ਨਵੀਂ ਦਿੱਲੀ, November 20
Air India ਹਵਾਈ ਉਡਾਨਾਂ ਦੌਰਾਨ ਮੁਸਾਫਿਰਾਂ ਨੂੰ ਧਮਕਾਉਣ ਲਈ ਗੁਰਪਤਵੰਤ ਸਿੰਘ ਪੰਨੂੰ ਵਲੋਂ ਜਾਰੀ 4 ਨਵੰਬਰ ਦੇ ਵੀਡਿਓ ਉੱਤੇ ਕਾਰਵਾਈ ਕਰਦਿਆਂ ਭਾਰਤੀ ਜਾਂਚ ਏਜੰਸੀ NIA ਨੇ ਪੰਨੂ ਖਿਲਾਫ਼ UAPA ਦੀਆਂ ਧਾਰਾਵਾਂ ਸਹਿਤ ਆਈਪੀਸੀ ਦੀ ਧਾਰਾ 120 B, 153 A ਅਤੇ 506 ਤਹਿਤ ਨਵਾਂ ਮੁਕੱਦਮਾ ਦਰਜ ਕਰ ਲਿਆ ਹੈ।
ਵਿਸ਼ਵ ਕਪ ਕ੍ਰਿਕੇਟ ਤੋਂ ਪਹਿਲਾਂ 19 ਨਵੰਬਰ ਨੂੰ ਭਾਰਤੀ ਹਵਾਈ ਉਡਾਨਾਂ AIR INDIA ਦੇ ਮੁਸਾਫਿਰਾਂ ਨੂੰ ਧਮਕੀ ਦੇਣ ਅਤੇ ਕਨੇਡਾ ਸਣੇ ਭਾਰਤ ਅਤੇ ਹੋਰਨਾਂ ਮੁਲਕਾਂ ਨੂੰ ਆਉਣ ਜਾਨ ਵਾਲੀਆਂ ਏਅਰ ਇੰਡਿਆ ਉਡਾਨਾਂ ਨੂੰ ਖ਼ਤਰੇ ਦੀ ਚੇਤਾਵਨੀ ਦੇਕੇ ਪੰਨੂ ਨੇ ਕਈ ਮੁਲਕਾਂ ਦਿਆਂ ਜਾਂਚ ਏਜੰਸੀਆਂ ਨੂੰ ਭਾਜੜ ਪਾਈ ਰੱਖੀ।
ਪੰਨੂ ਖਿਲਾਫ਼ UAPA ਦੀਆਂ ਧਾਰਾਵਾਂ 10, 13, 16, 18, 18B ਅਤੇ 20 ਤਹਿਤ ਨਵਾਂ ਪਰਚਾ ਦਰਜ ਹੋਇਆ ਹੈ l ਭਾਰਤ ਸਰਕਾਰ ਵੱਲੋਂ 2019 ਅਤੇ 2020 ਦੋਰਾਨ ਪੰਨੂ ਦੀ ਜਥੇਬੰਦੀ SFJ ਨੂੰ ਗ਼ੈਰ ਕਾਨੂੰਨੀ ਐਲਾਨਿਆ ਜਾ ਚੁੱਕਾ ਹੈ ਅਤੇ ਪੰਨੂ ਨੂੰ ਅੱਤਵਾਦੀ ਘੋਸ਼ਿਤ ਕੀਤਾ ਜਾ ਚੁੱਕਾ ਹੈ।
