ਟੋਕਿਓ। ਟੋਕਿਓ ਓਲੰਪਿਕ ‘ਚ ਡਿਸਕਸ ਥ੍ਰੋ ਮੁਕਾਬਲੇ ‘ਚ ਭਾਰਤ ਦਾ ਮੈਡਲ ਦਾ ਸੁਫਨਾ ਪੂਰਾ ਨਹੀਂ ਹੋ ਸਕਿਆ ਅਤੇ ਪੰਜਾਬ ਦੀ ਧੀ ਕਮਲਪ੍ਰੀਤ ਕੌਰ ਮੈਡਲ ਤੋਂ ਖੁੰਝ ਗਈ। ਉਹ ਫਾਈਨਲ ‘ਚ 6ਵੇਂ ਨੰਬਰ ‘ਤੇ ਰਹੀ। ਕਮਲਪ੍ਰੀਤ ਫਾਈਨਲ ਮੁਕਾਬਲੇ ‘ਚ ਆਪਣੇ ਪਿਛਲੇ ਪ੍ਰਦਰਸ਼ਨ ਨੂੰ ਵੀ ਨਹੀਂ ਦੋਹਰਾ ਸਕੀ। ਕੁਆਲੀਫਾਇੰਗ ਰਾਊੰਡ ‘ਚ ਕਮਲਪ੍ਰੀਤ ਨੇ 64 ਮੀਟਰ ਦੀ ਦੂਰੀ ‘ਤੇ ਥ੍ਰੋ ਕੀਤਾ ਸੀ।
ਫਾਈਨਲ ‘ਚ 6 ਰਾਊਂਡ ‘ਚ ਕਮਲਪ੍ਰੀਤ ਦਾ ਬੈਸਟ ਸਕੋਰ 63.70 ਦਾ ਰਿਹਾ ਅਤੇ ਉਹ 6ਵੇਂ ਨੰਬਰ ‘ਤੇ ਰਹੇ। ਕਮਲਪ੍ਰੀਤ ਨੇ 5 ਵਿੱਚੋਂ 2 ਰਾਊਂਡ ‘ਚ ਫਾਊਲ ਥ੍ਰੋ ਕੀਤੇ। ਪਹਿਲੇ ਰਾਊੰਡ ‘ਚ ਉਹਨਾਂ ਨੇ 61.62 ਮੀਟਰ ਅਤੇ ਤੀਜੇ ਰਾਊਂਡ ‘ਚ 63.70 ਮੀਟਰ ਦੂਰ ਡਿਸਕਸ ਸੁੱਟਿਆ। ਪੰਜਵੇਂ ਰਾਊਂਡ ‘ਚ ਉਹਨਾਂ ਨੇ 61.37 ਮੀਟਰ ਦੂਰ ਥ੍ਰੋ ਕੀਤਾ।
ਕਮਲਪ੍ਰੀਤ ਨੇ ਦੱਸਿਆ, ਮੈਡਲ ਤੋਂ ਕਿਉਂ ਖੁੰਝੀ?
ਕਮਲਪ੍ਰੀਤ ਕੌਰ ਨੇ ਇਸ ਮੁਕਾਬਲੇ ‘ਚ ਹਾਰ ਤੋਂ ਬਾਅਦ BBC ਨਾਲ ਗੱਲਬਾਤ ਕਰਦਿਆਂ ਆਪਣੀ ਹਾਰ ਦੀ ਵਜ੍ਹਾ ਦੱਸੀ। ਕਮਲਪ੍ਰੀਤ ਨੇ ਕਿਹਾ, “ਮੈਂ ਸ਼ੁਰੂ ‘ਚ ਥੋੜ੍ਹਾ ਨਰਵਸ ਹੋ ਗਈ ਸੀ। ਪਰ ਜਦੋਂ ਠੀਕ ਹੋਈ, ਤਾਂ ਮੀਂਹ ਪੈਣ ਲੱਗ ਗਿਆ। ਮੀਂਹ ਕਾਰਨ ਮੈਂ ਆਪਣੇ ਆਪ ‘ਤੇ ਭਰੋਸਾ ਪੂਰੀ ਤਰ੍ਹਾਂ ਗੁਆ ਲਿਆ। ਮੈਂ ਕਦੇ ਵੀ ਮੀਂਹ ਦੌਰਾਨ ਬਿਹਤਰ ਖੇਡ ਨਹੀਂ ਵਿਖਾ ਸਕੀ। ਜੇਕਰ ਮੈਨੂੰ ਇੰਟਰਨੈਸ਼ਨਲ ਮੈਚਾਂ ਦਾ ਵਧੇਰੇ ਤਜ਼ਰਬਾ ਹੁੰਦਾ, ਤਾਂ ਸ਼ਾਇਦ ਇਹ ਹਾਲਤ ਨਾ ਹੁੰਦੀ।”
ਤੁਸੀਂ ਵਧੀਆ ਕੋਸ਼ਿਸ਼ ਕੀਤੀ- ਕੈਪਟਨ
ਕਮਲਪ੍ਰੀਤ ਦੇ ਇਸ ਮੁਕਾਬਲੇ ਤੋਂ ਬਾਅਦ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਉਹਨਾਂ ਦਾ ਹੌਸਲਾ ਵਧਾਇਆ ਅਤੇ ਟਵੀਟ ਕਰਦਿਆਂ ਕਿਹਾ, “ਵਧੀਆ ਕੋਸ਼ਿਸ਼ ਕਮਲਪ੍ਰੀਤ ਕੌਰ! ਬੇਸ਼ੱਕ ਤੁਸੀਂ ਮੈਡਲ ਨਹੀਂ ਜਿੱਤਿਆ, ਸਾਨੂੰ ਭਰੋਸਾ ਹੈ ਕਿ ਤੁਸੀਂ ਓਲੰਪਿਕ ‘ਚ ਆਪਣੇ ਤਜ਼ਰਬੇ ਨਾਲ ਹੋਰ ਵੀ ਮਜਬੂਤ ਬਣੋਗੇ। ਤੁਹਾਨੂੰ ਇੱਕ ਸਫਲ ਭਵਿੱਖ ਲਈ ਬਹੁਤ ਸ਼ੁਭਕਾਮਨਾ। ਤੁਸੀਂ ਸਾਡੇ ਚੈਂਪੀਅਨ ਅਥਲੀਟ ਹੋ। ਇਸ ਨੂੰ ਜਾਰੀ ਰੱਖੋ!”
