ਮੋਹਾਲੀ। ਪੰਜਾਬ ਪੁਲਿਸ ਦੇ ਮੋਹਾਲੀ ਸਥਿਤ ਇੰਟੈਲੀਜੈੰਸ ਹੈੱਡਕੁਆਰਟਰ ‘ਤੇ ਹੋਏ ਰਾਕੇਟ ਅਟੈਕ ਮਾਮਲੇ ਵਿੱਚ ਵੱਡਾ ਖੁਲਾਸਾ ਹੋਇਆ ਹੈ। ਇਸ ਮਾਮਲੇ ਦੇ ਤਾਰ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਕਾੰਡ ਦੇ ਮਾਸਟਰਮਾਈੰਡ ਗੈੰਗਸਟਰ ਲਾਰੈੰਸ ਬਿਸ਼ਨੌਈ ਨਾਲ ਜੁੜ ਗਏ ਹਨ।
ਦਰਅਸਲ, RPG ਅਟੈਕ ਕਰਨ ਵਾਲਾ ਮੁੱਖ ਹਮਲਾਵਰ ਦੀਪਕ ਗੈੰਗਸਟਰ ਲਾਰੈੰਸ ਦਾ ਗੁਰਗਾ ਨਿਕਲਿਆ। ਦੀਪਕ ਹਰਿਆਣਾ ਦੇ ਝੱਜਰ ਦੇ ਪਿੰਡ ਸੂਰਜਪੁਰ ਦਾ ਰਹਿਣ ਵਾਲਾ ਹੈ। ਦੀਪਕ ਦੇ ਨਾਲ ਉੱਤਰ ਪ੍ਰਦੇਸ਼ ਦਾ ਨਬਾਲਗ ਹਮਲਾਵਰ ਵੀ ਸੀ। ਹਾਲਾੰਕਿ ਅਜੇ ਤੱਕ ਇਹ ਦੋਵੇੰ ਫੜੇ ਨਹੀੰ ਗਏ ਹਨ। ਲਾਰੈੰਸ ਇਸ ਵਕਤ ਮੂਸੇਵਾਲਾ ਕਤਲ ਕਾੰਡ ਵਿੱਚ ਪੰਜਾਬ ਪੁਲਿਸ ਦੀ ਕਸਟਡੀ ‘ਚ ਹੈ। ਜਾਣਕਾਰੀ ਮੁਤਾਬਕ, ਇਸ ਮਾਮਲੇ ਵਿੱਚ ਵੀ ਉਸ ਤੋੰ ਪੁੱਛਗਿੱਛ ਹੋ ਚੁੱਕੀ ਹੈ।
ਦਿੱਲੀ ਪੁਲਿਸ ਅਤੇ ਚੰਡੀਗੜ੍ਹ ਇੰਟੈਲੀਜੈੰਸ ਦੀ ਜਾੰਚ ‘ਚ ਖੁਲਾਸਾ
ਦਰਅਸਲ, ਮੋਹਾਲੀ ਇੰਟੈਲੀਜੈੰਸ ਆਫਿਸ ‘ਤੇ 2 ਮਹੀਨੇ ਪਹਿਲਾੰ ਰਾਕੇਟ ਅਟੈਕ ਹੋਇਆ ਸੀ, ਜਿਸ ਵਿੱਚ ਕਾਰ ਸਵਾਰ ਹਮਲਾਵਰਾੰ ਨੇ ਰਾਕੇਟ ਦਾਗਿਆ ਸੀ। ਇਸ ਵਿੱਚ ਕੋਈ ਜ਼ਖਮੀ ਨਹੀੰ ਹੋਇਆ, ਪਰ ਬਿਲਡਿੰਗ ਨੂੰ ਕਾਫੀ ਨੁਕਸਾਨ ਪਹੁੰਚਿਆ। ਇਸਦੀ ਜਾੰਚ ਦੇ ਦੌਰਾਨ ਦਿੱਲੀ ਪੁਲਿਸ ਅਤੇ ਚੰਡੀਗੜ੍ਹ ਇੰਟੈਲੀਜੈੰਸ ਨੂੰ ਗੈੰਗਸਟਰ ਦੀਪਕ ਦੀ ਫੁਟੇਜ ਮਿਲੀ। ਦੀਪਕ ਲਾਰੈੰਸ ਦਾ ਗੁਰਗਾ ਹੈ, ਜੋ ਚੰਡੀਗੜ੍ਹ ਵਿੱਚ ਪਹਿਲਾੰ ਵੀ ਇੱਕ ਪ੍ਰਾਪਰਟੀ ਡੀਲਰ ਦਾ ਕਤਲ ਕਰ ਚੁੱਕਿਆ ਹੈ।
