂਰਾ ਪੰਜਾਬ ਇਸ ਵਕਤ ਬਦਲਾਓ ਚਾਹੁੰਦਾ ਹੈ, ਉਮੀਦ ਸਿਰਫ਼ 'ਆਪ' ਹੈ। ਕੁੰਵਰ ਸਾਹਿਬ ਦਾ ਸਾਥ ਪੰਜਾਬ ਦੇ ਲੋਕਾਂ ਦੀ ਇਸ ਉਮੀਦ ਨੂੰ ਹੋਰ ਮਜ਼ਬੂਤ ਕਰੇਗਾ। pic.twitter.com/Nqguk0bWn4
— Arvind Kejriwal (@ArvindKejriwal) June 21, 2021
ਸਾਡੀ ਸਰਕਾਰ ਆਉਣ ‘ਤੇ ਮਿਲੇਗਾ ਇਨਸਾਫ਼- ਕੇਜਰੀਵਾਲ
ਇਸ ਮੌਕੇ ਅਰਵਿੰਦ ਕੇਜਰੀਵਾਲ ਨੇ ਕਿਹਾ, “ਕੁੰਵਰ ਵਿਜੇ ਪ੍ਰਤਾਪ ਨੇ ਬਰਗਾੜੀ ਕਾਂਡ ‘ਚ ਇਨਸਾਫ਼ ਦਵਾਉਣ ਲਈ ਕਾਫੀ ਸੰਘਰਸ਼ ਕੀਤਾ ਅਤੇ ਪੰਜਾਬ ਨੂੰ ਇਨਸਾਫ਼ ਦਵਾਉਣ ਦੀ ਕੋਸ਼ਿਸ਼ ਕੀਤੀ, ਪਰ ਸਿਸਟਮ ਹੀ ਇਹਨਾਂ ਦੇ ਖਿਲਾਫ਼ ਹੋ ਗਿਆ। ਇਸੇ ਲਈ ਉਹਨਾਂ ਨੇ ਅਸਤੀਫ਼ਾ ਦੇ ਦਿੱਤਾ।” ਕੇਜਰੀਵਾਲ ਨੇ ਕਿਹਾ ਕਿ ਸੀਨੀਅਰ IPS ਅਫ਼ਸਰ ਦੀ ਨੌਕਰੀ ਛੱਡਣਾ ਕੋਈ ਖੇਡ ਨਹੀਂ। ਉਹਨਾਂ ਕਿਹਾ ਕਿ ‘ਆਪ’ ਦੀ ਸਰਕਾਰ ਬਣਨ ‘ਤੇ ਪੰਜਾਬ ਦੇ ਲੋਕਾਂ ਨੂੰ ਇਨਸਾਫ਼ ਜ਼ਰੂਰ ਮਿਲੇਗਾ ਅਤੇ ਬੇਅਦਬੀ ਦਾ ਮਾਸਟਰਮਾਈਂਡ ਸਲਾਖਾਂ ਪਿੱਛੇ ਹੋਵੇਗਾ।
ਕੁੰਵਰ ਵਿਜੇ ਪ੍ਰਤਾਪ ਜੀ ਨੇ ਬਰਗਾੜੀ ਕਾਂਡ 'ਚ ਇਨਸਾਫ਼ ਦਿਵਾਉਣ ਲਈ ਸੰਘਰਸ਼ ਕੀਤਾ।
– ਜਦੋਂ ਸਾਰਾ ਸਿਸਟਮ ਖਿਲਾਫ਼ ਹੋ ਗਿਆ ਤਾਂ ਇਨ੍ਹਾਂ ਨੇ ਅਸਤੀਫ਼ਾ ਦੇ ਦਿੱਤਾ।
– ਸੀਨੀਅਰ IPS ਅਫ਼ਸਰ ਦੀ ਨੌਕਰੀ ਛੜ੍ਹਣਾ ਕੋਈ ਖੇਡ ਨਹੀਂ।
– 'ਆਪ' ਦੀ ਸਰਕਾਰ ਬਣੇਗੀ ਤਾਂ ਪੰਜਾਬ ਦੇ ਲੋਕਾਂ ਨੂੰ ਮਿਲੇਗਾ ਇਨਸਾਫ਼-@ArvindKejriwal
#PunjabDiUmeedAAP pic.twitter.com/56DdCmZdwE
— AAP Punjab (@AAPPunjab) June 21, 2021
ਅਸੀਂ ਰਾਜਨੀਤੀ ਦੀ ਪਰੀਭਾਸ਼ਾ ਬਦਲ ਦੇਣੀ- ਕੁੰਵਰ
‘ਆਪ’ ‘ਚ ਸ਼ਾਮਲ ਹੋਣ ਤੋਂ ਬਾਅਦ ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਨੇ ਕਿਹਾ ਕਿ ਇਸ ਨਵੀਂ ਸ਼ੁਰੂਆਤ ਜ਼ਰੀਏ ਉਹ ਸਿਆਸਤ ਦੀ ਪਰੀਭਾਸ਼ਾ ਬਦਲ ਦੇਣਗੇ। ਬੇਅਦਬੀ ਕਾਂਡ ‘ਚ ਜਾਂਚ ਨੂੰ ਲੈ ਕੇ ਵੀ ਉਹਨਾਂ ਸਵਾਲ ਚੁੱਕੇ ਅਤੇ ਕਿਹਾ ਕਿ ਜਾਂਚ ਰਿਪੋਰਟ ਫ਼ਰੀਦਕੋਟ ਪਈ ਸੀ, ਪਰ ਆਦੇਸ਼ ਚੰਡੀਗੜ੍ਹ ਤੋਂ ਜਾਰੀ ਕੀਤੇ ਜਾ ਰਹੇ ਸਨ। ਉਹਨਾਂ ਕਿਹਾ ਕਿ ਜਦੋਂ ਗੁਨਾਹਾਂ ਦੇ ਹਿਸਾਬ ਦਾ ਸਮਾਂ ਆਇਆ, ਤਾਂ ਜਾਂਚ ਨੂੰ ਰੱਦ ਕਰਵਾ ਦਿੱਤਾ ਗਿਆ।
ਅਸੀਂ ਰਾਜਨੀਤੀ ਦੀ Defination ਬਦਲ ਦੇਣੀ ਹੈ !!
