ਬਿਓਰੋ। ਪੰਜਾਬੀ ਗਾਇਕ ਸਿੱਪੀ ਗਿੱਲ ਦੀਆਂ ਮੁਸ਼ਕਿਲਾਂ ਵਧਦੀਆਂ ਹੋਈਆਂ ਨਜ਼ਰ ਆ ਰਹੀਆਂ ਹਨ। ਦਰਅਸਲ, ਹਾਲ ਹੀ ‘ਚ ਸਿੱਪੀ ਗਿੱਲ ਨੇ ਬੱਬਰ ਸ਼ੇਰ ਦੇ ਨਾੰਅ ਤੋਂ ਆਪਣੀ ਇੱਕ ਐਲਬਮ ਰਿਲੀਜ਼ ਕੀਤੀ ਸੀ, ਜਿਸ ‘ਚ ਉਹਨਾਂ ਨੇ ਘੋੜਿਆਂ ਅਤੇ ਦੂਜੇ ਜਾਨਵਰਾਂ ਨੂੰ ਵਿਖਾਇਆ ਸੀ। ਬੱਸ ਇਸੇ ਗੱਲ ‘ਤੇ ਸਿੱਪੀ ਹੁਣ ਮੁਸ਼ਕਿਲ ‘ਚ ਫਸ ਗਏ ਹਨ।
ਦਰਅਸਲ, ਇਲਜ਼ਾਮ ਹੈ ਕਿ ਸਿੱਪੀ ਨੇ ਬਿਨ੍ਹਾਂ ਸਰਕਾਰੀ ਇਜਾਜ਼ਤ ਲਏ ਅਜਿਹਾ ਕੀਤਾ। ਸਮਾਜਸੇਵੀ ਪੰਡਤ ਰਾਓ ਧਰਨੇਵਰ ਨੇ ਇਸਦੀ ਸ਼ਿਕਾਇਤ ਕੀਤੀ, ਤਾਂ ਹੁਣ ਕੇਂਦਰ ਸਰਕਾਰ ਦੇ ਭਾਰਤੀ ਪਸ਼ੂ ਕਲਿਆਣ ਬੋਰਡ ਨੂੰ ਕੀਤੀ। ਬੋਰਡ ਨੇ ਕਰੜਾ ਨੋਟਿਸ ਲੈਂਦੇ ਹੋਏ ਉਹਨਾਂ ਤੋਂ ਜਵਾਬ ਮੰਗ ਲਿਆ ਹੈ। ਸਿੱਪੀ ਨੂੰ 7 ਦਿਨਾਂ ਦੇ ਅੰਦਰ ਕਾਰਨ ਦੱਸੋ ਨੋਟਿਸ ਦਾ ਜਵਾਬ ਦੇਣਾ ਪਏਗਾ।
ਪੰਜਾਬੀ ਸੱਭਿਆਚਾਰ ਅਤੇ ਪੰਜਾਬੀ ਵਿਰਾਸਤ, ਜਿਸਨੇ ਪੂਰੀ ਦੁਨੀਆ ‘ਚ ਆਪਣੀ ਵੱਖਰੀ ਪਛਾਣ ਬਣਾਈ ਹੈ, ਪਰ ਆਧੁਨਿਕ ਗਾਇਨ ਨੇ ਵਿਰਾਸਤ ਨੂੰ ਹਥਿਆਰ ਤੇ ਸ਼ਰਾਬ ਨਾਲ ਜੋੜਿਆ ਹੈ। ਅੱਜ ਦੇ ਗਾਇਕ ਆਪਣੇ ਗੀਤਾਂ ‘ਚ ਸ਼ਰਾਬ ਅਤੇ ਹਥਿਆਰਾਂ ਦਾ ਪ੍ਰਚਾਰ ਕਰ ਰਹੇ ਹਨ। ਪ੍ਰੋਫੈਸਰ ਪੰਡਤ ਰਾਓ ਧਰਨੇਵਰ ਲੰਮੇ ਸਮੇਂ ਤੋਂ ਅਜਿਹੇ ਗਾਇਕਾਂ ਦੇ ਖਿਲਾਫ਼ ਅਵਾਜ਼ ਚੁੱਕ ਕੇ ਪੰਜਾਬੀ ਸੱਭਿਆਚਾਰ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
