ਚੰਡੀਗੜ੍ਹ। ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਨੇ ਕਣਕ ਦੀ MSP ਵਿੱਚ ਕੀਤੇ ਨਿਗੁਣੇ ਵਾਧੇ ਨੂੰ ਲੈ ਕੇ ਕੇਂਦਰ ਸਰਕਾਰ ‘ਤੇ ਹਮਲਾ ਬੋਲਿਆ ਹੈ। ਇਸਦੇ ਨਾਲ ਹੀ ਖੇਤੀ ਕਾਨੂੰਨਾਂ ਨੂੰ ਲੈ ਕੇ ਕੇਂਦਰ ਸਣੇ ਪੰਜਾਬ ਦੀਆਂ ਪ੍ਰਮੁੱਖ ਵਿਰੋਧੀ ਧਿਰਾਂ ਨੂੰ ਨਿਸ਼ਾਨੇ ‘ਤੇ ਲਿਆ ਹੈ।
ਸਿੱਧੂ ਨੇ ਵੀਡੀਓ ਜਾਰੀ ਕਰਕੇ ਕਿਹਾ ਕਿ ਕੇਂਦਰ ਸਰਕਾਰ ਨੇ 2022 ਤੱਕ ਕਿਸਾਨਾਂ ਦੀ ਆਮਦਨ ਦੁਗਣੀ ਕਰਨ ਦਾ ਵਾਅਦਾ ਕੀਤਾ ਸੀ। ਇਸਦੇ ਉਲਟ ਗੰਨੇ ਦੀ ਪ੍ਰਤੀ ਕੁਇੰਟਲ ਕੀਮਤ ਵਿੱਚ ਸਿਰਫ਼ 1.75% ਯਾਨੀ 5 ਰੁਪਏ ਅਤੇ ਕਣਕ ਦੀ MSP ਵਿੱਚ ਸਿਰਫ਼ 2% ਯਾਨੀ 40 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ।
ਸਿੱਧੂ ਦੇ ਕਿਹਾ ਕਿ ਪਿਛਲੇ ਇੱਕ ਸਾਲ ਵਿੱਚ ਲਾਗਤ ਖਰਚ ਕਈ ਗੁਣਾ ਵੱਧ ਚੁੱਕਿਆ ਹੈ। ਇਸ ਵਿੱਚ ਡੀਜ਼ਲ ਦੀ ਕੀਮਤ 48%, DAP ਖਾਦ 140%, ਸਰੋਂ ਦਾ ਤੇਲ 174%, ਸਨਫਲਾਵਰ ਆਇਲ 170% ਅਤੇ LPG ਸਲੰਡਰ ਦੀ ਕੀਮਤ 190 ਰੁਪਏ ਵਧ ਚੁੱਕੀ ਹੈ। ਸਿੱਧੂ ਨੇ NDA ਸਰਕਾਰ ਦੀ full form ‘No data available’ ਦੱਸਦੇ ਹੋਏ ਕਿਹਾ ਕਿ ਕੇਂਦਰ ਸਰਕਾਰ ਕੋਲ ਕਿਸਾਨਾਂ, ਮਜ਼ਦੂਰਾਂ ਅਤੇ ਬੇਰੋਜ਼ਗਾਰਾਂ ਦਾ ਕੋਈ ਡਾਟਾ ਨਹੀਂ ਹੈ।
NDA means No Data Available about Farmers, Labour & Small Traders … Govt only knows about its rich corporate friends, whose debt it waives-off, whose planes it travels in & who make their Policies, such as the three Farm Laws, which benefit 0.1%, while looting the 70% of Indians pic.twitter.com/lUvxgqs05n
— Navjot Singh Sidhu (@sherryontopp) September 9, 2021
‘ਸਿਰਫ਼ ਕਾਰਪੋਰੇਟ ਦੋਸਤਾਂ ਨੂੰ ਜਾਣਦੀ ਹੈ ਸਰਕਾਰ’
