ਬਿਓਰੋ। ਮਿਸ਼ਨ ਪੰਜਾਬ ਵਿੱਚ ਜੁਟੇ ਆਮ ਆਦਮੀ ਪਾਰਟੀ ਦੇ ਕਨਵੀਨਰ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਹੁਣ ਇੱਕ ਹੋਰ ਵੱਡਾ ਚੁਣਾਵੀ ਵਾਅਦਾ ਕੀਤਾ ਹੈ। ਮੁਫਤ ਬਿਜਲੀ ਅਤੇ ਸਿਹਤ ਸੁਵਿਧਾਵਾਂ ਤੋਂ ਬਾਅਦ ਕੇਜਰੀਵਾਲ ਨੇ ਹੁਣ ਮਹਿਲਾਵਾਂ ਨੂੰ ਆਰਥਿਕ ਮਦਦ ਦੇਣ ਦਾ ਐਲਾਨ ਕੀਤਾ ਹੈ। ਮੋਗਾ ਪਹੁੰਚੇ ਕੇਜਰੀਵਾਲ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਦੀ ਸੂਬੇ ਵਿੱਚ ਸਰਕਾਰ ਬਣੀ, ਤਾਂ ਪੰਜਾਬ ਦੀਆਂ 18 ਸਾਲ ਤੋਂ ਉੱਪਰ ਦੀ ਹਰ ਮਹਿਲਾ ਦੇ ਅਕਾਊਂਟ ਵਿੱਚ ਹਰ ਮਹੀਨੇ 1000 ਰੁਪਏ ਪਾਏ ਜਾਣਗੇ।
ਘਰ ਦੀਆਂ ਸਾਰੀਆਂ ਮਹਿਲਾਵਾਂ ਨੂੰ ਮਿਲੇਗਾ ਫਾਇਦਾ
ਕੇਜਰੀਵਾਲ ਨੇ ਕਿਹਾ ਕਿ ਇੱਕ ਪਰਿਵਾਰ ਵਿੱਚ ਇੱਕ ਧੀ ਹੈ, ਇੱਕ ਨੂੰਹ ਅਤੇ ਇੱਕ ਸੱਸ ਹੈ, ਤਾਂ ਤਿੰਨਾਂ ਦੇ ਅਕਾਊਂਟ ਵਿੱਚ 1000-1000 ਰੁਪਏ ਆਉਣਗੇ। ਇਸ ਤੋਂ ਇਲਾਵਾ ਬਜੁਰਗ ਮਹਿਲਾਵਾਂ ਨੂੰ ਮਿਲ ਰਹੀ ਬੁਢਾਪਾ ਪੈਨਸ਼ਨ ਵੀ ਜਾਰੀ ਰਹੇਗੀ। ਕੇਜਰੀਵਾਲ ਨੇ ਦਾਅਵਾ ਕੀਤਾ ਕਿ ਇਹ ਸਿਰਫ਼ ਭਾਰਤ ਵਿੱਚ ਹੀ ਨਹੀਂ, ਬਲਕਿ ਦੁਨੀਆ ਦੇ ਇਤਿਹਾਸ ਦਾ ਸਭ ਤੋਂ ਵੱਡਾ ਮਹਿਲਾ ਸਸ਼ਕਤੀਕਰਨ ਪ੍ਰੋਗਰਾਮ ਹੋਵੇਗਾ।
ਦੁਨੀਆ ਦੀ ਕੋਈ ਵੀ ਸਰਕਾਰ ਅਜਿਹੀ ਨਹੀਂ ਹੈ, ਜਿਸ ਨੇ ਮਾਵਾਂ, ਭੈਣਾਂ ਅਤੇ ਧੀਆਂ ਦੇ ਖਾਤੇ ਵਿੱਚ 1000 ਰੁਪਏ ਜਮ੍ਹਾ ਕਰਵਾਏ ਹੋਣ।#KejriwalDiTeejiGuarantee ਪੰਜਾਬ ਦੀਆਂ ਔਰਤਾਂ ਦੀ ਕਿਵੇਂ ਮਦਦ ਕਰੇਗਾ?