Super effort Kamalpreet Kaur! Even though you have not won a medal, we are sure you will come out stronger and more resilient from your experience in the Olympics. Wish you all the best for a very successful future. You are our champion athlete…keep it up! 🇮🇳
— Capt.Amarinder Singh (@capt_amarinder) August 2, 2021
ਇਸ ਤੋਂ ਪਹਿਲਾਂ ਸੀਐੱਮ ਕੈਪਟਨ ਨੇ ਕਮਲਪ੍ਰੀਤ ਦਾ ਮੁਕਾਬਲਾ ਵੇਖਦਿਆਂ ਆਪਣੀ ਤਸਵੀਰ ਵੀ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਸੀ।
Go for it #KamalpreetKaur… India is proud of you. 🇮🇳 pic.twitter.com/hRZApwcz6m
— Capt.Amarinder Singh (@capt_amarinder) August 2, 2021
ਫਾਈਨਲ ‘ਚ ਪਹੁੰਚਣਾ ਹੀ ਵੱਡੀ ਉਪਲਬਧੀ- ਸੁਖਬੀਰ
ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਵੀ ਟਵੀਟ ਕਰਦਿਆਂ ਕਮਲਪ੍ਰੀਤ ਕੌਰ ਦੇ ਪ੍ਰਦਰਸ਼ਨ ਦੀ ਤਾਰੀਫ ਕੀਤੀ। ਉਹਨਾਂ ਕਿਹਾ, “ਬਹੁਤ ਵਧੀਆ ਕੀਤਾ ਕਮਲਪ੍ਰੀਤ ਕੌਰ! ਤੁਸੀਂ ਅੱਜ ਸਾਰੇ ਪੰਜਾਬੀਆਂ ਨੂੰ ਮਾਣ ਮਹਿਸੂਸ ਕਰਵਾਇਆ। ਓਲੰਪਿਕ ‘ਚ ਡਿਸਕਸ ਥ੍ਰੋ ਦੇ ਫਾਈਨਲ ‘ਚ ਪਹੁੰਚਣਾ ਹੀ ਆਪਣੇ ਆਪ ‘ਚ ਵੱਡੀ ਉਪਲਬਧੀ ਹੈ। ਤੁਸੀਂ ਉੱਚੇ ਮਾਪਦੰਡ ਨਿਰਧਾਰਤ ਕੀਤੇ ਹਨ ਅਤੇ ਕਈ ਮਹਿਲਾਵਾਂ ਨੂੰ ਆਪਣੇ ਸੁਫਨੇ ਪੂਰੇ ਕਰਨ ਲਈ ਪ੍ਰੇਰਿਆ ਹੈ।”
Well done #KamalpreetKaur! You have made all Punjabis proud today. The fact that you competed in the discus throw finals in #Olympics is in itself a big achievement. You've set the bar high & have inspired many women to pursue their dreams.#Tokyo2020 pic.twitter.com/u4Swc3Of3H
— Sukhbir Singh Badal (@officeofssbadal) August 2, 2021
ਤੁਸੀਂ ਕਈ ਨੌਜਵਾਨਾਂ ਨੂੰ ਪ੍ਰੇਰਿਤ ਕੀਤਾ- ਹਰਸਿਮਰਤ
