ਬਿਓਰੋ। ਪੰਜਾਬ ਕਾਂਗਰਸ ਵਿੱਚ ਮਚੇ ਕਲੇਸ਼ ਵਿਚਾਲੇ ਸੀਐੱਮ ਚਰਨਜੀਤ ਚੰਨੀ ਅਤੇ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਮੰਗਲਵਾਰ ਨੂੰ ਇਕੱਠੇ ਨਜ਼ਰ ਆਏ। ਦੋਵੇਂ ਚੰਡੀਗੜ੍ਹ ਤੋਂ ਇਕੱਠ ਉੱਤਰਾਖੰਡ ਗਏ ਅਤੇ ਬਾਬਾ ਕੇਦਾਰਨਾਥ ਦਾ ਅਸ਼ੀਰਵਾਦ ਲਿਆ। ਇਸ ਦੌਰਾਨ ਜੋ ਤਸਵੀਰਾਂ ਸਾਹਮਣੇ ਆਈਆਂ, ਉਹਨਾਂ ਦੇ ਜ਼ਰੀਏ ਸਿੱਧੂ-ਚੰਨੀ ਵਿਚਾਲੇ “All is Well” ਵਿਖਾਉਣ ਦੀ ਕੋਸ਼ਿਸ਼ ਹੋ ਰਹੀ ਹੈ।
Life is fragile,handle with prayer …. At Kedarnath, the heavenly abode of Lord Shiva ….Har Har Mahadev ! pic.twitter.com/z40FzVq8zq
— Navjot Singh Sidhu (@sherryontopp) November 2, 2021
ਸਿੱਧੂ-ਚੰਨੀ ਦੇ ਨਾਲ ਪੰਜਾਬ ਕਾਂਗਰਸ ਦੇ ਇੰਚਾਰਜ ਹਰੀਸ਼ ਚੌਧਰੀ ਅਤੇ ਵਿਧਾਨ ਸਭਾ ਸਪੀਕਰ ਰਾਣਾ ਕੇਪੀ ਸਿੰਘ ਵੀ ਕੇਦਾਰਨਾਥ ਪਹੁੰਚੇ। ਸਾਰੇ ਆਗੂਆਂ ਨੇ ਕੇਦਾਰਨਾਥ ਤੋਂ ਪਹਿਲਾਂ ਦੇਹਰਾਦੂਨ ਵਿੱਚ ਹਰੀਸ਼ ਰਾਵਤ ਨਾਲ ਵੀ ਮੁਲਾਕਾਤ ਕੀਤੀ। ਸਿੱਧੂ ਨੇ ਕਿਹਾ ਕਿ ਉਹ ਕੇਦਾਰਨਾਥ ਬਾਬਾ ਤੋਂ ਪੰਜਾਬ ਦੇ ਕਲਿਆਣ ਦਾ ਅਸ਼ੀਰਵਾਰ ਲੈਣ ਆਏ ਹਨ।
Paid obeisance at the Kedarnath Shrine in Uttarakhand and prayed for the progress of Punjab and prosperity of its people. pic.twitter.com/2bK03rWSnY
— Charanjit S Channi (@CHARANJITCHANNI) November 2, 2021
ਜਾਖੜ ਨੇ ਕਸਿਆ ਸਿੱਧੂ-ਚੰਨੀ ‘ਤੇ ਤੰਜ
