ਚੰਡੀਗੜ੍ਹ। ਟੋਕਿਓ ਓਲੰਪਿਕ ਵਿੱਚ ਭਾਰਤ ਦਾ ਨਾਂਅ ਚਮਕਾਉਣ ਵਾਲੇ ਪੰਜਾਬ ਦੇ ਖਿਡਾਰੀਆਂ ਨਾਲ ਕੀਤਾ ਆਪਣਾ ਵਾਅਦਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਆਖਰ ਬੁੱਧਵਾਰ ਨੂੰ ਪੂਰਾ ਕੀਤਾ। ਓਲੰਪਿਕ ਵਿੱਚ ਹਿੱਸਾ ਲੈਣ ਵਾਲੇ ਅਤੇ ਮੈਡਲ ਜਿੱਤਣ ਵਾਲੇ ਖਿਡਾਰੀਆਂ ਲਈ ਸੀਐੱਮ ਖੁਦ Chef ਬਣੇ ਅਤੇ ਕਰੀਬ 6 ਘੰਟਿਆਂ ਅੰਦਰ ਉਹਨਾਂ ਲਈ ਲਜੀਜ ਪਕਵਾਨ ਤਿਆਰ ਕੀਤੇ।
ਸੀਐੱਮ ਨੇ ਕਰੜੀ ਮਿਹਨਤ ਕਰਕੇ ਖੁਦ ਆਪਣੇ ਹੱਥਾਂ ਨਾਲ ਖਿਡਾਰੀਆਂ ਲਈ Veg ਅਤੇ Non-Veg ਡਿਸ਼ੇਜ਼ ਤਿਆਰ ਕੀਤੀਆਂ, ਜਿਹਨਾਂ ਨੂੰ ਸੀਐੱਮ ਨੇ ਆਪਣੇ ਹੱਥੀਂ ਹੀ ਖਿਡਾਰੀਆਂ ਨੂੰ ਪਰੋਸਿਆ।
Privileged to have hosted our Olympians for dinner tonight. Thoroughly enjoyed cooking for them. May you continue to bring great laurels to the country. 🇮🇳 pic.twitter.com/hI2ntXtZQs
— Capt.Amarinder Singh (@capt_amarinder) September 8, 2021
ਕੈਪਟਨ ਨੇ ਸਿੱਧੇ ਪਤੀਲਿਆਂ ਤੋਂ ਹੀ ਖਿਡਾਰੀਆਂ ਨੂੰ ਖਾਣਾ ਪਰੋਸਿਆ। ਉਹਨਾਂ ਦਾ ਕਹਿਣਾ ਹੈ ਕਿ ਸਿੱਧੇ ਖਾਣਾ ਪਕਾਉਣ ਵਾਲੇ ਭਾਂਡੇ ਤੋਂ ਪਰੋਸਣ ਨਾਲ ਖਾਣੇ ਦਾ ਸਵਾਦ ਬਿਹਤਰ ਆਉਂਦਾ ਹੈ।
ਕੈਪਟਨ ਵੱਲੋਂ ਰੱਖੇ ਗਏ ਇਸ ਸ਼ਾਹੀ ਡਿਨਰ ‘ਤੇ ਪਹੁੰਚੇ ਖਿਡਾਰੀ ਵੀ ਸੀਐੱਮ ਦੀ ਕੁਕਿੰਗ ਦੇ ਕਾਇਲ ਹੋ ਗਏ। ਗੋਲਡ ਮੈਡਲਿਸਟ ਨੀਰਜ ਚੋਪੜਾ ਵੀ ਖਾਸ ਤੌਰ ‘ਤੇ ਇਸ ਡਿਨਰ ਵਿੱਚ ਸ਼ਾਮਲ ਹੋਏ ਅਤੇ ਕੈਪਟਨ ਦੇ ਖਾਣੇ ਦੀ ਖੂਬ ਤਾਰੀਫ ਕੀਤੀ।
