ਮੋਹਾਲੀ। ਪ੍ਰਧਾਨ ਮੰਤਰੀ ਨਰੇੰਦਰ ਮੋਦੀ ਨੇ ਬੁੱਧਵਾਰ ਨੂੰ ਮੋਹਾਲੀ ਦੇ ਮੁੱਲਾੰਪੁਰ ‘ਚ ਹੋਮੀ ਭਾਭਾ ਕੈੰਸਰ ਹਸਪਤਾਲ ਤੇ ਰਿਸਰਚ ਸੈੰਟਰ ਦਾ ਉਦਘਾਟਨ ਕੀਤਾ। ਇਸ ਦੌਰਾਨ ਉਹਨਾੰ ਦੇ ਨਾਲ CM ਭਗਵੰਤ ਮਾਨ ਵੀ ਮੌਜੂਦ ਰਹੇ। ਪੀਐੱਮ ਨੇ ਕਿਹਾ ਕਿ ਇਸ ਸੈੰਟਰ ਨਾਲ ਪੰਜਾਬ ਤੇ ਹਰਿਆਣਾ ਦੇ ਨਾਲ-ਨਾਲ ਹਿਮਾਚਲ ਪ੍ਰਦੇਸ਼ ਦੇ ਲੋਕਾੰ ਨੂੰ ਵੀ ਫਾਇਦਾ ਹੋਵੇਗਾ।
ਕੈੰਸਰ ਪੀੜਤਾੰ ਬਾਰੇ ਬੋਲਦਿਆੰ PM ਨੇ ਕਿਹਾ, “ਮੈੰ ਤੁਹਾਡੀ ਪੀੜਾ ਸਮਝ ਸਕਦਾ ਹਾੰ। ਕੈੰਸਰ ਦਾ ਇਲਾਜ ਸੰਭਵ ਹੈ। ਇਸ ਤੋੰ ਡਰਨ ਦੀ ਲੋੜ ਨਹੀੰ ਹੈ। ਇਸ ਲੜਾਈ ਵਿਚ ਜੋ ਵੀ ਮਦਦ ਚਾਹੀਦੀ ਹੈ, ਉਹ ਕੇੰਦਰ ਸਰਕਾਰ ਉਪਲਬਧ ਕਰਵਾ ਰਹੀ ਹੈ।”
‘8 ਸਾਲਾੰ ‘ਚ ਓਨਾ ਕੰਮ, ਜਿੰਨਾ 70 ਸਾਲਾੰ ‘ਚ ਨਹੀੰ ਹੋਇਆ’
ਪੀਐੱਮ ਮੋਦੀ ਨੇ ਕਿਹਾ ਕਿ ਦੇਸ਼ ਵਿੱਚ ਹੈਲਥ ਕੇਅਰ ਦੇ ਅਜਿਹੇ ਸਿਸਟਮ ਦੀ ਲੋੜ ਸੀ, ਜੋ ਗਰੀਬ ਤੋੰ ਗਰੀਬ ਵਿਅਕਤੀ ਦੀ ਚਿੰਤਾ ਕਰੇ। ਚੰਗੇ ਹੈਲਥ ਕੇਅਰ ਸਿਸਟਮ ਦਾ ਮਤਲਬ ਸਿਰਫ਼ ਚਾਰਦੀਵਾਰੀ ਬਣਾਉਣਾ ਨਹੀੰ ਹੈ। ਹੈਲਥ ਕੇਅਰ ਕੇੰਦਰ ਸਰਕਾਰ ਦੀ ਸਭ ਤੋੰ ਪਹਿਲੀ ਪਹਿਲਤਾ ਹੈ। ਹੈਲਥ ਸੈਕਟਰ ‘ਚ ਜਿੰਨਾ ਕੰਮ 8 ਸਾਲਾੰ ‘ਚ ਹੋਇਆ, ਓਨਾ ਪਿਛਲੇ 70 ਸਾਲਾੰ ‘ਚ ਵੀ ਨਹੀੰ ਹੋਇਆ। ਉਹਨਾੰ ਦਾਅਵਾ ਕੀਤਾ ਕਿ 2014 ਤੋੰ ਪਹਿਲਾੰ 400 ਤੋੰ ਵੀ ਘੱਟ ਮੈਡੀਕਲ ਕਾਲਜ ਸਨ, ਪਰ ਬੀਤੇ 8 ਸਾਲਾੰ ‘ਚ 200 ਤੋੰ ਵੀ ਵੱਧ ਮੈਡੀਕਲ ਕਾਲਜ ਹੋਰ ਬਣਾਏ ਗਏ।
ਹਸਪਤਾਲ ‘ਚ 300 ਬੈੱਡ ਦੀ ਸਮਰੱਥਾ
