ਬਠਿੰਡਾ। ਕ੍ਰਿਕਟ ਦੇ ਮੈਦਾਨ ਵਿੱਚ ਪਾਕਿਸਤਾਨ ਤੋਂ ਮਿਲੀ ਹਾਰ ਤੋਂ ਬਾਅਦ ਬਠਿੰਡਾ ਦੇ ਬਾਬਾ ਫਰੀਦ ਗਰੁੱਪ ਆਫ ਇੰਸਟੀਚਿਊਸ਼ਨਜ਼ ਵਿੱਚ ਹੋਏ ਵਿਵਾਦ ਦੇ ਮਾਮਲੇ ਵਿੱਚ ਇੰਸਟੀਚਿਊਟ ਨੇ ਵੱਡੀ ਕਾਰਵਾਈ ਕੀਤੀ ਹੈ। ਕਾਲਜ ਦੇ ਚਾਰ ਵਿਦਿਆਰਥੀਆਂ ਨੂੰ ਹੋਸਟਲ ਵਿੱਚੋਂ ਬਾਹਰ ਦਾ ਰਸਤਾ ਵਿਖਾ ਦਿੱਤਾ ਗਿਆ ਹੈ। ਬਾਹਰ ਕੱਢੇ ਚਾਰਾਂ ਵਿਦਿਆਰਥੀਆਂ ਦਾ ਸਬੰਧ ਯੂ ਪੀ ਅਤੇ ਬਿਹਾਰ ਨਾਲ ਦੱਸਿਆ ਜਾ ਰਿਹਾ ਹੈ। ਬਾਬਾ ਫਰੀਦ ਗਰੁੱਪ ਵੱਲੋਂ ਜਾਰੀ ਨੋਟਿਸ ਅਨੁਸਾਰ ਕੱਢੇ ਗਏ ਵਿਦਿਆਰਥੀਆਂ ਵਿੱਚ ਕੁਮਾਰ ਕਾਰਤੀਕੇ ਓਝਾ, ਆਯੂਸ਼ ਕੁਮਾਰ ਤਿਵਾੜੀ, ਉੱਜਵਲ ਪਾਂਡੇ ਅਤੇ ਆਯੂਸ਼ ਕੁਮਾਰ ਜੈਸਵਾਲ ਸ਼ਾਮਲ ਹਨ।
ਬਾਬਾ ਫਰੀਦ ਗਰੁੱਪ ਆਫ ਇੰਸਟੀਚਿਊਸ਼ਨਜ਼ ਦੇ ਚੇਅਰਮੈਨ ਗੁਰਮੀਤ ਸਿੰਘ ਧਾਲੀਵਾਲ ਦਾ ਕਹਿਣਾ ਹੈ ਕਿ ਚਾਰਾਂ ਵਿਦਿਆਰਥੀਆਂ ਨੂੰ ਹੋਸਟਲ ਖਾਲੀ ਕਰਨ ਲਈ ਨੋਟਿਸ ਜਾਰੀ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਸੀਸੀਅੀਵੀ ਫੁਟੇਜ਼ ’ਚ ਇੱਕ ਵਿਦਿਆਰਥੀ ਦੇ ਹੱਥ ‘ਚ ਲਾਠੀ ਦੇਖਣ ਤੋਂ ਬਾਅਦ ਅਹਿਤਿਹਾਤ ਦੇ ਤੌਰ ਤੇ ਇਹ ਕਾਰਵਾਈ ਕੀਤੀ ਗਈ ਹੈ। ਉਨ੍ਹਾਂ ਆਖਿਆ ਕਿ ਇਸ ਮਾਮਲੇ ਦੀ ਪੜਤਾਲ ਕੀਤੀ ਜਾਏਗੀ, ਜਿਸ ਦੇ ਅਧਾਰ ‘ਤੇ ਅਗਲਾ ਫੈਸਲਾ ਲਿਆ ਜਾਵੇਗਾ।
ਬੀਜੇਪੀ ਨੇ ਕਾਲਜ ‘ਤੇ ਚੁੱਕੇ ਸਵਾਲ