ਨਵਜੋਤ ਸਿੱਧੂ ਅਤੇ ਸੀਐੱਮ ਚਰਨਜੀਤ ਚੰਨੀ ਦੀ ਕੇਦਾਰਨਾਥ ਯਾਤਰਾ ‘ਤੇ ਸਾਬਕਾ ਪੰਜਾਬ ਕਾਂਗਰਸ ਪ੍ਰਧਾਨ ਸੁਨੀਲ ਜਾਖੜ ਨੇ ਤੰਜ ਕਸਿਆ। ਉਹਨਾਂ ਨੇ ਇਸ਼ਾਰਿਆਂ ਵਿੱਚ ਦੋਵਾਂ ਨੂੰ ਸਿਆਸੀ ‘ਤੀਰਥ ਯਾਤਰੀ’ ਕਰਾਰ ਦੇ ਦਿੱਤਾ। ਜਾਖੜ ਨੇ ਕਿਹਾ ਕਿ ਇਹਨਾਂ ‘ਚ ਹਰ ਕੋਈ ਰੱਬ ਨੂੰ ਖੁਸ਼ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਉਹਨਾਂ ਨੇ ਪੰਜਾਬ ਗਾਣੇ ਦੀ ‘ਮੈਂ ਤਾਂ ਪੀਰ ਮਨਾਵਨ ਚੱਲੀ ਆਂ’ ਲਾਈਨ ਪੋਸਟ ਕਰਦੇ ਹੋਏ ਕਿਹਾ, “ਸਵਾਲ ਇਹ ਹੈ ਕਿ ਕਿਹੜਾ ਪੀਰ?” ਯਾਨੀ ਇਥੇ ਸਿੱਧੂ ਨੂੰ ਮਨਾਇਆ ਜਾ ਰਿਹਾ ਹੈ ਜਾਂ ਸੀਐੱਮ ਚੰਨੀ ਨੂੰ? ਜਾਖੜ ਨੇ ਇਸਨੂੰ ਲੈ ਕੇ ਸਵਾਲ ਖੜ੍ਹਾ ਕੀਤਾ।
'Political' Pilgrims
But each one trying to appease a different Deity .
ਮੈਂ ਤਾਂ ਪੀਰ ਮਨਾਵਨ ਚੱਲੀ ਆਂ!
ਸਵਾਲ ਇਹ ਹੈ : ਕਿਹੜਾ ਪੀਰ pic.twitter.com/72J60U6byI
— Sunil Jakhar (@sunilkjakhar) November 2, 2021
ਰਵਨੀਤ ਬਿੱਟੂ ਨੇ ਵੀ ਲਈ ਚੁਟਕੀ
ਲੁਧਿਆਣਾ ਤੋਂ ਕਾਂਗਰਸੀ ਸਾਂਸਦ ਰਵਨੀਤ ਬਿੱਟੂ ਨੇ ਵੀ ਫੋਟੋ ਟਵੀਟ ਕਰਕੇ ਪੁੱਛਿਆ ਕਿ ਜੇਕਰ ਉੱਤਰਾਖੰਡ ਵਿੱਚ ਇਕਜੁੱਟ ਹਨ, ਤਾਂ ਪੰਜਾਬ ਵਿੱਚ ਕਿਉਂ ਨਹੀਂ?
“United face” of Punjab congress… but why in uttrakhand why not in punjab… pic.twitter.com/KqDKGkQOvV
— Ravneet Singh Bittu (@RavneetBittu) November 2, 2021
ਦਰਅਸਲ, ਇਹ ਸਭ ਇਸ ਲਈ ਅਹਿਮ ਹੈ, ਕਿਉਂਕਿ ਹਾਲੇ ਇੱਕ ਦਿਨ ਪਹਿਲਾਂ ਹੀ ਸਿੱਧੂ ਨੇ ਚੰਨੀ ਸਰਕਾਰ ‘ਤੇ ਜੰਮ ਕੇ ਹਮਲਾ ਬੋਲਿਆ ਸੀ। ਚੰਨੀ ਵੱਲੋਂ ਬਿਜਲੀ ਦੀਆਂ ਦਰਾਂ ਵਿੱਚ ਕੀਤੀ ਗਈ ਕਟੌਤੀ ਤੱਕ ‘ਤੇ ਸਿੱਧੂ ਨੇ ਸਵਾਲ ਖੜ੍ਹੇ ਕਰ ਦਿੱਤੇ ਸਨ।
