ਰਾਸ਼ਟਰਮੰਡਲ ਖੇਡਾਂ 2022 ਦੇ ਸੱਤਵੇਂ ਦਿਨ ਭਾਰਤ ਨੇ ਪੁਰਸ਼ਾਂ ਦੇ ਹੈਵੀਵੇਟ ਈਵੈਂਟ ਵਿੱਚ ਸੋਨ ਤਮਗ਼ਾ ਜਿੱਤ ਕੇ ਇੱਕ ਇਤਿਹਾਸ ਰਚਿਆ ਹੈ । 27 ਸਾਲਾ ਸੁਧੀਰ ਪੌਲੀਕੌਮਗ੍ਰੈਟੂਰ ਦੇ ਪ੍ਰਭਾਵ ਕਾਰਨ ਕਮਜ਼ੋਰ ਹੈ , ਦੀ ਜਿੱਤ ਨੇ ਭਾਰਤ ਦਾ ਪੈਰਾ ਖੇਡ ਤਮਗ਼ਾ ਖਾਤਾ ਖੋਲਿ੍ਹਆ ਹੈ । ਮੁਰਲੀ ਸ੍ਰੀਸ਼ੰਕਰ ਨੇ ਪੁਰਸ਼ਾਂ ਦੀ ਲੰਮੀ ਛਾਲ ਵਿੱਚ ਇੱਕ ਚਾਂਦੀ ਦਾ ਤਮਗ਼ਾ ਜਿੱਤ ਕੇ ਅਥਲੈਟਿਕਸ ਸ਼੍ਰੇਣੀ ਵਿੱਚ ਇੱਕ ਦੂਜਾ ਤਮਗ਼ਾ ਜੋੜਿਆ ਹੈ । ਭਾਰਤ ਦੇ ਤਮਗਿ਼ਆਂ ਦੀ ਗਿਣਤੀ 20 ਹੋ ਗਈ ਹੈ , ਜਿਸ ਵਿੱਚ 4 ਸੋਨੇ ਦੇ ਤਮਗ਼ੇ , 7 ਚਾਂਦੀ ਦੇ ਅਤੇ 7 ਕਾਂਸੀ ਦੇ ਤਮਗ਼ੇ ਸ਼ਾਮਲ ਨੇ । ਰਾਸ਼ਟਰਪਤੀ ਸ਼੍ਰੀਮਤੀ ਦ੍ਰੌਪਦੀ ਮੁਰਮੂ , ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ , ਕੇਂਦਰੀ ਖੇਡ ਮੰਤਰੀ ਸ਼੍ਰੀ ਅਨੁਰਾਗ ਠਾਕੁਰ ਅਤੇ ਦੇਸ਼ ਦੇ ਵੱਖ—ਵੱਖ ਕੋਨਿਆਂ ਤੋਂ ਭਾਰਤੀਆਂ ਨੇ ਤਮਗ਼ਾ ਜੇਤੂਆਂ ਦੀਆਂ ਪ੍ਰਾਪਤੀਆਂ ਤੇ ਵਧਾਈ ਦਿੱਤੀ ਹੈ ।
ਰਾਸ਼ਟਰਪਤੀ ਨੇ ਟਵੀਟ ਕੀਤਾ ਹੈ , @ਸੁਧੀਰ ਨੂੰ ਰਾਸ਼ਟਰਮੰਡਲ ਖੇਡਾਂ ਵਿੱਚ ਪਾਵਰ ਲਿਫਟਿੰਗ ਵਿੱਚ ਸੋਨ ਤਮਗ਼ਾ ਜਿੱਤਣ ਦੇ ਇਤਿਹਾਸਕ ਕਾਰਨਾਮੇ ਲਈ ਵਧਾਈ । ਤੁਹਾਡੀ ਭਾਵਨਾਤਮਕ ਕਾਰਗੁਜ਼ਾਰੀ ਅਤੇ ਸਮਰਪਣ ਨੇ ਤੁਹਾਨੂੰ ਭਾਰਤ ਲਈ ਮੈਡਲ ਅਤੇ ਸ਼ਾਨ ਦੁਆਈ ਹੈ । ਤੁਸੀਂ ਆਪਣੇ ਭਵਿੱਖ ਦੇ ਯਤਨਾਂ ਵਿੱਚ ਚਮਕਦੇ ਰਹੋ ।
ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਰਾਸ਼ਟਰਮੰਡਲ ਖੇਡਾਂ 2022 ਦੀ ਪੈਰਾ ਪਾਵਰਲਿਫਟਿੰਗ ਪੁਰਸ਼ਾਂ ਦੀ ਹੈਵੀਵੇਟ ਈਵੈਂਟ ਵਿੱਚ ਸੋਨੇ ਦਾ ਤਮਗ਼ਾ ਜਿੱਤਣ ਲਈ ਸੁਧੀਰ ਨੂੰ ਵਧਾਈ ਦਿੱਤੀ ਹੈ । ਪ੍ਰਧਾਨ ਮੰਤਰੀ ਨੇ ਟਵੀਟ ਕੀਤਾ ਹੈ , @ਸੁਧੀਰ ਵੱਲੋਂ ਰਾਸ਼ਟਰਮੰਡਲ ਖੇਡਾਂ 2022 ਪੈਰਾ ਖੇਡਾਂ ਮੈਡਲ ਦੀ ਗਿਣਤੀ ਦੀ ਇੱਕ ਸ਼ਾਨਦਾਰ ਸ਼ੁਰੂਆਤ । ਉਨ੍ਹਾਂ ਨੇ ਇੱਕ ਵੱਕਾਰੀ ਸੋਨ ਤਮਗ਼ਾ ਜਿੱਤਿਆ ਹੈ ਤੇ ਫਿਰ ਤੋਂ ਆਪਣਾ ਸਮਰਪਣ ਤੇ ਦ੍ਰਿੜਤਾ ਦਿਖਾਈ ਹੈ । ਉਹ ਮੈਦਾਨ ਵਿੱਚ ਲਗਾਤਾਰ ਵਧੀਆ ਪ੍ਰਦਰਸ਼ਨ ਕਰਦੇ ਆ ਰਹੇ ਹਨ । ਮੁਬਾਰਕਾਂ ਅਤੇ ਆਉਣ ਵਾਲੇ ਸਾਰੇ ਯਤਨਾਂ ਲਈ ਸ਼ੁੱਭਕਾਮਨਾਵਾਂ ।
ਪ੍ਰਧਾਨ ਮੰਤਰੀ ਨੇ ਐੱਮ ਸ੍ਰੀਸ਼ੰਕਰ ਨੂੰ ਮੁਬਾਰਕਬਾਦ ਦਿੱਤੀ ਹੈ ਅਤੇ ਟਵੀਟ ਕੀਤਾ ਹੈ , @ਐੱਮ ਸ੍ਰੀਸ਼ੰਕਰ ਦਾ ਰਾਸ਼ਟਰਮੰਡਲ ਖੇਡਾਂ ਵਿੱਚ ਚਾਂਦੀ ਦਾ ਤਮਗ਼ਾ ਇੱਕ ਖ਼ਾਸ ਹੈ । ਇਹ ਕਈ ਦਹਾਕਿਆਂ ਬਾਅਦ ਹੋਇਆ ਹੈ ਕਿ ਭਾਰਤ ਨੇ ਰਾਸ਼ਟਰਮੰਡਲ ਖੇਡਾਂ ਵਿੱਚ ਪੁਰਸ਼ਾਂ ਦੀ ਲੰਮੀ ਛਾਲ ਵਿੱਚ ਇੱਕ ਤਮਗ਼ਾ ਜਿੱਤਿਆ ਹੈ । ਉਨ੍ਹਾਂ ਦਾ ਪ੍ਰਦਰਸ਼ਨ ਭਾਰਤ ਦੇ ਭਵਿੱਖ ਲਈ ਚੰਗਾ ਸੰਕੇਤ ਦਿੰਦਾ ਹੈ ।@ ਉਨ੍ਹਾਂ ਨੂੰ ਮੁਬਾਰਕਾਂ ।ਉਹ ਆਉਣ ਵਾਲੇ ਸਮੇਂ ਵਿੱਚ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਰਹਿਣ ।
