ਬਿਓਰੋ। ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੇ ਇੱਕ ਬਿਆਨ ਨੇ ਪੰਜਾਬ ਦੀ ਸਿਆਸਤ ਵਿੱਚ ਨਵੀਂ ਬਹਿਸ ਛੇੜ ਦਿੱਤੀ ਹੈ। ਦਰਅਸਲ, ਸੁਖਬੀਰ ਬਾਦਲ ਦਾ ਦਾਅਵਾ ਹੈ ਕਿ 2017 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ BJP ਅਤੇ RSS ਨੇ ਕੈਪਟਨ ਅਮਰਿੰਦਰ ਸਿੰਘ ਦਾ ਸਹਿਯੋਗ ਕੀਤਾ। ਇਹੀ ਕਾਰਨ ਹੈ ਕਿ ਉਹ ਮੁੱਖ ਮੰਤਰੀ ਬਣੇ। ਇਸਦੇ ਬਾਅਦ ਤੋਂ ਹੀ ਉਹ ਬੀਜੇਪੀ ਨੂੰ ਫਾਇਦਾ ਪਹੁੰਚਾਉਣ ਵਿੱਚ ਲੱਗ ਗਏ। ਹੁਣ ਚਰਨਜੀਤ ਸਿੰਘ ਚੰਨੀ ਵੀ ਬੀਜੇਪੀ ਦਾ ਸਾਥ ਦੇ ਰਹੇ ਹਨ ਅਤੇ ਅੱਧਾ ਪੰਜਾਬ BSF ਦੇ ਜ਼ਰੀਏ ਕੇਂਦਰ ਨੂੰ ਸੌਂਪ ਦਿੱਤਾ।
ਕੇਜਰੀਵਾਲ ਨੇ ਲਗਾਇਆ ਫਰੈਂਡਲੀ ਮੈਚ ਦਾ ਇਲਜਾਮ
ਸੁਖਬੀਰ ਬਾਦਲ ਦੇ ਬਿਆਨ ਨੂੰ ਆਮ ਆਦਮੀ ਪਾਰਟੀ ਨੇ ਫੌਰਨ ਫੜ ਲਿਆ। ‘ਆਪ’ ਕਨਵੀਨਰ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦਾ ਕਹਿਣਾ ਹੈ ਕਿ BJP ਅਤੇ RSS ਹੀ ਨਹੀਂ, ਬਲਕਿ ਸਾਰੀਆਂ ਪਾਰਟੀਆਂ ਨੇ ਇਕਜੁੱਟਤਾ ਵਿਖਾਈ ਸੀ ਅਤੇ ਕੈਪਟਨ ਦੀ ਸਰਕਾਰ ਬਣਾਈ ਸੀ। ਉਹਨਾਂ ਨੇ ਟਵੀਟ ਕੀਤਾ, “ਪੰਜਾਬ ਵਿੱਚ ਸਾਰੀਆਂ ਪਾਰਟੀਆਂ ਅਤੇ ਆਗੂ ਮਿਲ ਕੇ ਆਮ ਆਦਮੀ ਪਾਰਟੀ ਦੇ ਖਿਲਾਫ਼ ਲੜਦੇ ਹਨ। ਇਸ ਵਾਰ ਫੇਰ ਸਾਰੇ ਮਿਲ ਕੇ ਲੜਨਗੇ, ਪਰ ਇਸ ਵਾਰ ਆਮ ਆਦਮੀ ਸਾਰਿਆਂ ਨੂੰ ਹਰਾਏਗਾ।”
ये सभी पार्टियाँ और नेता मिलकर आम आदमी के ख़िलाफ़ लड़ते हैं। पहले भी लड़े, इस बार फिर ये सारे मिलकर एक साथ लड़ेंगे। पर इस बार आम आदमी इन सबको हरायेगा। इस बार ये सारी पार्टियाँ और नेता हारेंगे, आम आदमी जीतेगा। https://t.co/4XwdLkYQNm
— Arvind Kejriwal (@ArvindKejriwal) October 24, 2021
2017 ‘ਚ SAD-BJP ਨੇ ਗਠਜੋੜ ‘ਚ ਲੜੀ ਸੀ ਚੋਣ
ਦਿਲਚਸਪ ਹੈ ਕਿ ਸੁਖਬੀਰ ਬਾਦਲ 2017 ਦੀਆਂ ਜਿਹਨਾਂ ਚੋਣਾਂ ਵਿੱਚ BJP ਅਤੇ RSS ਵੱਲੋਂ ਕੈਪਟਨ ਦੀ ਮਦਦ ਕਰਨ ਦੀ ਗੱਲ ਕਹਿ ਰਹੇ ਹਨ, ਉਸ ਵਕਤ ਬੀਜੇਪੀ ਅਤੇ ਅਕਾਲੀ ਦਲ ਗਠਜੋੜ ਵਿੱਚ ਸਨ ਅਤੇ ਦੋਵਾਂ ਨੇ ਮਿਲ ਕੇ ਚੋਣ ਲੜੀ ਸੀ। 2017 ਦੀਆਂ ਚੋਣਾਂ ਵਿੱਚ ਕੈਪਟਨ ਦੀ ਅਗਵਾਈ ‘ਚ ਕਾਂਗਰਸ ਨੇ 77 ਸੀਟਾਂ ਹਾਸਲ ਕਰਕੇ 10 ਸਾਲ ਬਾਅਦ ਸੱਤਾ ਵਿੱਚ ਵਾਪਸੀ ਕੀਤੀ ਸੀ, ਜਦਕਿ ਤਤਕਾਲੀ ਸੱਤਾ ਧਿਰ ਅਕਾਲੀ ਦਲ ਅਤੇ ਬੀਜੇਪੀ ਦੇ ਗਠਜੋੜ ਨੂੰ ਮਹਿਜ਼ 18 ਸੀਟਾਂ ਹਾਸਲ ਹੋਈਆਂ ਸਨ ਅਤੇ ਪਹਿਲੀ ਵਾਰ ਚੋਣ ਲੜ ਰਹੀ ਆਮ ਆਦਮੀ ਪਾਰਟੀ ਨੇ 20 ਸੀਟਾਂ ‘ਤੇ ਜਿੱਤ ਹਾਸਲ ਕੀਤੀ ਸੀ।
