ਬਿਓਰੋ। ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਪੰਜਾਬ ਸਮੇਤ 5 ਸੂਬਿਆਂ ਵਿੱਚ ਚੋਣ ਰੈਲੀਆਂ ‘ਤੇ ਲੱਗੀ ਰੋਕ ਚੋਣ ਕਮਿਸ਼ਨ ਨੇ ਹਟਾ ਦਿੱਤੀ ਹੈ। ਨਾਲ ਹੀ ਇਹ ਵੀ ਸ਼ਰਤ ਰੱਖੀ ਗਈ ਹੈ ਕਿ ਰੈਲੀ ‘ਚ ਲੋਕਾਂ ਦੀ ਗਿਣਤੀ 1000 ਤੋਂ ਵੱਧ ਨਹੀਂ ਹੋਣੀ ਚਾਹੀਦੀ। ਇਨਡੌਰ ਮੀਟਿੰਗਾਂ ਲਈ ਇਹ ਸਮਰੱਥਾ 500 ਰੱਖੀ ਗਈ ਹੈ।
ਰੈਲੀਆਂ ‘ਤੇ ਲੱਗੀ ਰੋਕ ਬੇਸ਼ੱਕ ਹਟਾ ਦਿੱਤੀ ਗਈ ਹੋਵੇ, ਪਰ ਰੋਡ ਸ਼ੋਅ ਅਤੇ ਬਾਈਕ ਰੈਲੀ ‘ਤੇ ਲੱਗੀ ਰੋਕ ਬਰਕਰਾਰ ਰੱਖੀ ਗਈ ਹੈ। ਇਸਦੇ ਨਾਲ ਹੀ ਡੌਰ ਟੂ ਡੌਰ ਪ੍ਰਚਾਰ ਲਈ ਵੀ ਲੋਕਾਂ ਦੀ ਗਿਣਤੀ ਵਿੱਚ ਇਜਾਫਾ ਕੀਤਾ ਗਿਆ ਹੈ। ਚੋਣ ਕਮਿਸ਼ਨ ਵੱਲੋਂ ਪੰਜਾਬ ਸਣੇ ਸਾਰੇ 5 ਸੂਬਿਆਂ ਵਿੱਚ ਕੋਰੋਨਾ ਦੇ ਤਾਜਾ ਹਾਲਾਤ ਦੀ ਸਮੀਖਿਆ ਕਰਨ ਤੋਂ ਬਾਅਦ ਇਹ ਫੈਸਲੇ ਲਏ ਗਏ ਹਨ। ਹੁਣ 11 ਫਰਵਰੀ ਨੂੰ ਬੈਠਕ ਕਰਕੇ ਮੁੜ ਹਾਲਾਤ ਦੀ ਸਮੀਖਿਆ ਕੀਤੀ ਜਾਵੇਗੀ।
ਚੋਣ ਕਮਿਸ਼ਨ ਵੱਲੋਂ ਲਏ ਫੈਸਲਿਆਂ ਨੂੰ ਵਿਸਥਾਰ ‘ਚ ਇਥੇ ਪੜ੍ਹੋ:-
- ਰੋਡ ਸ਼ੋਅ, ਪੈਦਲ ਯਾਤਰਾ, ਸਾਈਕਲ/ਬਾਈਕ ਰੈਲੀਆਂ ‘ਤੇ ਲੱਗੀ ਰੋਕ 11 ਫਰਵਰੀ ਤੱਕ ਬਰਕਰਾਰ ਰਹੇਗੀ।
- ਗਰਾਊਂਡ ‘ਚ 1000 ਲੋਕਾਂ ਦੇ ਇਕੱਠ ਨਾਲ ਚੋਣ ਰੈਲੀ ਕਰਨ ਦੀ ਇਜਾਜ਼ਤ ਦਿੱਤੀ ਗਈ ਹੈ। ਇਹ ਸਮਰੱਥਾ ਗਰਾਊਂਡ ਦੀ ਸਮਰੱਥਾ ਦੀ 50 ਫੀਸਦ ਹੋ ਸਕਦੀ ਹੈ। ਪਹਿਲਾਂ ਇਹ ਸਮਰੱਥਾ 500 ਰੱਖੀ ਗਈ ਸੀ।
- ਇਨਡੌਰ ਮੀਟਿੰਗਾਂ ਲਈ ਲੋਕਾਂ ਦੀ ਗਿਣਤੀ 300 ਤੋਂ ਵਧਾ ਕੇ 500 ਕਰ ਦਿੱਤੀ ਗਈ ਹੈ। ਇਹ ਸਮਰੱਥਾ ਹਾਲ ਦੀ ਸਮਰੱਥਾ ਦੀ 50 ਫੀਸਦ ਹੋ ਸਕਦੀ ਹੈ।
- ਡੌਰ ਟੂ ਡੌਰ ਪ੍ਰਚਾਰ ਲਈ ਲੋਕਾਂ ਦੀ ਗਿਣਤੀ 10 ਤੋਂ ਵਧਾ ਕੇ 20 ਕਰ ਦਿੱਤੀ ਗਈ ਹੈ। ਸਕਿਓਰਿਟੀ ਪ੍ਰਸੋਨਲ ਨੂੰ ਇਸ ਲਿਮਿਟ ਤੋਂ ਵੱਖ ਰੱਖਿਆ ਗਿਆ ਹੈ।
- ਸਿਆਸੀ ਪਾਰਟੀਆਂ ਅਤੇ ਉਮੀਦਵਾਰਾਂ ਨੂੰ ਸੁਨਿਸ਼ਚਿਤ ਕਰਨਾ ਪਏਗਾ ਕਿ ਇਹਨਾਂ ਸਾਰੇ ਮੌਕਿਆਂ ਦੌਰਾਨ ਕੋਰੋਨਾ ਨਿਯਮਾਂ ਦੀ ਪੂਰੀ ਤਰ੍ਹਾਂ ਪਾਲਣਾ ਕੀਤੀ ਜਾਵੇ।
- ਇਹਨਾਂ ਸਾਰੇ ਮੌਕਿਆਂ ਲਈ ਸਬੰਧਤ DEO ਤੋਂ ਪਹਿਲਾਂ ਇਜਾਜ਼ਤ ਲੈਣੀ ਪਏਗੀ।
