ਬਿਓਰੋ। SGPC ਦੇ ਸਾਬਕਾ ਆਨਰੇਰੀ ਮੁੱਖ ਸਕੱਤਰ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ਨੂੰ ਕਮੇਟੀ ਦਾ ਨਵਾਂ ਪ੍ਰਧਾਨ ਚੁਣ ਲਿਆ ਗਿਆ ਹੈ। ਸੋਮਵਾਰ ਨੂੰ ਤੇਜਾ ਸਿੰਘ ਸਮੰਦਰੀ ਹਾਲ ਵਿੱਚ ਸੱਦੇ ਗਏ ਜਨਰਲ ਇਜਲਾਸ ਦੌਰਾਨ ਅਕਾਲੀ ਦਲ ਬਾਦਲ ਵੱਲੋਂ ਧਾਮੀ ਦਾ ਨਾਂਅ ਨਵੇਂ ਪ੍ਰਧਾਨ ਲਈ ਅੱਗੇ ਰੱਖਿਆ ਗਿਆ। ਇਸ ਦੌਰਾਨ ਹੋਈ ਵੋਟਿੰਗ ਵਿੱਚ ਵੱਡੇ ਫਰਕ ਨਾਲ ਧਾਮੀ ਇਸ ਅਹੁਦੇ ‘ਤੇ ਕਾਬਜ਼ ਹੋ ਗਏ।
Advocate S. Harjinder Singh Dhami Ji elected as 44th President of Shiromani Gurdwara Parbandhak Committee.#SGPCPresident #SGPC #Amritsar pic.twitter.com/HJ9CyZLOTw
— Shiromani Gurdwara Parbandhak Committee (SGPC) (@SGPCAmritsar) November 29, 2021
SGPC ਪ੍ਰਧਾਨ ਚੁਣਨ ਲਈ ਇਸ ਸਾਲ ਵੋਟਿੰਗ ਪ੍ਰਕਿਰਿਆ ਨੂੰ ਅਪਣਾਇਆ ਗਿਆ। ਬੀਬੀ ਜਗੀਰ ਕੌਰ ਨੇ ਚੋਣ ਪ੍ਰਕਿਰਿਆ ਸ਼ੁਰੂ ਕਰਨ ਤੋਂ ਪਹਿਲਾਂ ਹੀ ਸਪੱਸ਼ਟ ਕਰ ਦਿੱਤਾ ਸੀ ਕਿ ਇਸ ਸਾਲ ਵੋਟਾਂ ਪਾਈਆਂ ਜਾਣਗੀਆਂ। ਉਹਨਾਂ ਮੁਤਾਬਕ, ਸੰਗਤ ਵਿੱਚ ਗਲਤ ਸੰਦੇਸ਼ ਜਾਂਦਾ ਹੈ ਕਿ ਪ੍ਰਧਾਨ ਦੀ ਚੋਣ ਲਿਫਾਫੇ ‘ਚੋਂ ਹੁੰਦੀ ਹੈ।
170 ਮੈਂਬਰਾਂ ਦੀ ਲਿਸਟ ਦੇ ਅਧਾਰ ‘ਤੇ ਵੋਟਾਂ ਪਾਈਆਂ ਗਈਆਂ, ਪਰ 2 ਮੈਂਬਰਾਂ ਨੇ ਇਸ ਦੌਰਾਨ ਆਪਣੇ ਅਸਤੀਫੇ ਭੇਜ ਦਿੱਤੇ। ਇਸ ਤੋਂ ਇਲਾਵਾ ਪਿਛਲੇ ਸਾਲ 23 ਮੈਂਬਰਾਂ ਦੀ ਮੌਤ ਹੋ ਗਈ ਹੈ। ਨਤੀਜਿਆਂ ਮੁਤਾਬਕ, ਐੱਚ.ਐੱਸ. ਧਾਮੀ ਨੂੰ 122 ਅਤੇ ਮਿੱਠੂ ਸਿੰਘ ਨੂੰ 19 ਵੋਟਾਂ ਪਈਆਂ, ਜਿਸ ਤੋਂ ਬਾਅਦ ਐਡਵੋਕੇਟ ਧਾਮੀ ਨੂੰ ਪ੍ਰਧਾਨ ਐਲਾਨ ਦਿੱਤਾ ਗਿਆ।
ਜਨਰਲ ਇਜਲਾਸ ਦੌਰਾਨ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ਬਣੇ ਸ਼੍ਰੋਮਣੀ ਕਮੇਟੀ ਦੇ 44ਵੇਂ ਪ੍ਰਧਾਨ।
ਸ. ਰਘੂਜੀਤ ਸਿੰਘ ਵਿਰਕ ਸੀਨੀਅਰ ਮੀਤ ਪ੍ਰਧਾਨ, ਪ੍ਰਿੰ: ਸੁਰਿੰਦਰ ਸਿੰਘ ਜੂਨੀਅਰ ਮੀਤ ਪ੍ਰਧਾਨ ਤੇ ਸ. ਕਰਨੈਲ ਸਿੰਘ ਪੰਜੋਲੀ ਬਣੇ ਜਨਰਲ ਸਕੱਤਰ।#SGPCGeneralHouse2021 #SGPCElection #SGPC pic.twitter.com/tkWjxZyskl— Shiromani Gurdwara Parbandhak Committee (SGPC) (@SGPCAmritsar) November 29, 2021
ਪਿਛਲੀ ਵਾਰ ਪ੍ਰਧਾਨ ਬਣਦੇ-ਬਣਦੇ ਰਹਿ ਗਏ ਸਨ ਧਾਮੀ
ਪੇਸ਼ੇ ਤੋਂ ਵਕੀਲ ਧਾਮੀ ਲੰਮੇ ਸਮੇਂ ਤੋਂ ਬਾਦਲ ਪਰਿਵਾਰ ਦੇ ਕਰੀਬੀ ਰਹੇ। ਪਿਛਲੇ ਸਾਲ ਵੀ ਪ੍ਰਧਾਨਗੀ ਦੇ ਅਹੁਦੇ ਲਈ ਉਹਨਾਂ ਦਾ ਨਾਂਅ ਰੇਸ ਵਿੱਚ ਅੱਗੇ ਸੀ, ਪਰ ਬੀਬੀ ਜਗੀਰ ਕੌਰ ਦੀ ਦਾਅਵੇਦਾਰੀ ਭਾਰੀ ਪਈ, ਜਿਸ ਤੋਂ ਬਾਅਦ ਪਿਛਲੀ ਵਾਰ ਧਾਮੀ ਨੂੰ ਆਨਰੇਰੀ ਮੁੱਖ ਸਕੱਤਰ ਨਿਯੁਕਤ ਕੀਤਾ ਗਿਆ ਸੀ। ਹੁਣ ਕਿਉਂਕਿ ਇਸ ਵਾਰ ਬੀਬੀ ਜਗੀਰ ਕੌਰ ਨੇ ਚੋਣ ਮੈਦਾਨ ਵਿੱਚ ਉਤਰਨਾ ਹੈ। ਲਿਹਾਜਾ ਕਮੇਟੀ ਦੀ ਕਮਾਨ ਹੁਣ ਧਾਮੀ ਨੂੰ ਸੌਂਪ ਦਿੱਤੀ ਗਈ ਹੈ।
