ਬਿਓਰੋ। ਪੰਜਾਬ ਕਾਂਗਰਸ ਵਿੱਚ ਘਮਸਾਣ ਥੰਮ ਨਹੀਂ ਰਿਹਾ ਹੈ। ਸਾਬਕਾ ਸੀਐੱਮ ਕੈਪਟਨ ਅਮਰਿੰਦਰ ਸਿੰਘ ਦੇ ਕਰੀਬੀ ਅਤੇ ਅਨੰਦਪੁਰ ਸਾਹਿਬ ਤੋਂ ਸਾਂਸਦ ਮਨੀਸ਼ ਤਿਵਾੜੀ ਨੇ ਹਰੀਸ਼ ਰਾਵਤ ਨੂੰ ਜਵਾਬ ਦੇਣ ਦੇ ਬਹਾਨੇ ਪੰਜਾਬ ਕਾਂਗਰਸ ‘ਤੇ ਜੋਰਦਾਰ ਹਮਲਾ ਬੋਲਿਆ ਹੈ। ਉਹਨਾਂ ਕਿਹਾ ਕਿ ਕਾਂਗਰਸੀ ਆਗੂ ਬੱਚਿਆਂ ਵਾਂਗ ਆਪਸ ਵਿੱਚ ਲੜ ਰਹੇ ਹਨ। ਪੰਜਾਬ ਵਿੱਚ ਪਾਰਟੀ ਨੂੰ ਡੇਲੀ ਸੋਪ ਬਣਾ ਕੇ ਰੱਖ ਦਿੱਤਾ ਹੈ। ਦਰਅਸਲ, ਰਾਵਤ ਨੇ ਮਨੀਸ਼ ਤਿਵਾੜੀ ਦੀ ਪੰਜਾਬ ਨੂੰ ਲੈ ਕੇ ਸਮਝ ‘ਤੇ ਸਵਾਲ ਚੁੱਕੇ ਸਨ, ਜਿਸ ਤੋਂ ਬਾਅਦ ਤਿਵਾੜੀ ਨੇ ਰਾਵਤ ਦੇ ਸਿੱਧੂ ਨੂੰ ਪੰਜਾਬ ਕਾਂਗਰਸ ਪ੍ਰਧਾਨ ਬਣਾਏ ਜਾਣ ਦੇ ਫੈਸਲੇ ਨੂੰ ਹੀ ਕਟਹਿਰੇ ਵਿੱਚ ਖੜ੍ਹਾ ਕਰ ਦਿੱਤਾ।
Respected @harishrawatcmuk ji
Since you referred to me in this interview👇🏾I also have great regard & respect for you going back to days when I headed @nsui & you @CongressSevadal.
However in my 40 years plus in @INCIndia I have never seen such chaos 1/2https://t.co/GcE6Mw0niK— Manish Tewari (@ManishTewari) October 24, 2021
ਤਿਵਾੜੀ ਨੇ ਸਿੱਧੂ ਨਵਜੋਤ ਸਿੱਧੂ ਨੂੰ ਘੇਰਿਆ
ਮਨੀਸ਼ ਤਿਵਾੜੀ ਨੇ ਕਿਹਾ ਕਿ ਪੰਜਾਬ ਕਾਂਗਰਸ ਵਿੱਚ ਜੋ ਅਰਾਜਕਤਾ ਚੱਲ ਰਹੀ ਹੈ, ਉਹਨਾਂ ਨੇ ਅੱਜ ਤੱਕ ਨਹੀਂ ਵੇਖੀ। ਕਾਂਗਰਸ ਹਾਈਕਮਾਂਡ ਦੇ ਕਹਿਣ ‘ਤੇ ਵੀ ਪੰਜਾਬ ਵਿੱਚ ਇਹ ਹਾਲਾਤ ਹਨ। ਉਹਨਾਂ ਕਿਹਾ ਕਿ ਕਾਂਗਰਸੀ ਇੱਕ-ਦੂਜੇ ਲਈ ਹੀ ਘਟੀਆ ਸ਼ਬਦਾਂ ਦਾ ਇਸਤੇਮਾਲ ਕਰ ਰਹੇ ਹਨ। ਇਹ ਸਭ ਪਿਛਲੇ 5 ਮਹੀਨਿਆਂ ਤੋਂ ਚੱਲ ਰਿਹਾ ਹੈ। ਤਿਵਾੜੀ ਨੇ ਨਵਜੋਤ ਸਿੱਧੂ ਤੋਂ ਪੁੱਛਿਆ..ਕੀ ਉਹਨਾਂ ਨੂੰ ਇਹ ਨਹੀਂ ਲਗਦਾ ਕਿ ਪੰਜਾਬ ਦੇ ਲੋਕ ਇਸ ਡੇਲੀ ਸੋਪ ਤੋਂ ਪਰੇਸ਼ਾਨ ਹੋ ਗਏ ਹੋਣਗੇ। ਉਹਨਾਂ ਕਿਹਾ ਕਿ ਮੰਦਭਾਗਾ ਤਾਂ ਇਹ ਹੈ ਕਿ ਜੋ ਲੋਕ ਇਸਦਾ ਵਿਰੋਧ ਕਰਦੇ ਸਨ, ਹੁਣ ਓਹੀ ਅਜਿਹਾ ਕੰਮ ਕਰਨ ਲੱਗੇ ਹਨ।
