ਚੰਡੀਗੜ੍ਹ। ਕਦੇ ਮੋਬਾਈਲ ਤੇ ਨਸ਼ਾ ਅਤੇ ਕਦੇ ਕੈਦੀਆੰ ਦੀ ਆਪਸੀ ਲੜਾਈ…ਕਿਸੇ ਨਾ ਕਿਸੇ ਵਿਵਾਦ ਨੂੰ ਲੈ ਕੇ ਪੰਜਾਬ ਦੀਆੰ ਜੇਲ੍ਹਾੰ ਅਕਸਰ ਵਿਵਾਦਾੰ ਵਿੱਚ ਰਹਿੰਦੀਆੰ ਹਨ। ਇਸ ਵਾਰ ਇੱਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੇ ਸਭ ਦੇ ਹੋਸ਼ ਉਡਾ ਕੇ ਰੱਖ ਦਿੱਤੇ ਹਨ। ਫਿਰੋਜ਼ਪੁਰ ਦੀ ਜੇਲ੍ਹ ਵਿੱਚ ਬੰਦ ਇੱਕ ਕੈਦੀ ਦੀ ਪਿੱਠ ‘ਤੇ ਲੋਹੇ ਦੀ ਗਰਮ ਰਾਡ ਨਾਲ ਗੈੰਗਸਟਰ ਲਿਖ ਦਿੱਤਾ ਗਿਆ ਹੈ।
ਇਹ ਮਾਮਲਾ ਉਸ ਵਕਤ ਸਾਹਮਣੇ ਆਇਆ, ਜਦੋੰ ਤਰਸੇਮ ਸਿੰਘ ਨਾਮੀ ਇਹ ਕੈਦੀ ਕਪੂਰਥਲਾ ਸੈਸ਼ਨ ਕੋਰਟ ਵਿੱਚ ਪੇਸ਼ੀ ਭੁਗਤਣ ਆਇਆ ਸੀ। ਪੇਸ਼ੀ ਦੌਰਾਨ ਕੈਦੀ ਨੇ ਜੱਜ ਦੇ ਸਾਹਮਣੇ ਆਪਣੀ ਕਮੀਜ਼ ਉਤਾਰ ਦਿੱਤੀ ਅਤੇ ਆਪਣੀ ਪਿੱਠ ‘ਤੇ ਲੋਹੇ ਦੀ ਗਰਮ ਰਾਡ ਨਾਲ ‘ਗੈੰਗਸਟਰ’ ਲਿਖਿਆ ਵਿਖਾਇਆ। ਜੱਜ ਦੇ ਸਾਹਮਣੇ ਤਰਸੇਮ ਸਿੰਘ ਨੇ ਕਿਹਾ ਕਿ ਜੇਲ੍ਹ ਪ੍ਰਸ਼ਾਸਨ ਵੱਲੋੰ ਹੀ ਉਸਦੀ ਪਿੱਠ ‘ਤੇ ‘ਗੈੰਗਸਟਰ’ ਲਿਖਿਆ ਗਿਆ ਹੈ। ਇੰਨਾ ਹੀ ਨਹੀੰ, ਉਸਨੇ ਇਲਜ਼ਾਮ ਲਾਇਆ ਕਿ ਜੇਲ੍ਹ ਵਿੱਚ ਹੀ ਉਸ ਨੂੰ ਮਾਰਨ ਦੀ ਪਲਾਨਿੰਗ ਕੀਤੀ ਜਾ ਰਹੀ ਹੈ ਅਤੇ ਉਸਦਾ ਜੇਲ੍ਹ ਵਿੱਚ ਕਤਲ ਵੀ ਹੋ ਸਕਦਾ ਹੈ।
20 ਅਗਸਤ ਤੱਕ ਮੈਡੀਕਲ ਰਿਪੋਰਟ ਪੇਸ਼ ਕਰਨ ਦਾ ਆਦੇਸ਼
ਕੈਦੀ ਦੀ ਪਿੱਠ ‘ਤੇ ਜ਼ਖਮ ਵੇਖ ਕੇ ਜ਼ਿਲ੍ਹਾ ਅਤੇ ਸੈਸ਼ਨ ਜੱਜ ਰਾਕੇਸ਼ ਕੁਮਾਰ ਦੀ ਅਦਾਲਤ ਨੇ ਤੁਰੰਤ ਮੈਡੀਕਲ ਰਿਪੋਰਟ ਕੋਰਟ ਵਿੱਚ ਪੇਸ਼ ਕਕਨ ਦੇ ਆਦੇਸ਼ ਦਿੱਤੇ। ਤਰਸੇਮ ਸਿੰਘ ਦਾ ਮੈਡੀਕਲ ਕਰਵਾ ਕੇ ਉਸਦੀ ਰਿਪੋਰਟ ਅਦਾਲਤ ‘ਚ ਪੇਸ਼ ਕਰਨ ਲਈ ਪੁਲਿਸ ਨੂੰ 20 ਅਗਸਤ ਤੱਕ ਦਾ ਸਮਾੰ ਦਿੱਤਾ ਗਿਆ ਹੈ।
ਪੁਲਿਸ ‘ਤੇ ਝੂਠੇ ਕੇਸ ਪਾਉਣ ਦਾ ਵੀ ਇਲਜ਼ਾਮ
ਤਰਸੇਮ ਸਿੰਘ ਦੇ ਪਿਤਾ ਨੇ ਵੀ ਪੁਲਿਸ ਅਤੇ ਜੇਲ੍ਹ ਪ੍ਰਸ਼ਾਸਨ ‘ਤੇ ਧੱਕੇਸ਼ਾਹੀ ਦਾ ਇਲਜ਼ਾਮ ਲਾਇਆ ਹੈ। ਉਹਨਾੰ ਕਿਹਾ ਕਿ ਜਿਹੜੇ ਲੋਹੇ ਦੀ ਗਰਮ ਰਾਡ ਨਾਲ ਪਿੱਠ ‘ਤੇ ਗੈੰਗਸਟਰ ਲਿਖ ਸਕਦੇ ਹਨ, ਉਹ ਉਸਦਾ ਕਤਲ ਵੀ ਕਰਵਾ ਸਕਦੇ ਹਨ। ਤਰਸੇਮ ਦੇ ਪਿਤਾ ਨੇ ਕਿਹਾ ਕਿ ਉਹਨਾੰ ਦੇ ਬੇਟੇ ਦਾ ਕਿਸੇ ਗੈੰਗਸਟਰ ਨਾਲ ਸਬੰਧ ਨਹੀੰ ਹੈ, ਬਲਕਿ ਪੁਲਿਸ ਨੇ ਹੀ ਉਸ ‘ਤੇ ਝੂਠੇ ਕੇਸ ਪਾਏ। ਜਿਸ ਇੰਸਪੈਕਟਰ ਇੰਦਰਜੀਤ ‘ਤੇ ਉਹਨਾੰ ਨੇ ਝੂਠੇ ਕੇਸ ਪਾਉਣ ਦਾ ਇਲਜ਼ਾਮ ਲਾਇਆ, ਉਹ ਖੁਦ ਵੀ ਇਸ ਵਕਤ ਜੇਲ੍ਹ ਵਿੱਚ ਬੰਦ ਹਨ।
DIG ਨੇ ਖਾਰਜ ਕੀਤੇ ਕੈਦੀ ਦੇ ਇਲਜ਼ਾਮ
DIG ਫਿਰੋਜ਼ਪੁਰ ਰੇੰਜ ਤੇਜਿੰਦਰ ਸਿੰਘ ਨੇ ਕੈਦੀ ਵੱਲੋੰ ਲਾਏ ਸਾਰੇ ਇਲਜ਼ਾਮਾੰ ਨੂੰ ਸਿਰੇ ਤੋੰ ਖਾਰਜ ਕੀਤਾ ਹੈ। ਉਹਨਾੰ ਦਾਅਵਾ ਕੀਤਾ ਕਿ ਕੈਦੀ ਦੇ ਕਿਸੇ ਸਾਥੀ ਨੇ ਹੀ ਉਸਦੀ ਪਿੱਠ ‘ਤੇ ਗੈੰਗਸਟਰ ਿਲਖਿਆ ਸੀ। ਕਿਸੇ ਵੀ ਜੇਲ੍ਹ ਅਧਿਕਾਰੀ ਜਾੰ ਜੇਲ੍ਹ ਸਟਾਫ ਵੱਲੋੰ ਇਹ ਕਾਰਾ ਨਹੀੰ ਕੀਤਾ ਗਿਆ। ਉਹਨਾੰ ਦੱਸਿਆ ਕਿ ਮਾਮਲਾ 10 ਅਗਸਤ ਦਾ ਹੈ। ਉਹਨਾੰ ਕਿਹਾ ਕਿ ਕੈਦੀ ਪਹਿਲਾੰ ਵੀ ਝੂਠ ਬੋਲ ਕੇ ਆਪਣੀ ਗਲਤੀ ਮੰਨ ਚੁੱਕਿਆ ਹੈ ਅਤੇ ਮੁਆਫ਼ੀ ਵੀ ਮੰਗ ਚੁੱਕਿਆ ਹੈ।
ਜੱਗੂ ਭਗਵਾਨਪੁਰੀਆ ਗੈੰਗ ਦਾ ਮੈੰਬਰ ਹੈ ਕੈਦੀ ਤਰਸੇਮ
ਜਾਣਕਾਰੀ ਮੁਤਾਬਕ, ਕੈਦੀ ਤਰਸੇਮ ਸਿੰਘ ਅੰਮ੍ਰਿਤਸਰ ਦੇ ਗੈੰਗਸਟਰ ਜੱਗੂ ਭਗਵਾਨਪੁਰੀਆ ਦੇ ਗਿਰੋਹ ਦਾ ਮੈੰਬਰ ਹੈ। ਉਹ ਜੇਲ੍ਹ ਵਿੱਚ ਵੀ ਜੱਗੂ ਲਈ ਕੰਮ ਕਰਦੇ ਹੋਏ ਡਕੈਤੀ ਦੀ ਪਲਾਨਿੰਗ ਤੇ ਸਾਜ਼ਿਸ਼ ਰਚਣ ਦੇ ਅਪਰਾਧ ਵਿੱਚ ਬੰਦ ਹੈ। ਸਾਲ 2017 ਵਿੱਚ ਕਪੂਰਥਲਾ ਦੇ ਢਿੱਲਵਾੰ ਥਾਣੇ ‘ਚ ਦਰਜ ਹੋਏ ਕੇਸ ਦੇ ਸਿਲਸਿਲੇ ‘ਚ ਹੀ ਤਰਸੇਮ ਨੂੰ ਕਪੂਰਥਲਾ ਕੋਰਟ ‘ਚ ਪੇਸ਼ੀ ਲਈ ਲਿਆੰਦਾ ਗਿਆ ਸੀ।
