ਬਿਓਰੋ। ਟੋਕਿਓ ਪੈਰਾਲੰਪਿਕ ਇਸ ਵਾਰ ਭਾਰਤ ਲਈ ਸ਼ਾਨਦਾਰ ਰਿਹਾ। ਭਾਰਤ ਨੇ ਇਸ ਵਾਰ ਉਹ ਕਰ ਵਿਖਾਇਆ ਹੈ, ਜੋ ਪਿਛਲੇ 53 ਸਾਲਾਂ ਵਿੱਚ ਨਹੀਂ ਹੋਇਆ। ਭਾਰਤੀ ਖਿਡਾਰੀਆਂ ਨੇ ਇਸ ਵਾਰ ਹੁਣ ਤੱਕ ਦੇ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ। ਭਾਰਤ ਨੂੰ ਟੋਕਿਓ ਪੈਰਾਲੰਪਿਕ ਵਿੱਚ ਕੁੱਲ 19 ਮੈਡਲ ਹਾਸਲ ਹੋਏ। ਭਾਰਤ ਮੈਡਲ ਟੈਲੀ ਵਿੱਚ 24ਵੇਂ ਨੰਬਰ ‘ਤੇ ਰਿਹਾ। ਭਾਰਤ ਨੇ 5 ਗੋਲਡ, 8 ਸਿਲਵਰ ਅਤੇ 6 ਬ੍ਰਾਨਜ਼ ਆਪਣੇ ਨਾਂਅ ਕੀਤੇ ਹਨ।
ਇਸ ਤੋਂ ਪਹਿਲਾਂ ਜਿੱਤੇ ਸਨ ਕੁੱਲ 12 ਮੈਡਲ
ਹੁਣ ਤੱਕ 53 ਸਾਲਾਂ ਵਿੱਚ 11 ਪੈਰਾਲੰਪਿਕਸ ਵਿੱਚ ਭਾਰਤ ਨੇ ਕੁੱਲ 12 ਮੈਡਲ ਹੀ ਜਿੱਤੇ ਹਨ। 1960 ਤੋਂ ਪੈਰਾਲੰਪਿਕ ਗੇਮਸ ਹੋ ਰਹੀਆਂ ਹਨ ਅਤੇ ਭਾਰਤ 1968 ਤੋਂ ਇਹਨਾਂ ਇਵੈਂਟਸ ਵਿੱਚ ਹਿੱਸਾ ਲੈ ਰਿਹਾ ਹੈ। 1976 ਅਤੇ 1980 ਵਿੱਚ ਭਾਰਤ ਨੇ ਪੈਰਾਲੰਪਿਕਸ ਵਿੱਚ ਹਿੱਸਾ ਨਹੀਂ ਲਿਆ।
ਸ਼ਾਨਦਾਰ ਪ੍ਰਦਰਸ਼ਨ ‘ਤੇ PM ਨੇ ਦਿੱਤੀ ਵਧਾਈ
ਭਾਰਤੀ ਖਿਡਾਰੀਆਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ‘ਤੇ ਪੀਐੱਮ ਨਰੇਂਦਰ ਮੋਦੀ ਨੇ ਖੁਸ਼ੀ ਜਾਹਿਰ ਕੀਤੀ ਹੈ। ਪੀਐੱਮ ਨੇ ਟਵਿਟਰ ‘ਤੇ ਲਿਖਿਆ, “ਭਾਰਤ ਨੇ ਜਿੰਨੇ ਵੀ ਮੈਡਲ ਜਿੱਤੇ ਹਨ, ਉਸਨੇ ਸਾਡੇ ਦਿਲਾਂ ਨੂੰ ਖੁਸ਼ੀ ਨਾਲ ਭਰ ਦਿੱਤਾ ਹੈ। ਮੈਂ ਖਿਡਾਰੀਆਂ ਨੂੰ ਨਿਰੰਤਰ ਸਹਿਯੋਗ ਲਈ ਸਾਡੇ ਅਥਲੀਟਾਂ ਦੇ ਕੋਚਾਂ, ਸਹਿਯੋਗੀ ਸਟਾਫ ਅਤੇ ਪਰਿਵਾਰਾਂ ਦੀ ਸ਼ਲਾਘਾ ਕਰਦਾ ਹਾਂ।”
The historic number of medals India won has filled our hearts with joy. I would like to appreciate the coaches, support staff and families of our athletes for their constant support to the players. We hope to build on our successes to ensure greater participation in sports.
