ਨਵੀਂ ਦਿੱਲੀ। ਦੇਸ਼ ਦੀ ਰਾਜਧਾਨੀ ਦਿੱਲੀ ਦੀਆਂ ਬਰੂਹਾਂ ‘ਤੇ ਅੰਦੋਲਨ ਕਰ ਰਹੇ ਕਿਸਾਨਾਂ ਨੂੰ 8 ਮਹੀਨੇ ਪੂਰੇ ਹੋ ਗਏ ਹਨ, ਪਰ ਹਾਲੇ ਤੱਕ ਇਸ ਮਾਮਲੇ ਦਾ ਕੋਈ ਹੱਲ ਨਹੀਂ ਨਿਕਲਿਆ ਹੈ। ਵਿਰੋਧੀ ਲਗਾਤਾਰ ਸਰਕਾਰ ਨੂੰ ਘੇਰ ਰਹੇ ਹਨ। ਕਾਂਗਰਸ ਸਾਂਸਦ ਰਾਹੁਲ ਗਾਂਧੀ ਨੇ ਉਸ ਵੇਲੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ, ਜਦੋਂ ਉਹ ਦਿੱਲੀ ਦੀਆਂ ਸੜਕਾਂ ‘ਤੇ ਟ੍ਰੈਕਟਰ ਚਲਾਉਂਦੇ ਹੋਏ ਨਜ਼ਰ ਆਏ। ਰਾਹੁਲ ਕਿਸਾਨ ਅੰਦੋਲਨ ਦੇ ਸਮਰਥਨ ‘ਚ ਟ੍ਰੈਕਟਰ ਚਲਵਾ ਕੇ ਸੰਸਦ ਭਵਨ ਪਹੁੰਚੇ। ਰਾਹੁਲ ਗਾਂਧੀ ਦੇ ਨਾਲ ਪੰਜਾਬ ਦੇ ਕਈ ਕਾਂਗਰਸੀ ਸਾਂਸਦ ਮੌਜੂਦ ਸਨ।
ਰਾਹੁਲ ਗਾਂਧੀ ਨੇ ਕਿਹਾ ਕਿ ਜੇਕਰ ਸਰਕਾਰ ਕਿਸਾਨਾਂ ਦੀ ਗੱਲ ਨਹੀਂ ਸੁਣੇਗੀ, ਤਾਂ ਉਹ ਖੇਤ ਵੇਚਣ ਲਈ ਮਜਬੂਰ ਹੋਵੇਗਾ। ਫਿਰ ਟ੍ਰੈਕਟਰ ਸੰਸਦ ‘ਚ ਹੀ ਚੱਲੇਗਾ।
अगर खेत बेचने पर मजबूर करोगे, तो ट्रैक्टर संसद में चलेगा- सत्य की फ़सल उगाकर रहेंगे!
कृषि-विरोधी क़ानून वापस लो।#FarmersProtest pic.twitter.com/19PnIRet4U
— Rahul Gandhi (@RahulGandhi) July 26, 2021
ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਨੇ ਰਾਹੁਲ ਗਾਂਧੀ ਦੇ ਟਵੀਟ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ ਕਿ ਕਾਂਗਰਸ ਪਾਰਟੀ ਸੰਯੁਕਤ ਕਿਸਾਨ ਮੋਰਚਾ ਅਤੇ ਸੱਤਿਆਗ੍ਰਹੀਆਂ ਦੇ ਨਾਲ ਹੈ। ਤਿੰਨੇ ਕਾਲੇ ਕਾਨੂੰਨ ਵਾਪਸ ਹੋਣੇ ਚਾਹੀਦੇ ਹਨ।
Congress Party stands firmly with the SKM and Kisan Satyagrahis … the three black laws must be repealed !! #FarmersProtest https://t.co/8sein4rI8K
— Navjot Singh Sidhu (@sherryontopp) July 26, 2021
