ਚੰਡੀਗੜ੍ਹ। ਸੁਰੱਖਿਆ ‘ਚ ਕੁਤਾਹੀ ਮਾਮਲੇ ਤੋੰ ਬਾਅਦ ਪ੍ਰਧਾਨ ਮੰਤਰੀ ਨਰੇੰਦਰ ਮੋਦੀ ਪਹਿਲੀ ਵਾਰ 24 ਅਗਸਤ ਨੂੰ ਪੰਜਾਬ ਆ ਰਹੇ ਹਨ। ਉਹ ਮੋਹਾਲੀ ਵਿਖੇ ਮੁੱਲਾੰਪੁਰ ‘ਚ ਹੋਮੀ ਭਾਭਾ ਕੈੰਸਰ ਹਸਪਤਾਲ ਐੰਡ ਰਿਸਰਚ ਸੈੰਟਰ ਦਾ ਉਦਘਾਟਨ ਕਰਨਗੇ। ਪਰ ਪੀਐੱਮ ਦੇ ਦੌਰੇ ਤੋੰ ਪਹਿਲਾੰ ਖਾਲਿਸਤਾਨੀ ਜਥੇਬੰਦੀ ਸਿੱਖਸ ਫਾਰ ਜਸਟਿਸ ਨੇ ਉਹਨਾੰ ਨੂੰ ਲਲਕਾਰਦਿਆੰ ਇੱਕ ਵੀਡੀਓ ਸੰਦੇਸ਼ ਜਾਰੀ ਕਰ ਦਿੱਤਾ ਹੈ।
SFJ ਮੁਖੀ ਗੁਰਪਤਵੰਤ ਸਿੰਘ ਪੰਨੂੰ ਵੱਲੋੰ ਜਾਰੀ ਇਸ ਵੀਡੀਓ ਸੰਦੇਸ਼ ਵਿੱਚ ਕਿਹਾ ਗਿਆ, “ਪਹਿਲਾੰ ਵੀ ਨੰਗੇ ਪੈਰੀੰ ਮੋੜਿਆ ਸੀ, ਇਸ 24 ਅਗਸਤ ਨੂੰ ਵੀ ਮੋੜਾੰਗੇ।” ਉਹ ਵੀਡੀਓ ਵਿੱਚ ਪ੍ਰਧਾਨ ਮੰਤਰੀ ਲਈ ਇਤਰਾਜ਼ਯੋਗ ਸ਼ਬਦਾੰ ਦਾ ਵੀ ਇਸਤੇਮਾਲ ਕਰ ਰਿਹਾ ਹੈ।
ਹਸਪਤਾਲ ਦੇ ਬਾਹਰ ਰੈਫਰੈੰਡਮ ਦੇ ਪੋਸਟਰ ਦਾ ਦਾਅਵਾ
ਵੀਡੀਓ ਸੰਦੇਸ਼ ਵਿੱਚ ਪੰਨੂੰ ਦਾਅਵਾ ਕਰ ਰਿਹਾ ਹੈ ਕਿ ਜਿਸ ਕੈੰਸਰ ਹਸਪਤਾਲ ਦਾ ਮੋਦੀ ਉਦਘਾਟਨ ਕਰਨ ਆ ਰਹੇ ਹਨ, ਉਸ ਵਿੱਚ ਪੰਜਾਬ ਹੁਲ ਖਾਲਿਸਤਾਨ ਤੇ 26 ਜਨਵਰੀ ਨੂੰ ਰੈਫਰੈੰਡਮ ਦੀਆੰ ਵੋਟਾੰ ਦੇ ਪੋਸਟਰ ਲਗਾਏ ਹਨ। ਉਸ ਵੱਲੋੰ ਬਕਾਇਦਾ ਪੋਸਟਰ ਦੀ ਤਸਵੀਰ ਵੀ ਜਾਰੀ ਕੀਤੀ ਗਈ ਹੈ। ਪੰਨੂੰ ਕਹਿ ਰਿਹਾ ਹੈ ਕਿ ਇਹ ਪੋਸਟਰ ਮੋਦੀ ਅਤੇ ਉਸਦੀ ਹਕੂਮਤ ਨੂੰ ਸੁਨੇਹਾ ਦਿੰਦੇ ਹਨ ਕਿ ਇਸ ਨੂੰ ਦਿੱਲੀ ਨਾ ਸਮਝ ਬੈਠਣ। ਇਥੇ RPG ਚਲਦੇ ਹਨ ਅਤੇ ਰੈਫਰੈੰਡਮ ਵੀ ਚਲਦਾ ਹੈ। ਪੰਨੂੰ ਨੇ ਦਾਅਵਾ ਕੀਤਾ ਕਿ ਰੈਫਰੈੰਡਮ ਨਾਲ ਜੁੜੇ ਕਾਰਕੁੰਨ ਮੁੱਲਾੰਪੁਰ ਪਹੁੰਚ ਚੁੱਕੇ ਹਨ।
24 ਅਗਸਤ ਨੂੰ ਇਕੱਠੇ ਹੋ ਕੇ ਮੋਦੀ ਨੂੰ ਵਾਪਸ ਮੋੜੋ- ਪੰਨੂੰ
ਪੰਨੂੰ ਅੱਗੇ ਕਹਿੰਦਾ ਹੈ ਕਿ ਸਭ ਤੋੰ ਵੱਡਾ ਕੈੰਸਰ ਪੰਜਾਬ ਦੀ ਗੁਲਾਮੀ ਦਾ ਼ਹੈ। ਇਹ ਕੈੰਸਰ ਪੰਜਾਬ ਦੇ ਪਾਣੀ ‘ਚ ਜ਼ਹਿਰ ਘੋਲ ਕੇ ਭਾਰਤੀ ਹਕੂਮਤ ਦੇ ਰਹੀ ਹੈ। ਪੰਨੂੰ ਲੋਕਾੰ ਨੂੰ ਭੜਕਾ ਰਿਹਾ ਹੈ ਕਿ 24 ਇਕੱਠੇ ਹੋ ਕੇ ਖਾਲਿਸਤਾਨ ਦੇ ਝੰਡੇ ਹੱਥਾੰ ਵਿੱਚ ਫੜ ਲੈਣ ਅਤੇ ਮੋਦੀ ਨੂੰ ਵਾਪਸ ਦਿੱਲੀ ਮੋੜਿਆ ਜਾਵੇ।
ਖੂਫੀਆ ਏਜੰਸੀਆੰ ਵੱਲੋੰ ਅੱਤਵਾਦੀ ਹਮਲੇ ਦਾ ਵੀ ਅਲਰਟ
ਕਾਬਿਲੇਗੌਰ ਹੈ ਕਿ ਕੇੰਦਰੀ ਖੂਫੀਆ ਏਜੰਸੀਆੰ ਵੱਲੋੰ ਚੰਡੀਗੜ੍ਹ ਅਤੇ ਮੋਹਾਲੀ ਵਿੱਚ ਅੱਤਵਾਦੀ ਹਮਲੇ ਸਬੰਧੀ ਅਲਰਟ ਵੀ ਜਾਰੀ ਕੀਤਾ ਗਿਆ ਹੈ। ਖਦਸ਼ਾ ਜਤਾਇਆ ਗਿਆ ਹੈ ਕਿ ਅੱਤਵਾਦੀ ਕਿਸੇ ਬੱਸ ਸਟੈੰਡ ਨੂੰ ਆਪਣਾ ਨਿਸ਼ਾਨਾ ਬਣਾ ਸਕਦੇ ਹਨ, ਜਿਸਦੇ ਚਲਦੇ ਚੱਪੇ-ਚੱਪੇ ‘ਤੇ ਸੁਰੱਖਿਆ ਦਾ ਸਖਤ ਪਹਿਰਾ ਲਗਾ ਦਿੱਤਾ ਗਿਆ ਹੈ ਅਤੇ ਹਰ ਆਉਣ-ਜਾਣ ਵਾਲੇ ਦੀ ਚੈਕਿੰਗ ਕੀਤੀ ਜਾ ਰਹੀ ਹੈ।