– ਦਿੱਲੀ 'ਚ ਕੇਜਰੀਵਾਲ ਸਰਕਾਰ ਪਾਵਰ ਘੱਟ ਕਰਨ ਲਈ ਕਾਨੂੰਨ 'ਚ – Amendment ਕੀਤਾ, ਫ਼ੇਰ ਵੀ ਦਿੱਲੀ 'ਚ ਬਹੁਤ ਕੰਮ ਹੋ ਰਹੇ ਹਨ।
– ਪੰਜਾਬ 'ਚ 💯% ਪਾਵਰ ਹੋਵੇਗੀ ਤਾਂ ਜਨਤਾ ਦੀ ਪਾਵਰ ਜਨਤਾ ਦੇ ਹੱਥਾਂ 'ਚ ਹੋਵੇਗੀ। ਹਰ ਥਾਂ ਖੁਸ਼ਹਾਲੀ ਹੋਵੇਗੀ- ਕੁੰਵਰ ਵਿਜੇ ਪ੍ਰਤਾਪ#PunjabDiUmeedAAP pic.twitter.com/c9tzmyXral
— AAP Punjab (@AAPPunjab) June 21, 2021
ਪੰਜਾਬ ਨੂੰ ਸਿਰਫ਼ ‘ਆਪ’ ਤੋਂ ਉਮੀਦ- ਸਿਸੋਦੀਆ
ਦਿੱਲੀ ਦੇ ਉਪ ਮੁੱਖ ਮੰਤਰੀ ਮਨੀਸ਼ ਸਿਸੋਦੀਆ ਨੇ ਵੀ ਕੁੰਵਰ ਦਾ ਪਾਰਟੀ ‘ਚ ਸਵਾਗਤ ਕੀਤਾ। ਆਪਣੇ ਟਵੀਟ ‘ਚ ਉਹਨਾਂ ਲਿਖਿਆ, “ਕੁੰਵਰ ਵਿਜੇ ਪ੍ਰਤਾਪ ਵਰਗੇ ਇਮਾਨਦਾਰ ਅਤੇ ਨਿਡਰ ਅਫ਼ਸਰ ਦਾ ‘ਆਪ’ ‘ਚ ਸ਼ਾਮਲ ਹੋਣਾ ਦੱਸਦਾ ਹੈ ਕਿ ਪੰਜਾਬ ਦੀ ਜਨਤਾ ਨੂੰ ਸਿਰਫ਼ AAP ਤੋਂ ਉਮੀਦ ਹੈ।”
पंजाब पुलिस के पूर्व IG कुंवर विजय प्रताप जी का आम आदमी पार्टी में स्वागत है।
कुंवर विजय प्रताप जी जैसे ईमानदार और निडर अफसर का @AAPPunjab में शामिल होना यह बताता है कि पंजाब की जनता को अब सिर्फ AAP से उम्मीद है।#PunjabDiUmeedAAP pic.twitter.com/zJKZSmG2jA
— Manish Sisodia (@msisodia) June 21, 2021
ਕਿਉਂ ਅਹਿਮ ਹੈ ਕੁੰਵਰ ਵਿਜੇ ਪ੍ਰਤਾਪ ਦੀ ਸਿਆਸਤ ‘ਚ ਐਂਟਰੀ ?
ਦੱਸ ਦਈਏ ਕਿ ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਬਰਗਾੜੀ ਬੇਅਦਬੀ ਅਤੇ ਗੋਲੀ ਕਾਂਡ ਦੀ ਜਾਂਚ ਲਈ ਕੈਪਟਨ ਸਰਕਾਰ ਵੱਲੋਂ ਗਠਿਤ SIT ਦੇ ਮੁਖੀ ਸਨ। ਹਾਈਕੋਰਟ ਵੱਲੋਂ ਉਹਨਾਂ ਦੀ ਜਾਂਚ ਨੂੰ ਪੱਖਪਾਤੀ ਅਤੇ ਸਿਆਸਤ ਤੋਂ ਪ੍ਰੇਰਿਤ ਦੱਸਦਿਆਂ ਰੱਦ ਕਰ ਦਿੱਤਾ ਗਿਆ ਸੀ ਅਤੇ ਉਹਨਾਂ ਤੋਂ ਬਿਨ੍ਹਾਂ ਨਵੀਂ SIT ਗਠਿਤ ਕੀਤੇ ਜਾਣ ਲਈ ਕਿਹਾ ਸੀ। ਇਸ ਤੋਂ ਬਾਅਦ ਕੁੰਵਰ ਵਿਜੇ ਪ੍ਰਤਾਪ ਨੇ ਸਮੇਂ ਤੋਂ ਪਹਿਲਾਂ ਰਿਟਾਇਰਮੈਂਟ ਲੈਂਦੇ ਹੋਏ IG ਦੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਸੀ।
