ਟੋਕਿਓ। ਪੈਰਾਲੰਪਿਕ ਵਿੱਚ ਸੋਮਵਾਰ ਨੂੰ ਭਾਰਤੀ ਅਥਲੀਟਾਂ ਨੇ ਧਮਾਲ ਮਚਾ ਦਿੱਤਾ। ਭਾਰਤ ਨੇ ਇੱਕ ਦਿਨ ‘ਚ 2 ਗੋਲਡ ਸਣੇ ਕੁੱਲ 5 ਮੈਡਲ ਆਪਣੇ ਨਾਂਅ ਕੀਤੇ। ਇਹਨਾਂ ਮੈਡਲਸ ਨੂੰ ਮਿਲਾ ਕੇ ਭਾਰਤ ਹੁਣ ਤੱਕ ਟੋਕਿਓ ਪੈਰਾਲੰਪਿਕ ਗੇਮਸ ‘ਚ ਕੁੱਲ 7 ਮੈਡਲ ਜਿੱਤ ਚੁੱਕਿਆ ਹੈ। ਇਸਦੇ ਨਾਲ ਹੀ ਇਹ ਇਵੈਂਟ ਭਾਰਤ ਦਾ ਹੁਣ ਤੱਕ ਦਾ ਸਭ ਤੋਂ ਸਫਲ ਪੈਰਾਲੰਪਿਕ ਬਣ ਗਿਆ ਹੈ। ਮੈਡਲ ਟੈਲੀ ਵਿੱਚ ਭਾਰਤ 26ਵੇਂ ਨੰਬਰ ‘ਤੇ ਹੈ। ਇਸ ਤੋਂ ਪਹਿਲਾਂ 2016 ਰਿਓ ਪੈਰਾਲੰਪਿਕ ਅਤੇ 1984 ਪੈਰਾਲੰਪਿਕ ਵਿੱਚ ਭਾਰਤ ਨੇ 4-4 ਮੈਡਲ ਆਪਣੇ ਨਾਂਅ ਕੀਤੇ ਸਨ।
ਅਵਨੀ ਨੇ ਗੋਲਡ ਦੇ ਨਾਲ ਰਚਿਆ ਇਤਿਹਾਸ
19 ਸਾਲਾ ਅਵਨੀ ਨੇ ਪੈਰਾਲੰਪਿਕ ਦੇ ਇਤਿਹਾਸ ਵਿੱਚ ਭਾਰਤ ਨੂੰ ਸ਼ੂਟਿੰਗ ਵਿੱਚ ਪਹਿਲਾ ਗੋਲਡ ਮੈਡਲ ਦਵਾਇਆ। ਰਾਜਸਥਾਨ ਦੇ ਜੈਪੁਰ ਦੀ ਰਹਿਣ ਵਾਲੀ ਅਵਨੀ ਪੈਰਾਲੰਪਿਕ ਗੇਮਸ ਵਿੱਚ ਗੋਲਡ ਜਿੱਤਣ ਵਾਲੀ ਭਾਰਤ ਦੀ ਪਹਿਲੀ ਮਹਿਲਾ ਅਥਲੀਟ ਬਣ ਗਈ ਹੈ।
A Historical & Golden Moment for India 🇮🇳
Every Indian is proud of you @AvaniLekhara #TokyoParalympics | #Praise4Para pic.twitter.com/LGfcbIndNr
— Doordarshan Sports (@ddsportschannel) August 30, 2021
ਸੁਮਿਤ ਨੇ ਜੈਵਲਿਨ ਥ੍ਰੋ ‘ਚ ਦਵਾਇਆ ਗੋਲਡ
ਸੁਮਿਤ ਨੇ F64 ਕੈਟੇਗਰੀ ਵਿੱਚ ਵਰਲਡ ਰਿਕਾਰਡ ਦੇ ਨਾਲ ਗੋਲਡ ਮੈਡਲ ਆਪਣੇ ਨਾਂਅ ਕੀਤਾ। ਉਹਨਾਂ ਨੇ ਫਾਈਨਲ ਵਿੱਚ 68.55 ਮੀਟਰ ਦੇ ਬੈਸਟ ਥ੍ਰੋ ਦੇ ਨਾਲ ਮੈਡਲ ਜਿੱਤਿਆ। ਸੋਨੀਪਤ ਦੇ ਸੁਮਿਤ ਦਾ ਸਫਰ ਮੁਸ਼ਕਿਲਾਂ ਭਰਿਆ ਰਿਹਾ ਹੈ। 6 ਸਾਲ ਪਹਿਲਾਂ ਹੋਏ ਸੜਕ ਹਾਦਸੇ ਵਿੱਚ ਇੱਕ ਪੈਰ ਗਵਾਉਣ ਤੋਂ ਬਾਅਦ ਵੀ ਸੁਮਿਤ ਨੇ ਜਿੰਦਗੀ ਵਿੱਚ ਕਦੇ ਹਾਰ ਨਹੀਂ ਮੰਨੀ ਅਤੇ ਬੁਲੰਦ ਹੌਂਸਲੇ ਨਾਲ ਹਾਲਾਤ ਦਾ ਡੱਟ ਕੇ ਸਾਹਮਣਾ ਕੀਤਾ।
Hon'ble Prime Minister @narendramodi congratulated #SumitAntil on winning Gold in #Tokyo2020 #Paralympics Games! pic.twitter.com/ywYNLSRYJt