ਰਿੰਦਾ ਅਤੇ ਲਖਬੀਰ ਨੇ ਲਾਰੈੰਸ ਦੀ ਮਦਦ ਨਾਲ ਕਰਵਾਇਆ ਅਟੈਕ
ਪੰਜਾਬ ਪੁਲਿਸ ਨੇ RPG ਅਟੈਕ ਪਿੱਛੇ ਕੈਨੇਡਾ ਬੈਠੇ ਗੈੰਗਸਟਰ ਲਖਬੀਰ ਸਿੰਘ ਲਾੰਡਾ ਦਾ ਨਾੰਅ ਦੱਸਿਆ ਸੀ। ਬਾਅਦ ਵਿੱਚ ਇਸਦੇ ਪਿੱਛੇ ਪਾਕਿਸਤਾਨ ਵਿੱਚ ਬੈਠੇ ਗੈੰਗਸਟਰ ਹਰਵਿੰਦਰ ਰਿੰਦਾ ਦਾ ਵੀ ਨਾੰਅ ਜੁੜਿਆ। ਲਾਰੈੰਸ ਦੇ ਗੁਰਗੇ ਦੇ ਇਸ ਮਾਮਲੇ ਵਿੱਚ ਸ਼ਾਮਲ ਹੋਣ ਤੋੰ ਸਾਫ਼ ਹੈ ਕਿ ਰਿੰਦਾ ਅਤੇ ਲਾੰਡਾ ਨੇ ਅਟੈਕ ਲਈ ਉਸਦੀ ਮਦਦ ਲਈ।
ਹਾਲਾੰਕਿ ਲਾਰੈੰਸ ਇਸ ਮਾਮਲੇ ਵਿੱਚ ਕਿਸ ਹੱਦ ਤੱਕ ਸ਼ਾਮਲ ਹੈ ਅਤੇ ਕੀ ਉਸ ਨੂੰ ਇੰਟੈਲੀਜੈੰਸ ਹੈੱਡਕੁਆਰਟਰ ‘ਤੇ ਹਮਲੇ ਦੀ ਖ਼ਬਰ ਸੀ, ਇਸਦੇ ਬਾਰੇ ਜਾੰਚ ਕੀਤੀ ਜਾ ਰਹੀ ਹੈ।
ਲਾਰੈੰਸ ਅਤੇ ਰਿੰਦਾ ਇਕੱਠੇ ਜੇਲ੍ਹ ‘ਚ ਰਹਿ ਚੁੱਕੇ
ਪੁਲਿਸ ਨੇ ਰਿੰਦਾ ਅਤੇ ਲਾਰੈੰਸ ਦਾ ਕੁਨੈਕਸ਼ਨ ਖੰਗਾਲਣਾ ਸ਼ੁਰੂ ਕੀਤਾ, ਤਾੰ ਪਤਾ ਲੱਗਿਆ ਕਿ ਦੋਵੇੰ 2016-17 ਵਿੱਚ ਪੰਜਾਬ ਦੀ ਜੇਲ੍ਹ ਵਿੱਚ ਇਕੱਠੇ ਸਨ, ਜਿਥੇ ਉਹਨਾੰ ਦੀ ਮੁਲਾਕਾਤ ਹੋਈ ਅਤੇ ਉਹ ਕਰੀਬੀ ਦੋਸਤ ਬਣ ਗਏ। ਰਿੰਦਾ ਜੇਲ੍ਹ ਤੋੰ ਬਾਹਰ ਨਿਕਲਿਆ ਅਤੇ ਭੱਜ ਕੇ ਪਾਕਿਸਤਾਨ ਪਹੁੰਚ ਗਿਆ, ਜਿਸ ਤੋੰ ਬਾਅਦ ਪੰਜਾਬ ਦੇ ਗੈੰਗਸਟਰਾੰ ਨਾਲ ਸੰਪਰਕ ਕਰਕੇ ਉਸਨੇ ਇਥੇ ਗੜਬੜੀ ਫੈਲਾਉਣੀ ਸ਼ੁਰੂ ਕਰ ਦਿੱਤੀ।