ਸਾਬਕਾ ਕੇਂਦਰੀ ਮੰਤਰੀ ਹਰਸਿਮਰਤ ਬਾਦਲ ਨੇ ਟਵਿਟਰ ‘ਤੇ ਲਿਖਿਆ, “ਤੁਹਾਡੇ ‘ਤੇ ਮਾਣ ਹੈ ਕਮਲਪ੍ਰੀਤ ਕੌਰ, ਤੁਸੀਂ ਸਾਡੇ ਸਾਰਿਆਂ ਦੀਆਂ ਨਜ਼ਰਾਂ ‘ਚ ਚੈਂਪੀਅਨ ਹੋ। ਤੁਸੀਂ ਦੇਸ਼ ਦੇ ਬਹੁਤ ਸਾਰੇ ਨੌਜਵਾਨਾਂ ਨੂੰ ਪ੍ਰੇਰਿਤ ਕੀਤਾ ਹੈ। ਖਿਡਾਰੀ ਵਜੋਂ ਇਹ ਤੁਹਾਡੇ ਸ਼ਾਨਦਾਰ ਕਰੀਅਰ ਦੀ ਸਿਰਫ਼ ਸ਼ੁਰੂਆਤ ਹੈ।”
Proud of you #KamalpreetKaur, you are a champion in all our eyes! You have inspired so many youngsters across the country with your performance at the #TokyoOlympics. I am certain this is just the start of your glorious career as a sportsperson! 🇮🇳#OlympicGames pic.twitter.com/gcvY0oesq9
— Harsimrat Kaur Badal (@HarsimratBadal_) August 2, 2021
ਕਈ ਵਾਰ ਅਸੀਂ ਸਿਖਦੇ ਹਾਂ- ਸਚਿਨ ਤੇਂਦੁਲਕਰ
ਕ੍ਰਿਕਟ ਦੇ ਭਗਵਾਨ ਸਚਿਨ ਤੇਂਦੁਲਕਰ ਨੇ ਵੀ ਕਮਲਪ੍ਰੀਤ ਦਾ ਹੌਂਸਲਾ ਵਧਾਇਆ। ਉਹਨਾਂ ਟਵਿਟਰ ‘ਤੇ ਲਿਖਿਆ, “ਕਈ ਵਾਰ ਅਸੀਂ ਜਿੱਤਦੇ ਹਾਂ, ਕਈ ਵਾਰ ਅਸੀਂ ਸਿੱਖਦੇ ਹਾਂ। ਬਦਕਿਸਮਤੀ ਕਮਲਪ੍ਰੀਤ! ਇੰਨੀ ਵੱਡੀ ਸਟੇਜ ‘ਤੇ ਆਪਣਾ ਬੈਸਟ ਦੇਣ ਅਤੇ ਭਾਰਤ ਦੀ ਨੁਮਾਇੰਦਗੀ ਕਰਨ ਲਈ ਸਾਨੂੰ ਤੁਹਾਡੇ ‘ਤੇ ਮਾਣ ਹੈ। ਇਹ ਤਜ਼ਰਬਾ ਤੁਹਾਨੂੰ ਭਵਿੱਖ ‘ਚ ਇੱਕ ਮਜਬੂਤ ਅਥਲੀਟ ਹੀ ਬਣਾਏਗਾ।”
Sometimes we win, sometimes we learn. Hard luck Kamalpreet!
We are proud of you for giving your best & representing India 🇮🇳 at such a big stage.
This experience will only make you a stronger athlete in the future.#Athletics #Olympics #Tokyo2020 pic.twitter.com/e1xAGWdDUa— Sachin Tendulkar (@sachin_rt) August 2, 2021
ਕਾਬਿਲੇਗੌਰ ਹੈ ਕਿ ਕਮਲਪ੍ਰੀਤ ਕੌਰ ਪੰਜਾਬ ਦੇ ਮੁਕਤਸਰ ਜ਼ਿਲ੍ਹੇ ‘ਚ ਪਿੰਡ ਬਾਦਲ ਦੀ ਰਹਿਣ ਵਾਲੀ ਹੈ। ਕਮਲਪ੍ਰੀਤ ਦਾ ਇਹ ਪਹਿਲਾ ਓਲੰਪਿਕ ਟੂਰਨਾਮੈਂਟ ਸੀ। ਇਸ ਤੋਂ ਪਹਿਲਾਂ ਉਹਨਾਂ ਨੇ ਸਿਰਫ਼ ਵਰਲਡ ਗੇਮਜ਼ ਅਤੇ ਏਸ਼ੀਅਨ ਚੈਂਪੀਅਨਸ਼ਿਪ ਹੀ ਖੇਡੀ ਹੈ। ਉਹਨਾਂ ਕੋਲ ਕੌਮਾਂਤਰੀ ਮੈਚਾਂ ਦਾ ਜ਼ਿਆਦਾ ਤਜ਼ਰਬਾ ਨਹੀਂ ਸੀ। ਬਾਵਜੂਦ਼ੜ ਇਸਦੇ ਉਹਨਾਂ ਨੇ ਫਾਈਨਲ ਤੱਕ ਦਾ ਸਫਰ ਤੈਅ ਕੀਤਾ, ਇਸੇ ਲਈ ਉਹਨਾਂ ਦੀ ਜੰਮ ਕੇ ਤਾਰੀਫ ਕੀਤੀ ਜਾ ਰਹੀ ਹੈ।
