ਬਿਓਰੋ। ਪੰਜਾਬ ਦੇ ਸਿਹਤ ਮੰਤਰੀ ਚੇਤਨ ਸਿੰਘ ਜੌੜਾਮਾਜਰਾ ਦੇ ਰਵੱਈਏ ਨੂੰ ਲੈ ਕੇ ਸ਼ੁਰੂ ਹੋਇਆ ਵਿਵਾਦ ਖਤਮ ਹੁੰਦਾ ਨਜ਼ਰ ਨਹੀੰ ਆ ਰਿਹਾ ਹੈ। ਬਾਬਾ ਫਰੀਦ ਂਮੈਡੀਕਲ ਯੂਨੀਵਰਸਿਟੀ ਦੇ ਵਾਈਸ ਚਾੰਸਲਰ ਤੋੰ ਬਾਅਦ ਹੁਣ ਖਰੜ ਦੀ ਸੀਨੀਅਰ ਮੈਡੀਕਲ ਅਫ਼ਸਰ ਡਾ. ਮਨਿੰਦਰ ਕੌਰ ਨੇ ਆਪਣੇ ਅਹੁਦੇ ਤੋੰ ਅਸਤੀਫ਼ਾ ਦੇ ਦਿੱਤਾ ਹੈ।
ਖਾਸ ਗੱਲ ਹੈ ਕਿ ਡਾ. ਮਨਿੰਦਰ ਕੌਰ ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਚੰਨੀ ਦੀ ਭਰਜਾਈ ਹਨ। ਇਹਨਾੰ ਦੇ ਪਤੀ ਅਤੇ ਸਾਬਕਾ ਸੀਐੱਮ ਚੰਨੀ ਦੇ ਭਰਾ ਡਾ. ਮਨੋਹਰ ਸਿੰਘ ਵੀ SMO ਰਹਿ ਚੁੱਕੇ ਹਨ। ਵਿਧਾਨ ਸਭਾ ਚੋਣਾੰ ਤੋੰ ਪਹਿਲਾੰ ਡਾ. ਮਨੋਹਰ ਸਿੰਘ ਨੇ ਆਪਣੇ ਅਹੁਦੇ ਤੋੰ ਅਸਤੀਫ਼ਾ ਦੇ ਦਿੱਤਾ ਸੀ ਅਤੇ ਬਸੀ ਪਠਾਣਾ ਤੋੰ ਚੋਣ ਲੜੀ ਸੀ।
ਸਿਹਤ ਮੰਤਰੀ ਦੇ ਰਵੱਈਏ ਤੋੰ ਖਫ਼ਾ ਸਨ
ਕੁਝ ਦਿਨ ਪਹਿਲਾੰ ਸਿਹਤ ਮੰਤਰੀ ਚੇਤਨ ਸਿੰਘ ਜੌੜਾਮਾਜਰਾ ਨੇ ਖਰੜ ਹਸਪਤਾਲ ਦੀ ਚੈਕਿੰਗ ਕੀਤੀ ਸੀ, ਜਿਸ ਦੌਰਾਨ ਵਾਰਡ ਵਿੱਚ ਪੱਖੇ ਨਾ ਚੱਲਣ ਅਤੇ ਵਾਸ਼ਰੂਮ ਸਾਫ ਨਾ ਹੋਣ ਦੇ ਚਲਦੇ ਉਹਨਾੰ ਨੇ SMO ਨੂੰ ਝਾੜ ਪਾਈ ਸੀ। ਇਸ ਤੋੰ ਬਾਅਦ ਡਾ. ਮਨਿੰਦਰ ਕੌਰ ਦਾ ਤਬਾਦਲਾ ਖਰੜ ਤੋੰ ਬਰਨਾਲਾ ਦੇ ਧਨੌਲਾ ਵਿੱਚ ਕਰ ਦਿੱਤਾ ਗਿਆ ਸੀ।
ਸਿਹਤ ਮੰਤਰੀ ਚੇਤਨ ਸਿੰਘ ਜੌੜਾਮਾਜਰਾ 20 ਜੁਲਾਈ ਨੂੰ ਖਰੜ ਹਸਪਤਾਲ ਪਹੁੰਚੇ ਸਨ। ਉਹਨਾੰ ਦੇ ਨਾਲ ਸਥਾਨਕ ਵਿਧਾਇਕ ਅਤੇ ਸਰਕਾਰ ‘ਚ ਸੈਰ-ਸਪਾਟਾ ਮੰਤਰੀ ਅਨਮੋਲ ਗਗਨ ਮਾਨ ਵੀ ਮੌਜੂਦ ਸਨ। ਇਸ ਦੌਰਾਨ ਹਸਪਤਾਲ ਵਿੱਚ ਸਫਾਈ ਨੂੰ ਲੈ ਕੇ ਮੰਤਰੀ ਨੇ SMO ਨੂੰ ਖੂਬ ਖਰੀ-ਖੋਟੀ ਸੁਣਾਈ।
ਸਿਹਤ ਮੰਤਰੀ ਤੋੰ CM ਮਾਨ ਨਰਾਜ਼ !
ਜਾਣਕਾਰੀ ਮੁਤਾਬਕ, ਸਿਹਤ ਮੰਤਰੀ ਤੋੰ ਸੀਐੱਮ ਭਗਵੰਤ ਮਾਨ ਵੀ ਨਰਾਜ਼ ਚੱਲ ਰਹੇ ਹਨ। ਫ਼ਰੀਦਕੋਟ ਯੂਨੀਵਰਸਿਟੀ ‘ਚ ਜੋ ਕੁਝ ਹੋਇਆ, ਉਸਦੇ ਬਾਅਦ ਤੋੰ ਮੰਤਰੀ ਨੂੰ ਚੁੱਪ ਰਹਿਣ ਲਈ ਕਿਹਾ ਗਿਆ ਹੈ। ਸਿਹਤ ਮੰਤਰੀ ਫਿਲਹਾਲ ਨਾ ਤਾੰ ਹਸਪਤਾਲਾੰ ਦਾ ਦੌਰਾ ਕਰ ਰਹੇ ਹਨ ਅਤੇ ਨਾ ਹੀ ਆਪਣੇ ਦਫ਼ਤਰ ਆ ਰਹੇ ਹਨ। ਇਥੋੰ ਤੱਕ ਕਿ ਉਹ ਫੋਨ ‘ਤੇ ਵੀ ਉਪਲਬਧ ਨਹੀੰ ਹਨ ਅਤੇ ਮੀਡੀਆ ਤੋੰ ਵੀ ਦੂਰੀ ਬਣਾਈ ਹੋਈ ਹੈ।
