ਚੰਡੀਗੜ੍ਹ, August 28, 2022
(Bureau Report)
ਪਾਕਿਸਤਾਨ ਅਧਾਰਿਤ ਗੈਂਗਸਟਰ ਹਰਵਿੰਦਰ ਸਿੰਘ ਰਿੰਦਾ ਨੇ ਪੰਜਾਬ ਦੇ ਡੀ ਜੀ ਪੀ ਦੇ ਨਾਂਅ ਉੱਤੇ ਇੱਕ ‘ਸੁਨੇਹਾ’ ਜਾਰੀ ਕੀਤਾ ਹੈ। ਯੂ ਟਿਊਬ channel RiteshLakhi Unplugged ਨੂੰ ਭੇਜੇ ਗਏ ਇਕ EMAIL ਜ਼ਰੀਏ ਹਰਵਿੰਦਰ ਰਿੰਦਾ ਨੇ ਅੰਮ੍ਰਿਤਸਰ ਦੇ ਸਬ ਇੰਸਪੈਕਟਰ ਦਿਲਬਾਗ ਸਿੰਘ ਨੂੰ IED ਲਾਕੇ ਮਰਵਾਉਣ ਦੀ ਸਾਜ਼ਿਸ਼ ਦਾ ਪਰਦਾਫਾਸ਼ ਹੋਣ ਮਗਰੋਂ ਹੋ ਰਹੀ ਪੁਲਿਸੀਆ ਕਾਰਵਾਈ ਤਹਿਤ ਇਕ ਸ਼ਖਸ ਯਸ਼ਪਾਲ ਸਿੰਘ ਸੱਭਰਵਾਲ ਦੇ ਪਰਿਵਾਰ ਉੱਤੇ ਕਥਿਤ ਤਸ਼ੱਦਦ ਦਾ ਜ਼ਿਕਰ ਕੀਤਾ ਹੈ। ਰਿੰਦਾ ਨੇ ਇਸ e mail ਨੂੰ ਧਮਕੀ ਨਾ ਦੱਸ ਕੇ ਇਕ ਸਲਾਹ ਦੱਸਿਆ ਹੈ ਲੇਕਿਨ email ਦਾ ਲਹਿਜ਼ਾ ਧਮਕੀ ਭਰਿਆ ਹੈ। Email ਵਿਚ ਹਰਵਿੰਦਰ ਸਿੰਘ ਰਿੰਦਾ ਵਲੋਂ ਜਾਰੀ ਬਿਆਨ ਹੇਠ ਹੈ:-
“ਵਾਹਿਗੁਰੂ ਜੀ ਕਾ ਖਾਲਸਾ ਵਾਹਿਗੁਰੂ ਜੀ ਕੀ ਫ਼ਤਿਹ ,
ਪੰਜਾਬ ਪੁਲੀਸ ਅਤੇ ਪੰਜਾਬ ਪੁਲੀਸ ਦੇ ਡੀ ਜੀ ਪੀ ਨੂੰ ਇਹ ਸਲਾਹ ਹੈ ਕਿ ਉਹ ਆਪਣੀਆਂ ਘਟੀਆ ਕਾਰਵਾਈਆਂ ਤੋਂ ਬਾਜ਼ ਆ ਜਾਣ ।
ਸ੍ਰੀ ਅੰਮ੍ਰਿਤਸਰ ਸਾਹਿਬ ਦੇ ਰਣਜੀਤ ਐਵੇਨਿਊ ਵਿੱਚ ਜੋ ਆਈ ਈ ਡੀ ਰਿਕਵਰੀ ਦਾ ਕੇਸ ,ਜਿਸ ਵਿਚ ਏ ਐੱਸ ਆਈ ਦਿਲਬਾਗ ਸਿੰਘ ਉਰਫ ਬਾਗਾ ਕੈਟ ਜਿਸ ਨੇ ਸੈਂਕੜੇ ਹੀ ਸਿੰਘਾਂ ਨੂੰ ਕੋਹ ਕੋਹ ਕੇ ਸ਼ਹੀਦ ਕੀਤਾ ,ਸਿੰਘਾਂ ਦੇ ਪਰਿਵਾਰਾਂ ਨੂੰ ਥਾਣਿਆਂ ਦੇ ਵਿਚ ਜ਼ਲੀਲ ਕੀਤਾ ਅਤੇ ਸਿੱਖ ਬੀਬੀਆਂ ਦੇ ਉੱਤੇ ਅੰਨ੍ਹਾ ਤਸ਼ੱਦਦ ਢਾਹਿਆ ਉਸ ਨੂੰ ਸੋਧਾ ਲਾਣ ਦੀ ਕੋਸ਼ਿਸ਼ ਵਿੱਚ , ਯਸ਼ਪਾਲ ਸਿੰਘ ਪੁੱਤਰ ਰਣਜੀਤ ਸਿੰਘ ਸੱਭਰਵਾਲ ਨੂੰ ਪੇਸ਼ ਹੋਣ ਲਈ ਦਬਾਅ ਪਾਇਆ ਜਾ ਰਿਹਾ ਹੈ । ਯਸ਼ਪਾਲ ਸਿੰਘ ਦੇ ਮਾਤਾ ਜੀ ਉਸ ਦੇ ਭੈਣ ਜੀ ਜੋ ਸਿਰਫ਼ ਉਨੀ ਸਾਲ ਦੇ ਹਨ , ਨਾਬਾਲਗ ਭਰਾ ,ਸੱਸ ਅਤੇ ਧਰਮ ਸੁਪਤਨੀ ਜਿਸ ਦਾ ਸੀ ਸੈਕਸ਼ਨ ਵੱਡਾ ਆਪ੍ਰੇਸ਼ਨ ਨਾਲ ਬੱਚਾ ਹੋਇਆ ਹੈ ਠਾਣਿਆਂ ਵਿੱਚ ਉਨ੍ਹਾਂ ਨੂੰ ਜਲੀਲ ਕੀਤਾ ਜਾ ਰਿਹਾ ਹੈ । ਭੱਜਦਿਆਂ ਨੂੰ ਵਾਹਣ ਇੱਕੋ ਜਿਹਾ ,ਜੇ ਇਹ ਸਾਡੀਆਂ ਮਾਵਾਂ ਭੈਣਾਂ ਨੂੰ ਇਸੇ ਤਰ੍ਹਾਂ ਥਾਣੇ ਵਿੱਚ ਜ਼ਲੀਲ ਕਰਨਗੇ ਤਾਂ ਇਨ੍ਹਾਂ ਦੇ ਐਡਰੈੱਸ ਸਾਡੇ ਤੋਂ ਲੁਕੇ ਨਹੀਂ ਹਨ ਅਸੀਂ ਦੂਣ ਸਵਾਈ ਕਰ ਕੇ ਮੁੜਾਂਗੇ । ਅਸੀਂ ਕੋਈ ਧਮਕੀ ਨਹੀਂ ਲਾ ਰਹੇ ,ਮਰਦਾ ਦਾ ਕੰਮ ਹੁੰਦਾ ਹੈ ਲਲਕਾਰ ਕੇ ਵਾਰ ਕਰਨਾ ਨਾ ਪਿੱਠ ਪਿੱਛੇ ਕਰਾਂਗੇ ਨਾ ਲੁਕ ਕੇ ਕਰਾਂਗੇ ।
ਸਾਡੀ ਪੰਜਾਬ ਪੁਲਸ ਵਾਲਿਆਂ ਨੂੰ ਸਲਾਹ ਹੈ ਕਿ ਉਹ ਦਿੱਲੀ ਦਰਬਾਰ ਦੇ ਮਗਰ ਲੱਗ ਕੇ ਆਪਣਾ ਝੁੱਗਾ ਚੌੜ ਨਾ ਕਰਵਾ ਲੈਣ ਅਗਰ ਸਾਡੇ ਪਰਿਵਾਰਾਂ ਦਾ ਨੁਕਸਾਨ ਕਰੋਗੇ ਤਾਂ ਦਿੱਲੀ ਦੇ ਦੱਲੇ ਤੁਹਾਨੂੰ ਜਾ ਤੁਹਾਡੇ ਪਰਿਵਾਰ ਨੂੰ ਇੰਦਰਾ ਗਾਂਧੀ ਜਾਂ ਬੇਅੰਤੇ ਪਾਪੀ ਤੋਂ ਜ਼ਿਆਦਾ ਸਕਿਊਰਿਟੀ ਨਹੀਂ ਦੇਣ ਲੱਗੇ ।
ਲੁਧਿਆਣਾ CIA staff No.2 ਨਾਲ ਜਿਹੜੀ ਦਾਸ ਦੀ ਗੁਫ਼ਤਗੂ ਹੋਈ ਉਸਦੀ ਆਡੀਓ ਵੀ ਨਾਲ ਨੱਥੀ ਕਰ ਰਿਹਾ ਹਾਂ ਤਾਂ ਕਿ ਕਿਸੇ ਨੂੰ ਕੋਈ ਸ਼ੱਕ ਨਾ ਰਹਿ ਜਾਵੇ । “
– ਹਰਵਿੰਦਰ ਸਿੰਘ ਰਿੰਦਾ