ਇੱਕ ਹੋਰ ਟਵੀਟ ਵਿੱਚ ਸਿੱਧੂ ਨੇ ਕਿਹਾ, “ਕੇਂਦਰ ਸਰਕਾਰ ਸਿਰਫ਼ ਅਮੀਰ ਕਾਰਪੋਰੇਟ ਦੋਸਤਾਂ ਨੂੰ ਜਾਣਦੀ ਹੈ, ਜਿਹਨਾਂ ਦਾ ਕਰਜ਼ ਮੁਆਫ਼ ਕੀਤਾ ਜਾ ਰਿਹਾ ਹੈ। ਜਿਹਨਾਂ ਦੇ ਜਹਾਜਾਂ ਵਿੱਚ ਇਹ ਸਫਰ ਕਰਦੇ ਹਨ ਅਤੇ ਜੋ ਇਹਨਾਂ ਦੀਆਂ ਨੀਤੀਆਂ ਬਣਾਉਂਦੇ ਹਨ, ਜਿਸ ਤਰ੍ਹਾਂ ਤਿੰਨ ਖੇਤੀ ਕਾਨੂੰਨ, ਜਿਸ ਨਾਲ ਸਿਰਫ਼ 0.1% ਫਾਇਦਾ ਹੋਵੇਗਾ, ਪਰ 70% ਭਾਰਤੀਆਂ ਦੀ ਲੁੱਟ ਹੋਵੇਗੀ।”
ਸੁਖਬੀਰ ਬਾਦਲ ਅਤੇ ‘ਆਪ’ ‘ਤੇ ਵੀ ਹਮਲਾਵਰ
ਖੇਤੀ ਕਾਨੂੰਨਾਂ ‘ਤੇ ਯੂ-ਟਰਨ ਲੈਣ ਵਾਲੀ ਪਾਰਟੀ ਸ਼੍ਰੋਮਣੀ ਅਕਾਲੀ ਦਲ ‘ਤੇ ਵੀ ਪੰਜਾਬ ਕਾਂਗਰਸ ਪ੍ਰਧਾਨ ਨੇ ਹਮਲਾ ਬੋਲਿਆ। ਸਿੱਧੂ ਨੇ ਕਿਹਾ, “ਜੂਨ 2020 ਵਿੱਚ ਹੋਈ ਆਲ ਪਾਰਟੀ ਮੀਟਿੰਗ ਵਿੱਚ ਸੁਖਬੀਰ ਬਾਦਲ ਨੇ ਇਹਨਾਂ ਕਾਨੂੰਨਾਂ ਦਾ ਸਮਰਥਨ ਕੀਤਾ ਸੀ। ਪ੍ਰਕਾਸ਼ ਸਿੰਘ ਬਾਦਲ ਅਤੇ ਹਰਸਿਮਰਤ ਬਾਦਲ ਨੇ ਸਤੰਬਰ 2020 ਤੱਕ ਇਹਨਾਂ ਕਾਨੂੰਨਾਂ ਦੇ ਸਮਰਥਨ ਵਿੱਚ ਵੀਡੀਓ ਜਾਰੀ ਕੀਤੇ। ਹਾਲਾਂਕਿ ਬਾਅਦ ਵਿੱਚ ਲੋਕਾਂ ਦੇ ਦਬਾਅ ਦੇ ਚਲਦੇ ਉਹਨਾਂ ਨੂੰ ਯੂ-ਟਰਨ ਲੈਣਾ ਪਿਆ।”
Sukhbir Badal supported Farm Laws at all party meet in June 2020, Prakash S. Badal & Harsimrat Badal made videos favouring Farm Laws up-till Sept 2020 before u-turn under Public Pressure … AAP’s Delhi Govt implemented Farm Laws in Private Mandis while faking support to Farmers ! pic.twitter.com/AMOuhFbiYO
— Navjot Singh Sidhu (@sherryontopp) September 9, 2021
ਆਮ ਆਦਮੀ ਪਾਰਟੀ ਬਾਰੇ ਬੋਲਦਿਆਂ ਸਿੱਧੂ ਨੇ ਕਿਹਾ, “ਦਿੱਲੀ ਸਰਕਾਰ ਪ੍ਰਾਈਵੇਟ ਮੰਡੀਆਂ ਵਿੱਚ ਪਹਿਲਾਂ ਹੀ ਖੇਤੀ ਕਾਨੂੰਨ ਲਾਗੂ ਕਰ ਚੁੱਕੀ ਹੈ। ਹੁਣ ਉਹ ਕਿਸਾਨਾਂ ਦੇ ਸਮਰਥਨ ਦਾ ਝੂਠਾ ਦਾਅਵਾ ਕਰ ਰਹੇ ਹਨ।”
