ਚੰਡੀਗੜ੍ਹ। ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਕੇਸ ‘ਚ ਮਾਨਸਾ ਪੁਲਿਸ ਨੇ 1850 ਪੰਨਿਆੰ ਦੀ ਚਾਰਜਸ਼ੀਟ ਦਾਖਲ ਕਰ ਦਿੱਤੀ ਹੈ। ਇਸ ਚਾਰਜਸ਼ੀਟ ਵਿੱਚ 24 ਕਾਤਲਾੰ ਸਮੇਤ ਕੁੱਲ 36 ਮੁਲਜ਼ਮਾੰ ਦੇ ਨਾੰਅ ਦਿੱਤੇ ਗਏ ਹਨ ਅਤੇ ਕਤਲ ਦਾ ਮਾਸਟਰਮਾਈੰਡ ਗੈੰਗਸਟਰ ਲਾਰੈੰਸ ਬਿਸ਼ਨੌਈ ਨੂੰ ਦੱਸਿਆ ਗਿਆ ਹੈ। ਵਿਦੇਸ਼ ‘ਚ ਬੈਠੇ 4 ਗੈੰਗਸਟਰ ਗੋਲਡੀ ਬਰਾੜ, ਲਿਪਿਨ ਨਹਿਰਾ, ਸਚਿਨ ਥਾਪਨ ਅਤੇ ਅਨਮੋਲ ਦੇ ਨਾੰਅ ਵੀ ਚਾਰਜਸ਼ੀਟ ਵਿੱਚ ਸ਼ਾਮਲ ਹਨ।
ਰੇਕੀ ਕਰਨ ਵਾਲੇ ਤੋੰ ਲੈ ਕੇ ਸ਼ੂਟਰਾੰ ਤੱਕ ਦੇ ਨਾੰਅ
ਪੁਲਿਸ ਵੱਲੋੰ ਦਾਖਲ ਚਾਰਜਸ਼ੀਟ ਵਿੱਚ ਮੂਸੇਵਾਲਾ ਦੀ ਰੇਕੀ ਕਰਨ ਵਾਲੇ ਸੰਦੀਪ ਕੇਕੜਾ ਦਾ ਨਾੰਅ ਵੀ ਸ਼ਾਮਲ ਹੈ। ਸ਼ੂਟਰ ਪ੍ਰਿਅਵਰਤ ਫੌਜੀ, ਅੰਕਿਤ ਸੇਰਸਾ ਅਤੇ ਕਸ਼ਿਸ਼ ਉਰਫ ਕੁਲਦੀਪ ਦਾ ਵੀ ਨਾੰਅ ਹੈ। ਅੰਮ੍ਰਿਤਸਰ ‘ਚ ਪੁਲਿਸ ਐਨਕਾਊੰਟਰ ‘ਚ ਮਾਰੇ ਗਏ ਸ਼ੂਟਰ ਮਨਪ੍ਰੀਤ ਮੰਨੂੰ ਕੁੱਸਾ ਤੇ ਜਗਰੂਪ ਰੂਪਾ ਦਾ ਨਾੰਅ ਵੀ ਚਾਰਜਸ਼ੀਟ ਵਿੱਚ ਸ਼ਾਮਲ ਹੈ। ਇਸ ਤੋੰ ਇਲਾਵਾ ਇਹਨਾੰ ਦੀ ਮਦਦ ਕਰਨ ਵਾਲੇ ਗੈੰਗਸਟਰ ਮਨਪ੍ਰੀਤ ਭਾਊ, ਮਨਪ੍ਰੀਤ ਮੰਨਾ, ਸਰਾਜ ਮਿੰਟੂ, ਮਨਮੋਹਨ ਮੋਹਣਾ ਤੇ ਸਚਿਨ ਭਿਵਾਨੀ ਦਾ ਵੀ ਬਿਓਰਾ ਦਿੱਤਾ ਗਿਆ ਹੈ।
ਕਤਲ ਸਮੇੰ ਮੂਸੇਵਾਲਾ ਨਾਲ ਮੌਜੂਦ ਦੋਸਤ ਗਵਾਹ
ਇਸ ਤੋੰ ਇਲਾਵਾ 122 ਗਵਾਹਾੰ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ, ਜਿਹਨਾੰ ਵਿੱਚ ਕਤਲ ਸਮੇੰ ਮੂਸੇਵਾਲਾ ਦੇ ਨਾਲ ਮੌਜੂਦ ਦੋਸਤ, ਚਸ਼ਮਦੀਦ, ਪੋਸਟਮਾਰਟਮ ਕਰਨ ਵਾਲੇ ਡਾਕਟਰ, ਸ਼ੂਟਰਾੰ ਦੇ ਠਹਿਰਣ ਵਾਲੇ ਹੋਟਲ ਸਟਾਫ ਸਮੇਤ ਕਈ ਲੋਕ ਸ਼ਾਮਲ ਹਨ।