1/3 vs @INCPunjab Do we think that people of Punjab are not disgusted by this daily soap opera?Irony is that those who complained loudest of transgressions & aberrations were unfortunately & continue to be worst offenders themselves. History would record that the appointment of
— Manish Tewari (@ManishTewari) October 24, 2021
ਵੱਡੇ ਮੁੱਦਿਆਂ ‘ਤੇ ਕੀ ਕਾਰਵਾਈ ਹੋਈ- ਤਿਵਾੜੀ
ਤਿਵਾੜੀ ਨੇ ਪੁੱਛਿਆ ਕਿ ਉਹਨਾਂ ਮੁੱਦਿਆਂ ‘ਤੇ ਕੀ ਪ੍ਰੋਗਰੈੱਸ ਹੈ, ਜਿਹਨਾਂ ਨੂੰ ਲੈ ਕੇ ਵਿਧਾਇਕਾਂ ਅਤੇ ਦੂਜੇ ਆਗੂਆਂ ਨੇ ਵਿਰੋਧ ਕੀਤਾ ਸੀ। ਉਹਨਾਂ ਪੁੱਛਿਆ ਕਿ ਬਰਗਾੜੀ ਬੇਅਦਬੀ, ਡਰੱਗਜ਼, ਬਿਜਲੀ ਸਮਝੌਤੇ, ਰੇਤ ਮਾਫੀਆ ਵਰਗੇ ਮੁੱਦਿਆਂ ‘ਤੇ ਕੀ ਕੋਈ ਕਾਰਵਾਈ ਹੋਈ?
1/4 the Committee that ostensibly heard perceived & real grievances was a serious error of judgement. Where is progress on the issues that agitated these MLA’s & other eminences- Bargari,Drugs, Power PPA’s, illegal sand mining. Has there been any movement forward…….@MathewLiz
— Manish Tewari (@ManishTewari) October 24, 2021
ਤਿਵਾੜੀ ਬਾਰੇ ਰਾਵਤ ਨੇ ਕੀ ਕਿਹਾ ਸੀ?
ਦਰਅਸਲ, ਪੰਜਾਬ ਕਾਂਗਰਸ ਦੇ ਇੰਚਾਰਜ ਰਹਿੰਦੇ ਹੋਏ ਹਰੀਸ਼ ਰਾਵਤ ਨੇ ਮਨੀਸ਼ ਤਿਵਾੜੀ ਬਾਰੇ ਕਿਹਾ ਸੀ ਕਿ ਉਹ ਸੀਨੀਅਰ ਆਗੂ ਹਨ। ਉਹਨਾਂ ਨੂੰ ਪੰਜਾਬ ਦੇ ਜ਼ਮੀਨੀ ਹਾਲਾਤ ਨੂੰ ਸਮਝਣਾ ਚਾਹੀਦਾ ਹੈ। ਇਹ ਸਿਰਫ਼ ਸੁਰੱਖਿਆ ਦਾ ਮਾਮਲਾ ਨਹੀਂ। ਉਹਨਾਂ ਕਿਹਾ ਸੀ ਕਿ ਜਦੋਂ ਵਿਧਾਇਕ ਹੀ ਬਗਾਵਤ ‘ਤੇ ਉਤਰ ਆਏ ਅਤੇ ਸਰਕਾਰ ਦੀ ਸਥਿਰਤਾ ਨੂੰ ਖ਼ਤਰਾ ਹੋ ਗਿਆ, ਤਾਂ ਵੀ ਕੈਪਟਨ ਅਮਰਿੰਦਰ ਸਿੰਘ ਵਿਧਾਇਕ ਦਲ ਦੀ ਬੈਠਕ ਬੁਲਾਏ ਜਾਣ ਤੋਂ ਭੱਜ ਰਹੇ ਸਨ। ਉਹ ਇਹਨਾਂ ਮੁੱਦਿਆਂ ਨੂੰ ਹੱਲ ਕਰਨ ਲਈ ਕੋਈ ਕਦਮ ਨਹੀਂ ਚੁੱਕ ਰਹੇ ਸਨ।