ਓਧਰ ਅਕਾਲੀ ਦਲ ਨੇ ਰਾਹੁਲ ਗਾਂਧੀ ਦੇ ਟ੍ਰੈਕਟਰ ਮਾਰਚ ਨੂੰ ਨੌਟੰਕੀ ਕਰਾਰ ਦਿੱਤਾ। ਹਰਸਿਮਰਤ ਨੇ ਲਿਖਿਆ, “ਰਾਹੁਲ ਗਾਂਧੀ ਫਿਰ ਫੋਟੋ ਔਪ ‘ਤੇ ਪਹੁੰਚ ਗਏ ਹਨ। ਜਦੋਂ ਸੰਸਦ ‘ਚ ਖੇਤੀ ਕਾਨੂੰਨਾਂ ਦੇ ਖਿਲਾਫ਼ ਵੋਟ ਪੈ ਰਹੇ ਸਨ, ਤਾਂ ਤੁਸੀਂ ਤੇ ਤੁਹਾਡੇ ਸਾਂਸਦ ਭੱਜ ਗਏ ਸਨ। ਜਦੋਂ ਸੰਸਦ ‘ਚ ਬਹਿਸ ਦੀ ਵਾਰੀ ਆਈ, ਉਦੋਂ ਵੀ ਸੰਸਦ ‘ਚ ਨਹੀਂ ਆਏ। ਖੁਦ ਕਾਂਗਰਸ ਦੇ ਮੈਨੀਫੈਸਟੋ ‘ਚ ਅਜਿਹੇ ਹੀ ਤਿੰਨ ਕਾਨੂੰਨਾਂ ਦਾ ਵਾਅਦਾ ਕੀਤਾ ਗਿਆ ਸੀ, ਤੁਹਾਡੀ ਸਰਕਾਰ ਨੇ ਉਹਨਾਂ ਨੂੰ ਪੰਜਾਬ ‘ਚ ਲਾਗੂ ਵੀ ਕੀਤਾ। ਕੀ ਤੁਹਾਨੂੰ ਲੱਗਦਾ ਹੈ ਕਿ ਕਿਸਾਨ ਮੂਰਖ ਹਨ?”
Return of the native for Photo Ops? @RahulGandhi you & Cong drove away & didn't return to vote against 3 #FarmBills when it mattered most-in Parl. Didn't return when Parl debated it. Cong manifesto promised 3 Acts.Your govt implemented them in Punjab. You think farmers are fools? pic.twitter.com/3zySyAfCeX
— Harsimrat Kaur Badal (@HarsimratBadal_) July 26, 2021
ਇਸ ਵਿਚਾਲੇ ਖੇਤੀ ਕਾਨੂੰਨਾਂ ਦੇ ਖਿਲਾਫ਼ ਅਕਾਲੀ ਦਲ ਦਾ ਵੀ ਹੱਲਾ-ਬੋਲ ਜਾਰੀ ਹੈ। ਸੋਮਵਾਰ ਨੂੰ ਅਕਾਲੀ ਦਲ ਨੇ ਇੱਕ ਵਾਰ ਫਿਰ ਸੰਸਦ ਦੇ ਬਾਹਰ ਵਿਰੋਧ ਪ੍ਰਦਰਸ਼ਨ ਕੀਤਾ ਅਤੇ ਕਾਨੂੰਨ ਵਾਪਸੀ ਦੀ ਮੰਗ ਕੀਤੀ।
Delhi: MPs of Shiromani Akali Dal and Bahujan Samaj Party stage a protest at Parliament against the three agriculture laws pic.twitter.com/Ufd3vBODED
— ANI (@ANI) July 26, 2021
ਓਧਰ ਆਮ ਆਦਮੀ ਪਾਰਟੀ ਦੇ ਸਾਂਸਦ ਭਗਵੰਤ ਮਾਨ ਨੇ ਸੋਮਵਾਰ ਨੂੰ ਇੱਕ ਵਾਰ ਫਿਰ ਸੰਸਦ ‘ਚ ਖੇਤੀ ਕਾਨੂੰਨਾਂ ‘ਤੇ ਕੰਮ ਰੋਕੂ ਮਤਾ ਦਿੱਤਾ, ਜਿਸ ਨੂੰ ਨਾਮਨਜ਼ੂਰ ਕਰ ਦਿੱਤਾ ਗਿਆ। ਭਗਵੰਤ ਮਾਨ ਨੇ ਕਿਹਾ ਕਿ ਜੇਕਰ ਸਰਕਾਰ ਨੇ ਹੰਕਾਰ ਨਹੀਂ ਛੱਡਿਆ, ਤਾਂ ਇਹ ਅੰਦੋਲਨ ਹੋਰ ਤੇਜ਼ ਹੋਵੇਗਾ।