— Doordarshan Sports (@ddsportschannel) August 30, 2021
ਦੇਵੇਂਦਰ ਝਾਝਰੀਆ ਨੇ ਜਿੱਤਿਆ ਸਿਲਵਰ ਮੈਡਲ
2 ਵਾਰ ਦੇ ਪੈਰਾਲੰਪਿਕ ਗੋਲਡ ਮੈਡਲਿਸਟ ਰਾਜਸਥਾਨ ਦੇ ਦੇਵੇਂਦਰ ਝਾਝਰੀਆ ਨੇ ਟੋਕਿਓ ਵਿੱਚ ਇੱਕ ਹੋਰ ਮੈਡਲ ਆਪਣੇ ਨਾਂਅ ਕੀਤਾ। ਉਹਨਾਂ ਨੇ F46 ਕੈਟੇਗਰੀ ਵਿੱਚ 64.35 ਮੀਟਰ ਦੂਰ ਭਾਲਾ ਸੁੱਟਿਆ। ਓਧਰ ਦੇਵੇਂਦਰ ਦੇ ਸਾਥੀ ਸੁੰਦਰ ਸਿੰਘ ਗੁਰਜਰ ਨੇ ਇਸੇ ਮੁਕਾਬਲੇ ਵਿੱਚ ਬ੍ਰਾਨਜ਼ ਮੈਡਲ ਆਪਣੇ ਨਾਂਅ ਕੀਤਾ।
🔥Devendra Jhajharia grabs #Silver and Sundar Singh Gurjar claims #Bronze as India dominate the podium in the Men's Javelin Throw F46 Final taking India's tally to 7 pic.twitter.com/7psG5e7p82
— Doordarshan Sports (@ddsportschannel) August 30, 2021
ਯੋਗੇਸ਼ ਨੇ ਡਿਸਕਸ ਥ੍ਰੋ ‘ਚ ਜਿੱਤਿਆ ਸਿਲਵਰ
ਹਰਿਆਣਾ ਦੇ ਯੋਗੇਸ਼ ਕਥੂਨੀਆ ਨੇ F56 ਕੈਟੇਗਰੀ ਵਿੱਚ ਡਿਸਕਸ ਥ੍ਰੋ ਮੁਕਾਬਲੇ ਵਿੱਚ ਭਾਰਤ ਲਈ ਸਿਲਵਰ ਮੈਡਲ ਜਿੱਤਿਆ। ਦਿੱਲੀ ਦੇ 24 ਸਾਲਾ ਯੋਗੇਸ਼ ਨੇ ਆਪਣੀ 6ਵੀਂ ਅਤੇ ਆਖਰੀ ਕੋਸ਼ਿਸ਼ ਵਿੱਚ 44.38 ਮੀਟਰ ਦਾ ਆਪਣਾ ਬੈਸਟ ਥ੍ਰੋ ਕੀਤਾ। ਇਹ ਉਹਨਾਂ ਦਾ ਬੈਸਟ ਸੀਜ਼ਨ ਵੀ ਹੈ।
#IND Yogesh Kathuniya has just bagged the #Silver medal in Men's Discus Throw F56 with a splendid 44.38m throw! #Paralympics #Tokyo2020 pic.twitter.com/L31eHp9JSl
— Doordarshan Sports (@ddsportschannel) August 30, 2021
ਭਾਵਿਨਾ ਅਤੇ ਨਿਸ਼ਾਦ ਨੇ ਵੀ ਮੈਡਲ ਜਿੱਤੇ
ਇਸ ਤੋਂ ਪਹਿਲਾਂ ਭਾਵਿਨਾ ਪਟੇਲ ਨੇ ਵਿਮਿਨ ਟੇਬਲ ਟੈਨਿਸ ਦੀ ਕਲਾਸ-4 ਕੈਟੇਗਰੀ ਵਿੱਚ ਸਿਲਵਰ ਮੈਡਲ ਜਿੱਤਿਆ। ਓਧਰ ਮੈਨਜ਼ T47 ਹਾਈ ਜੰਪ ਵਿੱਚ ਨਿਸ਼ਾਦ ਕੁਮਾਰ ਨੇ 2,06 ਮੀਟਰ ਦੀ ਜੰਪ ਦੇ ਨਾਲ ਇੱਕ ਹੋਰ ਸਿਲਵਰ ਮੈਡਲ ਭਾਰਤ ਦੇ ਨਾਂਅ ਕਰ ਦਿੱਤਾ।
