ਚੰਡੀਗੜ੍ਹ। ਪੰਜਾਬ ਵਿੱਚ ਟੌਪ ਦੇ ਅਫਸਰਾੰ ਦੇ ਫੇਰਬਦਲ ਵਿਚਾਲੇ ਹੁਣ ਗੱਲ ਉਹਨਾੰ ਦੇ ਧਰਮ ‘ਤੇ ਪਹੁੰਚ ਗਈ ਹੈ। ਪਿਛਲੇ 5 ਸਾਲ ਸੱਤਾ ‘ਤੇ ਰਾਜ਼ ਕਰਨ ਵਾਲੀ ਕਾੰਗਰਸ ਨੇ ਸੂਬੇ ਦੇ ਟੌਪ 3 ਅਫ਼ਸਰਾੰ ‘ਚੋੰ ਕੋਈ ਵੀ ਸਿੱਖ ਨਾ ਹੋਣ ‘ਤੇ ਸਵਾਲ ਚੁੱਕਿਆ ਹੈ। ਕਾੰਗਰਸ ਦੇ ਇਹਨਾੰ ਇਲਜ਼ਾਮਾੰ ‘ਤੇ ਸੱਤਾ ਧਿਰ ਤਾੰ ਚੁੱਪ ਹੈ, ਪਰ ਬੀਜੇਪੀ ਨੇ ਉਲਟਾ ਕਾੰਗਰਸ ਤੋੰ ਹੀ ਸਵਾਲ ਪੁੱਛ ਲਿਆ ਹੈ।
ਦਰਅਸਲ, ਆਲ ਇੰਡੀਆ ਕਿਸਾਨ ਕਾੰਗਰਸ ਦੇ ਪ੍ਰਧਾਨ ਸੁਖਪਾਲ ਖਹਿਰਾ ਨੇ ਵੀਰਵਾਰ ਨੂੰ ਇੱਕ ਟਵੀਟ ਕਰਕੇ ਮਾਨ ਸਰਕਾਰ ਅਤੇ ਅਰਵਿੰਦ ਕੇਜਰੀਵਾਲ ਤੋੰ ਸਵਾਲ ਕੀਤਾ ਸੀ। ਉਹਨਾੰ ਨੇ ਕਿਹਾ, “ਅਸੀੰ ਮੰਨਦੇ ਹਾੰ ਕਿ ਭਾਰਤ ਇੱਕ ਧਰਮ-ਨਿਰਪੱਖ ਦੇਸ਼ ਹੈ ਅਤੇ ਸਮਾਜ ਦੇ ਸਾਰੇ ਵਰਗਾੰ ਨੂੰ ਬਰਾਬਰ ਦਾ ਦਰਜਾ ਮਿਲਣਾ ਚਾਹੀਦਾ ਹੈ, ਪਰ ਬਦਕਿਸਮਤੀ ਨਾਲ ਅਰਵਿੰਦ ਕੇਜਰੀਵਾਲ ਅਤੇ ਭਗਵੰਤ ਮਾਨ ਸਰਕਾਰ ਨੇ ਮੁੱਖ ਸਕੱਤਰ, DGP ਅਤੇ AG ਵਰਗੇ ਟੌਪ ਦੇ 3 ਅਹੁਦਿਆੰ ‘ਤੇ ਇੱਕ ਵੀ ਸਿੱਖ ਨੂੰ ਨਹੀੰ ਲਾਇਆ। ਕੀ ਉਹ ਕਾਬਲ ਨਹੀੰ ਸਨ?”
We’ll believe India is a secular country and all sections of society must be given due representation but unfortunately @ArvindKejriwal run @BhagwantMann govt has not accommodated even one deserving sikh officer to top three positions i:e CS,DGP or AG ? Aren’t they competent?
— Sukhpal Singh Khaira (@SukhpalKhaira) July 28, 2022
ਖਹਿਰਾ ਦੇ ਇਹਨਾੰ ਇਲਜ਼ਾਮਾੰ ‘ਤੇ ਆਮ ਆਦਮੀ ਪਾਰਟੀ ਨੇ ਤਾੰ ਕੋਈ ਸਫਾਈ ਨਹੀੰ ਦਿੱਤੀ, ਪਰ ਬੀਜੇਪੀ ਨੇ ਖਹਿਰਾ ਨੇ ਬਹਾਨੇ ਕਾੰਗਰਸ ਅਤੇ ਪਿਛਲੇ 2 ਦਹਾਕਿਆੰ ਤੋੰ ਸੂਬੇ ਵਿੱਚ ਰਾਜ਼ ਕਰਨ ਵਾਲੀਆੰ ਸਾਰੀਆੰ ਸਰਕਾਰਾੰ ਨੂੰ ਇੱਕ ਸਵਾਲ ਪੁੱਛਿਆ ਹੈ। ਬੀਜੇਪੀ ਦੇ ਸੂਬਾ ਜਨਰਲ ਸਕੱਤਰ ਕਹਿੰਦੇ ਹਨ, “ਕਾੰਗਰਸ ਨੇ ਹਮੇਸ਼ਾ ਹਿੰਦੂ-ਸਿੱਖ ਨੂੰ ਵੰਡਣ ਦੀ ਕੋਸ਼ਿਸ਼ ਕੀਤੀ। ਸੁਖਪਾਲ ਖਹਿਰਾ ਜੀ ਨੂੰ ਇਤਰਾਜ਼ ਹੈ ਕਿ CS, DGP ਅਤੇ AG ਹਿੰਦੂ ਹਨ। ਮੈੰ ਉਹਨਾੰ ਤੋੰ ਪੁੱਛਣਾ ਚਾਹੁੰਦਾ ਹਾੰ ਕਿ 1966 ਤੋੰ ਹੁਣ ਤੱਕ ਇੱਕ ਵੀ ਹਿੰਦੂ ਪੰਜਾਬ ‘ਚ CM ਨਹੀੰ ਬਣਿਆ, ਕੀ ਕੋਈ ਹਿੰਦੂ ਲੀਡਰ ਕਾਬਲ ਨਹੀੰ ਸੀ ਜਾੰ ਨਹੀੰ ਹੈ?”