ਅੱਜ ਫ਼ੇਰ ਲੋਕ ਸਭਾ 'ਚ Adjournment Motion ਨੋਟਿਸ ਦਿੱਤਾ❗
ਕਿਸਾਨਾਂ ਦੇ ਖਿਲਾਫ਼ Bills ਨੂੰ ਵਾਪਸ ਲੈਣ ਵਾਸਤੇ Debate ਕਰੋ।
ਕਿਸਾਨ ਸੰਸਦ ਨਹੀਂ, ਸਰਕਾਰ ਦੇ ਬਣਾਏ ਖੇਤੀ ਕਾਨੂੰਨ ਬੇਤੁਕੇ ਹਨ।
– State President & MP @BhagwantMann pic.twitter.com/1VGpn9lALR
— AAP Punjab (@AAPPunjab) July 26, 2021
ਜੰਤਰ-ਮੰਤਰ ‘ਤੇ ਮਹਿਲਾ ਕਿਸਾਨਾਂ ਦੀ ਸੰਸਦ
ਖੇਤੀ ਕਾਨੂੰਨਾਂ ਦੇ ਖਿਲਾਫ਼ ਕਿਸਾਨਾਂ ਵੱਲੋਂ ਦਿੱਲੀ ਦੇ ਜੰਤਰ-ਮੰਤਰ ‘ਤੇ ਕਿਸਾਨ ਸੰਸਦ ਲਗਾਈ ਜਾ ਰਹੀ ਹੈ। ਸੋਮਵਾਰ ਨੂੰ ਕਰੀਬ 200 ਮਹਿਲਾਵਾਂ ਨੇ ਆਪਣੀ ਅਵਾਜ਼ ਬੁਲੰਦ ਕੀਤੀ। ਮਹਿਲਾਵਾਂ ਦੀ ਕਿਸਾਨ ਸੰਸਦ ‘ਚ ਮੇਧਾ ਪਾਟਕਰ, ਗੁਲ ਪਨਾਗ ਵਰਗੇ ਵੱਡੇ ਨਾੰਅ ਵੀ ਸ਼ਾਮਲ ਰਹੇ।
Women Farmers moving from Singhu Border to attend #MahilaKisanSansad at Jantar Mantar.
Let the world witness this unique experience.#WomenPower @unwomenindia @UN_Women @NCWIndia @50millionmissin @GirlsWhoCode @WomenintheWorld @womensmarch @djjssantulan @FICCIFLO pic.twitter.com/W94LKmnXT2
— Kisan Ekta March (@KisanEktaMarch) July 26, 2021
ਕਾਨੂੰਨ ਵਾਪਸੀ ਲਈ ਤਿਆਰ ਨਹੀਂ ਸਰਕਾਰ
ਦੱਸ ਦਈਏ ਕਿ ਪਿਛਲੇ 8 ਮਹੀਨਿਆਂ ਤੋਂ ਕਿਸਾਨਾਂ ਦਾ ਅੰਦੋਲਨ ਦਿੱਲੀ ਦੇ ਟਿਕਰੀ, ਸਿੰਧੂ ਅਤੇ ਗਾਜੀਪੁਰ ਬਾਰਡਰ ‘ਤੇ ਜਾਰੀ ਹੈ। ਕਿਸਾਨਾਂ ਦੀ ਮੰਗ ਹੈ ਕਿ ਤਿੰਨੇ ਕਾਨੂੰਨ ਵਾਪਸ ਹੋਣ, ਪਰ ਸਰਕਾਰ ਦਾ ਕਹਿਣਾ ਹੈ ਕਿ ਕਾਨੂੰਨ ਵਾਪਸ ਨਹੀਂ ਹੋਣਗੇ। ਜੇਕਰ ਕੋਈ ਬਦਲਾਅ ਕਰਨਾ ਹੈ, ਤਾਂ ਸਰਕਾਰ ਗੱਲਬਾਤ ਲਈ ਤਿਆਰ ਹੈ।
