ਬਿਓਰੋ। ਕਾਂਗਰਸ ਤੋਂ ਵੱਖ ਹੋ ਕੇ ਚੋਣ ਲੜ ਰਹੇ ਕੈਪਟਨ ਅਮਰਿੰਦਰ ਸਿੰਘ ਨੂੰ ਇਸ ਵਾਰ ਪੂਰੀ ਤਰ੍ਹਾਂ ਨਾਲ ਬੀਜੇਪੀ ਦਾ ਹੀ ਸਹਾਰਾ ਹੈ। ਖੁਦ ਕੈਪਟਨ ਦੇ ਬਿਆਨ ਵੀ ਇਸ ਗੱਲ ਦੇ ਸੰਕੇਤ ਦਿੰਦੇ ਹਨ। ਅਜਿਹਾ ਹੀ ਇੱਕ ਬਿਆਨ ਕੈਪਟਨ ਨੇ ਐਤਵਾਰ ਨੂੰ ਪਟਿਆਲਾ ‘ਚ ਹੋਈ ਅਮਿਤ ਸ਼ਾਹ ਦੀ ਰੈਲੀ ਦੌਰਾਨ ਦਿੱਤਾ, ਜਿਸ ਵਿੱਚ ਉਹਨਾਂ ਨੇ ਅਗਲੇ 7 ਸਾਲ ਕੇਂਦਰ ਵਿੱਚ NDA ਦੀ ਸਰਕਾਰ ਦਾ ਦਾਅਵਾ ਕੀਤਾ ਅਤੇ ਇਸੇ ਨੂੰ ਅਧਾਰ ਬਣਾ ਕੇ ਲੋਕਾਂ ਤੋਂ ਵੋਟਾਂ ਮੰਗੀਆਂ।
ਦਰਅਸਲ,ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਐਤਵਾਰ ਨੂੰ ਪਟਿਆਲਾ ਵਿੱਚ ਕੈਪਟਨ ਅਮਰਿੰਦਰ ਸਿੰਘ ਦੇ ਹੱਕ ਵਿੱਚ ਚੋਣ ਪ੍ਰਚਾਰ ਕਰਨ ਲਈ ਪਹੁੰਚੇ ਸਨ। ਇਸ ਦੌਰਾਨ ਸ਼ਾਹ ਅਤੇ ਕੈੈਪਟਨ ਦੋੋਵਾਂ ਦੀ ਜ਼ੁਬਾਨ ‘ਤੇ ਇੱਕ-ਦੂਜੇ ਨਾਲ ਗੂੜੇ ਸਬੰਧਾਂ ਦਾ ਜ਼ਿਕਰ ਸੀ। ਬੇਸ਼ੱਕ ਇਹ ਗੂੜੇ ਸਬੰਧ ਕੈਪਟਨ ਦੇ ਸੀਐੱਮ ਰਹਿੰਦਿਆਂ ਦੇ ਹੋਣ ਜਾਂ ਫਿਰ ਮੌਜੂਦਾ ਸਮੇਂ ਦੇ। ਇਸੇ ਦੇ ਨਾਲ ਹੀ ਕੈਪਟਨ ਨੇ ਮੰਚ ਤੋਂ ਇਹ ਵੀ ਕਹਿ ਦਿੱਤਾ ਕਿ ਇਹ ਗੂੜੇ ਸਬੰਧ ਕੇਂਦਰ ਅਤੇ ਸੂਬਾ ਸਰਕਾਰ ਦੋਵਾਂ ਵਿੱਚ ਹੋਣੇ ਬੇਹੱਦ ਜ਼ਰੂਰੀ ਹਨ, ਜਿਸਦੇ ਲਈ ਉਹਨਾਂ ਨੂੰ ਅਤੇ NDA ਦੇ ਹੋਰ ਉਮੀਦਵਾਰਾਂ ਨੂੰ ਹੀ ਵੋਟ ਪਾਈ ਜਾਵੇ।
Punjab will benefit immensely from the upcoming NDA govt. @BJP4India is in govt at the centre for the next 2 years & they face no opposition for the next general elections also.
Punjab needs to get out of its debt trap & NDA ruled next 5 years will work towards it. pic.twitter.com/h7xOYwmc9a
— Capt.Amarinder Singh (@capt_amarinder) February 13, 2022
ਅਗਲੇ 7 ਸਾਲ NDA ਕੇਂਦਰ ‘ਚ ਰਹੇਗੀ- ਕੈਪਟਨ
ਮੰਚ ਤੋਂ ਕੈਪਟਨ ਅਮਰਿੰਦਰ ਸਿੰਘ ਨੇ ਵੱਡਾ ਦਾਅਵਾ ਕਰਦਿਆਂ ਕਿਹਾ, “ਅਗਲੇ 2 ਸਾਲ ਕੇਂਦਰ ਵਿੱਚ NDA ਦੀ ਸਰਕਾਰ ਹੈ। ਉਸ ਤੋਂ ਬਾਅਦ ਅਗਲੇ ਵਾਲੇ 5 ਸਾਲਾਂ ਲਈ ਵੀ BJP ਦੇ ਸਾਹਮਣੇ ਕੋਈ ਨਜ਼ਰ ਨਹੀਂ ਆਉਂਦਾ। ਲਿਹਾਜ਼ਾ 2024 ਵਿੱਚ ਇੱਕ ਵਾਰ ਫਿਰ ਕੇਂਦਰ ਵਿੱਚ NDA ਦੀ ਹੀ ਸਰਕਾਰ ਆਉਣ ਵਾਲੀ ਹੈ। ਇਹਨਾਂ 7 ਸਾਲਾਂ ਦੌਰਾਨ ਪੰਜਾਬ ਅਤੇ ਕੇਂਦਰ ਵਿਚਕਾਰ ਗੂੜੇ ਸਬੰਧਾਂ ਲਈ ਪੰਜਾਬ ‘ਚ ਵੀ NDA ਗਠਜੋੜ ਨੂੰ ਲਿਆਉਣਾ ਜ਼ਰੂਰੀ ਹੈ, ਤਾਂ ਜੋ ਹਰ ਗੱਲ ਬਹਿ ਕੇ ਕੀਤੀ ਜਾ ਸਕੇ।”
