September 21, 2022
(Jalandhar)
ਜਲੰਧਰ ਦੀ ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ ‘ਚ ਖੁਦਕੁਸ਼ੀ ਕਰਨ ਵਾਲੇ ਵਿਦਿਆਰਥੀ ਦਾ ਸੁਸਾਈਡ ਨੋਟ ਸਾਹਮਣੇ ਆ ਗਿਆ ਹੈ। ਵਿਦਿਆਰਥੀ ਨੇ ਆਪਣੀ ਮੌਤ ਲਈ NIT ਕਾਲੀਕਟ ਦੇ ਇੱਕ ਪ੍ਰੋਫੈਸਰ ਨੂੰ ਦੋਸ਼ੀ ਠਹਿਰਾਇਆ ਹੈ। ਮ੍ਰਿਤਕ ਦਾ 2 ਹਫ਼ਤੇ ਪਹਿਲਾੰ ਹੀ ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ ਵਿੱਚ ਦਾਖਲਾ ਹੋਇਆ ਸੀ ਅਤੇ ਉਸ ਹੋਸਟਲ ਵਿੱਚ ਸੈਟਲ ਹੋਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ।
ਇਸ ਤੋੰ ਪਹਿਲਾੰ ਉਹ NIT ਕਾਲੀਕਟ ‘ਚ 2 ਸਾਲਾੰ ਤੋੰ ਪੜ੍ਹ ਰਿਹਾ ਸੀ। ਇਲਜ਼ਾਮ ਹੈ ਕਿ ਪ੍ਰੋਫੈਸਰ ਨੇ ਉਸ ਨੂੰ ਪਰੇਸ਼ਾਨ ਕੀਤਾ ਅਤੇ ਕਾਲਜ ਛੱਡਣ ਲਈ ਮਜਬੂਰ ਕਰ ਦਿੱਤਾ। ਉਹ ਕਾਲਜ ਛੱਡ ਕੇ ਇਥੇ ਆ ਗਿਆ, ਪਰ ਪਰੇਸ਼ਾਨ ਚੱਲ ਰਿਹਾ ਸੀ। ਇਸੇ ਪਰੇਸ਼ਾਨੀ ਦੇ ਚਲਦੇ ਹੀ ਉਸਨੇ ਹੋਸਟਲ ਵਿੱਚ ਖੁਦਕੁਸ਼ੀ ਕਰ ਲਈ।
ਸੁਸਾਈਡ ਨੋਟ ਵਿੱਚ ਕੀ ਲਿਖਿਆ ਸੀ..?
ਕੇਰਲ ਨਿਵਾਸੀ ਬੈਚਲਰ ਆਫ ਇੰਜੀਨੀਅਰਿੰਗ ਦੇ ਵਿਦਿਆਰਥੀ ਇਜਿਨ ਐੱਸ ਦਿਲੀਪ ਕੁਮਾਰ ਨੇ ਆਪਣੇ ਸੁਸਾਈਡ ਨੋਟ ਵਿੱਚ ਲਿਖਿਆ ਹੈ ਕਿ ਉਸਦੀ ਮੌਤ ਲਈ ਸਿੱਧੇ ਤੌਰ ‘ਤੇ NIT ਕਾਲੀਕਟ ਦੇ ਪ੍ਰੋਫੈਸਰ ਪ੍ਰਸ਼ਾਦ ਕ੍ਰਿਸ਼ਣਾ ਜ਼ਿੰਮੇਵਾਰ ਹਨ। ਉਹਨਾੰ ਨੇ ਮੈਨੂੰ ਇਮਂੋਸ਼ਨਲੀ ਜੋੜ-ਤੋੜ ਕਰਕੇ ਗਲਤ ਠਹਿਰਾਇਆ। ਮੈਨੂੰ ਆਪਣੇ ਫੈਸਲੇ ਲਈ ਬੇਹੱਦ ਪਛਤਾਵਾ ਹੈ। ਮੈਨੂੰ ਮਾਫ ਕਰਨਾ, ਸ਼ਾਇਦ ਮੈੰ ਸਾਰਿਆੰ ਲਈ ਬੋਝ ਬਣ ਰਿਹਾ ਹਾੰ।
