ਚੰਡੀਗੜ੍ਹ, September 2, 2022
ਪੰਜਾਬ ਪੁਲਿਸ ਨੇ ਮੱਧ ਪ੍ਰਦੇਸ਼ ਤੋੰ ਚੱਲ ਰਹੇ ਗੈਰ-ਕਾਨੂੰਨੀ ਹਥਿਆਰਾੰ ਦੀ ਤਸਕਰੀ ਕਰਨ ਵਾਲੇ ਮੌਡਿਊਲ ਦਾ ਪਰਦਾਫਾਸ਼ ਕਰਦਿਆੰ 2 ਲੋਕਾੰ ਨੂੰ ਕਾਬੂ ਕੀਤਾ ਹੈ। ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮ ਅਸਲਾ ਸਪਲਾਇਰ ਦੱਸੇ ਜਾ ਰਹੇ ਹਨ, ਜਿਹਨਾੰ ਤੋੰ .32 ਬੋਰ ਅਤੇ .30 ਬੋਰ ਦੀਆੰ 55 ਪਿਸਤੌਲਾੰ ਵੀ ਬਰਾਮਦ ਕੀਤੀਆੰ ਹਨ।
ਪੰਜਾਬ ਪੁਲਿਸ ਮੁਤਾਬਕ, ਇਹ ਦੋਵੇੰ ਅਸਲਾ ਸਪਲਾਇਰ ਵੱਡੇ ਪੱਧਰ ‘ਤੇ ਹਥਿਆਰਾੰ ਦੇ ਗੈਰ-ਕਾਨੂੰਨੀ ਨਿਰਮਾਣ ਅਤੇ ਮੱਧ ਪ੍ਰਦੇਸ਼ ਤੋੰ ਪੰਜਾਬ ਸਣੇ ਹੋਰ ਰਾਜਾੰ ਵਿੱਚ ਹਥਿਆਰਾੰ ਦੀ ਸਪਲਾਈ ਵਿੱਚ ਸ਼ਾਮਲ ਸਨ। ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮਾੰ ਦੀ ਪਛਾਣ ਮੱਧ ਪ੍ਰਦੇਸ਼ ਦੇ ਜ਼ਿਲ੍ਹਾ ਖਰਗੋਨ ਦੇ ਪਿੰਡ ਰਤਵਾ ਦੇ ਭੋਰੇ ਲਾਲ ਉਰਫ ਮਨੀਸ਼ ਬਾੜੇ ਅਤੇ ਜ਼ਿਲ੍ਹਾ ਬੁਰਹਾਨਪੁਰ ਦੇ ਪਿੰਡ ਦੱਤ ਪਹਾੜੀ ਦੇ ਕੈਲਾਸ਼ ਮੱਲ ਸਿੰਘ ਵਜੋੰ ਹੋਈ ਹੈ। ਪੰਜਾਬ ਪੁਲਿਸ ਦੀ ਕਾਊੰਟਰ ਇੰਟੈਲੀਜੈੰਸ ਯੂਨਿਟ ਨੇ ਮੱਧ ਪ੍ਰਦੇਸ਼ ਪੁਲਿਸ ਦੀ ਮਦਦ ਨਾਲ ਮੱਧ ਪ੍ਰਦੇਸ਼ ਤੋੰ ਗ੍ਰਿਫ਼ਤਾਰ ਕੀਤਾ ਹੈ।
ਇਸ ਤਰ੍ਹਾੰ ਮੌਡਿਊਲ ਦਾ ਪਰਦਾਫਾਸ਼ ਕਰ ਸਕੀ ਪੁਲਿਸ
DGP ਗੌਰਵ ਯਾਦਵ ਨੇ ਦੱਸਿਆ ਕਿ CI ਅੰਮ੍ਰਿਤਸਰ ਦੀ ਯੂਨਿਟ ਵੱਲੋੰ 3 ਮਹੀਨੇ ਪਹਿਲਾੰ ਰੇਲਵੇ ਕ੍ਰਾਸਿੰਗ ਵੱਲਾ ਮੰਡੀ ਤੋੰ 2 ਲੋਕਾੰ ਨੂੰ 4 ਪਿਸਤੌਲਾੰ ਸਣੇ ਕਾਬੂ ਕੀਤਾ ਸੀ। ਇਸ ਮਾਮਲੇ ਦੀ ਜਾੰਚ ਦੌਰਾਨ ਜਦੋੰ ਲਿੰਕ ਜੋੜੇ ਗਏ, ਤਾੰ ਸਾਹਮਣੇ ਆਇਆ ਕਿ ਇਹ ਪਿਸਤੌਲਾੰ MP ਦੇ ਬੁਰਹਾਨਪੁਰ ਤੋੰ ਚੱਲ ਰਹੇ ਇੱਕ ਇੰਟਰ-ਸਟੇਟ ਗੈਰ-ਕਾਨੂੰਨੀ ਹਥਿਆਰਾੰ ਦੇ ਕਾਰੋਬਾਰ ਵਾਲੇ ਗਿਰੋਹ ਵੱਲੋੰ ਸਪਲਾਈ ਕੀਤੀਆੰ ਗਈਆੰ ਸਨ। ਇਸ ਤੋੰ ਬਾਅਦ CI ਅੰਮ੍ਰਿਤਸਰ ਦੀ ਇੱਕ 15-ਮੈੰਬਰੀ ਟੀਮ ਨੂੰ ਇੰਸਪੈਕਟਰ ਇੰਦਰਦੀਪ ਸਿੰਘ ਦੀ ਅਗਵਾਈ ਵਿੱਚ MP ਭੇਜਿਆ ਗਿਆ, ਜਿਸ ਤੋੰ ਬਾਅਦ ਇਹਨਾੰ 2 ਅਸਲਾ ਸਪਲਾਇਰਾੰ ਦੀ ਗ੍ਰਿਫ਼ਤਾਰੀ ਨਾਲ ਇਸ ਪੂਰੇ ਮੌਡਿਊਲ ਦਾ ਪਰਦਾਫਾਸ਼ ਕੀਤਾ ਗਿਆ।
ਅਪਰੇਸ਼ਨ ਅਜੇ ਜਾਰੀ ਹੈ- DGP ਯਾਦਵ
DGP ਗੌਰਵ ਯਾਦਵ ਨੇ ਕਿਹਾ ਕਿ ਅਪਰੇਸ਼ਨ ਅਜੇ ਵੀ ਜਾਰੀ ਹੈ ਅਤੇ ਹੋਰ ਹਥਿਆਰ ਤੇ ਗੋਲਾ-ਬਾਰੂਦ ਬਰਾਮਦ ਹੋਣ ਦੀ ਕਾਫੀ ਸੰਭਾਵਨਾ ਹੈ।