कांग्रेस ने हमेशा हिंदू – सिख को बाँटने की कोशिश की। @SukhpalKhaira जी को ऐतराज है CS, DGP, AG हिंदू हैं ।उनका सवाल है ,क्या कोई सिख अफ़सर काबिल नहीं ? मैं उनसे पूछना चाहता हूँ कि 1966 से अब तक एक भी हिंदू पंजाब में CM नहीं बना , क्या कोई हिंदू नेता काबिल नहीं था या नहीं है ? pic.twitter.com/BTfGmGetRz
— Subhash Sharma (@DrSubhash78) July 29, 2022
ਇੱਕ ਸਿੱਖ-ਇੱਕ ਹਿੰਦੂ ਦੀ ਪਰੰਪਰਾ ਕੈਪਟਨ ਨੇ ਤੋੜੀ
ਦਿਲਚਸਪ ਹੈ ਕਿ ਜਿਸ ਪਾਰਟੀ ਦੇ ਲੀਡਰ ਆਮ ਆਦਮੀ ਪਾਰਟੀ ਦੀ ਸਰਕਾਰ ‘ਤੇ ਸਿੱਖ ਅਫ਼ਸਰ ਨਾ ਲਾਏ ਜਾਣ ਨੂੰ ਲੈ ਕੇ ਸਵਾਲ ਖੜ੍ਹੇ ਕਰ ਰਹੇ ਹਨ, ਉਸੇ ਪਾਰਟੀ ਦੇ ਕਾਰਜਕਾਲ ਦੌਰਾਨ ਸੀਐੱਮ ਰਹੇ ਕੈਪਟਨ ਅਮਰਿੰਦਰ ਸਿੰਘ ਨੇ ਹੀ ਪੰਜਾਬ ‘ਚ ਸਾਲਾੰ ਤੋੰ ਚਲਦੀ ਆ ਰਹੀ ਪਰੰਪਰਾ ਨੂੰ ਤੋੜਿਆ ਸੀ। ਦਰਅਸਲ, ਸਾਲਾੰ ਤੋੰ ਪੰਜਾਬ ‘ਚ ਇਹ ਪਰੰਪਰਾ ਰਹੀ ਹੈ ਕਿ DGP ਅਤੇ ਮੁੱਖ ਸਕੱਤਰ ‘ਚੋੰ ਇੱਕ ‘ਤੇ ਸਿੱਖ ਅਤੇ ਦੂਜੇ ‘ਤੇ ਹਿੰਦੂ ਦੀ ਤੈਨਾਤੀ ਕੀਤੀ ਜਾੰਦੀ ਸੀ। ਪਰ ਕੈਪਟਨ ਨੇ ਆਪਣੇ ਕਾਰਜਕਾਲ ਦੌਰਾਨ DGP ਦੇ ਅਹੁਦੇ ‘ਤੇ ਦਿਨਕਰ ਗੁਪਤਾ ਅਤੇ CS ਦੇ ਅਹੁਦੇ ‘ਤੇ ਗੁਪਤਾ ਦੀ ਹੀ ਪਤਨੀ ਵਿਨੀ ਮਹਾਜਨ ਨੂੰ ਨਿਯੁਕਤੀ ਦਿੱਤੀ।
ਕਾਬਲੀਅਤ ਦੇ ਉੱਪਰ ਧਰਮ ਕਿਉੰ?
ਬੇਸ਼ੱਕ ਪੰਜਾਬ ਦੀ ਕੋਈ ਪਰੰਪਰਾ ਰਹੀ ਹੋਵੇ, ਪਰ ਇਹ ਸਵਾਲ ਵੀ ਉਠਣਾ ਲਾਜ਼ਮੀ ਹੈ ਕਿ ਸੂਬੇ ਦੇ ਹਿੱਤ ਵਿੱਚ ਦਿੱਤੇ ਜਾੰਦੇ ਅਹੁਦਿਆੰ ਲਈ ਕਾਬਲੀਅਤ ਜ਼ਰੂਰੀ ਹੈ ਜਾੰ ਧਰਮ? ਜੇਕਰ ਹਿੰਦੂ ਕਾਬਿਲ ਹੈ, ਤਾੰ ਉਸ ਨੂੰ ਮੌਕਾ ਕਿਉੰ ਨਹੀੰ ਮਿਲਣਾ ਚਾਹੀਦਾ? ਕੈਪਟਨ ਅਮਰਿੰਦਰ ਸਿੰਘ ਦੇ ਤਖਤਾਪਲਟ ਸਮੇੰ ਜੇਕਰ ਕਾੰਗਰਸ ਨੇ ਵੀ ਧਰਮ ਦੇ ਉੱਪਰ ਕਾਬਲੀਅਤ ਨੂੰ ਵੇਖਿਆ ਹੁੰਦਾ, ਤਾੰ ਸ਼ਾਇਦ ਅੱਜ ਪੰਜਾਬ ‘ਚ ਪਾਰਟੀ ਦੀ ਤਸਵੀਰ ਕੁਝ ਹੁੰਦੀ। ਬਾਕੀ ਸਭ ਸਮੇੰ ਦਾ ਦਸਤੂਰ ਹੈ।