ਕਤਲ ‘ਚ ਇਸਤੇਮਾਲ 3 ਹਥਿਆਰ ਮਿਲੇ- SSP
ਮਾਨਸਾ ਦੇ SSP ਮੁਤਾਬਕ, ਇਸ ਕੇਸ ਵਿੱਚ ਹੁਣ ਤੱਕ 20 ਲੋਕ ਗ੍ਰਿਫ਼ਤਾਰ ਹੋ ਚੁੱਕੇ ਹਨ ਅਤੇ 2 ਸ਼ੂਟਰਾੰ ਦਾ ਐਨਕਾਊੰਟਰ ਹੋ ਚੁੱਕਿਆ ਹੈ। ਉਹਨਾੰ ਕਿਹਾ ਕਿ ਮੂਸੇਵਾਲਾ ਦੇ ਕਤਲ ‘ਚ ਇਸਤੇਮਾਲ AK47 ਅਤੇ 2 ਪਿਸਟਲ ਬਰਾਮਦ ਹੋ ਚੁੱਕੇ ਹਨ। ਇਹ ਹਥਿਆਰ ਅੰਮ੍ਰਿਤਸਰ ‘ਚ ਪੁਲਿਸ ਐਨਕਾਊੰਟਰ ਦੌਰਾਨ ਮਾਰੇ ਗਏ ਮੰਨੂੰ ਕੁੱਸਾ ਤੇ ਰੂਪਾ ਤੋੰ ਬਰਾਮਦ ਹੋਏ ਸਨ।
ਵਿਦੇਸ਼ ਬੈਠੇ ਗੈੰਗਸਟਰ ਵਾਪਸ ਲਿਆੰਦੇ ਜਾਣਗੇ
ਓਧਰ ਇਸ ਪੂਰੇ ਮਾਮਲੇ ਵਿੱਚ ਪੰਜਾਬ ਪੁਲਿਸ ਵਿਦੇਸ਼ ਵਿੱਚ ਬੈਠੇ ਉਹਨਾੰ ਗੈੰਗਸਟਰਾੰ ਦੇ extradition ਦੀ ਵੀ ਤਿਆਰੀ ਵਿੱਚ ਹੈ, ਜਿਹਨਾੰ ਦਾ ਨਾੰਅ ਚਾਰਜਸ਼ੀਟ ਵਿੱਚ ਸ਼ਾਮਲ ਹੈ। ਇਹ ਪ੍ਰਕਿਰਿਆ ਚਲਾਨ ਪੇਸ਼ ਹੋਣ ਤੋੰ ਪਹਿਲਾੰ ਸੰਭਵ ਨਹੀੰ ਸੀ। ਹੁਣ ਚਲਾਨ ਪੇਸ਼ ਹੋਣ ਤੋੰ ਬਾਅਦ ਪੰਜਾਬ ਪੁਲਿਸ ਭਾਰਤ ਸਰਕਾਰ ਦੇ ਨਾਲ ਮਿਲ ਕੇ ਇਸ ਨੂੰ ਤੇਜ਼ੀ ਨਾਲ ਸਿਰੇ ਚੜ੍ਹਾਏਗੀ।
ਹਰ ਪਹਿਲੂ ਤੋੰ ਮਾਮਲੇ ਦੀ ਜਾੰਚ ਜਾਰੀ- SSP
SSP ਗੌਰਵ ਤੂਰਾ ਨੇ ਕਿਹਾ ਕਿ ਮੂਸੇਵਾਲਾ ਦਾ ਪਰਿਵਾਰ ਇਸ ਕਤਲ ਮਾਮਲੇ ‘ਚ ਬਹੁਤ ਵੱਡੀ ਸਾਜ਼ਿਸ਼ ਦਾ ਦਾਅਵਾ ਕਰ ਰਿਹਾ ਹੈ, ਜਿਸ ਤੋੰ ਬਾਅਦ SIT ਪੂਰੀ ਸਾਜ਼ਿਸ਼ ਨੂੰ ਬੇਨਕਾਬ ਕਰਨ ਵਿੱਚ ਲੱਗੀ ਹੈ। ਉਹਨਾੰ ਕਿਹਾ ਕਿ ਪੁਰਾਣੀ ਰੰਜਿਸ਼ ਅਤੇ ਵਿਵਾਦ ਦੀ ਵੀ ਜਾੰਚ ਹੋ ਰਹੀ ਹੈ ਅਤੇ ਪੁਲਿਸ ਲਗਾਤਾਰ ਮੂਸੇਵਾਲਾ ਦੇ ਮਾਤਾ-ਪਿਤਾ ਦੇ ਸੰਪਰਕ ਵਿੱਚ ਹੈ।