600 ਕਰੋੜ ਦੀ ਲਾਗਤ ਨਾਲ ਬਣੇ ਹੋਮੀ ਭਾਭਾ ਕੈੰਸਰ ਹਸਪਤਾਲ ‘ਚ 300 ਬੈੱਡਾੰ ਦੀ ਸਮਰੱਥਾ ਹੈ। ਇਸ ਵਿੱਚ ਸਰਜੀਕਲ ਆਨਕੋਲੋਜੀ, ਮੈਡੀਕਲ ਆਨਕੋਲੋਜੀ, ਰੇਡੀਏਸ਼ਨ ਆਨਕੋਲੋਜੀ, ਪ੍ਰਿਵੈੰਟਿਵ ਆਨਕੋਲੋਜੀ, ਐਨੇਸਥੀਸੀਆ ਦੇ OPD ਦੀ ਸ਼ੁਰੂਆਤ ਕੀਤੀ ਜਾ ਚੁੱਕੀ ਹੈ। ਇਸ ਤੋੰ ਇਲਾਵਾ MRI, CT, ਮੈਮੋਗ੍ਰਾਫ਼ੀ, ਡਿਜੀਟਲ ਰੇਡੀਓਗ੍ਰਾਫੀ ਵਰਗੀਆੰ ਆਧੁਨਿਕ ਸਹੂਲਤਾੰ ਵੀ ਇਥੇ ਉਪਲਬਧ ਹਨ। ਸੈੰਟਰ ਵਿੱਚ ਬਾਇਓਪਸੀ ਅਤੇ ਸੁਪਰਫੀਸ਼ੀਅਲ ਸਰਜਰੀ ਲਈ ਕੀਮੋਥੈਰੇਪੀ ਅਤੇ ਮਾਮੂਲੀ OT ਲਈ ਡੇਅ ਕੇਅਰ ਦੀ ਸਹੂਲਤ ਵੀ ਹੈ।
6 ਸੂਬਿਆੰ ਨੂੰ ਮਿਲੇਗਾ ਫ਼ਾਇਦਾ
ਦਾਅਵਾ ਹੈ ਕਿ 6 ਮਹੀਨਿਆੰ ਅੰਦਰ ਇਹ ਹਸਪਤਾਲ ਪੂਰੀ ਤਰ੍ਹਾੰ ਬਣ ਕੇ ਤਿਆਰ ਹੋ ਜਾਵੇਗਾ ਅਤੇ ਇਸਦੇ ਸਾਰੇ 300 ਬੈੱਡ ਚਾਲੂ ਹੋ ਜਾਣਗੇ। ਇਸ ਵਿੱਚ ਪੰਜਾਬ ਹੀ ਨਹੀੰ, ਬਲਕਿ ਹਰਿਆਣਾ, ਹਿਮਾਚਲ-ਪ੍ਰਦੇਸ਼, ਉੱਤਰਾਖੰਡ, ਰਾਜਸਥਾਨ ਅਤੇ ਜੰਮੂ-ਕਸ਼ਮੀਰ ਦੇ ਮਰੀਜ਼ਾੰ ਨੂੰ ਵੀ ਬਿਹਤਰ ਇਲਾਜ ਮਿਲ ਸਕੇਗਾ।
ਸੁਰੱਖਿਆ ‘ਚ ਕੁਤਾਹੀ ਤੋੰ ਬਾਅਦ ਪਹਿਲਾ ਦੌਰਾ
ਕਾਬਿਲੇਗੌਰ ਹੈ ਕਿ ਪੀਐੱਮ ਮੋਦੀ ਦਾ ‘ਆਪ’ ਸਰਕਾਰ ਦੇ ਕਾਰਜਕਾਲ ਦੌਰਾਨ ਇਹ ਪਹਿਲਾ ਪੰਜਾਬ ਦੌਰਾ ਸੀ। ਇਸ ਤੋੰ ਪਹਿਲਾੰ ਕਾੰਗਰਸ ਦੇ ਕਾਰਜਕਾਲ ਦੌਰਾਨ 5 ਜਨਵਰੀ ਨੂੰ ਪੀਐੱਮ ਦੀ ਸੁਰੱਖਿਆ ‘ਚ ਕੁਤਾਹੀ ਦਾ ਮਾਮਲਾ ਸਾਹਮਣੇ ਆਇਆ ਸੀ। ਹਾਲਾੰਕਿ ਪੀਐੱਮ ਨੇ ਇਸ ਬਾਰੇ ਅੱਜ ਕੋਈ ਟਿੱਪਣੀ ਨਹੀੰ ਕੀਤੀ, ਪਰ ਸਟੇਜ ‘ਤੇ ਆਪਣੇ ਸੰਬੋਧਨ ਦੌਰਾਨ ਸੀਐੱਮ ਮਾਨ ਨੇ ਕੁਤਾਹੀ ਮਾਮਲੇ ਦਾ ਜ਼ਿਕਰ ਕੀਤਾ ਅਤੇ ਕਿਹਾ ਕਿ ਇਹ ਦੁੱਖ ਦੀ ਗੱਲ ਹੈ ਕਿ ਪੀਐੱਮ ਨੂੰ ਵਾਪਸ ਪਰਤਣਾ ਪਿਆ। ਉਹਨਾੰ ਕਿਹਾ, “ਨਰੇੰਦਰ ਮੋਦੀ ਦੇਸ਼ ਦੇ ਪ੍ਰਧਾਨ ਮੰਤਰੀ ਹਨ, ਸਾਡਾ ਫਰਜ਼ ਹੈ ਕਿ ਪੂਰਾ ਬੰਦੋਬਸਤ ਕੀਤਾ ਜਾਵੇ। ਪੰਜਾਬ ਹਮੇਸ਼ਾ ਮਹਿਮਾਨ ਨਵਾਜ਼ੀ ਲਈ ਜਾਣਿਆ ਜਾੰਦਾ ਹੈ।”
