ਬਿਓਰੋ। ਪਠਾਨਕੋਟ ਦੀ ਭੋਆ ਵਿਧਾਨ ਸਭਾ ਸੀਟ ਤੋਂ ਕਾਂਗਰਸੀ ਵਿਧਾਇਕ ਜੋਗਿੰਦਰ ਪਾਲ ਮੁੜ ਵਿਵਾਦਾਂ ਵਿੱਚ ਹਨ। ਦਰਅਸਲ, ਇੱਕ ਸਮਾਗਮ ਵਿੱਚ ਆਪਣੀਆਂ ਪ੍ਰਾਪਤੀਆਂ ਦੇ ਕਸੀਦੇ ਪੜ੍ਹ ਰਹੇ ਵਿਧਾਇਕ ਨੂੰ ਨੌਜਵਾਨ ਦੇ ਵਿਕਾਸ ਨੂੰ ਲੈ ਕੇ ਪੁੱਛਿਆ। ਇਸ ਦੌਰਾਨ ਨੌਜਵਾਨ ਨੇ ਵਿਧਾਇਕ ਲਈ ‘ਤੂੰ’ ਸ਼ਬਦ ਦਾ ਇਸਤੇਮਾਲ ਕੀਤਾ, ਉਹ ਅੱਗ-ਬਬੂਲਾ ਹੋ ਗਏ। ਵਿਧਾਇਕ ਇਸ ਕਦਰ ਭੜਕ ਗਏ ਕਿ ਉਥੇ ਮੌਜੂਦ ਲੋਕਾਂ ਦੇ ਸਾਹਮਣੇ ਹੀ ਨੌਜਵਾਨ ਦੀ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ। ਇਸ ਤੋਂ ਬਾਅਦ ਗੰਨਮੈਨਾਂ ਤੋਂ ਵੀ ਉਸਨੂੰ ਖੂਬ ਕੁਟਵਾਇਆ। ਇਹ ਵੀਡੀਓ ਨਰਾਤਿਆਂ ਦੇ ਦਿਨਾਂ ਦੀ ਦੱਸੀ ਜਾ ਰਹੀ ਹੈ।
ਕਾਂਗਰਸੀ ਵਿਧਾਇਕ ਜੋਗਿੰਦਰ ਪਾਲ ਜੈਨ ਧਾਰਮਿਕ ਸਮਾਗਮ ਵਿੱਚ ਸ਼ਾਮਲ ਹੋਣ ਲਈ ਪਹੁੰਚੇ ਸਨ। ਇਥੇ ਉਹ ਆਪਣੇ ਕੰਮਕਾਜ ਦੀ ਤਾਰੀਫ਼ ਕਰ ਰਹੇ ਸਨ, ਜਿਸ ਨੂੰ ਸੁਣਦੇ ਹੀ ਨੌਜਵਾਨ ਦੂਰੋਂ ਪੁੱਛਣ ਲੱਗਿਆ ਕਿ ਵਿਧਾਇਕ ਹੋ ਕੇ ਉਹਨਾਂ ਨੇ ਕੀ ਕੀਤਾ? ਇਹ ਸੁਣ ਕੇ ਪਹਿਲਾ ਤਾਂ ਪੁਲਿਸ ਨੇ ਉਸਨੂੰ ਰੋਕ ਲਿਆ, ਉਸਨੂੰ ਬਾਹਰ ਕੱਢਿਆ ਜਾਣ ਲੱਗਿਆ। ਇਹ ਵੇਖ ਕੇ ਵਿਧਾਇਕ ਜੋਗਿੰਦਰ ਪਾਲ ਨੇ ਕਿਹਾ ਕਿ ਉਸ ਨੌਜਵਾਨ ਨੂੰ ਕੁਝ ਨਹੀਂ ਕਹਿਣਾ। ਜੇਕਰ ਉਸਨੇ ਕੁਝ ਕਹਿਣਾ ਹੈ, ਤਾਂ ਉਹ ਆ ਕੇ ਕਹੇ। ਇਸ ਤੋਂ ਬਾਅਦ ਉਸਨੂੰ ਅੱਗੇ ਬੁਲਾਇਆ ਅਤੇ ਆਪਣਾ ਮਾਈਕ ਵੀ ਫੜਾਇਆ।
ਨੌਜਵਾਨ ਨੇ ਵਿਧਾਇਕ ਨੂੰ ਪੁੱਛਿਆ, “ਤੂੰ ਕੀ ਕੀਤਾ?” ‘ਤੂੰ’ ਸ਼ਬਦ ਸੁਣ ਕੇ ਵਿਧਾਇਕ ਭੜਕ ਗਏ। ਉਹਨਾਂ ਨੇ ਸਿੱਧੇ ਨੌਜਵਾਨ ਨੂੰ ਥੱਪੜ ਜੜ ਦਿੱਤਾ। ਇਸ ਤੋਂ ਬਾਅਦ ਗੰਨਮੈਨ ਅਤੇ ਕਾਂਗਰਸੀ ਸਮਰਥਕ ਵੀ ਇਕੱਠੇ ਹੋ ਗਏ ਅਤੇ ਉਸ ਨਾਲ ਕੁੱਟਮਾਰ ਕਰਨ ਲੱਗੇ। ਨੌਜਵਾਨ ਨੂੰ ਕੁੱਟ-ਕੁੱਟ ਕੇ ਉਥੋ ਬਾਹਰ ਕੱਢਿਆ ਗਿਆ। ਉੱਪਰ ਖੜ੍ਹੇ ਕਿਸੇ ਵਿਅਕਤੀ ਨੇ ਇਸਦੀ ਵੀਡੀਓ ਬਣਾ ਕੇ ਵਾਇਰਲ ਕਰ ਦਿੱਤੀ, ਜਿਸ ਤੋਂ ਬਾਅਦ ਵਿਧਾਇਕ ਦੀ ਗੁੰਡਾਗਰਦੀ ਨੂੰ ਲੈ ਕੇ ਹੁਣ ਪੰਜਾਬ ਦੀ ਨਵੀਂ ਸਰਕਾਰ ਵਿੱਚ ਕਾਂਗਰਸੀਆਂ ਦੇ ਰਵੱਈਏ ‘ਤੇ ਸਵਾਲ ਖੜ੍ਹੇ ਹੋ ਰਹੇ ਹਨ।
ਵੀਡੀਓ ਸਾਹਮਣੇ ਆਉਂਦੇ ਹੀ ਵਿਰੋਧੀਆਂ ਨੇ ਖੋਲ੍ਹਿਆ ਮੋਰਚਾ