ਦੇਖੋ-👇pic.twitter.com/TW9WBS0enc
— AAP Punjab (@AAPPunjab) November 22, 2021
ਸੀਐੱਮ ਚੰਨੀ ਨੂੰ ਦੱਸਿਆ ਨਕਲੀ ਕੇਜਰੀਵਾਲ
ਕੇਜਰੀਵਾਲ ਨੇ ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ‘ਤੇ ਚੁਟਕੀ ਵੀ ਲਈ। ਉਹਨਾਂ ਨੇ ਨਾਂਅ ਲਏ ਬਿਨ੍ਹਾਂ ਕਿਹਾ ਕਿ ਇੱਕ ਬੇਹੱਦ ਜ਼ਰੂਰੀ ਗੱਲ ਹੈ ਕਿ ਪੰਜਾਬ ਵਿੱਚ ਅੱਜਕੱਲ੍ਹ ਇੱਕ ਨਕਲੀ ਕੇਜਰੀਵਾਲ ਘੁੰਮ ਰਿਹਾ ਹੈ। ਜੋ ਮੈਂ ਕਹਿੰਦਾ ਹਾਂ, 2 ਦਿਨ ਬਾਅਦ ਉਹ ਉਸੇ ਤਰ੍ਹਾਂ ਦੀ ਗੱਲ ਕਹਿ ਦਿੰਦਾ ਹੈ।
ਕੇਜਰੀਵਾਲ ਨੇ ਕਿਹਾ, “ਨਕਲੀ ਕੇਜਰੀਵਾਲ ਸਿਰਫ ਬੋਲਦਾ ਹੈ, ਕਰਦਾ ਨਹੀਂ ਹੈ, ਕਿਉਂਕਿ ਉਹ ਨਕਲੀ ਹੈ। ਕੇਜਰੀਵਾਲ ਨੇ ਲੋਕਾਂ ਨੂੰ ਕਿਹਾ ਕਿ ਉਸ ਤੋਂ ਬੱਚ ਕੇ ਰਹੀਓ। ਕੰਮ ਸਿਰਫ਼ ਅਸਲੀ ਕੇਜਰੀਵਾਲ ਹੀ ਕਰੇਗਾ।“
ਬਿਜਲੀ ਨੂੰ ਲੈ ਕੇ ਚੰਨੀ ‘ਤੇ ਸਾਧਿਆ ਨਿਸ਼ਾਨਾ
ਕੇਜਰੀਵਾਲ ਨੇ ਕਿਹਾ, “ਮੈਂ ਪੰਜਾਬ ਆਇਆ ਤੇ ਬਿਜਲੀ ਫ੍ਰੀ ਕਰਨ ਦੀ ਗੱਲ ਕਹੀ। 2 ਦਿਨ ਬਾਅਦ ਨਕਲੀ ਕੇਜਰੀਵਾਲ ਨੇ ਕਿਹਾ ਕਿ ਅਸੀਂ ਬਿਜਲੀ ਫ੍ਰੀ ਕਰ ਦਿੱਤੀ।” ਉਹਨਾਂ ਕਿਹਾ ਕਿ ਚੰਨੀ ਪੂਰੇ ਪੰਜਾਬ ਦੇ ਲੋਕਾਂ ਵਿੱਚੋਂ ਇੱਕ ਵੀ ਸ਼ਖਸ ਦੱਸੇ, ਜਿਸਦਾ ਬਿਜਲੀ ਬਿੱਲ ਸਿਫਰ ਆਇਆ ਹੋਵੇ। ਉਹਨਾਂ ਕਿਹਾ ਕਿ ਬਿਜਲੀ ਬਿੱਲ ਜੀਰੋ ਸਿਰਫ਼ ਕੇਜਰੀਵਾਲ ਕਰ ਸਕਦਾ ਹੈ।
‘ਆਮ ਆਦਮੀ’ ‘ਤੇ ਕੇਜਰੀਵਾਲ ਤੇ ਚੰਨੀ ਦੀ ਜੰਗ
ਦਿਲਚਸਪ ਹੈ ਕਿ ਆਮ ਆਦਮੀ ਦੇ ਮੁੱਦੇ ਨੂੰ ਲੈ ਕੇ ਪੰਜਾਬ ਵਿੱਚ ਕੇਜਰੀਵਾਲ ਅਤੇ ਸੀਐੱਮ ਚੰਨੀ ਵਿਚਕਾਰ ਜੰਗ ਚੱਲ ਰਹੀ ਹੈ। ਸੀਐੱਮ ਚੰਨੀ ਕਈ ਵਾਰ ਕਹਿ ਚੁੱਕੇ ਹਨ ਕਿ ਮੈਂ ਹੀ ਪੰਜਾਬ ਦਾ ਅਸਲ ਆਮ ਆਦਮੀ ਹਾਂ। ਉਹ ‘ਆਪ’ ਨੂੰ ਇਸੇ ਬਹਾਨੇ ਨਿਸ਼ਾਨਾ ਬਣਾਉਂਦੇ ਹਨ ਕਿ ਹੁਣ ਪੰਜਾਬ ਦਾ ਮੁੱਖ ਮੰਤਰੀ ਅਸਾਨ ਨਾਲ ਲੋਕਾਂ ਨੂੰ ਮਿਲਦਾ ਹੈ। ਕੇਜਰੀਵਾਲ ਵੀ ਲਗਾਤਾਰ ਆਮ ਆਦਮੀ ਦੀ ਇਮੇਜ ਨੂੰ ਲੈ ਕੇ ਹੀ ਚੋਣ ਮੈਦਾਨ ਵਿੱਚ ਨਿਤਰਦੇ ਹਨ।
