ਬਿਓਰੋ। ਪਾਕਿਸਤਾਨ ਦੇ ਗੁਰਦੁਆਰਾ ਸ੍ਰੀ ਕਰਤਾਰਪੁਰ ਸਾਹਿਬ ਵਿੱਚ ਇੱਕ ਮਾਡਲ ਦੇ ਫੋਟੋਸ਼ੂਟ ‘ਤੇ ਵਿਵਾਦ ਛਿੜ ਗਿਆ ਹੈ। ਦਰਅਸਲ, ਗੁਰਦੁਆਰਾ ਕੈਂਪਸ ਵਿੱਚ ਇੱਕ ਮਾਡਲ ਨੇ ਸਿਰ ਢਕੇ ਬਿਨ੍ਹਾਂ ਹੀ ਤਸਵੀਰਾਂ ਖਿਚਵਾਈਆਂ, ਜਿਸ ਨੂੰ ਇੰਟਰਨੈੱਟ ‘ਤੇ ਅਪਲੋਡ ਕੀਤਾ ਗਿਆ। ਇਸ ‘ਤੇ ਕਈ ਸਿੱਖ ਜਥੇਬੰਦੀਆਂ ਨੇ ਸਖਤ ਇਤਰਾਜ਼ ਜਤਾਇਆ ਹੈ।
DSGMC ਦੇ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਨੇ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਤੋਂ ਇਸ ਪਵਿੱਤਰ ਥਾਂ ਨੂੰ ਪਿਕਨਿਕ ਸਪੌਟ ਨਾ ਬਣਨ ਦੇਣ ਦੀ ਮੰਗ ਕੀਤੀ ਹੈ। ਸਿਰਸਾ ਨੇ ਮਾਡਲ ਦੀ ਫੋਟੋ ਪੋਸਟ ਕਰਦੇ ਹੋਏ ਕਿਹਾ, “ਗੁਰੂ ਨਾਨਕ ਦੇਵ ਜੀ ਦੀ ਪਵਿੱਤਰ ਛੋਹ ਪ੍ਰਾਪਤ ਧਰਤੀ ‘ਤੇ ਅਜਿਹਾ ਵਿਵਹਾਰ ਅਤੇ ਕਾਰਗੁਜਾਰੀ ਬਰਦਾਸ਼ਤ ਨਹੀਂ ਹੈ।” ਉਹਨਾਂ ਪੁੱਛਿਆ, “ਕੀ ਇਹ ਮਾਡਲ ਧਾਰਮਿਕ ਅਸਥਾਨ ‘ਤੇ ਇਸ ਤਰ੍ਹਾਂ ਦੇ ਫੋਟੋਸ਼ੂਟ ਕਰ ਸਕਦੀ ਹੈ?”
Such behaviour & act at pious place of Sri Guru Nanak Dev Ji is totally unacceptable!
Can she dare to do the same at her religious place in Pakistan?@ImranKhanPTI @GovtofPakistan shd tk immed action to stop this trend of treating Sri Kartarpur Sahib as picnic spot by Pak people pic.twitter.com/AwyIkmqgbC— Manjinder Singh Sirsa (@mssirsa) November 29, 2021
ਪਿਕਨਿਕ ਸਪੌਟ ਨਾ ਬਣਾਉਣ ਪਾਕਿਸਤਾਨੀ- ਸਿਰਸਾ