— Narendra Modi (@narendramodi) September 5, 2021
ਓਧਰ ਖੇਡ ਮੰਤਰੀ ਅਨੁਰਾਗ ਠਾਕੁਰ ਨੇ ਵੀ ਟਵੀਟ ਕਰਕੇ ਇਸ ‘ਤੇ ਖੁਸ਼ੀ ਜਤਾਈ ਅਤੇ ਕਿਹਾ ਕਿ ਇਹ ਭਾਰਤ ਲਈ ਨਵੇਂ ਯੁਗ ਦੀ ਸ਼ੁਰੂਆਤ ਹੈ।
I’d like to take a moment to acknowledge & appreciate the sheer sacrifice of the families of our athletes,guidance of coaches and dedication of the support staff along w/ support provided by various stakeholders including the Govt – everyone has contributed in their own way.
— Anurag Thakur (@ianuragthakur) September 5, 2021
ਇਹਨਾਂ ਪੈਰਾ ਅਥਲੀਟਾਂ ਨੇ ਜਿੱਤਿਆ ਗੋਲਡ
ਭਾਰਤ ਲਈ ਸਭ ਤੋਂ ਪਹਿਲਾ ਗੋਲਡ ਮੈਡਲ ਅਵਨੀ ਲੇਖਰਾ ਨੇ ਮਹਿਲਾਵਾਂ ਦੇ 10 ਮੀਟਰ ਏਅਰ ਰਾਈਫਲ ਸ਼ੂਟਿੰਗ ਮੁਕਾਬਲੇ ਵਿੱਚ ਜਿੱਤਿਆ। ਇਸ ਤੋਂ ਬਾਅਦ ਸੁਮਿਤ ਅੰਤਿਲ ਨੇ ਭਾਰਤ ਨੂੰ ਜੈਵਲਿਨ ਥ੍ਰੋ ਵਿੱਚ ਦੂਜਾ ਗੋਲਡ ਮੈਡਲ ਦਵਾਇਆ। ਮਨੀਸ਼ ਨਰਵਾਲ ਨੇ 50 ਮੀਟਰ ਪਿਸਟਲ ਸ਼ੂਟਿੰਗ ਇਵੈਂਟ ਵਿੱਚ ਤੀਜਾ, ਤਾਂ ਪ੍ਰਮੋਦ ਭਗਤ ਨੇ ਬੈਡਮਿੰਟਨ ਵਿੱਚ ਚੌਥਾ ਗੋਲਡ ਮੈਡਲ ਦੇਸ਼ ਦੀ ਝੋਲੀ ਪਾਇਆ। ਇਸ ਤੋਂ ਬਾਅਦ ਇਵੈਂਟ ਦੇ ਆਖਰੀ ਦਿਨ ਇੱਕ ਵਾਰ ਫਿਰ ਬੈਡਮਿੰਟਨ ਵਿੱਚ ਕ੍ਰਿਸ਼ਣਾ ਨਾਗਰ ਨੇ ਟੋਕਿਓ ਪੈਰਾਲੰਪਿਕ ਖੇਡਾਂ ਵਿੱਚ ਭਾਰਤ ਦੇ ਗੋਲਡ ਮੈਡਲਾਂ ਦੀ ਗਿਣਤੀ 5 ਕਰ ਦਿੱਤੀ।