ਬੀਜੇਪੀ ਆਗੂ ਸੁਭਾਸ਼ ਸ਼ਰਮਾ ਨੇ ਟਵੀਟ ਕਰਕੇ ਕਿਹਾ, “ਇਹ ਬੇਹੱਦ ਨਿਰਾਸ਼ਾਜਨਕ ਹੈ ਕਿ ਬਾਬਾ ਫਰੀਦ ਗਰੁੱਪ ਆਫ ਇੰਸਟੀਚਿਊਸ਼ਨਜ਼ ਨੇ ਦੇਸ਼ ਵਿਰੋਧੀ ਤਾਕਤਾਂ ਨੂੰ ਜਵਾਬ ਦੇਣ ਲਈ 4 ਵਿਦਿਆਰਥੀਆਂ ਨੂੰ ਸਜਾ ਦਿੱਤੀ ਹੈ, ਪਰ ਦੇਸ਼ ਵਿਰੋਧੀ ਤਾਕਤਾਂ ਵਿਰੁੱਧ ਕਾਰਵਾਈ ਨਹੀਂ ਕੀਤੀ। ਪ੍ਰਧਾਨ ਮੰਤਰੀ, ਗ੍ਰਹਿ ਮੰਤਰੀ, ਧਰਮੇਂਦਰ ਪ੍ਰਧਾਨ, UGC ਇੰਡੀਆ ਅਤੇ ਮੁੱਖ ਮੰਤਰੀ ਚੰਨੀ ਨੂੰ ਕਾਰਵਾਈ ਕਰਨੀ ਚਾਹੀਦੀ ਹੈ।”
It’s very disheartening that Baba Farid Groups of Institutions has punished 4 students for their ‘actions’ against anti nationals after #IndiaVsPakistanmatch But No action against the anti nationals.@PMOIndia @AmitShah @dpradhanbjp @ugc_india @CHARANJITCHANNI must take action. pic.twitter.com/P88Nm1wTaP
— Subhash Sharma (@DrSubhash78) October 31, 2021
ਕੀ ਹੈ ਪੂਰਾ ਵਿਵਾਦ?
ਪੂਰਾ ਵਿਵਾਦ ਟੀ-20 ਵਿੱਚ ਹੋਏ ਭਾਰਤ ਅਤੇ ਪਾਕਿਸਤਾਨ ਦੇ ਮੈਚ ਨਾਲ ਜੁੜਿਆ ਹੈ। ਜਾਣਕਾਰੀ ਮੁਤਾਬਕ, ਪਾਕਿਸਤਾਨ ਦੀ ਜਿੱਤ ਤੋਂ ਬਾਅਦ ਕਾਲਜ ਵਿੱਚ ਕਸ਼ਮੀਰੀ ਮੂਲ ਦੇ ਵਿਦਿਆਰਥੀਆਂ ਨੇ ਜਸ਼ਨ ਮਨਾਉਣਾ ਸ਼ੁਰੂ ਕਰ ਦਿੱਤਾ। ਇਸ ਨੂੰ ਲੈਕੇ ਉੱਤਰ ਪ੍ਰਦੇਸ਼ ਅਤੇ ਬਿਹਾਰ ਨਾਲ ਸਬੰਧਤ ਵਿਦਿਆਰਥੀਆਂ ਨੇ ਇਤਰਾਜ ਜਤਾਇਆ ਸੀ। ਪਤਾ ਲੱਗਿਆ ਹੈ ਕਿ ਇਸ ਮਸਲੇ ਨੂੰ ਲੈਕੇ ਦੋਵੇਂ ਧਿਰਾਂ ਹੱਥੋ ਪਾਈ ਵੀ ਹੋਈਆਂ ਸਨ ਜਿਸ ਦੀ ਸੀਸੀਟੀਵੀ ਫੁੱਟੇਜ਼ ਪ੍ਰਬੰਧਕਾਂ ਨੇ ਦੇਖਣ ਉਪਰੰਤ ਇਹ ਫੈਸਲਾ ਲਿਆ ਹੈ।
