ਜਲੰਧਰ। ਪੰਜਾਬ ਨੂੰ ਚਰਨਜੀਤ ਸਿੰਘ ਚੰਨੀ ਦੇ ਰੂਪ ਵਿੱਚ ਆਪਣਾ ਪਹਿਲਾ ਦਲਿਤ ਸੀਐੱਮ ਮਿਲ ਗਿਆ ਹੈ, ਪਰ ਬਤੌਰ ਮੁੱਖ ਮੰਤਰੀ ਉਹਨਾਂ ਦੇ ਕਾਰਜਕਾਲ ਦੇ ਪਹਿਲੇ ਹੀ ਦਿਨ ਜਲੰਧਰ ਵਿੱਚ ਸੰਵਿਧਾਨ ਨਿਰਮਾਤਾ ਡਾ. ਭੀਮ ਰਾਓ ਅੰਬੇਡਕਰ ਦੀ ਮੂਰਤੀ ਨੂੰ ਤੋੜਨ ਦੀ ਕੋਸ਼ਿਸ਼ ਕੀਤੀ ਗਈ।
ਮੂਰਤੀ ‘ਤੇ ਹਮਲਾ ਕਰਨ ਵਾਲੇ ਸ਼ਖਸ ਨੇ ਪਹਿਲਾਂ ਤਾਂ ਉਸਦੇ ਚਾਰੇ ਪਾਸੇ ਲੱਗੇ ਸ਼ੀਸ਼ੇ ਨੂੰ ਇੰਟਰਲੌਕਿੰਗ ਟਾਈਲ ਮਾਰ ਕੇ ਤੋੜ ਦਿੱਤਾ, ਤੇ ਫਿਰ ਗਮਲਾ ਚੁੱਕ ਕੇ ਉਸ ‘ਚੋਂ ਬੂਟਾ ਕੱਢ *ਕੇ ਮਾਰਿਆ, ਜਿਸਦੇ ਚਲਦੇ ਮੂਰਤੀ ਨੂੰ ਕਾਫੀ ਨੁਕਸਾਨ ਪਹੁੰਚਿਆ। ਇਹ ਪੂਰੀ ਵਾਰਦਾਤ CCTV ਵਿੱਚ ਵੀ ਕੈਦ ਹੋ ਗਈ।
ਮਾਮਲਾ ਜਿਵੇਂ ਹੀ ਸੂਬੇ ਦੇ ਨਵੇਂ ਸੀਐੱਮ ਚਰਨਜੀਤ ਚੰਨੀ ਤੱਕ ਪਹੁੰਚਿਆ, ਤਾਂ ਉਹਨਾਂ ਨੇ ਪੁਲਿਸ ਨੂੰ ਜਲਦ ਤੋਂ ਜਲਦ ਮਾਮਲਾ ਸੁਲਝਾਉਣ ਦੇ ਨਿਰਦੇਸ਼ ਦਿੱਤੇ। ਪੁਲਿਸ ਨੇ ਇਸ ਮਾਮਲੇ ਵਿੱਚ ਮੱਧ ਪ੍ਰਦੇਸ਼ ਦੇ ਰਹਿਣ ਵਾਲੇ ਮੁਲਜ਼ਮ ਭੀਕੂ ਮੀਨਾ ਨੂੰ ਗ੍ਰਿਫ਼ਤਾਰ ਵੀ ਕਰ ਲਿਆ ਹੈ।