2 ਸਾਲ ਬਰਬਾਦ ਹੋਣ ਕਾਰਨ ਟੈੰਸ਼ਨ ‘ਚ ਸੀ
ਪਤਾ ਲੱਗਿਆ ਹੈ ਕਿ NIT ਕਾਲੀਕਟ ਵਿੱਚ ਇਜਿਨ ਐੱਸ ਦਿਲੀਪ ਕੁਮਾਰ ਦਾ ਕੋਈ ਵਿਵਾਦ ਹੋ ਗਿਆ ਸੀ। ਉਥੇ ਇਜਿਨ ਸੈਕੰਡ ਈਅਰ ਦਾ ਵਿਦਿਆਰਥੀ ਸੀ। NIT ਕਾਲੀਕਟ ਵਿੱਚ ਇਜਿਨ ਦੇ ਪ੍ਰੋਫੈਸਰ ਪ੍ਰਸ਼ਾਦ ਕ੍ਰਿਸ਼ਣਾ ਨੇ ਉਸ ਨੂੰ NIT ਛੱਡਣ ਲਈ ਮਜਬੂਰ ਕੀਤਾ ਸੀ। 2 ਸਾਲ ਬਰਬਾਦ ਕਰਕੇ ਇਜਿਨ ਨੇ ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ ‘ਚ ਫਰਸਟ ਈਅਰ ਵਿੱਚ ਦਾਖਲਾ ਲਿਆ ਸੀ। ਆਪਣੇ 2 ਸਾਲ ਬਰਬਾਦ ਹੋਣ ਅਤੇ NIT ਕਾਲੀਕਟ ਤੋੰ ਕੱਢੇ ਜਾਣ ਕਰਕੇ ਉਹ ਤਣਾਅ ਵਿੱਚ ਸੀ।
LPU ‘ਚ ਵੀ ਸਭ ਕੁਝ ਠੀਕ ਨਹੀੰ !
ਇਥੇ ਇਹ ਵੀ ਜ਼ਿਕਰਯੋਗ ਹੈ ਕਿ LPU ਵਿੱਚ ਸਭ ਕੁਝ ਠੀਕ ਨਹੀੰ ਹੈ। ਬਹੁਤ ਸਾਰੇ ਮਾਮਲੇ LPU ਦੀ ਚਾਰਦੀਵਾਰੀ ਵਿੱਚ ਦਫਨ ਹੋ ਜਾੰਦੇ ਹਨ। ਯੂਨੀਵਰਸਿਟੀ ਦੇ ਵਿਦਿਆਰਥੀਆੰ ਦੀ ਮੰਨੀਏ ਤਾੰ ਯੂਨੀਵਰਸਿਟੀ ‘ਚ 10 ਦਿਨਾੰ ਅੰਦਰ ਸੁਸਾਈਡ ਦਾ ਇਹ ਦੂਜਾ ਮਾਮਲਾ ਹੈ। ਹਾਲਾੰਕਿ ਯੂਨੀਵਰਸਿਟੀ ਪ੍ਰਸ਼ਾਸਨ ਨੇ ਉਸਦੀ ਭਣਕ ਤੱਕ ਕਿਸੇ ਨੂੰ ਨਹੀੰ ਲੱਗਣ ਦਿੱਤੀ। ਭਣਕ ਸ਼ਾਇਦ ਇਸ ਮਾਮਲੇ ਦੀ ਵੀ ਨਾ ਲੱਗਦੀ, ਪਰ ਵਿਦਿਆਰਥੀਆੰ ਦੇ ਰੋਸ ਦੇ ਚਲਦੇ ਮਾਮਲਾ ਬਾਹਰ ਆ ਗਿਆ। ਦੱਸ ਦਈਏ ਕਿ LPU ਦੇ ਚੇਅਰਮੈਨ ਅਸ਼ੋਕ ਮਿੱਤਲ ‘ਆਪ’ ਦੇ ਰਾਜ ਸਭਾ ਸਾੰਸਦ ਹਨ।
