ਲੰਡਨ। ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਜਾਰੀ ਓਵਲ ਟੈਸਟ ਦੇ ਚੌਥੇ ਦਿਨ ਦਾ ਖੇਡ ਸ਼ੁਰੂ ਹੋਣ ਤੋਂ ਪਹਿਲਾਂ ਟੀਮ ਇੰਡੀਆ ਦੇ ਹੈੱਡ ਕੋਚ ਰਵੀ ਸ਼ਾਸਤਰੀ ਕੋਰੋਨਾ ਪਾਜੀਟਿਵ ਪਾਏ ਗਏ ਹਨ। ਜਾਣਕਾਰੀ ਮੁਤਾਬਕ, ਰਵੀ ਸ਼ਾਸਤਰੀ ਦਾ ਨਿਯਮਿਤ ਫਲੋਅ ਟੈਸਟ ਪਾਜੀਟਿਵ ਆਇਆ ਹੈ, ਜਿਸਦੇ ਚਲਦੇ ਅਹਿਤਿਆਤ ਵਜੋਂ ਸ਼ਾਸਤਰੀ ਸਣੇ ਸਟਾਫ ਦੇ 4 ਮੈਂਬਰਾਂ ਨੂੰ ਆਈਸੋਲੇਟ ਕੀਤਾ ਗਿਆ ਹੈ। BCCI ਵੱਲੋਂ ਬਕਾਇਦਾ ਬਿਆਨ ਜਾਰੀ ਕਰਕੇ ਇਸ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ। ਹਾਲਾਂਕਿ ਇਸਦਾ ਅਸਰ ਭਾਰਤ-ਇੰਗਲੈਂਡ ਟੈਸਟ ‘ਤੇ ਬਿਲਕੁੱਲ ਨਹੀਂ ਪਿਆ।
UPDATE – Four members of Team India Support Staff to remain in isolation.
More details here – https://t.co/HDUWL0GrNV #ENGvIND pic.twitter.com/HG77OYRAp2
— BCCI (@BCCI) September 5, 2021
BCCI ਵੱਲੋਂ ਜਾਰੀ ਬਿਆਨ ਵਿੱਚ ਕਿਹਾ ਗਿਆ, “ਹੈੱਡ ਕੋਚ ਰਵੀ ਸ਼ਾਸਤਰੀ, ਗੇਂਦਬਾਜੀ ਕੋਚ ਭਰਤ ਅਰੁਣ, ਫੀਲਡਿੰਗ ਕੋਚ ਆਰ. ਸ਼੍ਰੀਧਰ ਅਤੇ ਫਿਜੀਓਥੈਰੇਪਿਸਟ ਨਿਤਿਨ ਪਟੇਲ ਨੂੰ ਆਈਸੋਲੇਸ਼ਨ ਵਿੱਚ ਰੱਖਿਆ ਗਿਆ ਹੈ। ਸਾਰਿਆਂ ਦਾ RT-PCR ਟੈਸਟ ਹੋਇਆ ਹੈ ਅਤੇ ਉਹ ਟੀਮ ਹੋਟਲ ਵਿੱਚ ਰਹਿਣਗੇ। ਇਹ ਟੀਮ ਇੰਡੀਆ ਦੇ ਨਾਲ ਉਦੋਂ ਤੱਕ ਯਾਤਰਾ ਨਹੀਂ ਕਰਨਗੇ, ਜਦੋਂ ਤੱਕ ਮੈਡੀਕਲ ਟੀਮ ਵੱਲੋਂ ਪੁਸ਼ਟੀ ਨਹੀਂ ਹੋ ਜਾਂਦੀ।“
ਬਿਆਨ ਵਿੱਚ ਅੱਗੇ ਕਿਹਾ ਗਿਆ, “ਟੀਮ ਇੰਡੀਆ ਦੇ ਬਾਕੀ ਮੈਂਬਰਾਂ ਦੇ ਵੀ 2 ਫਲੋ ਟੈਸਟ ਕੀਤੇ ਗਏ ਹਨ- ਇੱਕ ਬੀਤੀ ਰਾਤ ਅਤੇ ਦੂਜੀ ਸਵੇਰੇ। ਜਿਹਨਾਂ ਮੈਂਬਰਾਂ ਦਾ ਟੈਸਟ ਨੇਗੇਟਿਵ ਆਇਆ ਹੈ, ਉਹਨਾਂ ਨੂੰ ਓਵਲ ਵਿੱਚ ਖੇਡੇ ਜਾਣ ਵਾਲੇ ਚੌਥੇ ਟੈਸਟ ਮੈਚ ਦੇ ਚੌਥੇ ਦਿਨ ਮੈਦਾਨ ‘ਤੇ ਜਾਣ ਦੀ ਮਨਜੂਰੀ ਦਿੱਤੀ ਗਈ ਹੈ।”