ਮਨਜਿੰਦਰ ਸਿਰਸਾ ਨੇ ਪਾਕਿ ਪੀਐੱਮ ਇਮਰਾਨ ਖਾਨ ਅਤੇ ਪਾਕਿਸਤਾਨ ਸਰਕਾਰ ਤੋਂ ਮੰਗ ਕੀਤੀ ਕਿ ਇਸ ਮਾਮਲੇ ਵਿੱਚ ਤੁਰੰਤ ਕਾਰਵਾਈ ਕੀਤੀ ਜਾਵੇ। ਸ੍ਰੀ ਕਰਤਾਰਪੁਰ ਸਾਹਿਬ ਨੂੰ ਪਾਕਿਸਤਾਨ ਦੇ ਲੋਕਾਂ ਵੱਲੋਂ ਪਿਕਨਿਕ ਸਪੌਟ ਬਣਾਉਣ ਦੇ ਟ੍ਰੈਂਡ ਨੂੰ ਤੁਰੰਤ ਰੋਕਿਆ ਜਾਵੇ। ਉਹਨਾਂ ਕਿਹਾ ਕਿ ਮਾਡਲ ਨੇ ਸਿੱਖ ਮਰਿਆਦਾ ਤਹਿਤ ਸਿਰ ਤੱਕ ਨਹੀਂ ਢਕਿਆ ਹੈ।
श्री गुरु नानक देव जी के इस धार्मिक स्थान श्री करतारपुर साहिब पर ऐसा ओछा व्यवहार “बेअदबी” है
पाकिस्तान में अल्पसंख्यकों के धार्मिक स्थानों पर ओछा व्यवहार करने वालों के ख़िलाफ़ सख़्त कार्रवाई करे @ImranKhanPTI @GovtofPakistan
हमें ये बेअदबी बिल्कुल बर्दाश्त नहीं!@ANI @republic https://t.co/6pjmnoKHXt pic.twitter.com/fMUKRFAOxs— Manjinder Singh Sirsa (@mssirsa) November 29, 2021
ਕੱਪੜਿਆਂ ਦੇ ਸਟੋਰ ਨੇ ਕਰਵਾਇਆ ਫੋਟੋਸ਼ੂਟ
ਕਰਤਾਰਪੁਰ ਸਾਹਿਬ ਗੁਰਦੁਆਰੇ ਵਿੱਚ ਮਾਡਲ ਦਾ ਫੋਟੋਸ਼ੂਟ ਪਾਕਿਸਤਾਨ ਦੇ ਇੱਕ ਕੱਪੜਿਆਂ ਦੇ ਸਟੋਰ ਨੇ ਕਰਵਾਇਆ ਹੈ, ਜਿਸਦਾ ਨਾਂਅ ‘ਮੰਨਤ ਕਲਾਥਿੰਗ’ ਹੈ। ਉਸ ਤੋਂ ਬਾਅਦ ਇਹ ਤਸਵੀਰਾਂ ਇੰਸਟਾਗ੍ਰਾਮ ‘ਤੇ ਪਾਈਆਂ ਗਈਆਂ। ਇੰਸਟਾਗ੍ਰਾਮ ‘ਤੇ ਲੋਕ ਇਸ ਕਲਾਥ ਸਟੋਰ ਨੂੰ ਖਰੀ-ਖਰੀ ਸੁਣਾ ਰਹੇ ਹਨ।
ਕੁਝ ਦਿਨ ਪਹਿਲਾਂ ਹੀ ਖੁੱਲ੍ਹਿਆ ਕੋਰੀਡੋਰ
ਸ੍ਰੀ ਕਰਤਾਰਪੁਰ ਸਾਹਿਬ ਵਿੱਚ ਪਹਿਲੀ ਪਾਤਸ਼ਾਹੀ ਸ੍ਰੀ ਗੁਰੂ ਨਾਨਕ ਦੇਵ ਜੀ ਨੇ ਆਖਰੀ ਵਕਤ ਗੁਜਾਰਿਆ ਸੀ। ਬਾਬੇ ਨਾਨਕ ਦੀ ਪਵਿੱਤਰ ਛੋਹ ਪ੍ਰਾਪਤ ਇਸ ਧਰਤੀ ਦੇ ਦਰਸ਼ਨਾਂ ਲਈ ਕੁਝ ਹੀ ਦਿਨ ਪਹਿਲਾਂ ਭਾਰਤ-ਪਾਕਿਸਤਾਨ ਵਿਚਾਲੇ ਕਰਤਾਰਪੁਰ ਲਾਂਘੇ ਨੂੰ ਦੂਜੀ ਵਾਰ ਖੋਲ੍ਹਿਆ ਗਿਆ ਹੈ। ਸਿੱਖ ਧਰਮ ਵਿੱਚ ਸ੍ਰੀ ਕਰਤਾਰਪੁਰ ਸਾਹਿਬ ਪ੍ਰਤੀ ਕਾਫੀ ਆਸਥਾ ਹੈ। ਸਿੱਖਾਂ ਦੇ ਨਾਲ-ਨਾਲ ਦੂਜੇ ਧਰਮਾਂ ਨਾਲ ਜੁੜੇ ਲੋਕ ਵੀ ਇਥੇ ਮੱਥਾ ਟੇਕਣ ਲਈ ਆਉਂਦੇ ਹਨ।
