ਚੰਡੀਗੜ੍ਹ, September 6, 2022
ਲੁਧਿਆਣਾ ਬੰਬ ਕੋਰਟ ਧਮਾਕੇ ਵਿੱਚ NIA ਨੇ ਭਗੌੜੇ ਮੁਲਜ਼ਮ ਹਰਪ੍ਰੀਤ ਸਿੰਘ ਉਰਫ ਹੈਪੀ ਮਲੇਸ਼ੀਆ ‘ਤੇ 10 ਲੱਖ ਰੁਪਏ ਦੇ ਇਨਾਮ ਦਾ ਐਲਾਨ ਕੀਤਾ ਹੈ। ਇਸ ਸਬੰਧੀ NIA ਵੱਲੋੰ ਇਸ਼ਤਿਹਾਰ ਦਿੱਤਾ ਗਿਆ ਹੈ ਕਿ ਜੋ ਵੀ ਕੋਈ ਇਸਦੀ ਗ੍ਰਿਫ਼ਤਾਰੀ ‘ਚ ਮਦਦ ਕਰਦਾ ਹੈ, ਉਸ ਨੂੰ 10 ਲੱਖ ਰੁਪਏ ਦਾ ਇਨਾਮ ਦਿੱਤਾ ਜਾਵੇਗਾ ਅਤੇ ਨਾੰਅ ਗੁਪਤ ਰੱਖਿਆ ਜਾਵੇਗਾ।
ਲੁਧਿਆਣਾ ਦੇ ਕੋਰਟ ਕੰਪਲੈਕਸ ਵਿੱਚ 23 ਦਸੰਬਰ, 2021 ਨੂੰ ਜ਼ਬਰਦਸਤ ਧਮਾਕਾ ਹੋਇਆ ਸੀ, ਜਿਸ ‘ਚ ਇੱਕ ਸ਼ਖਸ ਦੀ ਮੌਤ ਹੋ ਗਈ ਸੀ। ਦੱਸਿਆ ਜਾੰਦਾ ਹੈ ਕਿ ਬੰਬ ਪਲਾੰਟ ਕਰਨ ਵੇਲੇ ਇਹ ਹਾਦਸਾ ਹੋਇਆ ਅਤੇ ਜਿਸਦੀ ਮੌਤ ਹੋਈ, ਉਹ ਸ਼ਖਸ ਹੀ ਬੰਬ ਲੈ ਕੇ ਕੋਰਟ ‘ਚ ਦਾਖਲ ਹੋਇਆ ਸੀ।
ਫੋਨ ਨੰਬਰ ਤੇ ਈਮੇਲ Id ਜਾਰੀ
ਹੈਪੀ ਮਲੇਸ਼ੀਆ ਦੀ ਸੂਹ ਦੇਣ ਵਾਲਿਆੰ ਲਈ NIA ਨੇ ਫੋਨ ਨੰਬਰ ਅਤੇ ਈਮੇਲ Id ਜਾਰੀ ਕੀਤੀਆੰ ਹਨ। NIA ਦਿੱਲੀ ਕੋਲ ਪਹੁੰਚ ਕਰਨ ਲਈ WhatsApp ਨੰਬਰ- +91-8585931100, ਫੋਨ ਨੰਬਰ- 011-24368800 ਅਤੇ Email ID- do.nia@gov.in ਦਿੱਤੀ ਗਈ ਹੈ। ਇਸ ਤੋੰ ਇਲਾਵਾ ਚੰਡੀਗੜ੍ਹ ਵਿੱਚ ਹੈਪੀ ਬਾਰੇ ਕੋਈ ਵੀ ਸੂਚਨਾ ਦੇਣ ਲਈ WhatsApp ਨੰਬਰ- +91-7743002947, ਫੋਨ ਨੰਬਰ- 0172-2682901, 0172-2682900 ਅਤੇ Email ID- chd.nia@gov.in ‘ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
ਇਸ ਵਕਤ ਮਲੇਸ਼ੀਆ ‘ਚ ਹੈ ਹੈਪੀ
ਹਰਪ੍ਰੀਤ ਸਿੰਘ ਉਰਫ ਹੈਪੀ ਮਲੇਸ਼ੀਆ ਅੰਮ੍ਰਿਤਸਰ ਜ਼ਿਲ੍ਹੇ ‘ਚ ਅਜਨਾਲਾ ਅਧੀਨ ਪੈੰਦੇ ਪਿੰਡ ਮਿਆਦੀ ਕਲਾੰ ਦਾ ਵਸਨੀਕ ਹੈ। ਹਾਲਾੰਕਿ ਇਸ ਵਕਤ ਉਹ ਮਲੇਸ਼ੀਆ ਵਿੱਚ ਹੈ। ਨੈਸ਼ਨਲ ਜਾੰਚ ਏਜੰਸੀ(NIA) ਨੇ ਇਹ ਦਾਅਵਾ ਕੀਤਾ ਹੈ।
ਇਹ ਵੀ ਹਨ 10 ਲੱਖ ਦੇ ਇਸ਼ਤਿਹਾਰੀ ਮੁਲਜ਼ਮ
ਕਾਬਿਲੇਗੌਰ ਹੈ ਕਿ NIA ਨੇ ਇਸ ਤੋੰ ਪਹਿਲਾੰ ਵੀ 3 ਮੁਲਜ਼ਮਾੰ ਉੱਪਰ 10-10 ਲੱਖ ਦਾ ਇਨਾਮ ਐਲਾਨਿਆ ਹੋਇਆ ਹੈ। ਇਹਨਾੰ ਵਿੱਚ ਜਸਵਿੰਦਰ ਮੁਲਤਾਨੀ, ਹਰਦੀਪ ਨਿੱਝਰ ਅਤੇ ਹਰਵਿੰਦਰ ਸਿੰਘ ਰਿੰਦਾ ਦੇ ਨਾੰਅ ਸ਼ਾਮਲ ਹਨ।