ਵਿਧਾਇਕ ਦੀ ਗੁੰਡਾਗਰਦੀ ਦੀ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਵਿਰੋਧੀਆਂ ਨੇ ਉਹਨਾਂ ਦੇ ਖਿਲਾਫ਼ ਮੋਰਚਾ ਖੋਲ੍ਹ ਦਿੱਤਾ। ਸੁਖਬੀਰ ਬਾਦਲ ਨੇ ਟਵੀਟ ਕਰਕੇ ਲਿਖਿਆ, “ਭੋਆ ਤੋਂ ਕਾਂਗਰਸ ਦੇ ਵਿਧਾਇਕ ਮੇ ਇੱਕ ਮੈਨ ਨੂੰ ਉਸਦ ਲੋਕਤਾਂਤਰਿਕ ਹੱਕ ਅਤੇ ‘ਤੂੰ ਕੀ ਕੀਤਾ’ ਪੁੱਛਣ ਲਈ ਥੱਪੜ ਮਾਰਿਆ। ਮੈਂ ਉਸਦੇ ਨਾਲ ਖੜ੍ਹਾ ਹਾਂ। ਚਰਨਜੀਤ ਚੰਨੀ ਅਤੇ ਪੰਜਾਬ ਕਾਂਗਰਸ ਤੋਂ ਪੁੱਛਦਾ ਹਾਂ ਕਿ ਲੋਕਾਂ ਨੂੰ ਦੱਸਣ 2017 ਵਿੱਚ ਕੀਤੇ ਵਾਅਦਿਆਂ ਦਾ ਉਹਨਾਂ ਕੀ ਕੀਤਾ? ਪਿਛਲੇ 5 ਸਾਲਾਂ ਵਿੱਚ ਤੁਸੀਂ ਪੰਜਾਬ ਲਈ ਕੀ ਕੀਤਾ? ਮੈਂ ਪੁੱਛਦਾ ਹਾਂ- ਤੂੰ ਕੀ ਕੀਤਾ?”
INC Bhoa MLA slapped a man for exercising his democratic right & asking ‘Tu Ki Kitta?’
I stand with him. I ask @CHARANJITCHANNI @INCPunjab – tell the public what have you done about the promises made in '17? What have you done for Punjab in the last 5 yrs? I ask you #TuKiKitta ? pic.twitter.com/fJBpKY6Z7M
— Sukhbir Singh Badal (@officeofssbadal) October 20, 2021
ਅਕਾਲੀ ਆਗੂ ਬਿਕਰਮ ਸਿੰਘ ਮਜੀਠੀਆ ਨੇ ਵੀ ਵਿਧਾਇਕ ‘ਤੇ ਕਾਰਵਾਈ ਦੀ ਮੰਗ ਕਰਦੇ ਹੋਏ ਕਿਹਾ, “ਸੱਭਿਅਕ ਅਤੇ ਲੋਕਤਾਂਤਰਿਕ ਸਮਾਜ ਵਿੱਚ ਇਹ ਮਨਜ਼ੂਰ ਨਹੀਂ। ਕਾਂਗਰਸ ਪਾਰਟੀ ਦੇ ਵਾਅਦੇ ਮੁਤਾਬਕ ਆਪਣਾ ਨੌਕਰੀ ਦਾ ਹੱਕ ਮੰਗਣ ਵਾਲੇ ਦਲਿਤ ਨੌਜਵਾਨ ‘ਤੇ ਹਮਲਾ ਕਰਨ ਅਤੇ ਘਸੀਟਣ ਲਈ ਕਾਂਗਰਸੀ ਵਿਧਾਇਕ ਜੋਗਿੰਦਰ ਪਾਲ ‘ਤੇ ਕੇਸ ਦਰਜ ਹੋਵੇ ਅਤੇ ਉਸਨੂੰ ਗ੍ਰਿਫ਼ਤਾਰ ਕੀਤਾ ਜਾਵੇ। ਜੇਕਰ ਸੀਐੱਮ ਕਾਰਵਾਈ ਦਾ ਆਦੇਸ਼ ਨਹੀਂ ਦਿੰਦੇ, ਅਕਾਲੀ ਦਲ ਜੋਗਿੰਦਰ ਪਾਲ ਦਾ ਘੇਰਾਓ ਕਰੇਗਾ।”
It's unacceptable in a civilised & democratic society! Book & arrest @INCPunjab MLA Joginderpal for attacking&thrashing the SC youth who was demanding his right of job as per Cong party’s promise. If CM doesn't order action,@Akali_Dal_ will gherao Joginderpal & take him to task. https://t.co/Auf4TZxVrC
— Bikram Singh Majithia (@bsmajithia) October 20, 2021
