ਚੰਡੀਗੜ੍ਹ। ਆਯੁਸ਼ਮਾਨ ਸਕੀਮ ਦੇ ਤਹਿਤ ਚੰਡੀਗੜ੍ਹ PGI ਵਿੱਚ ਪੰਜਾਬ ਦੇ ਲੋਕਾੰ ਦਾ ਇਲਾਜ ਮੁੜ ਚਾਲੂ ਹੋਵੇਗਾ। ਪੰਜਾਬ ਸਰਕਾਰ ਨੇ ਦਾਅਵਾ ਕੀਤਾ ਹੈ ਕਿ ਉਹਨਾੰ ਨੇ PGI ਸਮੇਤ ਸਾਰੇ ਹਸਪਤਾਲਾੰ ਨੂੰ ਉਹਨਾੰ ਦਾ ਬਕਾਇਆ ਜਾਰੀ ਕਰ ਦਿੱਤਾ ਹੈ, ਜਿਸਦੇ ਚਲਦੇ ਕੋਈ ਵੀ ਹਸਪਤਾਲ ਇਲਾਜ ਤੋੰ ਇਨਕਾਰ ਨਹੀੰ ਕਰ ਸਕਦਾ।
ਖਜ਼ਾਨਾ ਮੰਤਰੀ ਹਰਪਾਲ ਚੀਮਾ ਦੇ ਮੁਤਾਬਕ, ਜੇਕਰ ਕਿਸੇ ਹਸਪਤਾਲ ਨੇ ਮੁਫਤ ਇਲਾਜ ਦੇਣ ਵਿੱਚ ਆਨਾਕਾਨੀ ਕੀਤੀ, ਤਾੰ ਸਰਕਾਰ ਸਖਤ ਕਾਰਵਾਈ ਕਰੇਗੀ। ਚੀਮਾ ਨੇ ਕਿਹਾ ਕਿ ਆਯੁਸ਼ਮਾਨ ਸਕੀਮ ਦਾ ਸਮਝੌਤਾ ਪਿਛਲੀ ਕਾੰਗਰਸ ਸਰਕਾਰ ਨੇ ਦਸੰਬਰ ‘ਚ ਤੋੜਿਆ ਸੀ, ਪਰ ਅਸੀੰ ਇਸ ਨੂੰ ਜਾਰੀ ਰੱਖਿਆ ਹੈ ਅਤੇ ਕੋਈ ਵੀ ਮੁਫਤ ਇਲਾਜ ਤੋੰ ਇਨਕਾਰ ਨਹੀੰ ਕਰ ਸਕਦਾ।
ਵਿਰੋਧੀਆੰ ਦੇ ਨਿਸ਼ਾਨੇ ‘ਤੇ ਸਰਕਾਰ
ਦਰਅਸਲ, PGI ਚੰਡੀਗੜ੍ਹ ਨੇ ਪੰਜਾਬ ਸਰਕਾਰ ਵੱਲ 16 ਕਰੋੜ ਰੁਪਏ ਬਕਾਇਆ ਦੱਸਦੇ ਹੋਏ ਮੰਗਲਵਾਰ ਤੋੰ ਇਲਾਜ ਲਈ ਇਨਕਾਰ ਕਰ ਦਿੱਤਾ ਸੀ। ਇਸਦੇ ਵਿਰੋਧ ਵਿੱਚ ਵਿਰੋਧੀਆੰ ਨੇ ਆਮ ਆਦਮੀ ਪਾਰਟੀ ਅਤੇ CM ਭਗਵੰਤ ਮਾਨ ਨੂੰ ਘੇਰਨਾ ਸ਼ੁਰੂ ਕਰ ਦਿੱਤਾ।
ਪੰਜਾਬ ਕਾੰਗਰਸ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ CM ਭਗਵੰਤ ਮਾਨ ਨੂੰ ਪੁੱਛਿਆ, “ਕੀ ਇਹ ਓਹੀ ਹੈਲਥ ਮਾਡਲ ਹੈ, ਜਿਸ ਨੂੰ ਉਹ ਪੰਜਾਬ ‘ਚ ਲਾਗੂ ਕਰਨਾ ਚਾਹੁੰਦੇ ਸਨ। ਹੁਣ PGI ਨੇ ਵੀ ਬਕਾਇਆ ਨਾ ਦੇਣ ‘ਤੇ ਇਲਾਜ ਤੋੰ ਇਨਕਾਰ ਕਰ ਦਿੱਤਾ ਹੈ।” ਉਹਨਾੰ ਨੇ ਸ਼ੱਕ ਜਤਾਇਆ ਕਿ ਕਿਤੇ ਇਹ ਜਾਣਬੁੱਝ ਕੇ ਤਾੰ ਨਹੀੰ ਕੀਤਾ ਜਾ ਰਿਹਾ ਕਿ ਮਰੀਜ਼ ਇਲਾਜ ਲਈ ਪ੍ਰਾਈਵੇਟ ਹਸਪਤਾਲਾੰ ਵਿੱਚ ਜਾਣ ਨੂੰ ਮਜਬੂਰ ਹੋ ਜਾਣ।
Patients refused treatment in hospitals. Hospitals without medicines. Schools without teachers. Students without books.
