ਚੰਡੀਗੜ੍ਹ। ਬਰਮਿੰਘਮ ਵਿੱਚ ਚੱਲ ਰਹੀਆੰ ਕਾਮਨਵੈਲਥ ਗੇਮਸ ਵਿੱਚ ਪੰਜਾਬੀਆੰ ਨੇ ਖੂਬ ਧਮਾਲ ਮਚਾਇਆ ਹੋਇਆ ਹੈ। ਹੁਣ ਤੱਕ ਪੰਜਾਬ ਦੇ 4 ਖਿਡਾਰੀ ਦੇਸ਼ ਦੀ ਝੋਲੀ ਵਿੱਚ ਮੈਡਲ ਪਾ ਚੁੱਕੇ ਹਨ। ਨਾਭਾ ਦੀ ਹਰਜਿੰਦਰ ਕੌਰ, ਲੁਧਿਆਣਾ ਦਾ ਵਿਕਾਸ ਠਾਕੁਰ, ਅੰਮ੍ਰਿਤਸਰ ਦਾ ਲਵਪ੍ਰੀਤ ਸਿੰਘ ਅਤੇ ਖੰਨਾ ਦੇ ਗੁਰਦੀਪ ਸਿੰਘ ਨੇ ਬਰਮਿੰਘਮ ਵਿੱਚ ਆਪਣੇ ਬਿਹਤਰੀਨ ਪ੍ਰਦਰਸ਼ਨ ਨਾਲ ਭਾਰਤ ਦਾ ਨਾੰਅ ਦੁਨੀਆ ਭਰ ਵਿੱਚ ਰੋਸ਼ਨ ਕੀਤਾ ਹੈ।
ਪੰਜਾਬ ਦੇ ਖਿਡਾਰੀਆੰ ਦੇ ਪ੍ਰਦਰਸ਼ਨ ਨੂੰ ਵੇਖ ਪੱਬਾੰ ਭਾਰ ਹੋਈ ਭਗਵੰਤ ਮਾਨ ਦੀ ਸਰਕਾਰ ਨੇ ਖਿਡਾਰੀਆੰ ਲਈ ਖਾਸ ਐਲਾਨ ਕੀਤੇ ਹਨ, ਜਿਹਨਾੰ ਵਿੱਚੋੰ ਸਭ ਤੋੰ ਅਹਿਮ ਹੈ ਕਿ ਪੰਜਾਬ ਦੀ ਆਪਣੀ ਖੇਡ ਪਾਲਿਸੀ ਜਲਦ ਲਿਆੰਦੀ ਜਾਵੇਗੀ। ਸੀਐੱਮ ਭਗਵੰਤ ਮਾਨ ਨੇ ਵੀਰਵਾਰ ਨੂੰ ਸੂਬੇ ਦੇ ਖੇਡ ਵਿਭਾਗ ਨਾਲ ਅਹਿਮ ਬੈਠਕ ਕੀਤੀ, ਜਿਸ ਤੋੰ ਬਾਅਦ ਖੇਡ ਮੰਤਰੀ ਗੁਰਮੀਤ ਸਿੰਘ ਮੀਤ ਹੇਅਰ ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ।
ਖੇਡ ਮੰਤਰੀ ਨੇ ਕਿਹਾ ਕਿ ਜਿਹਨਾੰ ਸੂਬਿਆੰ ਵਿੱਚ ਚੰਗੀ ਖੇਡ ਨੀਤੀ ਹੈ, ਉਸ ਨੂੰ ਵੀ ਸਟਡੀ ਕੀਤਾ ਜਾ ਰਿਹਾ ਹੈ। ਖਿਡਾਰੀ ਆਪਣਾ ਕੰਮ ਕਰ ਰਹੇ ਹਨ, ਹੁਣ ਸਰਕਾਰ ਦੀ ਡਿਊਟੀ ਹੈ ਕਿ ਉਹਨਾੰ ਦੀਆੰ ਸੁਵਿਧਾਵਾੰ ਦਾ ਖਿਆਲ ਰੱਖਿਆ ਜਾਵੇ। ਉਹਨਾੰ ਨੇ ਇਹ ਵੀ ਐਲਾਨ ਕੀਤਾ ਕਿ ਖਿਡਾਰੀਆੰ ਨੂੰ ਬਿਨ੍ਹਾੰ ਕਿਸੇ ਟੈਸਟ ਦੇ ਸਰਕਾਰੀ ਨੌਕਰੀ ਦਿੱਤੀ ਜਾਵੇਗੀ।
ਗੋਲਡ ਮੈਡਲਿਸਟ ਨੂੰ 75 ਲੱਖ ਰੁਪਏ ਮਿਲਣਗੇ
ਖੇਡ ਮੰਤਰੀ ਮੀਤ ਹੇਅਰ ਨੇ ਕਿਹਾ ਕਿ ਸੀਐੱਮ ਭਗਵੰਤ ਮਾਨ ਨਾਲ ਮੀਟਿੰਗ ਵਿੱਚ ਤੈਅ ਹੋਇਆ ਹੈ ਕਿ ਜੋ ਵੀ ਖਿਡਾਰੀ ਕਾਮਨਵੈਲਥ ਗੇਮਸ ਵਿੱਚ ਗੋਲਡ ਮੈਡਲ ਜਿੱਤੇਗਾ, ਉਸ ਨੂੰ 75 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਦਿੱਤੀ ਜਾਵੇਗੀ। ਇਸ ਤੋੰ ਇਲਾਵਾ ਸਿਲਵਰ ਮੈਡਲ ਜਿੱਤਣ ਵਾਲੇ ਨੂੰ 50 ਲੱਖ ਅਤੇ ਬ੍ਰਾੰਜ਼ ਮੈਡਲ ਜਿੱਤਣ ਵਾਲੇ ਨੂੰ 40 ਲੱਖ ਦਾ ਕੈਸ਼ ਪ੍ਰਾਈਸ ਮਿਲੇਗਾ।
ਜਲਦ ਸ਼ੁਰੂ ਹੋਵੇਗਾ ਪੰਜਾਬ ਖੇਡ ਮੇਲਾ
ਖੇਡ ਵਿਭਾਗ ਦੀ ਮੀਟਿੰਗ ਵਿੱਚ ਇਹ ਵੀ ਫ਼ੈਸਲਾ ਹੋਇਆ ਕਿ ਪੰਜਾਬ ਸਰਕਾਰ ਜਲਦ ਹੀ ਸੂਬੇ ਵਿੱਚ ਖੇਡ ਮੇਲਾ ਕਰਵਾਏਗੀ, ਜਿਸ ਵਿੱਚ ਪਿੰਡ ਪੱਧਰ ਤੋੰ ਟੈਲੇੰਟ ਨੂੰ ਨਿਖਾਰਿਆ ਜਾਵੇਗਾ। ਸੀਐੱਮ ਨੇ ਕਿਹਾ ਕਿ ਖੇਡ ਮੇਲੇ ਦੇ ਜ਼ਰੀਏ ਪੰਜਾਬ ਨੂੰ ਖੇਡਾੰ ਨਾਲ ਜੋੜਿਆ ਜਾਵੇਗਾ ਅਤੇ ਪੰਜਾਬ ਪਹਿਲਾੰ ਦੀ ਹੀ ਤਰ੍ਹਾੰ ਖੇਡਾੰ ਵਿੱਚ ਨੰਬਰ-1 ਬਣੇਗਾ।
