ਟੋਕਿਓ। ਭਾਰਤੀ ਮਹਿਲਾ ਹਾਕੀ ਟੀਮ ਦਾ ਟੋਕਿਓ ਓਲੰਪਿਕ ਦੇ ਫਾਈਨਲ ਵਿੱਚ ਪਹੁੰਚਣ ਦਾ ਸੁਪਨਾ ਟੁੱਟ ਗਿਆ ਹੈ। ਮਹਿਲਾ ਹਾਕੀ ਟੀਮ ਨੂੰ ਸੈਮੀਫਾਈਨਲ ਮੈਚ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਭਾਰਤ ਦੀ ਟੀਮ ਮੈਚ ਦੇ ਪਹਿਲੇ ਹਾਫ ਵਿੱਚ ਜ਼ਬਰਦਸਤ ਫ਼ਾਰਮ ‘ਚ ਨਜ਼ਰ ਆਈ ਅਤੇ ਮੁਕਾਬਲੇ ਦੇ ਦੂਜੇ ਹੀ ਮਿੰਟ ਗੁਰਜੀਤ ਕੌਰ ਨੇ ਟੀਮ ਵੱਲੋਂ ਗੋਲ ਕਰ ਦਿੱਤਾ। ਹਾਲਾਂਕਿ ਟੀਮ ਇੰਡੀਆ ਇਹ ਦਬਦਬਾ ਜ਼ਿਆਦਾ ਦੇਰ ਕਾਇਮ ਨਹੀਂ ਰੱਖ ਸਕੀ ਅਤੇ ਅਰਜਨਟੀਨਾ ਨੇ 18ਵੇਂ ਮਿੰਟ ਵਿੱਚ ਗੋਲ ਕਰਕੇ ਸਕੋਰ ਬਰਾਬਰ ਕਰ ਦਿੱਤਾ।
ਇਸ ਤੋਂ ਬਾਅਦ ਵਿਸ਼ਵ ਦੀ ਨੰਬਰ-2 ਟੀਮ ਨੇ ਮੈਚ ਦੇ 36ਵੇਂ ਮਿੰਟ ਵਿਚ ਦੂਜਾ ਗੋਲ ਕਰਕੇ 2-1 ਦੀ ਲੀਡ ਹਾਸਲ ਕਰ ਲਈ ਅਤੇ ਟੀਮ ਇਸ ਲੀਡ ਨੂੰ ਆਖਰੀ ਤਕ ਬਣਾਏ ਰੱਖਣ ਵਿੱਚ ਸਫਲ ਰਹੀ।
ਮੈਡਮ ਦੀ ਉਮੀਦ ਬਰਕਰਾਰ
ਭਾਰਤੀ ਟੀਮ ਨੂੰ bronze ਮੈਡਲ ਦੀ ਉਮੀਦ ਹਾਲੇ ਵੀ ਬਰਕਰਾਰ ਹੈ। bronze ਮੈਡਲ ਲਈ ਹੁਣ ਭਾਰਤ ਦੀਆਂ ਧੀਆਂ 6 ਅਗਸਤ ਨੂੰ ਮੈਦਾਨ ਵਿਚ ਉਤਰਨਗੀਆਂ, ਜਦੋ Britain ਨਾਲ ਭਾਰਤ ਦੀ ਟੱਕਰ ਹੋਵੇਗੀ।
PM ਨੇ ਵਧਾਇਆ ਹੌਂਸਲਾ
ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਭਾਰਤੀ ਮਹਿਲਾ ਹਾਕੀ ਟੀਮ ਦੇ ਪ੍ਰਦਰਸ਼ਨ ਦੀ ਤਾਰੀਫ ਕੀਤੀ। PM ਨੇ ਟਵਿਟਰ ‘ਤੇ ਲਿਖਿਆ, “ਜਿਨ੍ਹਾਂ ਚੀਜ਼ਾਂ ਕਰਕੇ ਟੋਕਿਓ ਓਲੰਪਿਕ ਨੂੰ ਯਾਦ ਰੱਖਿਆ ਜਾਵੇਗਾ, ਉਨ੍ਹਾਂ ਵਿੱਚੋਂ ਇੱਕ ਹੈ ਸਾਡੀ ਹਾਕੀ ਟੀਮਾਂ ਦੀ ਸ਼ਾਨਦਾਰ ਪਰਫਾਰਮੈਂਸ। ਅੱਜ ਅਤੇ ਬਾਕੀ ਗੇਮਾਂ ਦੌਰਾਨ ਵੀ, ਸਾਡੀ ਮਹਿਲਾ ਹਾਕੀ ਟੀਮ ਨੇ ਧੀਰਜ ਨਾਲ ਖੇਡਿਆ ਅਤੇ ਚੰਗੇ ਹੁਨਰ ਦਾ ਮੁਜ਼ਾਹਰਾ ਕੀਤਾ। ਟੀਮ ‘ਤੇ ਮਾਣ ਹੈ। ਅਗਲੀ game ਅਤੇ ਭਵਿੱਖ ਦੇ ਯਤਨਾਂ ਲਈ ਸ਼ੁਭਕਾਮਨਾ।”
One of the things we will remember #Tokyo2020 for is the stupendous performance by our Hockey teams.
Today and through the Games, our Women’s Hockey team played with grit and showcased great skill. Proud of the team. Best of luck for the game ahead and for future endeavours.
— Narendra Modi (@narendramodi) August 4, 2021