Classic @AamAadmiParty Health Model and Education Model being USHERED in Punjab.
Great change 'BADLAAV' indeed, doesn't matter even if it's for worse. pic.twitter.com/TSnP2bmr8z— Amarinder Singh Raja Warring (@RajaBrar_INC) August 3, 2022
ਅਕਾਲੀ ਆਗੂ ਪਰਮਬੰਸ ਸਿੰਘ ਬੰਟੀ ਰੋਮਾਣਾ ਨੇ ਕਿਹਾ ਕਿ PGI ਤੋੰ ਇਲਾਵਾ ਸੈਕਟਰ-32 ਅਤੇ 16 ਹਸਪਤਾਲ ਵਿੱਚ ਮਰੀਜ਼ਾੰ ਦਾ ਇਲਾਜ ਬੰਦ ਕਰ ਦਿੱਤਾ ਗਿਆ ਹੈ। PGI ਚੰਡੀਗੜ੍ਹ ਦਾ 16 ਕਰੋੜ, ਸੈਕਟਰ-16 ਹਸਪਤਾਲ ਦੇ 3 ਕਰੋੜ ਅਤੇ 2.5 ਕਰੋੜ ਸੈਕਟਰ-32 ਮੈਡੀਕਲ ਕਾਲਜ ਦਾ ਬਕਾਇਆ ਪਿਆ ਹੈ। ਕੀ ਇਹੀ ਪੰਜਾਬ ਸਰਕਾਰ ਦਾ ਦਿੱਲੀ ਮਾਡਲ ਹੈ?
ਬੀਜੇਪੀ ਦੇ ਜਨਰਲ ਸਕੱਤਰ ਜੀਵਨ ਗੁਪਤਾ ਨੇ ਕਿਹਾ ਕਿ ਪੰਜਾਬ ਸਰਕਾਰ ਲਈ ਇਹ ਸ਼ਰਮ ਦੀ ਗੱਲ ਹੈ। ਮੋਦੀ ਸਰਕਾਰ ਨੇ ਗਰੀਬ ਆਦਮੀ ਲਈ 5 ਲੱਖ ਤੱਕ ਦੇ ਮੁਫਤ ਇਲਾਜ ਦੀ ਸੁਵਿਧਾ ਦਿੱਤੀ ਸੀ। ਇਸਦੇ ਉਲਟ ਆਯੁਸ਼ਮਾਨ ਯੋਜਨਾ ਦਾ ਕੁਝ ਹਿੱਸਾ ਵੀ ਜਮ੍ਹਾੰ ਨਹੀੰ ਕਰਾ ਰਹੇ। ਉਹਨਾੰ ਕਿਹਾ ਕਿ ਭਗਵੰਤ ਮਾਨ ਸਰਕਾਰ ਆਪਣੇ ਹਨੀਮੂਨ ਪੀਰੀਅਡ ਤੋੰ ਬਾਹਰ ਆਏ ਅਤੇ ਪੈਸੇ ਜਮ੍ਹਾੰ ਕਰਵਾਏ, ਤਾੰ ਜੋ ਗਰੀਬਾੰ ਅਤੇ ਲੋੜਵੰਦਾੰ ਦਾ ਇਲਾਜ ਹੋ ਸਕੇ।