ਭਾਰਤੀ ਹਾਕੀ ਟੀਮ ਦੇ ਕਪਤਾਨ ਮਨਪ੍ਰੀਤ ਸਿੰਘ ਨੇ ਕਿਹਾ ਕਿ ਉਹਨਾਂ ਨੇ ਮਹਾਰਾਜਾ ਕੈਪਟਨ ਅਮਰਿੰਦਰ ਸਿੰਘ ਦੀ ਕੁਕਿੰਗ ਦੇ ਬਾਰੇ ਸੁਣਿਆ ਤਾਂ ਬਹੁਤ ਸੀ, ਪਰ ਉਸਦਾ ਸਵਾਦ ਉਮੀਦਾਂ ਤੋਂ ਵੀ ਕਿਤੇ ਵੱਧ ਸੀ। ਉਹਨਾਂ ਨੂੰ ਆਲੂ ਕੋਰਮਾ ਸਭ ਤੋਂ ਵੱਧ ਪਸੰਦ ਆਇਆ।
ਡਿਸਕਸ ਥ੍ਰੋਅਰ ਕਮਲਪ੍ਰੀਤ ਕੌਰ ਵੀ ਕੈਪਟਨ ਅਮਰਿੰਦਰ ਸਿੰਘ ਦੀ ਆਓ-ਭਗਤ ਤੋਂ ਖਾਸੀ ਪ੍ਰਭਾਵਿਤ ਨਜ਼ਰ ਆਈ। ਦਿਲਚਸਪ ਹੈ ਕਿ ਖੇਡ ਮੰਤਰੀ ਰਾਣਾ ਸੋਢੀ ਵੱਲੋਂ ਜਦੋਂ ਕੈਪਟਨ ਨੂੰ ਇਹ ਦੱਸਿਆ ਗਿਆ ਸੀ ਕਿ ਕਮਲਪ੍ਰੀਤ ਖਾਣੇ ਦੀ ਬੇਹੱਦ ਸ਼ੌਕੀਨ ਹੈ, ਉਸੇ ਵੇਲੇ ਕੈਪਟਨ ਨੇ ਓਲੰਪੀਅਨਜ਼ ਨੂੰ ਡਿਨਰ ‘ਤੇ ਸੱਦਣ ਦਾ ਮਨ ਬਣਾਇਆ ਸੀ।
ਕੈਪਟਨ ਦੇ ਡਿਨਰ ਦਾ ਇਹ ਸੀ MENU
ਕੈਪਟਨ ਦੇ ਡਿਨਰ ਦੇ Menu ਵਿੱਤ ਮਟਨ ਖੜਾ ਪਿਸ਼ੋਰੀ, ਲੌਂਗ ਇਲਾਇਚੀ ਚਿਕਨ, ਆਲੂ ਕੋਰਮਾ, ਦਾਲ ਮਸਰੀ, ਮੁਰਗ ਕੋਰਮਾ, ਦੁਗਾਨੀ ਬਿਰਆਨੀ ਅਤੇ ਸਵੀਟ ਡਿਸ਼ ਵਿੱਚ ਜਾਰਦਾ ਰਾਈਸ ਸਨ।
So what’s cooking? Something special indeed!@capt_amarinder #olympicswinner
Watch this space for more. pic.twitter.com/cp0YIoDpbW
— Raveen Thukral (@RT_MediaAdvPBCM) September 8, 2021
ਇਸ ਡਿਨਰ ਬਾਰੇ ਬੋਲਦਿਆਂ ਸੀਐੱਮ ਕੈਪਟਨ ਨੇ ਕਿਹਾ ਕਿ ਇਹਨਾਂ ਖਿਡਾਰੀਆਂ ਨੇ ਦੇਸ਼ ਦਾ ਮਾਣ ਵਧਾਉਣ ਲਈ ਸਖਤ ਮਿਹਨਤ ਕੀਤੀ, ਉਸਦੀ ਤੁਲਨਾ ਵਿੱਚ ਉਹਨਾਂ ਨੇ ਜੋ ਕੀਤਾ, ਉਹ ਕੁਝ ਵੀ ਨਹੀਂ ਹੈ।
