ਚੰਡੀਗੜ੍ਹ। ਪੰਜਾਬੀ ਅਦਾਕਾਰਾ ਉਪਾਸਨਾ ਸਿੰਘ ਨੇ ਮਿਸ ਯੂਨੀਵਰਸ ਹਰਨਾਜ਼ ਕੌਰ ਸੰਧੂ ਦੇ ਖਿਲਾਫ਼ ਚੰਡੀਗੜ੍ਹ ਦੀ ਜ਼ਿਲ੍ਹਾ ਅਦਾਲਤ ‘ਚ ਕੇਸ ਦਰਜ ਕੀਤਾ ਹੈ। ਉਪਾਸਨਾ ਨੇ ਹਰਨਾਜ਼ ‘ਤੇ ਐਗ੍ਰੀਮੈੰਟ ਤੋੜਨ ਦੇ ਇਲਜ਼ਾਮ ਲਗਾਏ ਹਨ। ਉਪਾਸਨਾ ਸਿੰਘ ਮੁਤਾਬਕ, ਉਹਨਾੰ ਨੇ ਫ਼ਿਲਮ ‘ਬਾਈ ਜੀ ਕੁੱਟਣਗੇ’ ਨੂੰ ਪ੍ਰੋਡਿਊਸ ਕੀਤਾ ਹੈ, ਜਿਸ ਵਿੱਚ ਹਰਨਾਜ਼ ਲੀਡ ਰੋਲ ਵਿੱਚ ਸਨ। ਪਰ ਫ਼ਿਲਮ ਬਣਨ ਤੋੰ ਬਾਅਦ ਪ੍ਰਮੋਸ਼ਨ ਲਈ ਉਹ ਨਹੀੰ ਆਏ ਅਤੇ ਹੁਣ ਉਹਨਾੰ ਨੇ ਫੋਨ ਚੁੱਕਣਾ ਵੀ ਬੰਦ ਕਰ ਦਿੱਤਾ ਹੈ।
ਹਰਨਾਜ਼ ਤੋੰ ਬੇਹੱਦ ਨਰਾਜ਼ ਹਨ ਉਪਾਸਨਾ
ਉਪਾਸਨਾ ਸਿੰਘ ਨੇ ਕਿਹਾ ਕਿ ਫ਼ਿਲਮ ਦੇ ਡਾਇਰੈਕਟਰ ਸਮੀਪ ਕੰਗ ਅਤੇ ਪ੍ਰੋਡਿਊਸਰਸ ਨੇ ਵੀ ਹਰਨਾਜ਼ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਸਭ ਫੇਲ੍ਹ ਰਹੇ। ਹਰਨਾਜ਼ ਦੇ ਕਾਰਨ ਫ਼ਿਲਮ ਦੀ ਰਿਲੀਜ਼ ਡੇਟ ਵੀ ਅੱਗੇ ਪਾਉਣੀ ਪਈ। 27 ਮਈ 2022 ਤੋੰ ਫ਼ਿਲਮ ਦੀ ਰਿਲੀਜ਼ 19 ਅਗਸਤ ਲਈ ਟਾਲ ਦਿੱਤੀ ਗਈ।
ਉਪਾਸਨਾ ਨੇ ਕਿਹਾ, “ਮੈੰ ਪ੍ਰੋਡਿਊਸਰ ਦੇ ਰੂਪ ਵਿੱਚ ਆਪਣੀ ਪਹਿਲੀ ਫ਼ਿਲਮ ਪੰਜਾਬੀ ਵਿੱਚ ਬਣਾਉਣਾ ਚਾਹੁੰਦੀ ਸੀ, ਪਰ ਲਗਦਾ ਹੈ ਕਿ ਹਰਨਾਜ਼ ਸੰਧੂ ਨੂੰ ਪੰਜਾਬੀ ਇੰਡਸਟਰੀ ਬੇਹੱਦ ਛੋਟੀ ਲਗਣ ਲੱਗ ਗਈ ਹੈ। ਉਸ ਨੂੰ ਲਗਦਾ ਹੈ ਕਿ ਉਹ ਸਿਰਫ਼ ਬਾਲੀਵੁੱਡ ਅਤੇ ਹਾਲੀਵੁੱਡ ਪ੍ਰੋਜੈਕਟਸ ਲਈ ਹੀ ਬਣੀ ਹੈ। ਹਰਨਾਜ਼ ਨੂੰ ਇਹ ਨਹੀੰ ਭੁੱਲਣਾ ਚਾਹੀਦਾ ਹੈ ਕਿ ਉਹ ਕਿਥੋੰ ਆਈ ਹੈ। ਉਸ ਨੂੰ ਪੰਜਾਬੀ ਫ਼ਿਲਮਾੰ ਦਾ ਹਿੱਸਾ ਬਣ ਕੇ ਮਾਣ ਮਹਿਸੂਸ ਹੋਣਾ ਚਾਹੀਦਾ ਹੈ। ਹਰਨਾਜ਼ ਨੇ ਉਹਨਾੰ ਦੀ ਫਿਲਮ ਬਾਰੇ ਇੱਕ ਪੋਸਟ ਵੀ ਨਹੀੰ ਪਾਈ। ਨਾਲ ਹੀ ਉਸਨੇ ਜਨਤੱਕ ਤੌਰ ‘ਤੇ ਫਿਲਮ ਬਾਰੇ ਗੱਲ ਕਰਨ ਤੋੰ ਵੀ ਮਨ੍ਹਾੰ ਕਰ ਦਿੱਤਾ।”
ਫਿਲਹਾਲ ਇਸ ਮਾਮਲੇ ਵਿੱਚ ਹਰਨਾਜ਼ ਕੌਰ ਸੰਧੂ ਦਾ ਕੋਈ ਜਵਾਬ ਨਹੀੰ ਆਇਆ ਹੈ।
